♥♡♥ تجمع لجميـع مواليـــد 2014 حيــــــاكمـ ♥♡♥

[قرة عيونه]

رد: تجمع مواليد مارس 2014 الله يتمم ويسهل يارب

بنات بسالكم توني شاريه حوض سباحه

بس اختي وحماتي يحذروني منه يقولون مو زين ع الحامل !!!

صجج عاد مو زين ؟؟

بليز اللي عندها معلومات تفيدني لان من زمان بخاطري ويوم جبته الكل يقولي مو زين :'(

 

[Fyonkita]

رد: تجمع مواليد ( إبريل - 2014 ) حياااااكم

وناااسه في وحده نفس موعد ولادتي الله يتمم لنا كلنا على خير
فوشي انتي متى كانت آخر دوره خرشوف حسبتهم صح ولا غلط
أنا آخر دوره ٢٦-٦ كان اول يوم

 

[baa6aa]

رد: تجمع مواليد مارس 2014 الله يتمم ويسهل يارب

قرة عيونه اي الحمام سباحه مو زين ؛/

وايد سوالف طافتني

 

[Fo0oshy]

رد: تجمع مواليد ( إبريل - 2014 ) حياااااكم

امين يارب ويثبت حملنا ونولد بالسلامه ان شاء الله .. انا اخر دوره كانت ٢٧-٦ انتي ولادتج تكون ٤/٢ قبلي بيوم انا حسبتها على موقع بيبي سنتر

 

[طعم الشهد]

رد: تجمع مواليد مارس 2014 الله يتمم ويسهل يارب

ماتشوفين شر شهد الله يتمم عليج وكل شي بأجره

قرموشه تنطشي وبردي اعصابج اهم شي البيبي وسلامتج

انا الحمدلله سويت سونار وتطمنت وشفته وقالتلي شكثر النبض الحمدلله زين وحسبولي بأي اسبوع نفس حسبت موقع بيبي سنتر بالظبط
اليوم دخلت بالاسبوع التاسع على خير ان شاءالله

وعالنساة كتبلي دكتوري حبوب تريح شوي خففت الترجيع تقريبا مارجعت الا مره وحده من خذتيهم بس مخليتني كله نعسانه ونايمه

واللوعة بعدها بنفس ما اهي الله كريم ويهون علينا


بس بنات بسألكم عالافرازات حدي متأزمه وضايق خلقي

قاعد ينزل علي افراز اصفر خفيف مو وايد

بس ماكو لا حكه ولا ريحة الحمدلله

لازم اقول للدكتوره صح ؟ انا اخاف من سالفة الفحص والمسحة عادي بهالوقت ولا تضر ؟!

انا نفسج يمكن مثلي رحت سويت مزرعة بول تكرمين وقالت الدكتوره هذا احتقان مال التعب والضغط والمشي
عطتني تحاميل قالت لمدت اسبوع وريح نفسي ويروح انشالله

فالتحاتين سوي تحليل وانشالله خير

 

[Om*Yousef]

رد: تجمع مواليد مارس 2014 الله يتمم ويسهل يارب

شهد ماتشوفين شر ان شاء الله ربي يثبته ويقر عينج بشوفته .. يالله كل شي باجره

live life لازم تراجعين حق الافرازات علشان ترتاحين وماتزيد عليج

قره عيونه .. عادي حمام السباحه انا ليمن كنت حامل بولدي كله اروح البحر واسبح او حمام سباحه مافيها اي خطر ان شاء الله

:eh_s(7):

 

[fofowa_q8]

رد: تجمع مواليد ( إبريل - 2014 ) حياااااكم

الله يسهل عليكم


انا موعد ولادتي ان شاالله ٤/١٣

بنات متى سمعتو النبض؟

انا رحت بالاسبوع السادس ماسمعته وقاعده احاتي

 

[عاشقة هواك]

رد: تجمع مواليد مارس 2014 الله يتمم ويسهل يارب

شلونكم بنوتات انا من زمان صار لي ما دشيت منتدى بس كنت تعبانه حيل صاير فيني هبوط الي بدرجة قمت اطيح مو قادرة اتوازن رحت الاميري طوارئ بعد المغرب على طول حده زحمه وعالم تخيلوا خلصت ساعه 12 ونص بالليل حدي تعبت وغير ترجيع اكل وارجعه احس شفت الموت احس روحي بتطلع امشي واطيح بمكاني ابطل عيوني مو قادرة كل شي يفتر فيني بس الحمد الله اليوم هم احس راسي يدور بس خف عن امس الحمد الل دعواتكم تعبت

 

[..[[خٰجّل الوْردِٰ]]..]

رد: تجمع مواليد ( إبريل - 2014 ) حياااااكم

بنات انا متى اولد اي تاريخ بظبط؟؟؟!!!

 

[Fyonkita]

رد: تجمع مواليد ( إبريل - 2014 ) حياااااكم

يالله عادي ٢ ولا ٣ نفس الشي
فوفوا أنا سمعته بالسادس وفي ناس ما تسمعه إلا بالتاسع عاااادي جدا

 

[حبيبة عز]

رد: تجمع مواليد ( إبريل - 2014 ) حياااااكم

فوفو

افضل شي تكونين بالتاسع وتسمعينه ان شاءالله

انا دكتورتي عطتني موعد بعد ٣ اسابيع

ان شاءالله اسمع النبض واتطمن

وكلنا نتطمن

بنات في طريقة حلوة انج تقرين كل يوم شوي قرآن

وتختمينه خلال ال٩ شهور

 

[حبيبة عز]

رد: تجمع مواليد ( إبريل - 2014 ) حياااااكم

ليما الحين ما احس بلوعه

بس منشوله وذبحتني الحساسيه بخشمي

بس اعاطس تعبت



انا سويت التحليل لان ريلي يبي يتأكد

لان كنا رايحين نحجز عشان نروح جولة باوربا

بس مالله كاتب

الحمدلله

 

[الرو تغليك وح]

رد: تجمع مواليد ( إبريل - 2014 ) حياااااكم

وناااسه في وحده نفس موعد ولادتي الله يتمم لنا كلنا على خير
فوشي انتي متى كانت آخر دوره خرشوف حسبتهم صح ولا غلط
أنا آخر دوره 26-6 كان اول يوم

انتي معاي ندخل تاسع تاريخ 3/3 وحدنا لتاريخ 3/4لان ب هالتاريخ ندخل العاشر فالمفروض انا وانتي نكون بتجمع مارس

 

[الغضى]

رد: تجمع مواليد ( إبريل - 2014 ) حياااااكم

بنات لا تأزمون عشان عيالكم صغار
بالعكس اصغار مايفهمون شي ويصيرون قعد بعض
المشكلة بالكبار تزيد المسؤولية صدقوني.

 

[نور دنياه]

رد: ♥♡♥تجمع مواليييييييد شهر يناير2014بإذن الله♥♡♥

شخباركم بنات؟ ليش التجمع نايم اهني !!

 

[baa6aa]

رد: تجمع مواليد مارس 2014 الله يتمم ويسهل يارب

سلامتج و ما تشوفين شر

كل شي بأجره ان شاء الله

 

[Newbaby]

رد: ♥♡♥تجمع مواليييييييد شهر يناير2014بإذن الله♥♡♥

والله انا توقعت بيكون نايم لانه من اول ما افتتحوه اغلب البنات حولو قروب واتس اب



ف حولت الي قروب شهر12لانه شوي حيوي اما شهر 1 كلش ماله حس

 

[خلود ناصر]

رد: تجمع مواليد مارس 2014 الله يتمم ويسهل يارب

ماتشوفين الشر عاشقه اخذي درب تري ريحج من الترجيع اذا الحبوب ماتنفعج
قره دشي الحوض بس مو تتسبحين بضمير بس شوي عن خاطرج
بنات رحت المطعم برجر كنج اللي بالمنطقه اشتهيت اقعد فيه اكل فطيره تفاح وانا قاعده الا ريال دفش بالطاوله اللي يمي يبي يطلع. خذف الكرسي وطق كرسيي بقوه واي تعرفون ليما تكونين قاعده بالكرسي واحد يدز كرسيه قوه يطق كرسيي لدرجه اني تحركت لانه كنت شاده عمري بوكل ولدي يمه ياظهري يوم لفيت الا ريال طوووول وبعرض تبارك الرحمن متين شد علي ظهري جهه وحده عقب راح الله يستر

 

[طعم الشهد]

رد: تجمع مواليد مارس 2014 الله يتمم ويسهل يارب

لووول خلوود هل دفاشه من الناس منتشرين بقووه بالديره


وصباحكم خيررر كروشات صغيره

 

[خلود ناصر]

رد: تجمع مواليد مارس 2014 الله يتمم ويسهل يارب

صباح النوووور
بنات منو يشتغل الحين وقاعده بدوامها غيري