☼ ☼ الهنوف في ربوع ماليزيا 2012 ☼ ☼

[*الهنوف*]

http://www.google.com/imgres?q=تحيه...5&ved=1t:429,r:12,s:43,i:248&biw=1280&bih=633


اسال الله ان تكونوا بخير وعافيه


اقدم لكم تقريري المصور لرحلتي لماليزيا لصيف 2012

وسامحوني اذا تأخرت في انزال جزء من الاجزاء
فالتقرير يحتاج لعمل وجهد

مع تمنايتي ان ينال تقريري علي رضاكم

 

[ام مهاوش]

ناطرينج

 

[*الهنوف*]

بسم الله الرحمن الرحيم


الحمدلله اولا انه تمم علينا سفرتنا بسلامه
ووهبنا نعمة هالسفره نغير جو ونرتاح..
يستاهل الحمد




رحلتنا كانت كالاتي:

٤ ايام مدينة سلانجور /بالصن وي لاقون
٣ ايام مدينة جنتنق /بالفرست وورد
٤ ايام بنانق / يومين بالهاردو ويومين بالبي فيو
٤ ايام كوالالمبور / دورسيت رجنسي


كانت بتاريخ ٥/٣١ - ٦/16
محذوف منهم يومين مالات السفر
فالاقامة كانت ١٥ يوم

كل حجوزات الفنادق من موقع بوكينج
والطيران الاتحاد والداخلي اير اسيا ..بعد حجزنا من النت

تكلفةالتذكره:-
215 دينار كويتي -ترانزيت بوظبي
6 ساعات للذهاب
وساعه ونص للعوده


نبدي ......
2012/5/31

رحنا المطار س ٣:٠٠ العصر بسرعه خلصنا شغلنا وطقينا فره بالسوق الحره لان كنت ابي عطر

وقع اختياري علي اسكادا خفيف وصيفي



اقلعنا ٥:٢٠ بالتمام
الرحله كانت قصيره ماحسيت بالوقت



قدمو لنا سناك(الله يديم النعمه)
صمونه بااارده وكلها بصل وبطل ماي
لو حاطين توست بجبن ابرك والله



وصلنا بوظبي ٨م بتوقيت بوظبي،، ٧بتوقيت الكويت
قزرنا الترانزيت بتضبيط جدول رحلاتنا والبحث بالنت والعشا



طرنا بعدين س ١:٤٠ص



اهني بدت رحلة المعاااااااااااااناة
ماتوقعت جذي الرحله غثيثه

عطونا بطانيه وجنطه صغيره فيها (فرشه ومعجون-وسدادة اذون -دلاغات-ومالت العين )



افلامهم كانت حلوه واختيارات متعدده موسقى واغاني وافلام كل الجنسيات وبرامج



طبعا اول ماركبنا عطونا نفس السناك الفاشل وزادو عليه بسكوت ومعمول ..يعني مرقعينها




نمت وقعدت مليون مره وتابعت شوي فلم هندي(دون 2)شاروخ خان
الرحله متعبه صج يبي لها فرست كلاس


قعدت ولا اثاريهم موزعين الفطور ولما طلبت منهم قالت وجبة البيض خالصه تبين نودلز قلت لا .....احد يتريق نودلز
قالت خل اشوفلج شي ثاني وجابت لي فطور فرسني
نظام موز محموس وتوست بعسل وزبده وعصير برتقال وزبادي فواكهه.

كليته غصب عشان بس اسكت عصافير بطني
وهم اقول لو حاطين توست وجبن احسن والله

الطيران حلو ونظيف ومواعيده تمام بس وجباتهم مو شي

المهم وصلنا اخيرا


ركبنا قطار اللي يوصل لمطار الامتعه



خذيت جنطتي وخذينا تكسي المطار (للصن وي) ب 85رنقت
نظامهم في كاونتر يعطونكم تذاكر للتكسي وفعلا تكسي المطار ارخص من اللي بره

اتجهنا لمدينة سلانجور اللي فيها فندقنا الصن وي لاقون



هذي خريطة جزء من ماليزيا وفيها المدن المعهوده





****
:eh_s(7):اكتفي بهالقدر
وانتظروني قريبا وحياكم بأي استفسار
يخص هالجزء

​

 

[fan fojy]

الحمدالله ع السلامه الهنوف
بدايه موفقه

بليز لاتاخرين علينااا ..

 

[** آية من الجمال **]

الحمدالله ع السلامة وبداية حلوة

سؤالي؟ ماحتجتو تكتبين ورقة فيزا بالطيارة أو شي؟

وشلون القطار لاستلام الأمتعة واضحه طريقته ووين ننزل؟ أرجو الإفادة

 

[*الهنوف*]

شوية معلومات ممكن تفيدكم:

ماليزيا اغلب الاماكن عندهم سياحيه تسكر عال ١٠
فلي يحب السهر ماتنفعه او يرضي بالواقع ويسهر بداره
لاحظو قلت داره مو الوبي او الحديقه الخارجيه
لانها بعد تسكر مبجر


بالنسبه للتكاسي تري بعضهم ينصبون عليكم
وفي التكاسي الحمر والزرق
الحمر ارخص من الزرق
كاسروهم وبينو لهم انكم جايين قبل هالمره وتعرفون الحسبه
يعني جوله ٤ ساعات ب ١٠٠ رنجت وتختلف الاسعار مع اختلاف المدن لان بجنتق رحله ٤ ساعات ٢٠٠ رنجت

احنا انصب علينا باول طلعه لنا بس ماعليها تعلمنا


بالنسبه للثيم بارك الي اهيا الاكوابارك
لحد يروح لها يوم السبت والاحد
انا طافني هالشي معن (العضوه/همبه كويتيه) حذرتنا
زحممممه ودور عالالعاب وحوض الامواج عسا ما مديت ايدي كفخت اللي جمبي
وهذا يكفخني برجله والثاني بيده


لازم تتعشون قبل ١٠ يعني س ٩ لان بعدها بتاكلون هوي


بالنسبه لاي سوال عن تذاكر دخول المنتزهات ماذكر شي
وهالسوال ماله داعي لان كل مكان عنده اسعار التذاكر معلقه وثابته


يمكن اكون مدحت شي انتم مايعجبكم
ويمكن ماعجبني شي وذميته غيري يعجبه
الناس اذواق بلاخير
فالبحث بالنت وتسئلون اللي راح من قبل افضل لزيادة المعلومات

رغم اني رحت اماكن كانو مادحينها لي وشفتها ممله وماتسوى العنوه والفلوس اللي انقطت


نصيييييحه لاتعتمدون علي تقارير قبل2010
لان الديره تتغير وهالتقارير يكون فيها اجدد الاماكن والرحلات السياحيه



واذا عندكم رحله بالنص بالطياره لاتشترون شي من المنطقه اللي كنتو فيها عشان الوزن لايزيد
وهذا سعر الوزن( لاسيا اير)
لكل راكب ٩ كيلو فري
كل كيلو زياده ٢٠ رنجت
(راح اذكر تجربتي معاهم اخر التقرير لما انتقل لكوالالمبور)



اسعار ماليزيا نفس الكويت ،ديرتهم غاليه
ال ١٠٠ رنجت = ٨ دنانير و٧٠٠ فلس
هذا بتاريخ يونيو ٢٠١٢
فيمكن يرتفع وينزل



اذا بتنتقلون من مدينه لي مدينه يفضضضضل تسوون الشيك اوت مبجر
(وراح تشوفون شصار فيني بسبب هالغلطه لما انتقلنا من سلانجور لجنتق)

 

[*الهنوف*]

الله يسلمكم

الحمدالله ع السلامة وبداية حلوة

سؤالي؟ ماحتجتو تكتبين ورقة فيزا بالطيارة أو شي؟

وشلون القطار لاستلام الأمتعة واضحه طريقته ووين ننزل؟ أرجو الإفادة

لا حبيبتي لغوا سالفة الورقه هذي
يلزقون دايركت ورقة الفيزا على جوازج
القطار حيل واضح وانتي لما تنزلين دايركت امشي ورا الناس تدلين طريقج
المطار الاول حق الوصول وختم الجواز وبعد القطار تروحين عشان استلام الحقائب

 

[كريستال]

مشكوووره

متابعتج حبيبتي

 

[حلاي غيــر]

ماشاءالله خووووش بدايه رحله موووفقه ماشاءالله

وتقريرررر بداية حمااااسية تكفين كمليه باقرب فرصه لان طيراتي الاسبوع الجاي ونفس طيارانج الاتحاااااد

مادري كراسيه صج ضيقه والا عادي تاخذين راحتج فيها يعني جديد الطيــــــــــــــراان

 

[مـ ع ـزوفة حز*ن]

،،،

الحمدالله عالسلآمه هنووووفه



فدييييتج نآطره التقرير على أحر من الجمر



فديييت قلبج متآبعه


.............

........

...

 

[*الهنوف*]

ماشاءالله خووووش بدايه رحله موووفقه ماشاءالله

وتقريرررر بداية حمااااسية تكفين كمليه باقرب فرصه لان طيراتي الاسبوع الجاي ونفس طيارانج الاتحاااااد

مادري كراسيه صج ضيقه والا عادي تاخذين راحتج فيها يعني جديد الطيــــــــــــــراان

تسلمين يالغلا
تروحين وتردين بالسلامه

والله النت عندي يعل وبطئ وتحميل الصور يغث
ولا ودي الحين انزل كل التقرير

الطيران نظيف وحلو لكن عيبه وجباتهم و الكراسي حشره للاسف
انا اللي تعبني ركبي من كثر الثنيه لولا الفشله ولا جان رفعت رجلي على الكرسي اللي جدامي

 

[fan fojy]

up up
بليز كنت متابعتج متحمسه لتقريرج نزليه بسرعه

 

[سارة ة]

اااب
كملي
متابعه

 

[مسك وطيب]

الحمدلله على سلامتج ,,,

ماليزيا ونيسه وصاجه تعتبر غاليه اهما عملتهم نفس السعوديه

ناااطرين التكمله

 

[الغـــــزال]

حمدالله ع السلامه ي الهنوف
وأن شاءالله انبسطتوا بالرحله

،

متابعه لـ التقرير

 

["*آآآنؤؤؤقهـ*"]

الحمدلله ع السلامه


متابعييييينج



اهم شي استانستي



وماليزيا تهبل بكل مافيها

 

[اماراتيه سنعه]

:eh_s(16): واااااااااااااااااااااااي عذابي " ماليـزيـا "

احبها احبها احباااااا :eh_s(22):

شرحة وهااااديه واجواء جداً جميلة :eh_s(17):


:eh_s(7): الف الحمدالله على السلامة وان شاءالله استانسـتي في رحلتج

ونتريا الصور اليديدة :eh_s(15):

 

[oum toumi]

حمدالله على السلامة متابعين معاج للاخر

 

[كلآم نواعم]

,,

الحمدلله على سلآمه حبيبتي

متابعتج كملي تقريرج

 

[** آية من الجمال **]

مشكورة على ردك الكريم لسؤالي

ويا ريت تخبرينا بالأماكن إللي ما تسوى الذهاب إليها مثل حدايق الفراشات ، الفواكه ،النباتات والطيور في بينانج وحديقة بيراك للحيوانات ، وحديقة التماسيح ، الطيور في لنكاوي؟

مشكووورة سلفا وأتمنى ما ضايقتك بأسئلتي بس عشان ودي أعرف قبل سفرتي خاصة إني أشوف الحدايق متكررة بكل منطقة فمادري أيهو الزين منها إللي يغنيني عن غيره