♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

[جولينار]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂


بصراحه موضوع الخدم يبي له دراسة كاملة + تعميم الطريقة الصحيحة للتعامل معهم



من وجهة نظري لازم يكون فيه اساسيات نطبقها لتعاملنا مع الخدم


1_ توفير غرفة خاصه بملحقاتها مريحة من تكييف وسرير وغيره


2_ تخصيص وقت في اليوم ماتشتغل فيه يعني مثلا من بعد صلاة العشا خلاص تروح لغرفتها


او بين المغرب العشا تروح ترتاح وترجع تكمل الباقي


3_ الراتب يمشي لها شهر بشهر ( اعطو الأجير أجره قبل أن يجف عرقه)


4_ الرسمية أفضّلها في التعامل مع الخدم لانكون جافين معها ولا نطيح الميانة


5_ الرجل ماله علاقة لامن قريب او بعيد كل تعامل الخادمة مع المرأة فقط


( لأنه كل ماكان الرجال رسمي معاهم كل ماكان له هيبه ودرء للمفاسد من ناحية الخدامة بعد)



6_ التودد بالهدايا بين فترة وفترة ولايمنع متى ماكنتي راضية عنها اعطيها هدية جزله

وبيني لها عشان الشغله الفلانية اللي سوتها ..


7_ الشكر على الخدمه صح تاخذ راتب بس من لايشكر الناس لايشكر الله


8_ تخفيف اختلاطها بخدم االعائلة قدر الامكان


9 _ أفضل لو العائله جايبه سايق تكون الخدامة زوجته أحصن لهم الاثنين


اللي يهمها الأمر بالنسبة للخدم تقرى كيفية تعامل الرسول صلى الله عليه وسلم مع خادمة أنس بن مالك


وتطبقها ماراح تخسر





ملاحظة *



انا ماتكلمت عن اللي تترك مسؤليتها كاملة وخصوصا التربية للخدم لانها مو غلطانه الا راكبها الغلط من ساسها

لراسها ,,,

 

[Snow angel]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

مشاكل الخدم واعتماد بعض الأمهات عليهم​

السلام عليكم​

شخباركم ياخواتي ​

عساكم بخير​

المشاكل في الحياة ما تخلص للأسف​

كل يوم نسمع أنواع من المشاكل ​

لازم نكتشف الحقائق ونعرف الاسباب​

على نوصل لحل للمشكلة​

طبعاً نادراً مايخلى بيت من الخدم​

والخدم لهم وظيفة محددة من البداية​

اغلب الأسر يعتمدون عليهم بشكل أساسي
في كل شي سواء،،​

تنظيف البيت​

واحيانا المساعده في الطبخ​

وفي رعاية ابناؤهم في كل شي ​

والموضوع اللي رح اركز عليه ​

هو ترك مسؤولية رعاية الابناء كلها على الخدم​

لدرجة نسمع عن اطفال يتعلقون بالخدامة جنها امه الثانيه​

كون امه مو فاضيه ومشغوله طول الوقت ​

وماعندها وقت لعيالها ​

تركت مسؤولية الاهتمام بعيالها من أكل وشرب وغيره على الخدامة​

وحتى لو كانت واثقه انه هذي الخدامة زينه وفيها مواصفات مميزة ​

لكن ما يمنع انه الأم تكون متابعتها في كل شي
وتخصص لو جزء من وقتها للاهتمام بأبنائها ​

ترا الخدم لهم عادات واطباع وتقاليد غير عنا ​

مايصير نترك ابنائنا طول الوقت مع الخدم
ونعتمد عليهم في كل شي​

ماندري شنو ممكن يعلمونهم من كلام واطباع تخالف ديننا الاسلامي الحنيف​

قبل فترة اكو وحده من خواتنا في المنتدى نزلت موضوع تسأل البنات
عن معنى بعض الكلمات اللي خدامتها كانت تقولها لواحد من عيالها وللأسف​

هذي الكلمات من بعد تحليل معانيها طلعت كلمات (وصخه) ​

الرسول عليه الصلاة والسلام قال :
كلكم راع وكلكم مسؤول عن رعيته​

ودينا الحنيف وصّانا على تنشئة ابنائنا التنشئة السليمة
بما يتفق مع ديننا الاسلامي
ومتابعتهم في كل امورهم من تعليمهم الصلاة
من الصغر واركان الدين الاسلامي ​

لانه شي اكيد مو الخدامه اهي رح تعلهم هذي الامور​

واعتمادنا على الخدم ممكن يكون في كل شي ​

الا تربية الابناء ​

نداء الى كل ام ​

مهما كانت مشاغلج او اهتماماتج ​

لازم تخصصين جزء من وقتج حق عيالج​

لا تعتمدين على الخدامة في كل شي ​

انتي أنهم والخدامة فقط طرف مساعد​

والله ولي التوفيق​

بقلمي الخاص
أختكم المحبة​

نهى الأحمد ​

انتهى زمن الأم خادمة في المنزل بمعنى ( تنظيف، طبخ، تربية ......إلخ ) في بلدنا فقط

عندما كنت في بلدي جربت يوماً في منزلي العيش بدون خادمة أحسست بأن الأمر مرهق من تنظيف طبخ ووووو رغم عدم وجود أطفال في المنزل لكن حجم المنزل طبيعة الأجواء في بلادنا الغبار وغيره وصعوبة التنظيف كثرة الأرتباطات الإجتماعية والمناسبات وغيره من الأمور وقلة ساعات وجودنا في المنزل

لكن هنا في غربتي الأمر مختلف تماماً حجم المنزل يختلف طبيعة الأجواء النظيفة بساطة الشعب والمناسبات الإجتماعية أمور كثيرة مختلفة وكذلك ارى صديقاتي مع اطفالهم التربية مختلفة كثيرا وطبيعة أطفالهم أيضا إختلفت وعند زيارتهم لأهلهم في الخليج عموما يتعبون كثيرا من طبيعة البشر هناك وجفافهم وإختلاف اسلوبهم ولسانهم وكذلك مظهرهم الخارجي من أغلى رداء هو أفضل الموجود حتى طفل الخامسة يعرف نوعية اللباس والماركة وغيرها من الأمور السطحية

لو كنت هناك مرة أخرى لأضطر للعيش على هذا المستوى لكن بما أني هنا وسأبقى هنا إلى الأبد أفضل لي من جميع النواحي


موضوع رائع لكن شر يا عزيزتي لا بد منه

 

[المـــــها]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

السلام عليكم و رحمة الله و بركاته
الخدم هم بشر حالهم حالنا من ناحية المعاملة و المأكل و الملبس
نوكل لهم مسئوليات معينة لكن تحت اشرافنا و اللي اهمها : التنظيف \ الغسيل \ الطبخ
و بصراحه الام و المرأة العاملة لازم يكون عندها خادمه
لكن المرأة السنعه تفهم الخادمه من أول ماتجيبها شاللي لها و شاللي عليها
تعطيها أعمال تسويها كل يوم بشكل روتيني مع وقت راحة
و مسئولية الأطفال من تربية و دراسة و قعده أشوف إنها وااجب على الأم
لأن الخادمة شالت عنها كل الأعباء
لو ردت تعبانه من الدوام تتغدى و معاها عيالها و زوجها و يرتاحون و معاها عيالها أو إذا عيالها ماينامون يتابعون التلفزيون أو يدرسون على ماتقوم الام من النوم
تقعد مع عيالها تجابل بيتها بهالحزة الخادمة ممكن تسوي باقي أعمالها مع تخصيص وقت للراحه
تفتح كتبهم تشوف حلوا الواجبات ولا لأ ؟؟ تشوف دروسهم و تتابع مستوى عيالها و تشوف طلبات المدرسة ..
و بهالحزة تجمع اسرتها يعني الابو أو الزوج يرتاح نفسيا لو شاف مرته قاعده بالبيت و معاها عيالها و لامة اسرتها يقعدون يضحكون يلاعبون عيالهم يقوون علاقتهم فيهم مو كلا يسولفون مع الخدم و قاطينهم عالخدم


و ربي و ربي أعرف ناس من الصبح ليييييييييييييييييييي الليل البيبي مقطوط عند الخادمه و المشكلة تطقه بقسات ع الراس اذا ازعجها و حتى بالكلام يتأخر أو كلامه مو مفهوم .. و ماحس فيه طفوله !!

وين حنان الأم؟؟ وين الأم اللي تشتاق لضناها ؟؟ وين الأم اللي تحاتي ضناها و تخاف عليه ؟؟
و المشكلة و ربي لاوظيفة لا دوام ولا دراسة
نووووم×نووووووم
و حتى الزوج مهملته
كل شيييييييييي ع الخادمة !!
استغفرالله العلي العظيم










المرة السنعه تقسم شغل البيت
و تخلي العيال مسئولية امهم و أبووووهم
اللهم حزة نومة الظهر ممكن تتركهم للخادمه بس تراقبهم





يعني وربي بعض الحريم تلقينهم قاعدين في البيت 24 ساعه
و عيالهم حتى ماتطلعهم لأهل زوجها
و الناس عبالهم مجابله عيالها و تحبهم
لكن المصيبة و الصدمة الام اما نايمة او طالعه او تتكلم بالتلفون و العيال مقطوطين عند الخادمه تناغيهم و تسولف معاهم
و ما خفي أعظم !!!



أنا أقول الخدم ما يتأمنون ع العيال حرااااااام ماتدرون شيسوون فيهم شنو يقولون لعيالكم من كلام و أفكار غلط ؟؟
حرام الأطفال الحين تنشأتهم أغلبهم و نسبة كبيرة منهم تربوا على ايد الخدم

شهالجيل ؟؟ شهالاهمال ؟؟؟ عشان جذي بهالزمن الطفل ماعنده احترام ولا مسئولية ولا يخاف و لا يهاب و ضايع بهالدنيا

عشان جذي اشوف كثيييييييييير من الطلبة و الطالبات ما يركدون و يغلطون على بعض ولا يحترمون المعلمين و مهملين بشكل مو طبيعي و ماعندهم مراقبة للنفس يعني لو قلنا الغش حرام ما يخافون عادي عندهم تدرون ليش؟؟

لأنهم مايعرفون شنو يعني حرام الخدامة ماعلمتهم ان ربي يراقبنا و ماقوت الايمان بقلوبهم


الحين يجيبون للبيبي اي بود ولا آي باد و يالله فكة يقطونه عالخادمة عشان ما يأذينهم و يلزق فيهم


هالاهمال و الغلط الاول و الأخير ع الامهاااااااااااات

في حريم تجيب و تقط بالشارع (أقصد ماتربي عيالها) نفس القطوة تولد و خلاص

و في حريم تجيب و تحافظ على عيالها


شتان بين الأولى و الثانية!

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

مرحبا​

نهى لونج عساج بخير​

وحشتيني وااايد​

بنات وحشتووني وايد​

معليش انشغلت بالجامعه بهدلتني هههههههههههههه​

عساكم بخير ؟؟؟؟؟؟؟​

جمعه مباركة عليكم باذن الله​

تحياتي​

هلا والله ياقلبي

شخبارج

لج وحشه

انا الحمدالله بخير ومشتاقه لج

عسى ربي يوفقج في دراستج ويسعدج يا الغاليه

الموضوع اليديد ينطرج

السلام عليكم



مشكووورة نهى عالدعوة



وحبيت فكرة الموضوع قريت اول 3 صفحات و اخر صفحتين ماشالله




المواضيع هادفة و المشاكل اللي طرحتوها جدا مهمة




طبعا بقتصر بمشكلة السحر لما انه باقي المواضيع طافتني بس بقرا الردود للبحث بينها و الاخذ بالاراء السليمة





السحر هذي مشكلة ماتعلق لا بمركز معين ولا بشهادة ولا بطبقة معينة ولا بمستوا مادي ولا اجتماعي




اهيا بالاخص تتعلق بالناس اللي بعيدين كل البعد عن دينهم




ممكن يكونون يادون فروضهم كاملة بس نفسهم مو خاشعة لله




والسحر هذا يبحثون عنه ذوي النفوس المريضة اللي ماترضا بقضاء الله ولا اتحب الخير للناس




تندفع للسحرة من باب انته تبي تحافظ حبيبها ولا تخطفه من بيته



ولا اتغار من رفيجتها و تبي اتخرب عليها



ولا تبي مركز معين ولا تبي




اساسه يكون الحسد و الحقد اهو الحافز اللي يدفعهم للذهاب الى هالسحرو والسحرين و المتكهنين من باب تبي اتساعد روحها

ومايهمها اذا اذت احد بطريجها ولا لأ

هذي الناس قلوبها سودة اسود من ظلام الليل

للاسف انه النوعية تكاثرت

واتلاقينها اتاثر بذوات القلوب الطيبة بس اللي ماتعرف شلون اتصرف ولا اتعرف اتقول لأ ولا اتعرف اتجادل و تثبت على رايها

تسحبها و واتوديها لهالاماكن و تخليها باثامها واب مخاوفها شوي شوي ليين اتخلي ريلها تاخذ على هالمكان

لأنه الانسان مايحب يكون بروحه بالغلط فا تبي اتضيعها وياها









بس اللي اتخاف من ربها حتى لو اظلم الظلمات انزلت عليها اعتبرته ابتلاء من الله يختبر صبرها و فرشت سيادتها
وطلبت من الله العون





كافي عدم قبول اربعين يوم من الصلوات لأنج بس دستي ريلج بهالاماكن اللي اتضيع فيها الروح الايمانية و الرح البشرية

يا هلا وغلا ياقلبي

العفو حبيبتي


شاكره لج مشاركتج في ابداء الرأي في موضوع السحر ياقلبي

نورتينا ياقلبي

اهيا بالاخص تتعلق بالناس اللي بعيدين كل البعد عن دينهم

عدل كلامج ياقلبي

الناس اللي تلجأ للسحر ولهذي الامور بعيدة كل البعد عن دينهم
بالرغم انهم يصلون ويدعون

لكن صلاتهم شنو فايدتها اذا كانوا يلجئون لامور السحر

هذي الفئة من البشر مغلفين بغلاف الشر والنوايا السوء اللي بداخلهم

عسى ربي يهديهم ياقلبي

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

وبانتظار موضوعج اليديييد نهى

بعد عمري والله

,


بـ آنتظار يوم السبت :$ !

فديتها النشيطة اللي دوم معانا في الموضوع

مساء الخير

أنتظر الموضوع بتشوق
ما شاءالله عليك إختياراتك للمواضيع مميزه

مساء الورد ياقلبي

تسلمين حبيبتي

جيت مسرعة مسرعة مسرعة..أحجز بالصف الأمامي..

ننتظر بفارغ الصبر..

هلا والله ياقلبي

فديتها اللي طلت علينا ونورت الكون

بعد عمري والله

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

لي عوده ثانية يا خواتي

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

,


و عليكم السلام و رحمه الله و بركآته !

الخدآمه الحين شر لآبد منه :eh_s(2):
خصوصا اذا كآنت المره موظفه مآ تقدر تشتغل بالبيت مآعندها وقت .،
ضروووري اتييب خدآمه أو اثنين يساعدونهآ بـ شغل البيت .، !


بعض الحريم الصراحه يمسخونهآ،
على بالهم آنه هالآدميه مجرد آله تشتغل ليل نهار لا رآحه و لا نوم و لا عندها احساس !.
يخلون الشغل كلا عليها و مآ يبونهآ ترتاح و لا تسوي شي تستانس فيه ،
يعني مو معقوله خدآمه بتييبينهآ سنتين عندج مآ تستانس بشي .،
على الاقل آبسط شي اذا طلعتي مره بالاسبوعين طلعيها وياج شفيها يعني .!

و سالفه اليهال + الخدم انا آعاااااااارضها لأخر نفس بحياتي :eh_s(4):
كلششششششششش مآ آحب آشووووف خدآمه توكل أو تغسل أو تنظف ولد و الآم قاعده :/
اتنرررررفز و يكسر خآطري هالولد .،
بعض الآمهآت اييبون عيال و يخلون مسؤوليه التربيه على الخدآمه .،
لـ درجه آنه قمنا نشووف انه بعض اليهال متعلقين بالخدم و يحبون الخدم آكثر من الآم نفسها .!

بـ النسبه لي اشوووف انه الخدآمه شغلها الأول و الأخير .، تنظيف البيت فقط !
آمآ مسؤوليه الياهل على الآآآآآآآآم حتى لو كآنت موظفه ,،

اذا كآنت الآم بعض المرات تتنرفز من ولدها لمآ يحن و يبجي .!
شلون عيل الغريبه :eh_s(2): .,!

والله العظيمـ آكثر من مره اصااادف مواقف انه الخدآمه تـطق الياهل
و الآم قاعده و ساكته و تقول آحسن ليش تطول لسآنك عليها :|


انا اشوووف آنه عيالي ( خط آحمر ) مستحيل آحد يكون مسؤول عليهم الا انا. ،
و مستحيل آحد يتعدآهم .،

تسلمين نهووي مووضوع صج حساس .،
و ياليت يصير في تفاعل آكثر :d

هلا والله ياقلبي توم

مشكوره على المشاركة في الرأي في موضوعنا الهااام

الخدآمه الحين شر لآبد منه :eh_s(2):
خصوصا اذا كآنت المره موظفه مآ تقدر تشتغل بالبيت مآعندها وقت .،
ضروووري اتييب خدآمه أو اثنين يساعدونهآ بـ شغل البيت .، !

اتفق معاج ياقلبي في الرأي

انتي قلتيها

تييب خدامها حتى تساعدها في شغل البيت مو في تربية العيال


عسى ربي يهديهم ياقلبي ويعرفون قيمة عيالهم

 

[جورجيت]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

مشاكل الخدم واعتماد بعض الأمهات عليهم​

في وقتنا الحاضر ومع تعقيد الحياة اليومية في مجتمعنا أصبح وجود الخدم أمر ضروري جداً لتحقيق تكافئ في امور الحياة المختلفة التربوية والعملية والاسريه والروتينية اليومية إلا ما ندر .. ​

فمن الضروري اولا الايمان بأن وجود الخدم يعتبر امر حتمي غالباً مما سيسهل علينا فهم الامور التي يجب ان تناط بهم .. ​

من اهم القواعد التي يجب ادراكها فعليا هي ان الخدم هم للمساعدة في الشؤون وليس تسليم بعض الشؤون وهذا مفصل يجعلنا نحدد بالضبط مهامهم داخل الاسرة . . ​

أيضا من المهم جداً معاملتهم بانسانية بحته دون النظر لنواياهم بعين الجزم على السوء بل لا يتعدى الحذر وهذه تعتبر من النقاط الشائكة كتبرير لاجحاف حقوقهم بالمعاملات . ​

من الاعتبارات المهمة التي يجب التركيز عليها هي فهم ان هؤلاء الخدم اتو من بيئات ومجتمعات متباينه فمن المحال مطالبتنا لهم بسخ ثقافتنا وتطبيعها لهم, فتعقد حياتنا ورفاهية عيشنا لابد ان يكون له ضريبه ولعل هذه احدها .. ​

لا يوجد انسان يحقد عليك قبل أن يعرفك لذا من المهم ان نعطي انطباع حسن عنا عند الخدم في بداية معرفتهم لنا كي نضمن افضل اداء لهم بحقنا , مع الاخذ بعين الاعتبار بأنهم بشر استأجرنا خدمتهم بنقودنا لم نشتري انفسهم بها وهذه ايضا مغالطه فهمية في مجتمعاتنا .. ​

بعد فهم كل ما ذكرت لربة الاسرة عند استقدام الخدم عندها سيتحدد بالضبط المهام التي ستعطيها لهم والتي بالتأكيد لن تكون من ضمنها تربة الأبناء كلياً ,, والحقيقة ان تحديد المهام في هذه المسألة صعب خصوصا اذا كانت الام عاملة فهنا عليها ايجاد طرق تضمن لها مراقبة سير هذه المهمة بالنسبة للخدم وكثير من الامهات اعتمدت مثلا كاميرات المراقبه لذلك وانا شخصيا ارى ان تعطى الخادمه خبر بوجود هذه الكاميرا كاحتياط للمخاطر وليس كمراقبه لها شخصيا لأن أي شخص مهما كان سيء اذا ضمن حقوقه ومعاملته بشكل يضمن انسانيته فلن يمانع بوجود كاميرا احتياطيه لو فرضا وجدت .. ​

نحن المسؤولين اولا واخيرا عن كل خطأ او جريمه تقع من هؤلاء الخدم لأنها غالباً تقع بسبب المعاملات الدونيه لهم وكأننا لسنا من اصحاب دين الخلق ..
وهذا خادم الرسول صلى الله عليه وسلم أنس بن مالك رضي الله عنه قال: ( خدمت النبي صلى الله عليه وسلم عشر سنين فما قال لي أف ولا لم صنعت ولا ألا صنعت )​

هنا تتجلى الأخلاق المحمدية وهي ليست مستحيلة بل ممكنة وسهلة لمن أراد .. ​

جزيل الشكر نهى ..​

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

صباح الخيرات يا خواتي

شخباركم

عساكم بخير

ادري تاخرت بالرد عليكم

حبيت انطر باقي خواتنا يشاركونا في الموضوع علشان انتقل لموضوع ثاني

عسى ربي يوفقكم يا خواتي

 

[المـــــها]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

نهى بعد في سالفة السايق
في عضوة كتبت رايها عنه بالاستطلاع
و ربي البنات الصغار يروحون و يردون مع السايق بلا اهل ولا رقابة
مع او بدون خدامه
مشكله كبييييييييرة !!
ياما شفنا سواويق حاطين البنات الصغار بحضنهم
و ياما شفت السايق مودي الولد للطبيب و نفس الشي الخدامه !!!!!!

شلووون جذي بعرف؟؟
يعني الخدامه صارت مكان الأم؟؟؟
حتى طبيب ماتوديهم؟؟؟؟
أجل شنو تسوي ؟؟
عايشة لشنو؟؟؟؟؟؟؟؟؟؟؟؟
شي يقهر!

 

[PuPa^^SWeeT]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

صاجة

انا اعتبر خطر السايق اكبر من الخادمة



السايق يعاملونه كانه من اهل البيت يحضن الاطفال و يلمهم و يطلعهم برووحه و يوديهم الجمعية


يعني هذا منه خطر على طفل ما كمل ال 14 سنة

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

من أين نبدأ ومن أن سننتهي؟ فالحديث ذو مرارة وأسى بكل ماتحمله الكلمة!​

بيوت .. سلمت القيادة للخدم !
عنوان بالخط العريض لحال الكثير من البيوت الخليجية..التي اعطت الخيط والمخيط للوافدين الغرباء ..وفضلت الابتعاد والإنسلاخ من واجب المسؤلية !
حتى نسجوا بيوتا من وهن...وتفاصيل من سراب..وأعمدة من صوف بالي على شفا جرف هار! ثم أسرة بلا هوية ..قضيتها الضياع!​

هل مفهوم الرفاهية يفسر لدينا على هذا النحو العجيب!
هل تعني الرفاهية أن تركل المسؤلية كالكرة في عرض الحائط!
أين سيقف المفرطون في هذا الجانب من جريرة التقصير تجاه أبناءهم! وماذا عن حساب الرب تبارك وتعالى؟​

​

طبعاً نادراً مايخلى بيت من الخدم
والخدم لهم وظيفة محددة من البداية
اغلب الأسر يعتمدون عليهم بشكل أساسي
في كل شي سواء،،
تنظيف البيت
واحيانا المساعده في الطبخ
وفي رعاية ابناؤهم في كل شي ​

من الواجب أن تحدد ربة المنزل أو الوالدان بشكل عام المهام الأساسية والخطوط العريضة للخادمة الوافده..لا تتعداها ولا تتجاوزها إلى غيرها!
اقول ان هذا الواجب لو كان هناك ثمة وعي كاف ..
لكن الواقع مختلف..سبهللة وانفلات!
تقوم بكل شيء ..وغدا ستأكل وتشرب وتنام وتمرض عنهم!​

والموضوع اللي رح اركز عليه
هو ترك مسؤولية رعاية الابناء كلها على الخدم
لدرجة نسمع عن اطفال يتعلقون بالخدامة جنها امه الثانيه
كون امه مو فاضيه ومشغوله طول الوقت وماعندها وقت لعيالها
تركت مسؤولية الاهتمام بعيالها من أكل وشرب وغيره على الخدامة​

اذا لم يكن الأبوين كفؤ لإنجاب الأطفال والأبناء ورعايتهم وتربيتهم فلا داعي لذلك!
فالمجتمع لا ينقصه افراد ذوي تربية ناقصة بل على النقيض تماما فهو يغص بهم حتى الإختناق.!
استثني من ذلك ..الذين تجبرهم ظروف الحياة والعمل على الإستعانة (لاحظي أن اقول الأستعانة اي طلب العون فقط) بالخدم بالتربية والعناية الصحية والتغذوية وخلافها..مع الأخذ بعين الأعتبار ضرورة الرقابة المستمرة والمتابعة لدائمة لعطاء الخادمة تجاه ابناءهم كما تفضلتي..
وافضل في هذا الصدد أن توكل الهمة لمربية خاصة وليس لأي خادمة عادية..​

ترا الخدم لهم عادات واطباع وتقاليد غير عنا
مايصير نترك ابنائنا طول الوقت مع الخدم
ونعتمد عليهم في كل شي
ماندري شنو ممكن يعلمونهم من كلام واطباع تخالف ديننا الاسلامي الحنيف​

أحمل مايحدث من خلل عقدي او نقص في الأخلاق أو سوء في السلوكيات لدى الأبناء أحمل ذلك كله..لأكبر الجناة في حق التنشئة ((الوالدين ..والأهمال..والأنانية والامبالاة ))​

الرسول عليه الصلاة والسلام قال :
كلكم راع وكلكم مسؤول عن رعيته​

لو يستشعرون هذا الحديث ؟​

غاليتي هزة

سلمت يمينك عزيزتي

رد رائع

من الواجب أن تحدد ربة المنزل أو الوالدان بشكل عام المهام الأساسية والخطوط العريضة للخادمة الوافده..لا تتعداها ولا تتجاوزها إلى غيرها!
اقول ان هذا الواجب لو كان هناك ثمة وعي كاف ..
لكن الواقع مختلف..سبهللة وانفلات!
تقوم بكل شيء ..وغدا ستأكل وتشرب وتنام وتمرض عنهم!​

هذا هو المطلوب غاليتي هزة
تحديد الامور الواجبة على الخادمة منذ بداية عملها في المنزل
وتلك الواجبات لا تتعدى امور المنزل

اذا لم يكن الأبوين كفؤ لإنجاب الأطفال والأبناء ورعايتهم وتربيتهم فلا داعي لذلك!
فالمجتمع لا ينقصه افراد ذوي تربية ناقصة بل على النقيض تماما فهو يغص بهم حتى الإختناق.!

اوافقك الرأي هنا يا الحبيبه :eh_s(15):

أحمل مايحدث من خلل عقدي او نقص في الأخلاق أو سوء في السلوكيات لدى الأبناء أحمل ذلك كله..لأكبر الجناة في حق التنشئة ((الوالدين ..والأهمال..والأنانية والامبالاة ))

وانا معك يا الغاليه


هزة غضا

احبك في الله

يعجز اللسان عن وصف جمال ردودك :eh_s(22):​

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

بصراحه موضوع الخدم يبي له دراسة كاملة + تعميم الطريقة الصحيحة للتعامل معهم



من وجهة نظري لازم يكون فيه اساسيات نطبقها لتعاملنا مع الخدم


1_ توفير غرفة خاصه بملحقاتها مريحة من تكييف وسرير وغيره


2_ تخصيص وقت في اليوم ماتشتغل فيه يعني مثلا من بعد صلاة العشا خلاص تروح لغرفتها


او بين المغرب العشا تروح ترتاح وترجع تكمل الباقي


3_ الراتب يمشي لها شهر بشهر ( اعطو الأجير أجره قبل أن يجف عرقه)


4_ الرسمية أفضّلها في التعامل مع الخدم لانكون جافين معها ولا نطيح الميانة


5_ الرجل ماله علاقة لامن قريب او بعيد كل تعامل الخادمة مع المرأة فقط


( لأنه كل ماكان الرجال رسمي معاهم كل ماكان له هيبه ودرء للمفاسد من ناحية الخدامة بعد)



6_ التودد بالهدايا بين فترة وفترة ولايمنع متى ماكنتي راضية عنها اعطيها هدية جزله

وبيني لها عشان الشغله الفلانية اللي سوتها ..


7_ الشكر على الخدمه صح تاخذ راتب بس من لايشكر الناس لايشكر الله


8_ تخفيف اختلاطها بخدم االعائلة قدر الامكان


9 _ أفضل لو العائله جايبه سايق تكون الخدامة زوجته أحصن لهم الاثنين


اللي يهمها الأمر بالنسبة للخدم تقرى كيفية تعامل الرسول صلى الله عليه وسلم مع خادمة أنس بن مالك


وتطبقها ماراح تخسر





ملاحظة *



انا ماتكلمت عن اللي تترك مسؤليتها كاملة وخصوصا التربية للخدم لانها مو غلطانه الا راكبها الغلط من ساسها

لراسها ,,,

هلا حبيبتي جوجو

تسلمين حبيبتي على الرد المقنع

مشكووووووووره على النقاط والاساسيات اللي ذكرتها

صج انها مهمه

كل اللي اقدر اقوله لج

ودي اصفق لج :ggdw::ggdw:

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

انتهى زمن الأم خادمة في المنزل بمعنى ( تنظيف، طبخ، تربية ......إلخ ) في بلدنا فقط

عندما كنت في بلدي جربت يوماً في منزلي العيش بدون خادمة أحسست بأن الأمر مرهق من تنظيف طبخ ووووو رغم عدم وجود أطفال في المنزل لكن حجم المنزل طبيعة الأجواء في بلادنا الغبار وغيره وصعوبة التنظيف كثرة الأرتباطات الإجتماعية والمناسبات وغيره من الأمور وقلة ساعات وجودنا في المنزل

لكن هنا في غربتي الأمر مختلف تماماً حجم المنزل يختلف طبيعة الأجواء النظيفة بساطة الشعب والمناسبات الإجتماعية أمور كثيرة مختلفة وكذلك ارى صديقاتي مع اطفالهم التربية مختلفة كثيرا وطبيعة أطفالهم أيضا إختلفت وعند زيارتهم لأهلهم في الخليج عموما يتعبون كثيرا من طبيعة البشر هناك وجفافهم وإختلاف اسلوبهم ولسانهم وكذلك مظهرهم الخارجي من أغلى رداء هو أفضل الموجود حتى طفل الخامسة يعرف نوعية اللباس والماركة وغيرها من الأمور السطحية

لو كنت هناك مرة أخرى لأضطر للعيش على هذا المستوى لكن بما أني هنا وسأبقى هنا إلى الأبد أفضل لي من جميع النواحي


موضوع رائع لكن شر يا عزيزتي لا بد منه

مرورك ومشاركتك العطره هو الأروع عزيزتي سنوو :eh_s(17):

نعلم بان الخادمة شر لابد منه

ولكن يجب ان يكون هناك عدة اسس يجب اتباعها عند استقدام خادمة للمنزل
ونظام معين سواء للخادمة او منزل المخدوم

اعلم بان طبيعة اهل الخليج بما فيه كثرة المناسبات وطبيعة الجو تحتم على كل بيت ضرورة وجود الخادمة
واتفق معك بهذا الرأي

وأن كل من الطرفين الأسرة والخادمة ماهي المسؤوليات الواجبة عليهم

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

السلام عليكم و رحمة الله و بركاته
الخدم هم بشر حالهم حالنا من ناحية المعاملة و المأكل و الملبس
نوكل لهم مسئوليات معينة لكن تحت اشرافنا و اللي اهمها : التنظيف \ الغسيل \ الطبخ
و بصراحه الام و المرأة العاملة لازم يكون عندها خادمه
لكن المرأة السنعه تفهم الخادمه من أول ماتجيبها شاللي لها و شاللي عليها
تعطيها أعمال تسويها كل يوم بشكل روتيني مع وقت راحة
و مسئولية الأطفال من تربية و دراسة و قعده أشوف إنها وااجب على الأم
لأن الخادمة شالت عنها كل الأعباء
لو ردت تعبانه من الدوام تتغدى و معاها عيالها و زوجها و يرتاحون و معاها عيالها أو إذا عيالها ماينامون يتابعون التلفزيون أو يدرسون على ماتقوم الام من النوم
تقعد مع عيالها تجابل بيتها بهالحزة الخادمة ممكن تسوي باقي أعمالها مع تخصيص وقت للراحه
تفتح كتبهم تشوف حلوا الواجبات ولا لأ ؟؟ تشوف دروسهم و تتابع مستوى عيالها و تشوف طلبات المدرسة ..
و بهالحزة تجمع اسرتها يعني الابو أو الزوج يرتاح نفسيا لو شاف مرته قاعده بالبيت و معاها عيالها و لامة اسرتها يقعدون يضحكون يلاعبون عيالهم يقوون علاقتهم فيهم مو كلا يسولفون مع الخدم و قاطينهم عالخدم


و ربي و ربي أعرف ناس من الصبح ليييييييييييييييييييي الليل البيبي مقطوط عند الخادمه و المشكلة تطقه بقسات ع الراس اذا ازعجها و حتى بالكلام يتأخر أو كلامه مو مفهوم .. و ماحس فيه طفوله !!

وين حنان الأم؟؟ وين الأم اللي تشتاق لضناها ؟؟ وين الأم اللي تحاتي ضناها و تخاف عليه ؟؟
و المشكلة و ربي لاوظيفة لا دوام ولا دراسة
نووووم×نووووووم
و حتى الزوج مهملته
كل شيييييييييي ع الخادمة !!
استغفرالله العلي العظيم










المرة السنعه تقسم شغل البيت
و تخلي العيال مسئولية امهم و أبووووهم
اللهم حزة نومة الظهر ممكن تتركهم للخادمه بس تراقبهم





يعني وربي بعض الحريم تلقينهم قاعدين في البيت 24 ساعه
و عيالهم حتى ماتطلعهم لأهل زوجها
و الناس عبالهم مجابله عيالها و تحبهم
لكن المصيبة و الصدمة الام اما نايمة او طالعه او تتكلم بالتلفون و العيال مقطوطين عند الخادمه تناغيهم و تسولف معاهم
و ما خفي أعظم !!!



أنا أقول الخدم ما يتأمنون ع العيال حرااااااام ماتدرون شيسوون فيهم شنو يقولون لعيالكم من كلام و أفكار غلط ؟؟
حرام الأطفال الحين تنشأتهم أغلبهم و نسبة كبيرة منهم تربوا على ايد الخدم

شهالجيل ؟؟ شهالاهمال ؟؟؟ عشان جذي بهالزمن الطفل ماعنده احترام ولا مسئولية ولا يخاف و لا يهاب و ضايع بهالدنيا

عشان جذي اشوف كثيييييييييير من الطلبة و الطالبات ما يركدون و يغلطون على بعض ولا يحترمون المعلمين و مهملين بشكل مو طبيعي و ماعندهم مراقبة للنفس يعني لو قلنا الغش حرام ما يخافون عادي عندهم تدرون ليش؟؟

لأنهم مايعرفون شنو يعني حرام الخدامة ماعلمتهم ان ربي يراقبنا و ماقوت الايمان بقلوبهم


الحين يجيبون للبيبي اي بود ولا آي باد و يالله فكة يقطونه عالخادمة عشان ما يأذينهم و يلزق فيهم


هالاهمال و الغلط الاول و الأخير ع الامهاااااااااااات

في حريم تجيب و تقط بالشارع (أقصد ماتربي عيالها) نفس القطوة تولد و خلاص

و في حريم تجيب و تحافظ على عيالها


شتان بين الأولى و الثانية!

وعليكم السلام يا الغاليه

ماشاء الله عليج

ماعرفت شنو ارد وشنو اعلق

رد كافي ووافي حبيبتي

تسلم يمناج

لا تحرمينا من طلتج ومشاركتج يا الغاليه

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

مشاكل الخدم واعتماد بعض الأمهات عليهم​

في وقتنا الحاضر ومع تعقيد الحياة اليومية في مجتمعنا أصبح وجود الخدم أمر ضروري جداً لتحقيق تكافئ في امور الحياة المختلفة التربوية والعملية والاسريه والروتينية اليومية إلا ما ندر .. ​

فمن الضروري اولا الايمان بأن وجود الخدم يعتبر امر حتمي غالباً مما سيسهل علينا فهم الامور التي يجب ان تناط بهم .. ​

من اهم القواعد التي يجب ادراكها فعليا هي ان الخدم هم للمساعدة في الشؤون وليس تسليم بعض الشؤون وهذا مفصل يجعلنا نحدد بالضبط مهامهم داخل الاسرة . . ​

أيضا من المهم جداً معاملتهم بانسانية بحته دون النظر لنواياهم بعين الجزم على السوء بل لا يتعدى الحذر وهذه تعتبر من النقاط الشائكة كتبرير لاجحاف حقوقهم بالمعاملات . ​

من الاعتبارات المهمة التي يجب التركيز عليها هي فهم ان هؤلاء الخدم اتو من بيئات ومجتمعات متباينه فمن المحال مطالبتنا لهم بسخ ثقافتنا وتطبيعها لهم, فتعقد حياتنا ورفاهية عيشنا لابد ان يكون له ضريبه ولعل هذه احدها .. ​

لا يوجد انسان يحقد عليك قبل أن يعرفك لذا من المهم ان نعطي انطباع حسن عنا عند الخدم في بداية معرفتهم لنا كي نضمن افضل اداء لهم بحقنا , مع الاخذ بعين الاعتبار بأنهم بشر استأجرنا خدمتهم بنقودنا لم نشتري انفسهم بها وهذه ايضا مغالطه فهمية في مجتمعاتنا .. ​

بعد فهم كل ما ذكرت لربة الاسرة عند استقدام الخدم عندها سيتحدد بالضبط المهام التي ستعطيها لهم والتي بالتأكيد لن تكون من ضمنها تربة الأبناء كلياً ,, والحقيقة ان تحديد المهام في هذه المسألة صعب خصوصا اذا كانت الام عاملة فهنا عليها ايجاد طرق تضمن لها مراقبة سير هذه المهمة بالنسبة للخدم وكثير من الامهات اعتمدت مثلا كاميرات المراقبه لذلك وانا شخصيا ارى ان تعطى الخادمه خبر بوجود هذه الكاميرا كاحتياط للمخاطر وليس كمراقبه لها شخصيا لأن أي شخص مهما كان سيء اذا ضمن حقوقه ومعاملته بشكل يضمن انسانيته فلن يمانع بوجود كاميرا احتياطيه لو فرضا وجدت .. ​

نحن المسؤولين اولا واخيرا عن كل خطأ او جريمه تقع من هؤلاء الخدم لأنها غالباً تقع بسبب المعاملات الدونيه لهم وكأننا لسنا من اصحاب دين الخلق ..
وهذا خادم الرسول صلى الله عليه وسلم أنس بن مالك رضي الله عنه قال: ( خدمت النبي صلى الله عليه وسلم عشر سنين فما قال لي أف ولا لم صنعت ولا ألا صنعت )​

هنا تتجلى الأخلاق المحمدية وهي ليست مستحيلة بل ممكنة وسهلة لمن أراد .. ​

جزيل الشكر نهى ..​

اهلا وسهلا بالعزيزه جورجيت

العفو يا الحبيبه


كم يسعدني تواجدك المتألق في هذا الركن العطر

من اهم القواعد التي يجب ادراكها فعليا هي ان الخدم هم للمساعدة في الشؤون وليس تسليم بعض الشؤون وهذا مفصل يجعلنا نحدد بالضبط مهامهم داخل الاسرة . . ​

نعم عزيزتي جورجيت

الخدم لهم وظيفة محدده من بداية عملهم في اي منزل
وتلك الوظيفة تحدد من قبل الأسرة

والحقيقة ان تحديد المهام في هذه المسألة صعب خصوصا اذا كانت الام عاملة فهنا عليها ايجاد طرق تضمن لها مراقبة سير هذه المهمة بالنسبة للخدم وكثير من الامهات اعتمدت مثلا كاميرات المراقبه لذلك وانا شخصيا ارى ان تعطى الخادمه خبر بوجود هذه الكاميرا كاحتياط للمخاطر وليس كمراقبه لها شخصيا لأن أي شخص مهما كان سيء اذا ضمن حقوقه ومعاملته بشكل يضمن انسانيته فلن يمانع بوجود كاميرا احتياطيه لو فرضا وجدت ..

كلام سليم غاليتي :eh_s(15):

وكما قلتي عزيزتي بالنسبة لمعاملة الخدم
يجب ان تكون معاملة جيده من جميع الجوانب

وان عوملت الخادمة هذه المعاملة في المقابل سنرى الانجاز والاتقان في عملها

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

حبيباتي مهوووي وبوبو

راجعه مرة ثانيه لردودكم

 

[بسبوسه بلجبنه]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

بناااات تكفوون سااعدوني امي ادري انها تحبني اهي وابووووووووووي بس اهم ما يرضوووووووون البس قصيير لاتقووولين رضلااهم ببس طفشت معن انا مو متحجبه وعمر 10 سنين واللله اشوووووووووف بنااات خلاتي لابسااااااااااات امووووووت قهر واتمني منكم انكم تفووووووويدووني تكفووووووون ما رح اقصر بدعاااء مره دعييت لبنت خالللتي بشفاااء وشفت مشااءالله الحييين تركض ومااا فيها شي ولا كانه​

 

[هزة غضا]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

بناااات تكفوون سااعدوني امي ادري انها تحبني اهي وابووووووووووي بس اهم ما يرضوووووووون البس قصيير لاتقووولين رضلااهم ببس طفشت معن انا مو متحجبه وعمر 10 سنين واللله اشوووووووووف بنااات خلاتي لابسااااااااااات امووووووت قهر واتمني منكم انكم تفووووووويدووني تكفووووووون ما رح اقصر بدعاااء مره دعييت لبنت خالللتي بشفاااء وشفت مشااءالله الحييين تركض ومااا فيها شي ولا كانه​

اسمك لذيذ ..
ياقلبي يابسبوستي ماشاء الله عليك انتي عاقلة وافهمة وبعظمة لسانك قلتي ان أمك وابوك يحبونك..لانهم لو مايحبونك مامنوعك من اي شيء فيه معصية لله..
ربي يحفظهم ويخليهم لك..ماشاء الله عليهم ونعم الوالدين ..فخر والله..الله يلحقك برهم ويكونون سبب لدخولك الجنة..قولي آمين..
طيب انتي تحبينهم صح؟
وتخافين عليهم من النار صح؟
وش راح يكون جوابهم لمن يوقفون قدام الله عز وجل يوم القيامة وهو يسألهم عنك ليش ماحفظتوا رعيتكم؟ ليش سمحتوا لبسبوسه تعصيني وتخالف اوامري؟
ترضين ياخذون اثمك عشان بس تصيرين مثل بنات خالك؟
أكيد لا
تتوقعين هم مايبون سعادتك ؟
تأكدي انهم يدرون ان سعادتك بطاعة الله وبالستر والحشمة..مو قصدهم يدقرونك ..بالعكس هم شارين لك السعادة الأبدية..
هم خايفين عليك من الذنوب..وحاطين هالحديث قدام عيونهم (كلكم راع وكلكم مسؤل عن رعيته)
لا تقولين انا صغيرة او مومحجبة..ماشاء الله عليك 10 سنين انتي مكلفة خلاص..
حاولي تتحجبين بسم الله عليك كبرتي وصرتي مره..وتذكري ان الحجاب امر من الله حاله حاله الصلاة والحج والصوم...وغيره من الأوامر والعبادات..

بسبوستي لا تصيرين انانية فكري زين..تذكري مسؤليتك اللي برقبتهم..
اشكري الله على وجودهم بحياتك وحرصهم عليك ..واكسبي رضاهم ,,والله مامثله رضا..يفتح لك ابواب السعادة في الدنيا والآخرة..

الله يوفقك لكل مايحب ويرضى ويحفظك ويبارك لك بوالدينك ويمد بأعمارهم على طاعته ..

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

نهى بعد في سالفة السايق
في عضوة كتبت رايها عنه بالاستطلاع
و ربي البنات الصغار يروحون و يردون مع السايق بلا اهل ولا رقابة
مع او بدون خدامه
مشكله كبييييييييرة !!
ياما شفنا سواويق حاطين البنات الصغار بحضنهم
و ياما شفت السايق مودي الولد للطبيب و نفس الشي الخدامه !!!!!!

شلووون جذي بعرف؟؟
يعني الخدامه صارت مكان الأم؟؟؟
حتى طبيب ماتوديهم؟؟؟؟
أجل شنو تسوي ؟؟
عايشة لشنو؟؟؟؟؟؟؟؟؟؟؟؟
شي يقهر!

هلا حبيبتي مهووي

اي والله هذا شي يقهر

سمعنا مشاكل وايد اللي تصير من ورا السايق
من اعتداء و غيره


مدري شلون يأمنون على عيالهم مع السابق

او حتى يتركونهم وقت طويل مع الخدامة


وين دوور الأم؟؟؟