☼ ☼ الهنوف في ربوع ماليزيا 2012 ☼ ☼

[الكادي 1981]

تقرير حلو وذكرتيني بماليزيا من ٤ سنين رحت لها كنت كارهتها بس عقب تقريرج باعيد النظر

 

[*الهنوف*]

تقرير حلو وذكرتيني بماليزيا من 4 سنين رحت لها كنت كارهتها بس عقب تقريرج باعيد النظر

عاد تصدقين انا مستحيل اعيد سفرة ماليزيا ماحبيت هالديره
زحمه وجوها حر ورطوبه وماتطورت من سنة وحطبه
ماكو الا حديقة الطيور والفراشات
والتلفًريك اغلب الناس تروح له مسكر ومدينة العاب اللي بجنتج كله مسكرينها عشان الجو
خو تدرون ان جو المدينه ماينفع للالعاب ليش حطيتو فيها العاب

وكوالمبور بايخه ماشفت فيها زود ولا عمران وشارع العرب جنه سالم المبارك وبضاعتهم مو زود عن بضاعة الكويت


يمكن اللي راح لنكاوي حس بفرق لانها جزيره وبحرها صافي

والله لما اروح لبنان استانس اكثر معن مافيها شي بس جوها يهبل ومصر فيها حياة وروح

 

[*الهنوف*]

اعتذر مره اخرى عن التاخير
انشاءالله الاقي وقت اكمل اخر يومين

 

[.]

ان شاءالله..

متابعينج..

 

[مـ ع ـزوفة حز*ن]

،

إخذي رآحتج


............

.......

...

 

[الريم_85]

ماشاءالله عليج

روووووووعه هالتقرير

تسلم يدج

ومبارك عليج الشهر اختي​

 

[حمام شاقني فنه]

احسج مومستانسه مادري ليش حمدلله على السلامه ويسلمموووووووووووووووووووووووووووووووووووووووو ع التقرير

 

[*الهنوف*]

احسج مومستانسه مادري ليش حمدلله على السلامه ويسلمموووووووووووووووووووووووووووووووووووووووو ع التقرير

انا استانست بس بالصن وي لاقون وجنتنق
ولا الباجي علي حسب الاماكن
والجو حده مايساعد حر وخيسه حتي بليل

 

[مـ ع ـزوفة حز*ن]

،،



هنوووفه طوولتي وأنآ سفرتي بالعيد



.............

......

..

 

[أم سلوم الحلو]

حمدالله على السلامه وعليكم بالعافيه

 

[*الهنوف*]

اليوم الرابع بكوالالمبور
15-6​

​

اليوم مفتوح​

فقعدنا عالراحه الريوق طافنا​

فشربت قهوتي بالغرفه علي هالاطلاله​

​

اليوم مو مخططين لشي معين
عال ٢:٣٠ رحنا مشي لشارع العرب نتغدى
اخترنا مطعم (بابل) عراقي​

الجو غيم ورطوبه
​

​

بعدها رحنا لكافيه القمر عندهم قهوه تركيه
قعدنا سوالف لي ٥​

​

​

ورحنا البافلون تسوقنا
​

​

خذيت هالجنطه هديه لاختي
ماركة بونيا
​

وردينا للفندق ريحنا​

كل هذا مشي وناسه( اللي قاهرني ان على هالمشي زاد وزني ما نقص ليش مادري:rgewrg
رايحه 57 رديت 60​

س ٧:٢٠ طلعنا بنروح للتوين تور فقال لنا تكسي يبا روحو مشي اسرع لسياره بنصادف زحمه وشرح لنا درب البرجين
واحنا اساسا ودنا نمشي​

بالدرب لقينا هالغنفه الكبيره المتفوخه وفي واحد يصور وتصورت شكلي كان نكته:krkrkr:
​

شفو اشكال الناس
​

يتبع....​

 

[*الهنوف*]

تابع اليوم الرابع بكوالمبور​

مشينا للتوين تاور وضيعنا وبالاخير وصلنا
كان عرض النافوره بقي شوي ويبدي
عرض مجاني س ٧ و ٨:٣٠ و ٩​

قلنا خل نتعشا بال klcc
ببيتزا هت ونطلع نقعد بالحديقه ونشوف النافوره​

عرض النافوره عجيب
والجو كان حلو ورشاش الماي وموسيقى وناسه احب هالجو الصاخب​

بدايتا
خذيت جم لقطه للبرجين من عند النافوره​

​

​

​

​

​

​

​

قعدت احلي بالمولتن كيك لذيذه واستمتع بعرض النافوره​

​

​

​

​

​

​

​

يتبع...​

 

[*الهنوف*]

اخذت جم صوره وسويت حركات ومن بعدها شفت الناس حولي يقلدوني ويطلبون مني اصورهم استانست:ggdw::eh_s(9): حسيت اني فنانه​

​

​

​

ردينا عال ١١
زهبنا جناطنا وهووووب نوم​

:eh_s(17)::eh_s(17)::eh_s(17):
انتهى اليوم الرابع​

 

[*الهنوف*]

،،



هنوووفه طوولتي وأنآ سفرتي بالعيد

......

..

سامحيني انتي شايفه رمضان مافي وقت لشي
وانشغلت كنت احضر لسفرة العمره توني راده من جم يوم وطحت بعدها مريضه

الحمدلله على كل حال

الحين بكمل وبخلص التقرير

 

[*الهنوف*]

اليوم الخامس و رحلة العوده
16-6

انا رديت لعيونج ..انا رديت
ولج حنيت مثل ما يحن حمام البيت




......


طيارتنا س ٨:٣٠ بليل



قعدت عال ٩:٣٠
الجو كان ملبد بالغيوم


شربت قهوتي ولميت باقي اغراضي
والجنطه تقولي ارحميني بنفجر
فقررت اروح اشتري لي هاند باق من السوق


سوينا شيك اوت س ١٢


وبدت رحلة الماكو شغل


قلنا للفندق خلو جناطنا بنروح نتغدا ونجيكم


رحنا لبي بي بلازا
شريت هاند باق و بخور


طلعنا عالطربوش نتغدا



خلصنا قلنا نقعد هند نافورة البافلون


ماوعينا الا ورانا صوت قزوز
الا عرض سيايير سبور
اخوي تشقق من الوناسه وراح يصور
والناس تجمعت








قلنا يالله عالاقل شي يقزر وقتنا


بعدها رحنا للفندق قعدنا باللوبي لي س ٤
ومشينا للمطار
طبعت حبو يستغلونا التكاسي
بالتوصيله وقالو 150
لحد ماخذينا بو ١٠٠ رنجت بشاطارتنا



وصلنا المطار عبر القطار الداخلي





مساج بالمطار ياسلام






عند الوزن قالت الموظفه لاختي ادفعي ٨٠ دينار
احنا انصدمنا قلنا what
قامت اختي شالة جنطه هاند باق معاها
جان تقولها خلاص ماعليج وزن


جت عندي جان تقولي ادفعي ٢٥ دينار
معن جناطي اكبر من اختي محمله


قلت يمكن اختي معبيه شي ثقيل قالت كله العاب بلاستك شكووو


خلصنا ركبنا القطار ورحنا مطار الاقلاع
شريت كاكاو سوفونير


صارت س ٧:٣٠ باقي ساعه عالاقلاع
قلنا خل نتعشا برجر كنغ بدال اكل الاتحاد


عال ٨:١٥ اخذنا مقاعدنا بالطياره
وبدت رحلة المعاناة ١١ ساعه:eh_s(11):


اقلعنا


وجبتهم ماكليت شي منها الله يديم النعمه



شفت فلم هندي وبعده فلم اجنبي وفلم مصري ونص فلم مصري ثاني
وسمعت محمد عبده وحست بالديفيدي مالهم
وماخلص الوقت

وصلنا بوظبي س ١٢:٣٠ بوتقيتهم
خلاص حدي طافيه وتعبانه
وترانزيتنا ساعه ونص بنطير ٢ ضبط
بسرعه مر الترانزيت ماحسينا فيه

وصلنا لحبيبة قلبي وطن النهار الكويت:eh_s(2):

اتوقع هذا فندق ميسوني او الومبيا


الجون




خلصنا ترانزيتنا واستقبلوني خواني بعد عمري :eh_s(7):س 3 الفجر


والف حمد شكر لك يارب

​

 

[*الهنوف*]

بجذي اكون خلصت تقرير سفرتي لماليزيا
اتمنى انه حاز على اعجباكم
وانشالله استفدتوا منه
وسامحوني عالقصور والتاخير

​

 

[.]

خوش تقرير مشكوره ..

 

[مـ ع ـزوفة حز*ن]

سامحيني انتي شايفه رمضان مافي وقت لشي
وانشغلت كنت احضر لسفرة العمره توني راده من جم يوم وطحت بعدها مريضه

الحمدلله على كل حال

الحين بكمل وبخلص التقرير

،،


يآعمري انتي مسمووحه


أولآ : الحمدالله السلآمه وعمره مقبوووله بإذن الله


ثآنيآ : مآتشوووفين شر يالغآليه


...........:eh_s(17):

........:eh_s(17):

...:eh_s(17):

 

[مـ ع ـزوفة حز*ن]

بجذي اكون خلصت تقرير سفرتي لماليزيا
اتمنى انه حاز على اعجباكم
وانشالله استفدتوا منه
وسامحوني عالقصور والتاخير​

​

،،


مآمن قصووور فديت قلبج



إدعيلنآ سفرتنآ 2 يوم العيد الله يعيني عالرحله والترآنزيت


.........

......

...

 

[*الهنوف*]

معزوفه




منا ومنج صاللح الاعمال

اهم شي سوي جدول مرتب ولاتروحين بينانغ لاتضيعين وقتج فيها
وانشالله تستانسين
وسواق التكاسي دايم قولو لهم احنا مو اول مره نجي ماليزيا عشان يعرفون انكم خابزينها وما يغشونكم