السلام عليكم
في البداية احب اشكرج عزيزتي نهى على المجهود المبذول في العطاء وحب المساعده للناس
ومحاولة طرح حلول لمشاكلنا العصرية ومو شي يديد علينا ان نرى الرائع والاروع من
المواضيع المتعوب عليها كما اعتدنا ان نراها من انسانه راقية وكلامها متسلسل ومنطقي
مثلكِ :rerrerek:
من بعد ما قريت المواضيع طبعا ودي اقول وايد كلام يقرقع بقلبي
طبعا راح اتكلم عن الابواب الي حضرتج طرحتيها ومن المشاكل الي واجهتني منها
من الناحية العملية حاشتني احباطات وصعوبات وايد
والحمدلله قدرت اتجاوزها بس بصعوبة لان المشكله ما يخلون احد بحاله
وفي حلول قريتها من خلال هالموضوع بالفعل طبقتها وبدون مدح بنفسي
رديت الاساءة بالاحسان و صج انظلمت ومع هذا ما يكفون شرهم عني !
يعني لو طبقت كل الحلول من طرفهم ما تخلص المشاكل ويطلعون الواحد من طوره
ولما تدافعين عن حقج يطلعونج الغلطانه واذا حقرتهم ينقهرون ويحفرون مشاكل !
يعني اكفي شري وبحالي وما اكلم احد وانصدم بعدين انهم يتكلمون عني بشي مو واقعي
و مو صاير حتى ما يخلون احد بحاله تعبت معاهم :rgewrg:
الله يكافيكم شر هالناس
وللحين ادعي عسى الله يعينني وما يعوزني لاحد ودايم اقول الله واقف معاي
ان شاء الله وهو حسيبهم
ومن الناحية الاجتماعية صادفتني مشاكل وايد طبعا اكيد المشاكل
الغالبية يمر فيها وحتى لو طرحت عليها حلول ما الاقي تجاوب
من الطرف الثاني يعني من ناحية الاصدقاء مروا علي وايد اشكال والوان
والصدمات بانواعها التجريح و .. و .. الخ
وفي ناس ياما قدرناهم وحترمانهم وطلعوا مو كفو بس بنهاية
الاجر لله و الدنيا ماشية وما خسرنا الجنه وكرامة الانسان اغلى من اي شي
وبصراحة انا الحين ما قمت اثق باحد ومن كثر ما شفت ونصدمت
حتى شخصيتي تغيرت وصرت انعزالية بعد ما كنت اجتماعية واحب الناس
حتى دايما الحين احب اكون بروحي !!
مرات تقولين كلمة على نياتج يفسرونها الناس سوء نيه والف معنى وانتي مو قصدج !
وعلى قولتهم كل طراق بتعلومة والدنيا مدرسة كبيرة منها نتعلم منها وايد اشياء
وسامحيني ع الاطالة حبيبتي بس الموضوع خلاني اطلع الي بقلبي لاني شوي كتومة
وما حب اتشكى وما لقيت الشخص المناسب الي يسمعني ويفهمني
والشكوى لله بس المواضيع شدتني اني اطلع الحجي
وياريت كل حلولها تساعدني والاقي التجاوب من الناس
ولو بتكلم ما اخلص وهذي الدنيا عشنا وشفنا وياما حنشوف
وعسى الله يقويج حبيبتي ويعافي هالانامل الي خلتنا نفش الخلق :eh_s(7):
ان شاء الله راح اكون من المتابعين للموضوع
وتقبلي مروري وان شاء الله ما ثقلت عليكم تحملوني
.gif){kind=icon}
