☼ ☼ الهنوف في ربوع ماليزيا 2012 ☼ ☼

[نـعـومـه]

ماشاءالله روعه

ذكريات هالدوله

 

[$حبيبة عبودي$]

ما شاءالله تبارك الرحمن
عليج بالعافيه
تهبل ماليزيا ناطرين التكمله..

 

[*الهنوف*]

تسلمون انشالله بكمل اليوم
امس من كثر ماجندست عالاب صار فيني شد عضلي برقبتي
الحين راشه عليها بخاخ فكس عضلات

،،،

وآآآآو تهببببل إن شآء الله بنسآفر لهآ هالصيف

بس بسألج مآركة بوني جم اسعآرهم بالكويتي ؟

................

........

...

شوفي انا خذيت من الكوليكش القديم ب 65
وخذيت لاختي وحده ب 135 مع بوكها
ووحده ب 106 بدون بوك
طبعا استخدمت كرت عضوية بونيا فسو لي خصم جنه 20٪ علي كل جنطه علي ماعتقد


يعني اسعارها ماتتعدي ال 200
وساعاتها تهبل

تري معرض عن معرض تختلف البضاعه
انا لقيت احلي قصات وانواع بمجمع البافلون داخل باركسون بس للاسف ماقدر استخدم عضوية بونيا عندهم
فمايسون لي خصم

 

[*الهنوف*]

اليوم الثالث -سلانجور
٢٠١٢/٦/٣

قعدت عال٩:٣٠ لان ورانا رحله

نزلت تريقت



طقيت فره ببالباحه الخلفيه للفندق

واخييييرا صورت هالمكان بكامرتي
كنت دايم اشوفه بالنت واقول وين هالمكان يهبل



طلعت فوق قلت خل استكشف



لقيت هالنافوره









اترككم مع بعص الصور لباحة الفندق الخلفيه
اللي فيها المسبح والجيم والقهوه الشرقيه















اللي عليه دائره حمره موقع غرفتي



​

يتبع....​

​

 

[*الهنوف*]

****
جدول رحلاتنا اليوم كان
منطقة بتروجايا(رحله بالبحيره +حديقة بتروجايا)-راحه وسباحه بمسابح الفندق-رحله لمجمع الماينز-عرض النافوره​

نبدي....​

طلعنا خذينا تكسي اللي قدامنا لافاصلنا ولاشي نبي نمشي وبس​

وصلنا بتروجايا قصينا تذاكر بمساعدة سايق التكسي رحلة بعبارة
الكروز بالبحيره ، الرحله ممتعه بصراحه​

​

​

​

​

​

ملاحات سفونيرات
انا خذيت لصبيانا تيشيرتات​

​

​

​

خلصنا رحنا اكلنا ربيان وقبقب
حلو بس بارد​

بره في تأجير قواري وكانتين اكل​

يتبع...​

 

[*الهنوف*]

تابع اليوم الثالث...



بعدها ودانا حديقة وبحيرة بتروجايا







حزتها كان في عرس
مادري شلون متحملين الجو... الله يعين العروس



داخل في متحف مادري مسجد اسلامي
مادشينها لازم تذكره










الجو كان حر ورطوبه وشمس عشان جذي ماطولنا ومشينا

ردنا للفندق وحسابه كان ١٥٠ طبعا ناهبنا بس احنا نبي نخلص عمرنا واهوا ماقصر نزل معانا وشرح لنا

ردينا لبسنا المايوهات الاسلاميه وطبينا باحواض الفندق

سبحت وسويت مساج تحت الشلال
(بس تنبطحين ويرش عليج ماي الشلال بقوه )



تعرفت عل وحده اردنيه زوجها ماليزي وعايشين بجده(ادري انصدمتو )
وقعدت العب معاها اهيا وولدها بالمسبح

خلصنا سباحه طلعنا نبدل
لان عندنا موعد س٦:٣٠ رحلة لمجمع الماينز والنافوره

يتبع....​

 

[*الهنوف*]

تابع اليوم الثالث....


رحلتنا الليليه لمجمع الماينر

انا ابالي مثل ماقالو لي العرب المسافرون ان المجمع فيه ملاهي وقوارب تمشي فيج داخل المجمع..وبره في حديقه النمور والطاويس الابيض ومدينة الثلج والنافوره

المجمع طيرووووووه لي السما وانا اشوفه مايسوي كلش ملش عادي جدا جنه الكوت
اللهم فيه رحت القارب خارجيه مو داخل المجمع مثل ما الاغلب كان اباله

القوارب ما تمشي داخل المجمع اللهم نقاط وقوفها داخل المجمع لكن رحلتها البحريه خارج المجمع
ايضا قالو فيه بره حديقه النمور والطاويس طلعت مسكره ومدينة الثلج مسكره..اقصد ملغيات


....
رحنا عالساعه 6:30
طبعا متاخيرين ومانبهنا صاحب التكسي ان الرحلات البحريه هناك تسكر 7
واهوا اللي اختار لنا س 6:30 موعد الرحله
وصلنا فقال ان الرحله البحريه للباص البر مائي فل وخلاص مالكم الا باجر
قال تبون الرحله الصغيره ..رضينا
رحله عاديه ماعجبتني










سمج بالبحيره








هذا بيت مالك منتجع الماينز يطلع عالبحيره




خلصنا رحنا ركظظظظ نقص تذكره للنافوره
في عرضين س٨ و ٩
مدة العرض اقل من ١٠ دقائق
بس رووووووعه صج شي جديد وحلوه

النافوره بره المجمع شوي يبي لها مشي تلاقونها وري الجسر الابيض وقولو للتكسي يدليكم مكانه

نزلت لكم الفيديو عاليوتيوب من تصويري

http://www.youtube.com/watch?v=WstgeOvdRBk

خلصنا دشينا المجمع طقينا فره وتعشينا
صورت هالكعب اذكر انسام الخلف كانت حاطته بانستقرام وعجبني



وفي محل لبس البنات الصغار اسمه فاكتوري لايطوفكم
شريت لبنات اختي منه بدل للعيد يهبلون واسعاره حلوه

طبعا السايق كان ناطرنا وصلنا ٧ ومشينا ٩ واخذ علينا ١٢٠ واااجد بس مارضى ينزل واحنا عجبنا فيه انه ياخذ ويعطي ويشرح لنا واحنا نمشي بالشارع

ردينا للفندق قعدت بلوبي اشبك اكلم خواتي اخبارهم ماتسر فتضايق شوي وجافاني النوم

انتهى اليوم الثالث
تفضلوا استفساراتكم

 

[(حكاية قلب )]

متابيعنج

 

[نياره]

حمدالله علي السلامه
متابعه

 

[أحلى همبه كويتية]

تقرير حلو :eh_s(15)::eh_s(15):

عندي ملاحظة صغيرة بس
ان شاء الله تتقبلينها مني بصدر رحب ​

ياريت اتكبرين الصور شوية والله جمالهم ضايع من صغرهم ​

:eh_s(17):ويعطيك العافية كملي متابعين والف حمد لله على سلامتك :ggdw:​

 

[أم حمودي**MALL**]

اااخ علي ماليزيا رحت لها مرتين وما امل منها ابداا
تقريرج يشوق رجعني لايام زمان
في اشياء وايد تغيرت
مستغربه ليش ما حبيتي الاكوابارك انا ناويه اودي عيالي لانها عن جد ونااااسه
مجمع الماينز نفس ما قلتي خبونا فيه عالفاضي ما عجبني كلش
لاحظتج تكلمتي وايد عن التكاسي واسعارهم
احنا لما رحنا ماليزيا دايمن نستخدم القطار مالهم
وايد ارخص واسرع
ما نركب التاكسي الا نادرا
وتسلمين مره ثانيه
متااابعه

 

[انوثتي غير وياك]

يعطييييج الف الف عااافيه على هل تقرير الحلو

 

[برنسس أوراق]

حلو الرحلة
وتقريرج حلووو

 

[*الهنوف*]

همبه

شكرا لملاحظتج عاد تصدقين انا قاعده اقول الصور كبار
بس للاسف خلاص صغرتهم كلهم مافيني شده ارد اكبرهم
خبرج تعرفين التقرير يغث

ام حمودي

اول شي فديت حمودي هههههه لاني اموت بولد اختي حمودي

شوفي بالنسبه للاكوابارك لاني مجربه مالت شرم فحسيت بالفرق
دشي تقريري لرحلتي لشرم وشوفي اكواباركم تهبل وكبيره وماعليها ضغط
وفيها شاليهات عالمسابح تاجرينها اذاتبين تبيتين
انشالله تجربينها وتشوفين الفرق
وطبعا جو مصر غير براد يهبل بعز الصيف

بالنسبه لتنقل عدل كلامج وشكثر كنت اقول لخوي بس يقول مالي خلق علي النطره وحسرة الناس نريح عمرنا بتكسي
وفي رحلات تحتاجين تكسي لان المترو بس بكوالالمبور

 

[*الهنوف*]

اليوم بليل باذن الله بحاول انزل اكبر قدر ممكن من التقرير
لان في بنات طالبين مني اخلصه وراهم سفره لماليزيا بالصيف
انشالله اخلصه

 

[RO0O7Y KUWAITYA]

علييييييييييييييييييييييييييييج بالف عااااافيه يااارب
ماااليزيا تههههههههههبل بس رطووبه جوهها وحيييييييييييييييييييييييل تصلح لليهال حييييييييييييييل يستانسون عليها
والحمدلله على سلامتج

 

[@شيخه@]

عليج بالعاافيه

 

[غلا فهد]

متابعينج

 

[*الهنوف*]

ماعليه تحميل الصور معلق معاي

 

[zqertya]

حمدالله على سلامتكم تقريرج رووووووعه

ناطرينج