☼ ☼ الهنوف في ربوع ماليزيا 2012 ☼ ☼

[الله يخليهم لي]

كمليً الهنوف متابعييين هالتقرير الحلو

 

[*الهنوف*]

مازلنا باليوم الثاني

خلصنا عالساعه ٥ بنروح لرحله لهضبة بينينق او تسمي منتزه( بيكيت بنديرا)


الرحله ممتعه والجو تبارك الرحمن عجيب
هالرحله عوضتنا عن حر ورطوبة الصبح

هذا اكثر مكان عجبني في بينينق(يمكن عشان جوه حلو)


اول شي لازم ناخذ مترو معلق يوصلنا لاعلى الهضبه
ذكرني بمترو تليفيرك لبنان







وصلنا




فجاه تغير الجو مرتعلينا غيمه والجو براد وبديع



هذا يوكلونه الناس


خذينا سيارة قولف يفر فينا بالمنتزه



حدي مستنانسه قاعده ورى





العاب متواضعه ومعبد



مسجد قاعدين يرممونه
يقولون مبني من سنه مادري جم بس قديم



الحين حان وقت الغروب وقاعدين نشوف غروب الشمس بس كان الجو حيل غيم
ورذاذ مطر خفيف








قلت اسوي مساج قالت السبا سكر بس ندزها للغرفه تسوي لج
قلت اوكي
وجت للغرفه ،،بس عندي جو السبا احلي من الغرفه


قعدت بالبلكونه وطلبت عشا لان فترة بوفيه العشا خلصت




اكلهم روعه
نودلز واسباقيتي وسلطه

خلص اليوم الثاني اخيراااا


​

 

[*الهنوف*]

اكتفي بهالقدر اليوم

 

[كوكا كولا]

وناسه احب الشلالات
حديقة الفراشات تهبل بس حسافة انحرمنا منها كله من الهندي السايق نكد علينا
اقول لكم سالفته بعدين بتقريري

كملي يالله متابعه تقريرج كل يوم

 

[النعووومه]

تقرير يشوووووق

يعطييييك الف عافيييه

عالمجهوووود

 

[نياره]

واااااو

 

[ثلج]

رحلة حلوة
وتقرير روعه
متابعته من البدايه
وعندي استفسار الهنوف شلون علا
خط ماكس يشتغل الواتس عادي
لاني ودي اتواصل مع اهلي من خلاله
ياليت الرد لاني بسافر الليله باذن الله

 

[مـ ع ـزوفة حز*ن]

،،،

إمممم مآحجزنآ بينق أشوهـ

مآعجبتني



فديت قلبج هنووفه بإنتظآرج

.............

......

..

 

[لآلئ وردية]

ما شاءالله لا قوة الا بالله

تقرير و لا اروع

و صور رائعه

رجعتيني لأجواء السفر و لماليزيـا

^_^

الصور تشوق

و أم الربيان واااو واووو واااااااو ما شاءالله

^_^

بس كنت بسأل

ثالـث يـوم


شسم الفنـدق؟

وصلت للصفحـه 3

بكمل إن شاءالله و لي عـوده



يعطييج العافيه و تسلـم يمنـاج

 

[لآلئ وردية]

اييه صح



الحمــدلله على سلامتـج

 

[*الهنوف*]

الله يسلمكم ومشكورين فديتكم


ثلج

اي يشغل الواتس والنت سريع وحلو
انا خذيت الخط ب 20 رنجت يعني دينار و800 فلس
واشتركت اشتراك نت بعد ب 20 رنجت
طلع علي 40 رنجت
يعني ماوصل ل 4 دنانير

لائ ورديه

صن وي لاقون

 

[*الهنوف*]

اليوم الثالث-بينينق​

10 يونيو​

قعدنا مبجر عال ٨​

وانتقلنا من فندق (هايدروا) الممتاز الي فندق ( بي فيو) الوصخ​

تريقت ونطرنا السايق​

رحنا قطينا جناطنا علي فندق (بي فيو) سوينا شيك ان وطلبنا منهم يطلعون الجناط وطلعنا على طول رحلة الصيد​

وصلنا للشاطئ اللي فيه هالرحلات واخذنا طراد ب ٣٥٠ رنجت
مدة الرحله 4 ساعات
الرحله تشمل صيد وشواء​

دشينا اول بالبحر ..قطينا ميدارنا​

ولا احد مننا صاد وكل ما طلعنا خيطنا نلاقي الطعم منوكل​

الصبي الصغير اللي معانا صاد وحده​

​

​

​

​

خلصنا ردينا للشاطئ شوو لنا سمج وربيان وهمبرجر ونقانق ودجاج​

بالاضافه لرقي وسلطه وببسي وماي وتوست​

بالنسبه للنظافه والله مادري كلينا وخلاص من الجوع​

​

​

خلصنا دشينا البحر بس مو مال سباحه كلش البحر حيل رملي وعكر​

وركبت جتسكي( اول مره ونااااسه) هذي انا ​

​

المفاجأه الحلوه عاد​

ان فجاه شفنا شي ينط من الماي فقالو هذول دلافين​

وخذانا صوبهم مشالله كانوشكثر صورتهم للاسف بس فيديو​

واقتبست عالصوره من الفيديو​

​

خلصنا ردينا مع التكسي لشاطئ الفندق ​

ماكملنا ال 4 ساعات اهم بس ساعتين ونص الجو مايساعد​

رحنا لشاطئ فندقنا عشان نركب العاب الشاطئ​

كنت مقرره اركب باراشوت بس شفت اخوي تصرقعت وهونت​

​

طبعا صار لنا موقف مع الهندي صاحب الالعاب يغث​

سمعوا ويمكن تستفيدون​

بالبدايه كل شاطئ فندق عنده العاب الشاطئ من براشوت وموزه وغيره​

قلنا نبي براشوت قال اوكي وفرش البارشوت عالارض​

جان يقول صاحب الطراد يتغدى ..قلنا عادي ننطره​

شوي قال لا تعالو ركبو السياره معاي​

نظام سيارة سفاري قرمبع مافيها الا كرسي للسايق والباجي حديد​

قالو ركبو بالبدي انا انصدمت بس قلت يالله سفر عادي​

شوي جان يركبون معانا 4 شباب هنود كل واحد طول الشحط​

قال بوديكم كلكم لمكان البراشوت​

انا بالبدايه سكت ..قلت ماعليه​

مشينا عالشاطئ وتمصخرنا من كثر ماغرز فينا واختضينا وينزلنا من السياره ويقول خل اطلعها من الغراز​

وصلنا ركب اخوي البراشوت وانا بعد ماشفته هونت خفت​

​

قال يالله نرد لشاطئكم​

جان اشوف ناس يركبون الباراشوت عندنا بشاطئ فندقنا​

جان اقول للهندي هني في باراشوت ليش وديتنا هناك​

قال قلت لكم اللي هني يتغدا​

قلت صح وقلنا لك عادي ننطره مو مشكله​

يعني انت ماخذنا ومصخرنا وحاشرنا مع الهنود ليش​

هني عاااد انفجرت عليه وشخطت فيه​

:rgewrg::rgewrg::rgewrg:​

يتبع...​

​

 

[*الهنوف*]

خلصنا ردينا طبينا بحمام السباحه انظف واحسن








هني يقدمون عصير وخرابيط






بعدها تعبنا طلعنا للغرفه دقينا عالسيرفس اشتكينا علي وصاخة البار والثلاجه

لان احنا بس يادوب سوينا (شيك ان )وماطلعنا للغرف على طول طلعنا رحلة الصيد

فطلعوا مو مجهزين الغرفه ولا منظفينها..مادري شناطرين



ما انصح احد بهالفندق نهائيا

شوفو وصاخته بهالموضوع وتعاملهم الردئ
ادري الصور روابط لاني حزتها منزلتهم من الايفون وماضبطو

غير ان ثاني يوم لما جت عاملة النظافه تنظف كنت مبطله جنطة ملابسي ولا اشوفها تشيل الشراشف القدم وتقطهم على جنطتي واهيا مفتوحه يعني حتى ماكو اسلوب ولا تعامل بالترتيب والنظافه
جان اخذهم واحذفهم عالارض قلت شنو شايفه جنطتي سلة ملابس
يعني انا نزلت بفنادق 3 نجوم بس مثل هذا ماشفت عاملات التنظيف بييييييييييئه

http://www.q8yat.com/t1066399.html





خلصنا رحنا تعشينا بماك اللي بمجمع برجين مع شوبنق خفيف

وردينا نوم

خلص اليوم الثالث​

 

[*الهنوف*]

اكتفي بهالقدر اليوم

 

[كوكا كولا]

حلو التقرير بس بصراحه ما شفت شي يشد ومميز في بينانق الحمدلله اني ما رحت لها
ولا ريلي كان حاطها براسه بس عصبت وقلت له كيفك انا بخاطري لنكاوي
انا اخطط وربعه يفرون راسه على مزاجهم صج ريايييييييل بس الحمدلله سويت الي براسي اخر شي

كملي يالله ناطرين التكملة

 

[*الهنوف*]

انا غلطتي اعتمدت علي منتدى العرب المسافرون بكل شي واخذت كلامهم بحذافيره
في ناس هاجموني ليش قلت غلطتي
بس فعلا والله شغلات واجد بسفرتي تغيرت
امدحوا لي اماكن وطلعت نسكره ومو بس مكان لا اغلب من مكان
وغير مدحهم لبيننق بشي فضيع قالو نفس لنكاوي بس الفرق ان بيننق فيها مولات وحركة
ومدحهم لفندق بي فيو الوصخ طيرووه لي السما

مشكلتهم الله يسامحهم كانو لما يردون علي استفساراتي يقتبسون من مواضيع ٢٠٠٧ واقدم ..والديره تغيرت
وانا عليميه وامشي علي كلامهم
بعدين انا لاحظ شغله بالسعودين هناك بالمنتدى ودي اقولها بس ادري بيهاجموني وفعلا لما قلتها لخواني قالو صح هذا شي معروف

بس ماقول الا فديت احلى همبه كويتيه اللي خذيت منها الكلام الاكيد

 

[*الهنوف*]

حلو التقرير بس بصراحه ما شفت شي يشد ومميز في بينانق الحمدلله اني ما رحت لها
ولا ريلي كان حاطها براسه بس عصبت وقلت له كيفك انا بخاطري لنكاوي
انا اخطط وربعه يفرون راسه على مزاجهم صج ريايييييييل بس الحمدلله سويت الي براسي اخر شي

كملي يالله ناطرين التكملة

بعد عمري عيونج الحلوه
اي مشكلة ربع الزوج يبون اللي سوه لازم كل الناس تسويه مايدرون ان الناس اذواق


يالله عاد متي تنزلين تقريرج

 

[نـعـومـه]

وناااااااااسه فيها حياة

بالعافيه عليكم

 

[نياره]

كملي فديتج

 

[{ عبره وهلت }]

ما شاء الله رحله ممتعه امتعتينا ..
عليج بالعافيه :*


,