♥♡♥ تجمع لجميـع مواليـــد 2014 حيــــــاكمـ ♥♡♥

[^^ام الزين^^]

رد: تجمع مواليد أكتوبر 2014 بإذن الله

هلا ورده حبيبتي دزيلي حسابها اللي تبيع مرايل ب٢٠ و ٢٥ يمكن يعجبني

 

[^^ام الزين^^]

رد: تجمع مواليد أكتوبر 2014 بإذن الله

حكاية قلب بما انج فتحتي هالموضوع خليني اقولج تجربتي وان شاءالله تستفيدين
انا طلعت روحي على ما حملت ببجري لدرجه اننا كنت نروح لدكاتره يقولون لنا مافيكم ولا شي يمنع الحمل قعدت ينه تقريبا وانا انطر لحد ما يأست انا وزوجي
واخر شي قمت ابجي عنده اقوله شكلي مافيني عيال خلاص تبي تتزوج روح تزوج طبعا كل ما اتذكر هالسالفه اضحك على نفسي شلون وصلت لهالمرحله والحمدلله حملت ببنتي البجر وبعد ما ولدتها حلف علي زوجي ما اكل حبوب بسبة هالسالفه اللي صارت وقعدت ١٠ اشهر بدون موانع ما حملت عقبها حملت بولدي وزوجي للحين عند حلفه ما اخذ موانع وانا كنت اقوله يمكن هالمره احمل على طول كان يقول الحمدلله رزق من الله وهم بعد قعدت ١٠ شهور وحملت ببنتي الثانيه البيبي الثالث وكل واحد بينه وبين الثاني سنه ونص والصدمه الكبرى بعد البيبي الثالث حملت بالرابع عالاربعين شلون صار ما ادري طبعا انهرت عندي بنتين وولد ولدي عمره سنه ونص وبنتي الكبيره ٣ سنين ما دشت حتى روضه وعمدي بنت نفاس وكنت مرقده معاها بالمستشفى تعبانه وحامل بالرابع تعبت النفسيه استغفرالله ما خليت احد ما كلمته وصلت لمرحله اني بنزل اللي ببطني لحد ما قام يهاوشني زوجي انتي مجنونه تذكري قبل شلون كنتي منهاره تبين ظفر جاهل والحين تقولين بتنزلينه تبين ربي يعابيج احس هني صج صحيت وقلت الحمدلله ورضيت بقسمة رب العالمين والحين البيبي الرابع بينه وبين اللي ببطني سنتين بس شقولج حياتي تعب في تعب عندي خدامتين وانا معاهم مو ملحقين الله يخليهم ويصلحهم
طبع الاطفال كل واحد غير عن الثاني واحد يحببج بالاظفال وواحد يكرهج فيهم من غير جسمج اللي يبي عنايه كل ما اطلع من ولاده اذبح عمري بالريجيم لان ما اعطي مجال لعمري انزل حيل من نزلت شوي حملت وتصير سمنه على سمنه والحجم يتضاعف
وانا والله الحين كل ما فيني تعبان حتى اللي يشوف وجعي يقولي وجهج مرهق وصار معاي ضغط كله رافعه ضغطي بسبتهم الله يحفظهم ما احب اهاوشهم واذا ضايقوني بشي اغمت بداخلي وما اتكلم لحد ما صار معاي ضغط كل مراجعه اروحلها الحين بحمالي يقولون في ارتفاع بالضغط معاج والله يستر لا يستمر معاي
انا شايله هم البيبي الجاي شلون بقدر اوفق بينه وبين بنتي اللي باولى ابتدائي يبيلها مجابل وتأسيس وخصوصا اني انا مدرسه ودقيقه وحريصه عالدراسه حيل الله يسهل علي ويمشي اموري
بس نصيحه عطي فجه بين كل بيبي والثاني عالاقل سنتين ونص او ثلاث
انا باذن الله بوقف خلاص عذا قعدتي بربيهم واتعب عليهم مره وحده وان شاءالله بعد جم سنه ارتاح من هم البيبيات ومجابلهم
الحمدلله ربي اعطاني وارضاني الحين ابي اتفضى لنفسي لزوجي هذا اذا صار عندي وقت بحاول كثر ما اقدر انظم حياتي واهطي كل واحد فيها حقه لاني احس اني ظلمت زوجي حيل ولا عطيته حقه بشغلات كثيره
ان شاءالله تستفيدون من تجربتي

 

[وردة سورية]

رد: تجمع مواليد أكتوبر 2014 بإذن الله

 

[وردة سورية]

رد: تجمع مواليد أكتوبر 2014 بإذن الله

سنتر بوينت مافيييه شي حلو رحت عليه ماعجبوني

احس بضاعة السوق كلها مو شي ومن العام

ان شاء الله لما رد من السفر اروح اخذلها بعد اثنين

 

[وردة سورية]

رد: تجمع مواليد أكتوبر 2014 بإذن الله

انتيكا شخبارج
شنو جهزتي لنفاس ولو شريتي دراريع استقبال من وين

 

[سـٌگر معـقـود]

رد: ❤❤❤موااليد اغسطس ❤❤❤2014بأذن الله حيااااااكم

ماشاء الله جان اصفر العداد ههههههههههههه


ياارب يسهل لي ولااادتي
ادعولي بنات اولد بصحه وعافيه انا والبيبي

 

[اهذريبك~]

رد: تجمع مواليد أكتوبر 2014 بإذن الله

ام الزين صاجه الرجال يبيله مقابل وتنسع وخصوصا الجسم بعد الحمال يصير ×××××

هو من وزن زايد والا سترش مارك والا سواد من الهرمونات والله مهما تتفركين بالحمال السواد طالع طالع

الحمد لله اهم شي نولد و يكونون البيبيات بصحه و سلامة


والله يعيييين عالتسنع بعد الولاده

 

[اهذريبك~]

رد: تجمع مواليد أكتوبر 2014 بإذن الله

وردة سرداب عيد نصار في محل تحت بالزاوية تخصصه دراريع استقبال موديلاته حييل حلوة و بعد يطقم لج الملفع مع النعال وانتي بكرامة نفس شغل القميص

 

[أميرة-]

رد: ❤❤❤موااليد اغسطس ❤❤❤2014بأذن الله حيااااااكم

سكر الله يسهل علي وعليج ادعي لج ان شالله بوقت استجابة ربي يهون علينا وكل البنات اللي معانا بالتجمع ويعطينا الذرية الصالحة ويمن علينا بالصحة والعافية


بنات قاعده احاتي اخر مرة راجعت دكتورتي تقولي مشالله البيبي حجمه كبير لازم الولادة قبل تكملين التاسع طيب شنو اسوي هي معطتني ٣٠ الشهر اتم التاسع يعني باقي لي اكثر من اسبوعين واخاف اخذ شي حدي خايفه

 

[Mshtgtlkmoot]

رد: ❤❤❤موااليد اغسطس ❤❤❤2014بأذن الله حيااااااكم

قصه ولادتي
4-8-2014
مانمت الاساعتين وقمت من النوم من عوار ظهري قلت شوي ويخف بس كان كل ربع وماخف واقوم واروح طوارئ الصباح ع اساس بسوي تخطيط رحتلهم الساع 2وكان زحمة وغفصه ونطري دورج مانطرت طبعاً كنت خايفه رفيجتي قالتلي روحي سوي تخطيط ترا الورع يططلع بسرعه وخفت لا اولد بالسيارة ����
رحت لطوارئ دار الشفا ودشيت سيده اسوي تخطيط و جتني دكتورة مي وشافت بالجهاز طلق قالت خل بفحصج وتفحص وهي توسعني 3سم ��وسالت نسويلج دخول ولاتروحين البيت وقلت سوي دخول طبعاً ع هالعوار ماني رايحة االبيت خايفه انفتح بسرعه ومايمدي ارجعلهم واولد بالبيت
وطقتني البجيه طبعاً خفت والسستر عند الباب يلا يروح غرفه ولاده وانا ابجي وزوجي حمدلله والشكر دشي وصعدنا فوق ووقفت قدام غرفه الولاده وقالت يلا عطي زوجج التلفون واغراضج ودشي بروحج
رفضت خفت وقلت لا ابي غرفه ولاده خاصه امي بتجي وانا خايفه ادش بروحي
وطاعني زوجي واخذلي غرفه ولاده خاصه ودشبت بدلت ملابسي وصليت العصر وركبت ابرة الوريد وعطتني مسكن وركبت بربيش وجا زوجي وقعد عندي سوالف لي صلاه المغرب وراح لمطعم مغل يم دا الشفا يتفطر ثم ردلي وقعد يمي ثم دخت عاد من المخدر وجت دكتووة معصومة الساع 8وفحصت الا 5سم وبطت الماي واتصلت ع امي تجي خايفه لا اولد ورجلي يشوفني ابيها تطلعه وجت الله يخليها ع الساع
8ثم ماعاد ادري منو وهالحياه صج ولالا من المخدر دخت ماعاد في شي يمسكني بالواقع الا صوت القران بالتلفزيون
وعليها لي الساع 11
الا ربع وقت الطلعه عاد وانا يجيني طلق وطلعت حضرتي لاجاني الطلق الجاهل ينزل بيطلع وانا اصك رجولي واشفطه فوق لي ضعف نبض الجنين وحطت السستر ايدها ع بطني وهي تدز الجاهل تحت وانا اصرخ من قمة راسي تعور ايدها والدكتورة تقولي دفعي وانا اقولها شفطيه خلصيني وهي تقول حرام ليه الشفط وهو نازل بيطلع بس انتي ماتساعدين واذكر سويت بوش وحده واذكر الجاهل حطوة بحضني مفصخ خرعوني وانا اقول شيلوة عني وخروة عني ثم خلاص ماعاد حسيت بطلعه الراس ولا بالخياط
بعدها جتني رجفه موطبيعيه ماذكرها انا بس امي وزوجي يقولون وتخرعوا
وبنتي المسكينة انخنقت طبعا وحطولها اوكسجين
ثم نزلوني الجناح

وهذي قصه ولادتي باحلا وجدان

 

[lady_sweet]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

ليش ماتسوون ﻻين احنا مسوين قروب بالاين
واذا سويتو زين عشان ادش معاكم استفيد

​

 

[حبيبي زوجي W]

رد: ❤❤❤موااليد اغسطس ❤❤❤2014بأذن الله حيااااااكم

مشتاقتلك موت
الف مبروك ماجبتي وتتربى بعزج وعز ابوها يارب
والله يجعلها من الذريه الصالحه
ويرزقج برها امين
والف الحمدلله على سلامتج



اميره
لاتحاتين
زوجة اخوي جابت ولدها 4 كيلو و100 جرام
وجابته بنفس التاريخ اللي حدده لها الدكتور
تطمني وهدي بالج
وادعيلي الله يسهل علي ولادتي ويعجلها لي

​

 

[انتيكا]

رد: تجمع مواليد أكتوبر 2014 بإذن الله

انتيكا شخبارج
شنو جهزتي لنفاس ولو شريتي دراريع استقبال من وين

خذيت دراعه الاستقبال من انور يهبلون وخذيت ثانيه من محل بالعربيد بلازا السرداب دراريعه على 10 و 29 ومعاهم ملفع ب 5 الملفع نفس الدراعه خذيت منهم بولدي والحين

بس خذيت ثنتين لان استقبالي بالمستشفى وماستقبل بالبيت اللي يجوني بالبيت ام زوجي وخالاتي هذول عادي اطلعلهم ببجامتي البيت ادفى واريح هههههههه

 

[دلوعه ناعمه]

رد: ❤❤❤موااليد اغسطس ❤❤❤2014بأذن الله حيااااااكم

مشكورين بنات عالرد .. الحمدلله راحت الالتهابات يارب اولد بالسلامه قبل لاترد لي


حبيبتي اميره لاتشربين خروع ممكن اييج طلق ورحمج مسكر اتوهقين جذي !

كثري مشي وقعدي قعدت القرفصاء وترا الجماع وايد زين ماي الريال فيه هرمون يحفز الطلق ويفتح الرحم والله يسهل علينا يارب

 

[SARA*]

رد: مواليد شهر سبتمبر 9 لعام 2014..حياكم الله اللي حللوا☆★☆

راندومي الله يقومج بالسلامه وتشوفينه بحضنج
بنات متى نبدي المشي أنا الحين كملت أسبوع من التاسع وباقيلي ٣ أسابيع
ماراح أكل ولا اشرب اي شي يحرض على الولاده لان أخاف العب بروحي قلت اهلك روحي بالمشي وان شاء الله تسهل الولاده

 

[SARA*]

رد: مواليد شهر سبتمبر 9 لعام 2014..حياكم الله اللي حللوا☆★☆

والحين بدأت بالتنظيف وتعديل البيت وجهزت كل شي جنطة المستشفى والكارسيت باقي اجهز للبناتي جنطه ملابس ياخذوها للبيت خالتهم
ودي أولد قبل المدارس مدارسنا ٢٥/٨ الحمد لله خلصت شغل المدارس الزي والجناط ووووو
بنات شلون حركه البيبي أنا ماشاء الله حركته زينه لكن كل يوم بمكان متى ينزل بالحوض
زايده ٢٣ باوند مادري كم كيلو بالضبط
أنا للحين اسوق السيارة منو مثلي لان ما عندي احد يوديني مواعيدي ويخلص شغلي
موعدي الياي يوم الخميس ان شاء في توسع لان أكون كملت ٣٧ أسبوع ويومين

 

[كتكوته حبيبي]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

كيفكم بنات لاين او bbm بس اللاين مايطلع الارقام

 

[روان_الكويت]

رد: مواليد شهر سبتمبر 9 لعام 2014..حياكم الله اللي حللوا☆★☆

اهلين ساره زين سويتي خلصتي شغلج
انا بعد على وشك اخلص شغلي
واحاتي عيالي اولى ابتدائي واولى روضه لازم اكون معاهم اول يوم مادري اذا اقدر ولا لا

 

[روان_الكويت]

رد: مواليد شهر سبتمبر 9 لعام 2014..حياكم الله اللي حللوا☆★☆

الله يعينا عالثقل والنوم صعب غير مريح
عاد انا كل ما ياني تقلص ولا تيبس بالبطن قلت ولاده
وانحشه ههههه

 

[Joooodi]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

بنات الاين معرف المستخدم هو نفسه id صح ؟؟