♠▲▼نظرة المجتمع والأهل للمطلقة♠▲▼

[نهى الأحمد]

صباح الخيرات حبيباتي​

شخباركم​

أتمنى تكونو بخير وباحسن حال​

هذا الموضوع انا كتبته في موضوعي لمن يهمها الأمر في قسم المشاكل الاجتماعية



http://www.q8yat.com/t864875-23.html




صفحة 23​

وتناقشنا فيه انا وخواتي المشاركات دوما في نفس الموضوع​

وحبيت اطرحه هني في قسم المناقشات الجاده حتى افتح المجال لنقاش أكثر


ونفيد شريحة كبيرة من الأخوات العضوات​

وهذا اهو الموضوع​

المطلقة هي انسانه مرت بظروف قاسية فترة زواجها ​

عاشت حياة لا تطاق​

يصعب عليها انها تكمل هذي الحياة​

تضطر للجوء الى الطلاق ​

رح اتكلم بموضوعي اليوم عن​

نظرة المجتمع والأهل للمطلقة​

قبل لا ينظرون لها اي نظرة دونيه وانها المخطئة ونحط اللوم عليها​

ليش مايفكرون في البداية شنو سبب طلاقها ​

يمكن تكون انظلمت في حياتها وتعذبت ​

ليش يحطون اللوم عليها دايما​

ممكن تكون اهي الضحية​

ضحية الأهل والاختيار غير المناسب​

المطلقة تصبح مثل الطير اللي جناحه مكسور ​

أخواتي العزيزات​

تتعرض المطلقة لنظرات المجتمع السيئة اللي ماترحم وما تشفق عليها مهما كانت ظروفها ​

نظرات كثيرة تحمل جزء من العتاب واللوم وقسوة المعاملة ويقل احترامها ​

واذا المجتمع مارحمها وماتقبلها وما ساعدها ​

انها تتخلص من الضغوط النفسية ​

رح يخليها تحس بالذنب أو الاحباط والفشل من تجربة زواج ثانيه​

ورح تحس انها شي غير مرغوب فيه​

والمطلقة ممكن تواجه بعض المشاكل في حياتها وخصوصاً اذا كان عندها عيال ​

والاهل اذا ما كان لهم دور مساند لها ​

رح تحس انها صارت عبيء ثقيل على أهلها ​

بالنسبة لنظرات المجتمع للمطلقة ممكن تكون مثل:​

اذا طلعت من البيت يقعدون يطالعونها ويخزونها ،، وين رايحه بهالحزه؟؟​

امبيه،، اللهم أعلم ليش تطلقت،، أكيد مسوية شي!!​

لو فيها خير جان ما رماها الطير ​

واذا كانت تشتغل ممكن تتعرض لتحرش من بعض الموظفين اللي ما عندهم اخلاق ولا دين​

بالنسبة لنظرات الأهل ممكن تكون مثل :​

رح تكون جنها نظرات مراقبة لبنتهم المطلقة​

يعتبرونها احيانا انها وصمة عار لهم بالرغم انه ما لها ذنب​

وين طاااااااالعة ،،تبين تفضحينناااااا جدام الناس !!​

ليش تفضحكم،،اهي مسوية جريمة علشان تطلع!!!!!!!:eh_s(14):​

مدري شقووووول :eh_s(10):​

يعني اذا تعرضت المطلقة لهذي النظرات القاسية وتلقت مثل هذا التعامل ​

واذا ما كانت على قد حالها ​

رح تستسلم للأمر الواقع وتقبل بأي شي ​

يعني ممكن تقبل انها تتزوج للمرة الثانيه من ريال كبير بالعمر​

شرط انها تخلص من هذي النظرات​

أو ممكن تتأثر نفسيتها وتصير غير قادره على تقبل اي شي في حياتها ​

أخواتي الحبيبات​

بصراحه هذا الموضوع متشعب واااايد ويبيله كلام اكثر​

حبيت اكتب لكم بعض النقاط المهمة عن نظرات المجتمع والاهل للمطلقة​

بانتظار آراؤكم العطره ​

والله ولي التوفيق​

بقلمي
نهى الأحمد​

من خلال قرائتكم للموضوع

​

شنو نظرتكم انتو للمطلقة؟؟​

وشنو رايكم بنظرة المجتمع والأهل لها ؟؟هل هي عادلة؟؟​

أختكم المحبة :eh_s(7):
نهى الأحمد​

 

[بنوتة ذهبية]

المطلقه انسانه (يمكن تكون ظالمه أو مظلومه)

ماحد يعلم الغيب


واللي يشك في المطلقه مجرد شك بس (ترى الدنيا دواره) بالعاميه
وماحد يعلم الغيب


ونظرتي للمطلقه مثل نظرتي للناس العاديين (لأني ما أعلم الغيب وما أعلم ايش مشكلتها)
يمكن تكون فيها ويمكن تكون بزوجها



(إن بعض الظن إثم)


وشكرا

 

[Lemon Juice]

انا أشوف الحين المجتمع صار عادي

من كثر حالات الطلاق اللي تحصل أصبح الطلاق مو غريب وما تخلى عايلة من المطلقات

حتى بموضوع اللوم .. ماعتقد اللوم ينحط عالمطلقة نفسها , الناس جذي والا جذي فاتحة حلجها

أهم شي تعامل أهلها معاها ما يضغطون عليها ويلومونها انتي وانتي .. كثر الضغط يولد الانفجار

الله يوفق الجميع يا رب

قواج الله

 

[نهى الأحمد]

هلا وغلا فيكم حبيباتي

بانتظار المزيد من الآراء حتى أرد عليكم

:eh_s(7):

 

[ReeM ^ Style]

هلا حبيبتي نهى صبحج الله بالخير
بخصوص موضوع المطلقه
قبل لاتكون مطلقه فهي انسانه لها مشاعر واحاسيس
يعني الانسان مايختار قدرة ولا نصيبه
فانصيبها كان سئ بالزواج
فهل تقعد مع زوج ماتحمل له اي مشاعر مجرد انها بتسكر افواهه ناطقه
الناس بتتكلم سواء كانت مطلقه عزباء ارمله .........الخ
ولاتنسين مايفكر بالنظره الدونيه للمطلقه الا شخص مصاب بمرض نفسي
والمفروض نشفق عليه وعلى تفكيره المريض
والمفروض الوحده ماتعطي اهتمام لكلام الناس
لان الناس مهما سويتي لهم ماراح يبين بعينهم
وشكرا عالموضوع الحلو

 

[وردة الحياة]

أنا عن نفسي ارى الكويت مجتمع متفتح جدا..مافيه عايله بالكويت مافيها وحده تطلقت(من كثر الطلاق)

والنظره السيئة للمطلقه...المسئول عنها المطلقه وحدها....
اهيا تقدر تثبت روحها..وتكون واثقه من نفسها اهيا مااغلطت فلازم ماتصير حساسه
اللي خرب نظرة المطلقه..لان في بنات وهذي اقليه جدا تتطلق عشان تلعب.. وتستانس.. ماتحب احد يملكها..فلما تتطلق تلعب وتشوه سمعة المطلقات
اما الطلاق حلال.. ومافيها شي انا اعرف صديقتي مطلقه..وتضحك واهلها يخافون عليها ومستانسه ومرتاحه.. عمرها مااشتكت وقالت ليش اهلي صاكين علي عشان مطلقه؟ بالعكس كانت تقول اهلي يخافون ..اهلي مايبون الناس تتكلم علي

وواثق الخطا يمشي ملكا...

 

[ملآمح يوسفيه]

,​

​

وعليكم السلام ورحمه الله
في نظري الي اشوفه انا ماكو نظره معينه للمطلقه
بعكس قاعده اتكمل حياتهااااا مثلها مثل اي وحده
المجتمع تغير من كثر نسبة الطلآٌق


​

​

 

[منو انت]

طبعا في جم وحده راح يردون ردود ايجابيه واهم اول ناس تعترض على المطلقه وعلى اي شي سخيف تقول ليش انها مطلقه (( لي موضوع عن هالنقطه اللي اهي اي حركه او كلمه من المطلقه يقولون اي ليش انها مطلقه )

ارد لموضوعج واقول مثل ماقالت وحده قبلي صح المطلقه مثل اي بنت اهي اللي تقدر تخلي الناس تغير نظرتها وترى مو شرط المطلقه اي انثى بشكل عام العين عليها وترى هالايام حتى المتزوجه ام العيال ممكن يحوشها طشار وممكن تكون محل شك يعني قبل اي لما يقولون فلانه متزوجه بس خلاص تكون بعيده كل البعد عن الشك لكن بالوقت الحالي انا وحده من الناس اعرف ( بعض ) المتزوجات والله ياان بنات الليل ارحم منهم مع انهم متزوجات وممكن تحصلين زوجها يحلف براسها بس اهي جذي موتكانه موكفو ثقه واذا على نظره الاهل ترى في ناس تكون النظره من عند وعي او فهم ان هالشي مو بيد البنت او يكون خوف من كلام الناس او يكون في بدايه الطلاق يراقب ويشوف لكن اكيييييييييييد بعدين بعد وقت من الطلاق لما يشوف انها محترمه راح تتغير المعامله


الموت شنو من بعض الحريم اللي المفروض اهي تكون اكثر وحده تحس في بنت جنسها في حريم اهم اللي مايتركون المطلقه بححالها وانا هالنوع بصراحه مااشوفه شي بعيني لانه عديم فهم وادراك ان دوام الحال من المحال وان هالمطلقه احسن من بعض الحريم اللي عايشه مع نص زوج بس علشان تكون مرت فلان


يسلموو ادري طولت بس من حرتي من هالنوع

 

[شذى2007]

بالعكس احس شوووي تغيرت هالنظره النااس بدت تفهم وراااح العقد اللي قبل والتفكير ان المطلقه عااار صج فيه ناااس للان بس فيه تحسن شوووي

 

[اسيرة الأحزان50]

أنا اشوف المجتمع مازال ينظر للمطلقه نظره دونيه ويحطون السبب فيها ودائما يتكلمون



عليها ويقولون كان صبرت كان تحّملت عشان اولادها ناسين أن الصبر له حدود وماهم



فاهمين أن الشرع اباح الطلاق في حالة تعّذر الحياه الزوجيه وأن الانفصال افضل من العيش


تحت الذل والقهر والظلم يعني الوحده مو مشكله تجلس ماتتطلق إذا كانت حياتها الزوجيه



مستحيله وتجيها الضغط والسكر وحاله نفسيه وممكن تجيها سكته بس عشان افراد المجتمع



المتخلفين يرضون عليها وكأن الحياه حياتهم هم وفعلا صدق المثل اللي يقول مايحس بالنار إلا



واطيها ، طبعا أنا اتكلم معاك بحرقه شوي عشان عندي قريبه مطلقه وعندها ولد تقريبا لها 9



سنوات مطلقه أو اكثر ولحد الآن اخواني مايقولون عليها أم فلان أو فلانه لا يقولون المطلقه



وينظرون لها نظره دونيه وكل السبب منها في نظرهم ويحطون الخطأ منها ويقولون مفروض


صبرت وأنها تسّرعت في طلاقها ووووووو ، وواحد من اخواني وصل به الحال إنه يشوف


المطلقه وصمة عار ودائما يقول ماراح أحد يتزوجها ليوم الدين واحيانا يشوف رجال غير



مناسبين للزواج ويقول المفروض يتزوجونها تحمد ربها اصلا ما أحد يرضى يتزوجها



حسيت من نظرته أن المطلقه مفروض تتزوج كائن اسمه رجل كبير أو صغير ، مناسب أو مو


مناسب ، فقير أوغني ، متعلم أو غير متعلم ، فيه عيوب خلقيه باختصار زي مابنقول أي كلام


اهم شيء يُطلق عليها متزوجه وتنشال كلمة مطلقه عنها ، وللعلم أن اخوي متعلم مدري وش


ترك للناس الجاهله ودائما اقول في نفسي ياترى لو وحده من بناته لاقدر الله تطلقت راح ينظر



لها زي ماينظر لقريبتي المطلقه ؟!




واسفه حبيبتي على الاطاله بس انقهرت إننا في القرن 21 ومازال فيه ناس نظرتهم قاصره


لحد الآن ! .​

 

[مسك حياتي]

المطلقه انسانه عاشت تجربه و فشلت هالتجربه ...

فممكن يكون الفشل بسببها او بسبب شريكها اللي اهو الزوج او الظروف ما ساعدتهم ع نجاح التجربه ...

ساعات تكون نظره الناس قاسيه و في ناس متفهمين ...

الله يعوض كل مطلقه و مطلقه ان شاء الله ...

يعطيج العافيه نهوي ...

 

[** ام ملك **]

دايم اللوم على الحرمه لانها هي الطرف الضعيف
يعني المجتمع اذا الرجال مطلق تنسي له سبحان الله
لكن المرأه تبقى بالرايحه والرجعه هذا المطلقه وكل خطوه تخطوها لازم تحسب لها الف حساب ..
مع ان مو شرط الطلاق بسببها هي لكن المرأه تبقى مرأه
بس بالفتره الاخيره والله اللي اشوفه ان الطلاق صار امر جدا عاااااادي يعني كل من طفش من حياته قال بطلق او بتطلق !

 

[][ sarah ][]

بهالفتره الحاليه بالعكس النظره وايد تغيرت للمطلقه الحمدلله
يعني قبل من نقول مطلقه قالوا اكيد اهيا السبب واكيد مو زينه ..الخ
الحين بالعكس يستوعبون ان هذا نصيب وانهم ماتوافقوا مع بعض ومو شرط واحد فيهم مو زين يمكن الاثنين زينين بس ماتدرين شنو ظروفهم

مطلقه والا متزوجه والا ارمله والا عزوبيه كلهم بشر ومن حقهم يعيشون حياه عاديه

والناس بكب الاحوال تتكلم

 

[أم فهووود]

المطلقه الحين ونظرت المجتمع لها تغيرت لان الناس صاروا اكثر وعي من اول وزمان كانت المطلقة غير مرغوب فيها مثل العار

على اهلها لكن الحين اصبح الطلاق عادي والله المستعان

 

[دآنة آلرشآيده]

بآلعكس آلمجتمع هألفتره مآينظر للمطلقه
نظره معينهـ لان آلطلآق صآر بكثره بهآلوقت

وآنآ مآشوف آن آلطلآق عيب يمكن الآثنين
مآتفآهموآ والعيشه لآتطآق من حقهم ينفصلون

وكمآ تدين تدآن اللي ينظر للمطلقهـ نظره سوء
بيلقآهآ بخوآته وبنآته في نآس الطلاق عندهم جريمهـ

شكرآ لج ع الموضوع الهادف ​

 

[نهى الأحمد]

منورين الموضوع يا خواتي وشاكره لكم على المشاركه وابداء الرأي

دقايق ورح ارجع حتى ارد عليكم

:eh_s(22):

 

[نهى الأحمد]

المطلقه انسانه (يمكن تكون ظالمه أو مظلومه)

ماحد يعلم الغيب


واللي يشك في المطلقه مجرد شك بس (ترى الدنيا دواره) بالعاميه
وماحد يعلم الغيب


ونظرتي للمطلقه مثل نظرتي للناس العاديين (لأني ما أعلم الغيب وما أعلم ايش مشكلتها)
يمكن تكون فيها ويمكن تكون بزوجها



(إن بعض الظن إثم)


وشكرا

هلا حبيبتي

العفو

عدل كلامج عزيزتي

بعض الناس لي تطلقت الزوجة يقولون (ليش تطلقت ،،أكيد غلطت ،،وووووو)

احنا ماندري شنو الاسباب

رب العالمين اهو العالم بكل شي

 

[عرش الأنوثه]

يارب تخلص مجتمعنااا من المتخلفين
مشكورا نهى

 

[الحــــياة]

السلام عليكم ورحمة الله

شلونج نهوي مشتاقه لج حيييييييل حبيبتي..

طبعآآآ انا دايمآآآ احب مواضيعج المفيده واستفيد منهآآ حيييييييييييييييييل

لكن تدرين مثل هالمواضيع هاذي والتطرق لهاا يزيد من هالتفكير المتحجر الظالم انا ادري انج تبين تغيرين هالنظرة

لكن؟؟!!!!

حبيبتي احنآآ 2011 وعلى مشآآرف 2012شنو هالتفكير مطلقه ماتطلع والمطلقه مدري شنووو ليش انشآآءالله الحين نسبة الطلاق منتشرة واااااجد يعني قمنا نقول كل بيتين ثلاث فيه مطلقه يعني كلهم فيهم شي

بنات حمايل تطلقوا على الزين والشرف والسمعه الطيبه

مطلقآآت وااجد مظلومآآآت من حياتهم الزوجيه بعد فوق الحظ هم المجتمع والناس ضدهآآ

لاطبعآآآ

اعقب على شغله كتبتيهآآ

رح تكون جنها نظرات مراقبة لبنتهم المطلقة​

يعتبرونها احيانا انها وصمة عار لهم بالرغم انه ما لها ذنب​

وين طاااااااالعة ،،تبين تفضحينناااااا جدام الناس !!​

ليش تفضحكم،،اهي مسوية جريمة علشان تطلع!!!!!!!:eh_s(14):​

وصمة عآآآآر مرة وحده ليش شمسويييييييييييييييييه!!!!

لا لا لا مو لهدرجه هذآآآك قبل وقبل بس مثل هالمواضيع تبقيهآآآ


تحيآآتي لكل مطلقة اختىرت راحتهااا وعاشت حيآآتها من عذآآب كانت فيه او مآآر عليهااا..

مطلقه تندفن بالحيآآآ بهالتفكير

مطلق عادي الله يعوضه ويمشي حيآآآته!!!!!!!

مشكووووووورة نهوي واتمنى الكل يتقب وجهة نظري وتبقآآ وحهة نظر..

 

[نهى الأحمد]

انا أشوف الحين المجتمع صار عادي

من كثر حالات الطلاق اللي تحصل أصبح الطلاق مو غريب وما تخلى عايلة من المطلقات

حتى بموضوع اللوم .. ماعتقد اللوم ينحط عالمطلقة نفسها , الناس جذي والا جذي فاتحة حلجها

أهم شي تعامل أهلها معاها ما يضغطون عليها ويلومونها انتي وانتي .. كثر الضغط يولد الانفجار

الله يوفق الجميع يا رب

قواج الله

هلا والله ياقلبي
منوره الموضوع

الله يقويج يااارب

شاكرة لج على المشاركة العطره

وصدقتي والله انه الاهل يكون تعاملهم زين مع بنتهم المطلقة وما يستخدمون اسلوب الضغط
لانه ممكن يأثر على نفسيتها