☼ ☼ الهنوف في ربوع ماليزيا 2012 ☼ ☼

[مسكـ الامارات]

ربي يعطيج العافيه على التقرير الحلو

 

[LUXURY]

الحمدلله على سلامتكم وعليكم بالف عافيه
حبيبتي بأسالج جم كلفتكم السفره تقريبا؟؟
يعني مصاريف الرحلات والأكل وهالسوالف

 

[** آية من الجمال **]

اليوم الثاني -سلانجور
2-6-2012

قعدت عالساعه ٦:٣٠ ولا الدنيا ظلمه للحين ماشرقت الشمس
رديت نمت وقعدت عال ٩:٣٠


اليوم جدولنا (ريوق-اكوابارك-راحه-تمشي بشوارع اللي يم الفندق-التزلج بالبراميد-عشا -واحلى نومه)


جهزت نفسي لبست ترنق وخذيت لبس السباحه بجنطه وخذيت فوطه


نزلنا تريقنا
ريوقهم زين..لان نص اكلهم اسيوي فماحبيت اغامر
قعدنا بره والجو كان حلو في هوي وشمس علي نص غائم

ريوق

http://lh3.ggpht.com/_7j9_wImuykI/Snl9vTPUhuI/AAAAAAAABmo/rNZ2TJfTjrk/فاصل7.gif




شرينا تذاكر الاكوابارك من الفندق نفسه ب 80R
ماخترنا بو 100Rلان هذيج شامله كل الالعاب (بيت رعب وبقيات ومادري شنو بعد)واحنا نبي بس اكوابارك

تصوير من خلال ممرات الفندق

http://lh3.ggpht.com/_7j9_wImuykI/Snl9vTPUhuI/AAAAAAAABmo/rNZ2TJfTjrk/فاصل7.gif

هني عبر الممر اللي يودي من فندقنا للاكوابارك
http://lh3.ggpht.com/_7j9_wImuykI/Snl9vTPUhuI/AAAAAAAABmo/rNZ2TJfTjrk/فاصل7.gif



اكوابارك بصراحه انخدعت فيها
علي شنو مطيرينها مادري


تحتوي علي:
حوض امواج -٤زحالاق حلزونيات و ١ زحلاقيه ام بساط- نهر كسلان-حوض اطفال-حوض عائلي
صغيره فرررررررق عن مالت شرم شكثر زحاليقها والاحواض شكثر (حست بفرق شاااسع بين هذي ومالت شرم)

http://lh3.ggpht.com/_7j9_wImuykI/Snl9vTPUhuI/AAAAAAAABmo/rNZ2TJfTjrk/فاصل7.gif

http://lh3.ggpht.com/_7j9_wImuykI/Snl9vTPUhuI/AAAAAAAABmo/rNZ2TJfTjrk/فاصل7.gif


اللي يغث بعد ان لازم شخصين يركبون مع بعض عالتيوب مايصير واحد ولازم كنت انطر اخوي يخلص من اختي واركب معاها.


غلطتنا اللي انا اعترف فيها اننا رحنا بويك اند ..فصارت زحمه عالدور والممرات.

والغلطه الثانيه اننا مانتبهنا ان التذكره شامله العاب مثل الدردور وقطار الموت والمرجيحه
فاكتشفنا ان الناس تبدل بعد السباحه وتروح تلعب هالالعاب

وقلنا نبي تذكره العاب الكترونيه قالو نفسها ليش مادشيتو
يعني مطرين نقص ام ٨٠ رنجت مره ثانيه عشان ندش لالعاب.فماسويناها


المهم س ٢:٣٠ خلصنا بالاحرى ملينا من الدور والزحمه
رحنا بدلنا وتغدينا داخل الكوابارك وطقينا فره فيها كنا بنطلع الجسر المعلق بس والله مافينا حيل قلنا نرد نرتاح لان الجسر طوييييييل

http://lh3.ggpht.com/_7j9_wImuykI/Snl9vTPUhuI/AAAAAAAABmo/rNZ2TJfTjrk/فاصل7.gif

هذي صورة للجسر شوفو شطوله

http://lh3.ggpht.com/_7j9_wImuykI/Snl9vTPUhuI/AAAAAAAABmo/rNZ2TJfTjrk/فاصل7.gif

يتبع...​

حبيبتي .... شكلي بهون عن الاكوابارك! شرآيك لأن وصولنا السبت بالليل عندنا الأحد عطلتهم والأثنين بنروح لنكاوي! يعنى نروح اللعاب العادية برآيك بس؟ وإلا حتى الالعاب زحمة شرآيك؟

وأنا بسكن نفسك إن شاءالله بصن واي لاجون ريزورت ...

بالنسبة للجسر حبيبتي وين يودي؟ يسوى؟ وإذا رحنا نقدر نرجع بفيري وإلا شي؟ بدل ما نرجع منه بعد؟

مشكورة على سعة صدرك وحمدالله على السلامة :eh_s(8):

 

[** آية من الجمال **]

بالنسبة حق صالة التزلج حلوة تسوى وشكثر مدة تميتي؟



شكل عشاك يشوق يميييييييييي عليك بألف عافية

بسألك دايسو شنو فيها أشياء حلوة نشتريها؟

 

[*الهنوف*]

بنات ماعليه والله من امس احاول تحميل صور بالمنتدي او بموقع ثاني معلق
الظاهر من اشتراكي صاير داون

حتي اقتباس متعدد مو قادره اسوي

المهم برد على اسئلتكم لحد ما يتعدل الاشتراك

لوكسري

شوفي انا كلفتني تذاكروسكن 600 بالنسبه للمصروف علي حسب يعني انا صرفت 700 وتسلفت بعد
يمكن لاني خذيت جناط بونيا هدايا والجنطه الوحده على 100
اما اخوي يقول ماصرف الا 150 دينار مشتريات
واحنا سوينا قطيه للتكاسي والمطاعام والرحلات
يعني على حسب الشخص نفسه ومصروفه
يعني انا بروحي صرفت كل شي 1500

ايه من الجمال

لا روحي الاكاوباارك حرام تطوفينها بما انج قاعده يوم واحد بس
حرام عليج ليش يوم واحد للصن وي لاقون تري مدينة سلانجور حلوه
فيها رحلة بتروجايا البحريه وفي مجمع البراميد والتزلج

التزلج ممتع اذا كنتي تعرفين او عندج اصرار انج تتعلمين..انا حيل استمتعت
الجسر مافهمت عليج (هل تقصدين الجسر اللي داخل الاكوابارك؟؟؟؟؟؟اهوا جذي يربط من اول الاكوابارك لي اخرها وتقدرين تنزلين من الصوبين عادي
دايسو كله منتجات صينيه واختراعات مفيده للمنزل ..دشيه تلاقينه بمجمع البراميد حيل يشوق هالمحل
الصن وي لاقون روعه وفخامه شفتي عشاهم روعه

 

[غمااازات]

يالله هنوف شوقتيناا جنه احنا اللي مسافرين لوووووووووووول

 

[ندوش الشوش]

الحمدلله علي سلامتج
بس ليش مارحتي لنكاوي اغلب البنات مدحوها

 

[** آية من الجمال **]

واااي كتبتلك رد طويييييييييييييل وانمسح

 

[** آية من الجمال **]

بعيد باختصار .........

أول شي أشكرك على ردك الكريم

ثاني شي هذا الجسر شكله إللي بالصورة نفس ما ذكرتي من أول لي آخر الأكوا بارك بس شنو فايدته؟

أتوقع في جسر ثاني مو بالأكوا بارك حتى ذكرته كيوت ماما بتقريرها وسألتها عنه بس والله من كثر ما قريت بهالتقارير وبحثت افتر رآسي ونسيت شكان جوابها .............. إذا أسعفني الوقت برجع أجيك تقريرها ...............

رحلتي حبيبتي الهنوف كالآتي:
2 ليلة صن واي لاجون (ووالله سألت البنات بتجمع ماليزيا إذا يكفيها ليلتين أو أخليها 3 علما بأن يوم وصولنا يكون بالليل وتعبانين يعنى يتبقى يوم واحد ويوم المغادرة كلهم أجمعو على أنه ليلتين كااافيه!!!) إن شالله خيره

بس مادري بالنسبة للأكوا يصير ألبس لبس عادي بنطلون وبلاوز وتحته مايوهي!!! مستثقله المايوه الإسلامي

يتبع:
3 لنكاوي (الفيلا الخاصة في ويستن لنكاوي)
3 بيننج (رويال بارك)
4 كوالا (ميلينيوم)
وطايرة السبت الفجر بإذن الله يعنى الجمعة بالليل التوجه للمطار ........ ادعولي الله يسهل علينا وييسر أمرنا اللهم آمين

بسألك يالهنوف .................؟

رحتي؟
[FONT=&quot]Ampang Look Out Point
و
[/FONT][FONT=&quot]I. CITY[/FONT]

شاكرة لك إجابتك سلفا وأتمنى ما كون ضايقتك بأسئلتي

 

[** آية من الجمال **]

ما شاءالله علي كل هذا باختصار هههههههه

 

[*الهنوف*]

بعيد باختصار .........

أول شي أشكرك على ردك الكريم

ثاني شي هذا الجسر شكله إللي بالصورة نفس ما ذكرتي من أول لي آخر الأكوا بارك بس شنو فايدته؟

ماله فايده بس جذي نوع من المغامره لانه شوي يتحرك من الهوى وتشوفين الاكوابارك من فوق


أتوقع في جسر ثاني مو بالأكوا بارك حتى ذكرته كيوت ماما بتقريرها وسألتها عنه بس والله من كثر ما قريت بهالتقارير وبحثت افتر رآسي ونسيت شكان جوابها .............. إذا أسعفني الوقت برجع أجيك تقريرها ...............

والله مادي ماشفت الا هذا يمكن تقص الممر اللي يودي للاكوابارك

رحلتي حبيبتي الهنوف كالآتي:
2 ليلة صن واي لاجون (ووالله سألت البنات بتجمع ماليزيا إذا يكفيها ليلتين أو أخليها 3 علما بأن يوم وصولنا يكون بالليل وتعبانين يعنى يتبقى يوم واحد ويوم المغادرة كلهم أجمعو على أنه ليلتين كااافيه!!!) إن شالله خيره

اي حسافه يعني يوم بالصن وي لاقون
فمارح يمديج تروحين الاكوابارك والملاهي والتزلج وبحيرة برجايا وتتمشين بالبارميد
الا اذا لما تردين كولالمبور تروحين رحله لبرجايا و البراميد.. عرفتي

بس مادري بالنسبة للأكوا يصير ألبس لبس عادي بنطلون وبلاوز وتحته مايوهي!!! مستثقله المايوه الإسلامي
اي عادي لبسي اي شي مو مشكله ماعدي بس لازم تاخذينه لان مسابح الفنادق ممنوع تنزلين فيها الا بلبس مخصص للسباحه..ليش تستثقلينه خفيف وبعدين في هناك ملاحت تبيع المايو الاسلامي اشتري من هناك
يتبع:
3 لنكاوي (الفيلا الخاصة في ويستن لنكاوي)
3 بيننج (رويال بارك)


بيننق
انا مليت فيها ولاعت جبدي وكنت اعد الايام متي اخلص واطلع من هالمدينه البايخه
جنها تايلند
شارع البتروفنجي اللي اذبحونا فيه يلوع الجبد وسوقهم والله خلاجين ماشريت ولا شي
وسوق الماليزين جنه سوق الجمعه
والشاطئ مو للسباحه
وجوها حار ورطوبه
مدينه مافيها اي شي يذكر الا الهضبه اللي بس جوها حلو
كافي عليها يومين تروحين يوم الهضبه وبليل اذا حابه تشوفين شارع البتروفنجي
واليوم الثاني اذا حابه تركبين العاب البحر وتروحين مجمع الريجون
معن عندي لنكاوي احلااااااااااااااااااااااااااااا منها بمليون مره

4 كوالا (ميلينيوم)
واااو ملينيوم رووووووووووووووووعه وموقعه خطير ما تحتاجين تكسي
اختيار موفق

وطايرة السبت الفجر بإذن الله يعنى الجمعة بالليل التوجه للمطار ........ ادعولي الله يسهل علينا وييسر أمرنا اللهم آمين

بسألك يالهنوف .................؟

رحتي؟
[font=&quot]ampang look out point [/font]
[font=&quot][/font]
ماعرفه؟؟
[font=&quot]i. City[/font]

لا لان اكثر اللي بالتقارير قالو ماتسوي العنوه

شاكرة لك إجابتك سلفا وأتمنى ما كون ضايقتك بأسئلتي

ولو حياج الله مافيها اي ازعاج

ممكن سوال انتي سعوديه ولا كويتيه

 

[*الهنوف*]

اليوم الرابع والاخير بسلانجور​

4/6/2012​

قعدت عالساعه ٩
لان عندنا جولة س١٠
نزلت تريقت​

سايق التكسي اللي امس قص علينا وودانا جوله سياحيه ب ١٥٠ والمفروض تكون ب١٠٠
وبليل ودانا جوله ثانيه ب ١٢٠ والمفروض اقل​

فاليوم لما طلعنا قلنا بنكاسر السواقين
وفعلا جا واحد قال جوله ب ٢٦٠
جان اطلع له شطارتي قلت لا حدك ١٠٠ قال مايصير قلت هذي مو اول مره اجي ماليزيا
راح وجا غيره قال حدي ٢٠٠ قلنا مانبي
قال جم تبون قلنا ١٠٠ قال زين ١٥٠ قلنااااا ١٠٠ وبس قال اوكي
شفتو اني شطوره
انتم بس قولو ترا هذي مو اول مره نجي ماليزيا نعرف كل شي هني يخقون​

المهم جولتنا اليوم كانت كالآتي
ابار العيون الساخنه-شلالات-معرض المجوهرات -معرض الساعات-معرض الكاكاو-المعبد​

*****
ابار العيون الساخه​

تقيمي لها:امممم عاديه وماخذينا فيها ٥ دقايق
يعني زيارتها ماتسوى مو الشي اللي بتستفيدون منه
الماي نااااار يصلخ وفي واحد يجوي مثل عندنا الكي للاستشفاء وريحة دخانه لصقت بملابسنا تلوع الجبد
طبعا في شايب قاعد مبين بالصوره مغير يصبصب بهالماي الحار وعادي الدنيا ورديه عنده​

​

​

​

ماقدرت امشي عليه يصلخ
اخوي غامر ومشي ولما خلص قال ماحس برجولي
​

بعدها رحنا الشلالات​

تقيمي لها:واااااااو جو حلو وشي جديد طلعنا ل ٣ شلالات كل مانطل بدرج نكتشف شلال جديد
بس الطلعه اتعب ماتنفع للاطفال كلش ولا كبار السن
ويفضل تاخذون ملابس سباحه واطبون
عادي محد راح ينقد عليكم راح تشوفون ناس هناك تسبح ،،بس الماي بارد​

هذي خزانات اذا معاكم غراض تبون تخشينهم​

​

بداية مشوار الصعود المتعب​

​

بالطريج طلع لي هذي خصبقني​

​

​

​

​

​

​

طلعنا للشالال الاعلي
وهذا اللي كنا فيه منظره من الاسفل​

​

​

​

​

يتبع...​

 

[*الهنوف*]

تابع اليوم الرابع الاخير بسلانجور​

بعدها رحنا لمعرض المجوهرات والساعات والكاكاو​

تقيمي له: حلو للي يبي يشتري
يعني احنا ما عجبتنا لان ماكنا نبي نشتري شي فبسرعه طلعنا
معرض المجوهرات يبيعون بس حجر (الاوونليكس) لونه اسود يقولون زين لطاقة الجسم

ممنوع التصوير داخل
​

لاحظو قلت معرض الكاكاو مو مصنع
لان الكل يقول مصنع فعبالي نشوف الصناعه طلع لا بس معرض والكاكاو عارضين بتلفزيون صناعته​

​

​

علي فكره هذي ثمرة الكاكاو​

​

بعدها رحنا للمعبد​

تقيمي له:جدا سخيف
اللهم شكل التمثال بس اللي يجذبك
ومستحيل اطلع الدرج لاني منهد حيلي بالشلالات وغير جذي اول وتالي معبد شبي فيه اتعب عمري عشانه
ويمكن بس ساحة الحمام اللي تونس للصغار
حتى التكسي قال تري مانصحكم تطلعون فوق
والجو مايساعد حر ورطوبه
خذيت فيه خمس دقايق بس​

​

في هناك بازار وكنتين واكل للحمام
اساسا اغلب الاماكن هناك الحلو فيهم يكون في كنتين وحمامات وانتم بكارمه​

ردينا الفندق
طبيت بالمسبح وبعدها قعدت بالوبي اكلم اهل الكويت​

س٦ رحنا تعشينا بالبراميد بمطعم الطربوش
روووووعه هالمطعم اكلة قمه
اهوا بقسم مراكش دشو وسئلو عن مكانه​

قعدنا بشارع الباراميد بستار بكس شوي بس الجو ماساعد رطوبه
فطلعنا للفندق س ٩م
نحضر جناطنا ونريح لسفرتنا باجر لجنتنق مدينة الضباب​

انتظر استفساراتكم
وبكمل بعد شوي​

 

[$الماسة الكون$]

الهنوف حبيبتي بسالج جوها كان حار؟؟؟
وهل يختلف من مدينه للثانيه؟؟

 

[*الهنوف*]

هذي خريطه للاكوابارك
يوزعونها لما تقصون التذاكر
وبما انكم بالصن وي تقدرون تقصونها بالفندق نفسه بنفس السعر
عشان تتفادون الزحمه عالشباك هناك

​

 

[*الهنوف*]

الهنوف حبيبتي بسالج جوها كان حار؟؟؟
وهل يختلف من مدينه للثانيه؟؟

هلا فيج

اي يختلف من منطقه للثانيه
لان عندج كوالمبور وسلانجور كانت رطوبه وحر
جنتنق برااااااااااااااااااااااد ومطر وغيم وجو خيالي بليل كنا نثلج من البرد

 

[*الهنوف*]

^^الانتقال من سلانجور لجنتنق
5/6/2012

قعدنا س١٠ تريقنا وسوينا جك اوت عال ١١ وخذينا تكسي ب١٥٠
بنروح لجنتنق ( فندق فرست وورلد)
مدة الرحله من (صن وي) لي (جنتنق )ساعه
قررنا ناخذ تكسي لمحطة التلفريك عشان نجربه
"ولا نقدر نروح دايركت للفندق بس مانبي


طريق جنتنق كله جبال ومناظر خلابه والجو ابداااااع تبارك الرحمن براد وغيم



هذا باص جو جنتنق اللي يودي لجنتق رحلات من كوالالمبور







هني الجو كان عادي بس مغيم



فجاه دشينا بغيمه



بعدين طق مطر







ياحليل راعي التكسي هندي
اخذنا جوله بدون لانطلب
ودانا....
معرض الكاكاو-حديقة النباتات والفراوله-معرض البسكويت والقهوه-محمية الخيول


معرض الكاكاو ،،هالمره شرينا
خذينا بجوز الهند والوز والبندق والقهوه








​

يتبع...
​

 

[*الهنوف*]

تابع رحلة انتقالنا من سلانجور لجنتنق​

بعدها رحنا لحديقة الفراوله والنباتات
عجيبه وتونس..لااااازم تزورونها​

​

​

​

​

​

​

​

​

وهني يبيعون عسل جبلي​

​

​

نبدي الحين بحديقة النباتات​

المشروم​

​

​

الطماط​

​

​

بعض الزهور​

​

​

​

الخضروات
لفت انتباهي حجم الخضروات والفواكهه الكبير​

​

​

http://www.q8yat.com​

في العاب الكترونيه للاطفال بسيطه​

​

يتبع..​

 

[*الهنوف*]

تابع رحلة الانتقال لجنتنق​

بعدها رحنا مصنع القهوه والبسكويت والاكل المجفف حلو للي يبي ياخذ حلويات وبساكيت​

​

​

​

ملحوظه:واجد مدحو القهوه البيضاء انا اشوفها نسكافيه ماكو فرق كلش​

بعدها رحنا لمحمية الخيول حلوه وزيارتها خفيفه​

​

بعدها رحنا لمحطة التلفريك
قصينا تذاكر خط واحد يعني(one way)
ب١٨رنجت لان في تذكرة ( two way) هذول حق اللي يزورون جنتنق ليوم واحد ،،اما احنا اقامه​

​

ملاااااحظه لايقص عليكم تكسي المحطه ويقولكم اوصل جناطكم ب 40جذاب انزلو بالمحطه تحت واشحنوا الجناط​

لان في راعي تكسي اول ماشافنا قال مايصير تشحنون جناط كبيره بعربة التيليفريك لازم اوصلها بالتكسي لكم للفندق وانتم تعالو بالتيليفريك
بعدين قلنا لامايصير مانأمن ورحنا سالنا اللي تبيع التذاكر جان تقول نزلو تحت اشحنو جناطكم​

نزلنا تحت بالمحطه شحنا جناطنا للفندق ب ٢٥ وقالو راح نوصلها للفندق وخذوا حجزنا مال الفندق وعطونا وصل

دشينا محطة التلفريك بالدور 4
وكانت زحمه بس الدور يمشي
​

رحلة التلفريك ممممتعه جدا لااااااااتطوفكم​

​

​

بدت رحلة الصعود
يمه ايدي علي قلبي​

​

​

​

يتبع...​

 

[*الهنوف*]

رحلة انتقالنا لجنتنق

وصلنا بسلام ودايركت يقطنا علي فندق (الهايلاند جنتق)



اهم تقريبا 4 فنادق هناك جمب بعض كلهم يطلون على مدينة الملاهي والتلفريك جريب منهم​

اهيا سلسة فنادق جنتنق..
الكشخه اسمه ا (هايلاند جنتق) وبعدين فندقنا (فرست وورد )وفندق (ثيم بارك جنتنق)​

هذا هيكل مصغر للفنادق..احنا مالنا الملون​

http://www.q8yat.com/​

http://www.q8yat.com/​

اول ماوصلنا دشينا ندور مطعم فاصلين جوع
وطحنا علي مطعم هندي لذذيييييذ بفندق الهايلاند
طبعا للحين مارحنا فندقنا قلنا تغدا ونروح نسوي" الشيك ان"ونريح شوي
مادرينا ان ورانا مصيبه

​

​

http://www.q8yat.com/​

شوفو الغيم من اطلالة المطعم
​

هذي الصوره بعد نص ساعه فجاه زاد الغيم​

​

http://www.q8yat.com/​

بعدها رحنا مشي لفندقنا( فرست وورلد ) الجو روعه والطريق منحدر بو ٥ دقايق وصلنا
​

هني جناطنا
​

دخلنا عند الوبي حووسه جداااااا
اول مره اشوف فندق جذي
صدمه
​

الطريقة كالاتي
اوقف دور عشان اخذ رقم للكاونتر عشان اسوي (شيك ان)​

​

ناطرين دورنا من 3 لي 6 المغرب ..صدمه مو
​

​

​

وقعدنا عالكاونتر ثلث ساعه لين طقت جبدنا عش
ان تضبط لنا الغرف لان صار اشكاليه​

احنا نبي غرفتين متصلات ومطله (عالثيم بارك)
والموظفه لوعت جبدنا مو فاهمه علينا وبارده وحجزت لنا غرف مو يم بعض ونادت المسؤول وحوسه
بالاخير قالت المطله عالثيم بارك فللللل مالكم الا المطل عالجبل وبالدور 26 انا كنت عارفه ان ماراح اشوف حتي الجبال
لان ادري ان كله غيم
وفعلا كاهي اطلالتنا​

http://www.q8yat.com/​

يالله اخر يوم انقشعت الغيوم وبينت الجبال
(راح اذكر هالشي جدام بعد بالتقرير لما نروج جنتنق)​

الفندق ٣ نجوم
اقيمه زين من حيث النظافه لكن حوسة الرسبش اكسسسس
ماكو نت
مافيه تكييف معتمدين علي براد الديره والمراوح
يعني اللي متعود على براد المكيف ماراح يقدر ينام
انا عادي الجو كان حلو بالنسبه لي​

الغرف عاديه جدا
تلفزيون عادي مربع
غثا علي ماننطر الاصنسير لاننا بالدور ٢٦ وكل ما احد طلبه يوقف عالدور​

ملاحظات مهمه لكم
الفندق فيه برجين ١و ٢
اذا بتقيمون بالفندق اختارو البرج ١ لانه قريب من كل شي احنا برج ٢ بعيد عن الوبي وكل شي
واختارو طوابق قريبه
بس اللي يبي البراد والهدوء ياخذ الطوابق العلويه​

اذا بتسوون "جك ان "تعالو قبل ١٢ لان بتنقعون دور وبيضيع عليكم الوقت حرام ويروح حجز اول يوم عالفاضي​

احنا غلطتا اننا سوينا "شيك اوت "من( الصن وي )متاخر عال١١ وطقينا فره علي المنتزهات فتأخرنا لدخول فندق جنتق وضاع نص يوم الحجز
ماكنا ندري ان نظامهم جذي غبي​

خلصت رحلة الانتقال وببدي معاكم اول يوم بجنتنق​