♥♡♥ تجمع لجميـع مواليـــد 2014 حيــــــاكمـ ♥♡♥

[خلود ناصر]

رد: تجمع مواليد مارس 2014 الله يتمم ويسهل يارب

مادري وبس بالنهايه سواء بنت او ولد غالين علي

 

[قرمووشه]

رد: تجمع مواليد مارس 2014 الله يتمم ويسهل يارب

السلام عليكم جمعيا
عساكم بخير وصحه


حبايبي لاتفكرون وايد بهسالفه
على جنس البيبي
سبحان الله الكل مهتم

لوووول ولا وحده قالت مابي اعرف ليمن اولد

بنات اللي شريتو جم شغله للبيبي
بنات حيل مبجرين
يعني اذا قطعه او قطعتين ميخالف بس لاتكودون من الحين

تو الناس على الاغراض
السونار كلش ماسويت
عطتني الدكتوره الموعد ٢٩/٩
الصراحه حسيتها وايد متأخره

مادري يمكن الحكومه جذي نظامهم وانا عليميه
توني بجر

يعني بسونار يكون لي عشر ايام من الشهر الرابع

عن نفسي مابي اعرف جنس البيبي نهائي
ليمن اولد اعرف

بس بطمن عليه بسونار وبسس

وعلأغراض يشتري ابيض وبيج وسكري

الله يتمم لنا على خير يارب

 

[قرمووشه]

رد: تجمع مواليد مارس 2014 الله يتمم ويسهل يارب

بنات حدي خايفه امس انفعلت و وايد صرخت تهقون ياثر عالجنين

عجل شتقولين عني

انا اول ثلاث شهور من حمالي بس اعصاب وهواش
مع زوجي واهله

اصراخ وعصبيه وبجي وانام مقهوره
حسبي الله ونعم الوكيل

سببولي مشاكل وكل يوم انقهر وابجي
الله يستر علينا

بس لي تقريبا اقل من شهر بشوي خلااااااااص ماقمت اقهر نفسي نفس قبل
قمت اطنش الله يعين





ان شاءالله مايكون فيهم شي الله يحميهم يارب
ويقر عيونا بشوفتهم معافين

وحاليا اقرأ على بطني بعض الايات
وان شاءالله بتم جذي ليما اولد

حيل حيل تعبت بدايه حمالي من العصبيه وحاليا قاعده اعوض
تصير مشاكل لحد الحين بس انا مطنشششششششسه

الزم ماعلي صحتي وصحه البيبي

 

[حمرة الورد]

رد: تجمع مواليد ( إبريل - 2014 ) حياااااكم

انا اذا الله رزقني بنت كل شي وردي بطلع الحره هههه

 

[همي رضى خالقي]

رد: تجمع مواليد ( إبريل - 2014 ) حياااااكم

انا اذا الله رزقني بنت كل شي وردي بطلع الحره هههه

ان شاء الله يرزقج بالبنت الصالحه ياربي البنات يشوقووون انا بنتي ماكله قلبي اسم الله عليها


ملابسهم وفناتكم تهبل

 

[حمرة الورد]

رد: تجمع مواليد ( إبريل - 2014 ) حياااااكم

ان شاء الله يرزقج بالبنت الصالحه ياربي البنات يشوقووون انا بنتي ماكله قلبي اسم الله عليها


ملابسهم وفناتكم تهبل

تسلمين أمين يارب تفرح قلبي يارب انا كله عمليات وصعبه احمل أتمنى ان الله يرزقني البنت ويحفظ بنتج يارب ويرزقج الذريه الصالحه

 

[الرو تغليك وح]

رد: تجمع مواليد ( إبريل - 2014 ) حياااااكم

انا بكريه و اتمنى تكون بنوته

 

[دلوعة ماماتي 88]

رد: تجمع مواليد ( إبريل - 2014 ) حياااااكم

من كثر ما اتمنى انها بنووته انا وزوجي نسولف ع اساس انها بنوته ههههه مو مقتنعين ان ممكن يكون ولد

 

[lawyara]

رد: تجمع مواليد ( إبريل - 2014 ) حياااااكم

اليوم الدكتووره اتقووولي جيس الجنين هلالي غالبا يكون ولد هههههه الحمدالله اللي ايي من الله حياه الله والله يرزقكم بللي تتمنونه

 

[fofowa_q8]

رد: تجمع مواليد ( إبريل - 2014 ) حياااااكم

من كثر ما اتمنى انها بنووته انا وزوجي نسولف ع اساس انها بنوته ههههه مو مقتنعين ان ممكن يكون ولد

ياحلوووو البنات يهبلون وخصوصا اذا البجر بنيه

صج تاخذ غلاها غصب.. الله يرزقج باللي تتمنين يارب

 

[so0os]

رد: تجمع مواليد ( إبريل - 2014 ) حياااااكم

اخد نافيدوكسين وقالت اذا وايد نساتج اخذي حبتين اخذ وماكو فايده

 

[fofowa_q8]

رد: تجمع مواليد ( إبريل - 2014 ) حياااااكم

اليوم الدكتووره اتقووولي جيس الجنين هلالي غالبا يكون ولد هههههه الحمدالله اللي ايي من الله حياه الله والله يرزقكم بللي تتمنونه

انا بعد تصدقين دكتورتي قالت لي نفس الكلام لاني

استغربت من شكل الجيس لما قلت لها صج؟ جان تضحك

وتقول مادري يقولون.. انا مادري مااحس له علاقة

 

[lawyara]

رد: تجمع مواليد ( إبريل - 2014 ) حياااااكم

اي صح مو شرط

 

[مآيكبرني نك]

رد: تجمع مواليد ( إبريل - 2014 ) حياااااكم

عيل شرايكم

انآ ف البدايه كان شكله هلآلي والحين تحول دائرة !

آحس كلآم فاضي

 

[قرة عيونه]

رد: تجمع مواليد مارس 2014 الله يتمم ويسهل يارب

اي دواي انا معاج بالضبط اول يوم من اخر دوره ان ٢١/٦

بس انتي شلون قالتلج بنت !! انا اصلا يوم سالتها قامت تضحك علي تقول كلش مايبين الحين

 

[قرة عيونه]

رد: تجمع مواليد مارس 2014 الله يتمم ويسهل يارب

قرموشه الله يعيييينج

والله زين احسن حل التطنيشش

انا اول ماحملت كله اعصب واتهاوش مع زوجي على ولا شي بس خواتي قالولي هذي هرمونات الحمل حاولي تهدين وصج كنت انا الغلطانه هو ماسوا شي

بس حالياً حيل قاعد يتحاقر معاي وتوني اليوم جيت بيت اهلي

الله يعين والله ودي اطنش بس ماقدر حتى لو السبب سخيف ماعرف طول الوقت اقعد ابجي اكره هالصفه فيني اذا متزاعله مع احد لازم اقعد ابجي واضايق روحي لين نتراضا ودي اني اطنشش واستانس وبعد عن الضيق بس ماعرف :'(

ولله ماكتبتلكم الا لاني صج متضايقه حتى الاكل انسدت نفسي عنه
دعواتكم بليز

 

[الورده الناعمه]

رد: تجمع مواليد مارس 2014 الله يتمم ويسهل يارب

واي بنات ما الومكم انا بعد نفسكم احس ماقدر اطوف شي ابسط الاشياء تعصبني بس قمت احاول اطنش مالي خلق صداع ونجره
بس تره كله طبيعي مال الهرمونات وانشالله رياييلنا يقدرون


وكل وحده فيكم خل تقول عند منو تراجع اي دكتوره واي مستشفى وتكتب رايها بالدكتوره


بنات انا اراجع عند دكتوره روبينا بالمواساة الكل يمدحها من سيرج واهلنا مجربينها محد ذمها وبالولاده تصبر عالوحده
بس انا بجر هذي دكتورتي من اول ما حملت احس بسرعه المراجعه تسالني اذا اشتكي من شي عندي سؤال اي شي توا غيرت لي الحبوب
وتسويلي سونار عادي سريع وقالتلي احتمال ولد بس مو اكيد نطري لا تشترين شي لمن نتاكد يمكن يكون الحبل السري
بس ما احس تجاوب الي بمخي وتاخذ وتعطي وايد مادري شلون افهمكم بس احس ابي احد يسالني مادري انا شنو اسال
اختي تقول المستوصف تظل نص ساعه يجيكون على كل شي ويسالون وايد الي ما تعطي مجال اختي تسالها شي يديد لمن راجعت عند روبينا تقول فرق


انتو شرايكم كتبو رايكم بدكاترتكم

 

[عزاااه]

رد: تجمع مواليد مارس 2014 الله يتمم ويسهل يارب

الله يسهل عليكم
الورده الناعمه انا اراجع عند روبينيا حبيبيه صبوره تسال اذا فيج شي تعبانه من شي بعكس مو سريعه سونارها تجيك عدل

 

[دلوعة ماماتي 88]

رد: تجمع مواليد ( إبريل - 2014 ) حياااااكم

ياحلوووو البنات يهبلون وخصوصا اذا البجر بنيه

صج تاخذ غلاها غصب.. الله يرزقج باللي تتمنين يارب

امـــــين
جزاچ الله خير حبيبتي

 

[قرة عيونه]

رد: تجمع مواليد مارس 2014 الله يتمم ويسهل يارب

انا اراجع عن منتهى السالم بالعرف

حيل مرتاحه عليها

بس انا نفسج احس في اشيااء واجد ودي اسالها بس من ادخل استحي يطير كل شي

اتوقع يمكن لاننا بجريات هالشعور طبيعي