♥♡♥ تجمع لجميـع مواليـــد 2014 حيــــــاكمـ ♥♡♥

[^^ام الزين^^]

رد: تجمع مواليد أكتوبر 2014 بإذن الله

انا متعقده من السلوليت بجسمي خاصه الفخوذ ومن ورى بجرب خلطه فشر القهوه اللي يقولون تذوبه اذا فاد اوكي وان مافاد بروح للعيادات اذوبه عن طريق الاجهزه

 

[بطبعي رقيقه]

رد: تجمع مواليد أكتوبر 2014 بإذن الله

الحمدلله بناات ولدت امس

 

[بطبعي رقيقه]

رد: تجمع مواليد أكتوبر 2014 بإذن الله

بنات بسم الله توني ماطلعت من المستشفى وبطني فيه غازات !
شسالفه؟لابسه دلاغ ولقنز تحت النفنوف:bbbiu:

 

[^^ام الزين^^]

رد: تجمع مواليد أكتوبر 2014 بإذن الله

الحمدلله على السلامه رقيقه ومبروك ما جبتي

 

[حكآية قلب]

رد: تجمع مواليد أكتوبر 2014 بإذن الله

مبروك ماياج بطبعي رقيقه
وحمدالله ع السلامة

لازم فيه غازات بالبطن اكلي حبوب الفحم و امشي وايد





ام الزين انا بقولج عن تجربه

سوي رياضة السكوات شوفي فيديوات

و بقولج خلطة اذا تسبحتي تسوينها اذا ما خف باسبوعين ماني حكاية


خلطي سكر مع قهوة تركية و زيت زيتون بنفس المقادير و لما تسبحين تفركين بليفه مغربية او تعرفين في بدايسو دريما مادري شسمه نفس التواير فيها اسنان بلاستيك تمشينها علی الفخذ تسوين فيها وجسمج مرطب عشان المسام يتبطل

تالي حطي الخلطة تصير نفس السنفرة

تسنفري و سوي مساج بشكل داائري و سيدا 10 دقايق

تالي خلي لاتغسلين نص ساعه او ربع ساعه

تالي سبحي

و شوفي الفرق


شوفي الرابط هذا



السيلوليت ن…" على YouTube
فوائد القهوة ، خلطة منزلية للتخلص من السيلوليت ن…: ‫ظپظˆط§ط¦ط¯ ط§ظ„ظ‚ظ‡ظˆط© طŒ ط®ظ„ط·ط© ظ…ظ†ط²ظ„ظٹط© ظ„ظ„طھط®ظ„طµ ظ…ظ† ط§ظ„ط³ظٹظ„ظˆظ„ظٹطھ ظ†ظ‡ط§ط¦ظٹط§ظ‹â€¬â€ژ - YouTube

 

[الفوز حلو]

رد: تجمع مواليد أكتوبر 2014 بإذن الله

واخيرااا شالمنتدى والله عله جنني
طبعا للحين صامده اليوم 2 في الشهر 10��
والدكتوره معطتني مهله لاني بجر ليوم الثلاثاء مفتوحه 2 سانتي دعواتك يفتح اكثر
نزل علي شويه تكرمون دم مخلوط بماي ووقف يمككن من فحص الدكتورة اتوقع وسعتني
الله يسهل علي شكلي انا بس الي بقيت ماولدت

 

[حكآية قلب]

رد: تجمع مواليد أكتوبر 2014 بإذن الله

هاااانت الفوز مابقی شي


انا ولد 10 يوم من العاشر

شربي حليب بزعفران يحمي الطلق


و دارسين

و امششششي مشي مو مشي عادي

مشي رياضي 3 ايام تولدين ان شاءالله



بنات طمنونا

بدون وين ان شاءالله ولدت اهي و سمراء




انا لي 16 يوم نفاس بسرعه مرت الايام الحمدالله

بس لووووووعه و اهلي مسافرين علاج البيت كئيب و بنتي الكبيرة طلعت لي قرون

 

[بدون بس مغتربه]

رد: تجمع مواليد أكتوبر 2014 بإذن الله

اخيرا رجع المنتدئ طبيعي.. الف مبرووك رقيقه ويتربئ بعزكم ماجاكم... وكل اللي ولدت ..يمكن بعد مافي اخبار...
انا مازلت صامده اليوم الرابع من العاشر وباجر قالت بتحدد لي شلون تسوي لي تحريض يمكن بيعطوني طلق صناعي .. مادري... المهم يسوون لي تحريض وان شالله بولد قريب ...
انا شبهه انجنيت بس الحين هديت خليتها على الله لان مابيدي شي والاعشاب قمت اخاف منها ومااخذ شي..

....

 

[بدون بس مغتربه]

رد: تجمع مواليد أكتوبر 2014 بإذن الله

حكايه ههه لا انا مازلت موجوده مثل حكايتج ... بس المنتدى كان يغث ومايفتح...

ناطره باجر عندي موعد بشوف شنوو تقرر الدكتوره

 

[حكآية قلب]

رد: تجمع مواليد أكتوبر 2014 بإذن الله

بدون لاتاخذين طلق اذا البيبي زين انطري بتجي الولادة


لاتلوووووموني يوم استخفيت اخر الايااااام ههههههههه


ياحلوووووها الحين ماكو نوم تعبت هلكت و البيت فاضي

 

[قلب زوجي وولدي]

رد: تجمع مواليد أكتوبر 2014 بإذن الله

السلام عليكم


شلونكم يا بنات شخباركم لكم وحشه والله

قطعت عنكم لهيت مع العيال والبيبي ونفاسي بشقتي
ما كان عندي وقت لشيء

الحمدالله أيام وعدت علي خير صارلي أسبوع طالعه من النفاس
وأموري بخير الحمدالله وخياط محسن 100% خلاني نفس البجر وأكثر

الف مبروك لكل للي ولدوا والله يهون عالباقي

 

[حمووشه المطيري]

رد: تجمع مواليد أكتوبر 2014 بإذن الله

واخيرا انفتح المنتدى

شلونكم بنات شخباركم منو فيكم عوشرت ههه الله يولدها بسهاله

طبعا انا ماكو وقت احك راسي من البيبي سهر وماكو نوم وحالتي النفسيه صايره زفت كله متضايقه مادري هو طبيعي النفاس تصير نفسيتها جذي ولا لا الله يعين

طبعا انا قدمت ع موعدي بولادتي 10 ايام وبقولكمم عن قصه ولادتي المميزه خخخخخ

 

[حكآية قلب]

رد: تجمع مواليد أكتوبر 2014 بإذن الله

طالعه من الشرررر قلب زوجي

وحمدالله ع سلامة


حمووووشه الببجر ضيقه حيل الثاني راح تحسين بهدوء اكثر لانج اخذتي خبرة



انا بس متوترة لان ماعندي احد امي مسافرة




بنات وينكم ؟

ادعووو للفوز و بدون ان شاءالله هاليومين يولدون يارب


ياشين نطرت الولادة علی ماتجي خاصه المعوشرة



انا اذكر يوم جاني طلق اقووول هذا اللي يقولون عنه امبلا هو هو وفيني رقص و وناسه بس العوار شالني للمستشفی هههههههههه

 

[الفوز حلو]

رد: تجمع مواليد أكتوبر 2014 بإذن الله

كااااااني للحين صامده ههههههههاي
كلت اناناس فرش ومعلب وشربت عصيره
وشربت منقوع تمر واكلت تمر
وشربت زعتر وبابونج ومراميه
وشربت حليب مع دارسين
ومشيت والنتيجه اليوم طقني عوار اخر ظهري بو ربع ساعه واختفى
وكلت امري لله وقرررت انسى متى ماربي اذن لي الولاده راح اولد

 

[حكآية قلب]

رد: تجمع مواليد أكتوبر 2014 بإذن الله

امشي و انسی انا فقدت الامل فعلا و جت الودلادة من نسيت

 

[_Barbya]

رد: تجمع مواليد أكتوبر 2014 بإذن الله

السلاااام علييكم شلووونكم بناااات

انا الحمدلله واخيييرا ولدت بتاريخ ٢١/١٠ مبطله ٤ سانتي ونازل ماي الياهل وانا مادري عن الدنيا ولا حاسه بشي لوووووول عبالي افرازات عاديه

والي ساعدني كنت امشي يوميا لما ينهد حيلي من المشي تقريبا ساعه او ساعه ونص واكووون تعبااانه واكمل ما اوقف

وشربت زعتر وجاي توت ودارسين بالحليب وباليوم الي ولدت فيه كنت شاربه حليب بالزعفران

بس المشكله الوحيده الي صادفتني انه طلقي خفيف فاضطرو يحطون لي طلق صناعي وبأقل من اربع ساعات وانا والده خالصه

اللهم لك الحمد والشكر والفال للباقيييييين بالولاده السهله والميسره

 

[الفوز حلو]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

اختكم من تجمع اكتوبر وخلص اكتوبر وانا ماولدت فراح انضم لكم
هههههههه

 

[_Barbya]

رد: تجمع مواليد أكتوبر 2014 بإذن الله

اهم شي انه المنتدى ماسح مشاركاتي الي قبل انا باربيا الي معاكم بس يوزري القديم ما يدش


يالله بدوووون والفووز شدو حيلكم شوي

 

[حمووشه المطيري]

رد: تجمع مواليد أكتوبر 2014 بإذن الله

قصه ولادتي
كانت بيوم الثلاثاء تاريخ 14/10 كان قبلها يا بنات بيومين حاشني عواار بظهري كنت بموعدي عند الدكتور كان يجيني ويروح وبعدها راح ما فكرت انها تقاديم ولاده وكان بطني متحجررر بس ما هتميت قلت موعدي مطول المهم كنت كله نايمه اقعد الفجر وانام العصر سبحان الله وبيوم الرعب قعدت جا ع بالي الاناناس ابي اكله وادق ع المطعم وطلبت اناناس فريش قلت يمكن تجيني ولاده لان صج زهقت وكنت بعد ماكله عسسل طبيعي كان الفجر وقته اكلت الاناناس وبعدينن مر يومي بس يا بنات من قعدت وانا احس بلوعه ودوووخه المهم جت حزت الغدا الحمدلله تغديت ورحت بصعد لاني صج حاسه بتعب بس مو حاسه باي الم بس دوخه وصعدت قعدت ع سريري وطقطقت بفوني وقعدت احوس بالمنتديات واقرا قصص ولاده ههه ماكو شغل كاني حاسه واقرا قصه وحده كانت تقول ان ولاده يبيلها قووه والتوكل ع الله وسبحان الله بنات سكرت فوني ولا فجاه سمعت صوت من تحت الا سريري كله غرقان مااااي وكان زوجي تحت بديوانيه انا خفت مدري شسوي وثوبي مليان ماي عجزت امشي وخفت وراسلت حماتي وبسرعه نادت زوجي وزوجي يركض من الخرعه هههه عباله بولد وبسرعه غيرت ولبست عبايتي وكنت مو حاسه باي الم وورحت لمستشفى الجهرا وقلبي يدق وخايفه ودخلت ع طول دزوني بكرسي ومو حاسه بنفسي يمه لحظات ما نساها والسسترات لبسوني الابيض وقال الدكتور لازم فحص وانا خايفه يمممممه الفحص ااه يذبح ايده شطولها وثقيله وفحصني وصااارخت وزوجي يسمع ولا يقولي 2 سانتي انا انصدمت وع طول دخلوني لان انفجر ماي ودخلوني غرفه ولاده والسستر عندي وحطولي جهاز نبض وبدا العوار يزيد واستغفر وحدي خااايفه بوقت العوار كنت ادعي ياربي يسهل علي ولا الالم يشتد وطلبت كمام وشميته ودخت وجا الدكتور وفحصني وكان 2 سانتي وسوو لي سونار وقالو لي مطوله وكل ما يزيد الوقت كل ما يزيد عوااار الطلق بس اشوه الكمام عندي ونمت من 6 لحد الساعه 11 بس كنت اقعد من عوار الطلق بس يومم انفتح الرحم 6 سانتي مت حسيت شي يضغط اشد بدون احساس كانه يبي يطلع مني شي وجت الساعه 1 وعواااار مو متحملته وكنت اقول لدكتووور ساعدني ههه وكان يهديني ويقول ما عليه والله نفسيه الدكاتررره حلوه وعنايتهم بعد ويوم فتح 10 سانتي يممه جهزو كل شي عده الولاده بس مو حاسه فيهم من البنج وجا الدكتوور وحطووولي مخدر موضعي وجابو المقص بسس ما حسيت بشي وجا يبي يطلع البيبي ولا احس الدكتورر ضغط بطني وقعدت اصيح من الضغط ومن طلعه راسه مت يضغطني بكووووعه حيييل وبسرعه وكنت اشد واخذ نفس وكتمت صياااحي عشان ماتعب زياده يمه وطلع البيبي سبحان الله حسيت براحه وقعدت ابجي ودكتور يضحك علي ههه صج الولاده مواااقف والحمدلله انها جت سلامه وتساهيل من ربي اهم شي بنات لا تخافون وتوكلو ع الله وكثروا استغفااار ومن عقبها تعبت من الخياط ما قدرت اتحرك حطيت خواجوا ما نفع ما ريحني الا كريم بيباتين من المستشفى



وبسسسس انتهت القصه ههه

 

[حكآية قلب]

رد: تجمع مواليد أكتوبر 2014 بإذن الله

الله ياجرنا يارب

صج الولادة تذبح ويبي لها قووووووة


وشلون المره تتحمل هالقوة وهي اساسا ضعيفه


بس الشي اللي فعلا رحمة لما تقومين كم يوم وانتي ناااااسية الالم نهائي

سبحان الله قادر علی كل شي

ننسی الالم بمجرد مانمسك عيالنا



الله يرزقنا الذرية الصالحه يارب