♥♡♥ تجمع لجميـع مواليـــد 2014 حيــــــاكمـ ♥♡♥

[خلود ناصر]

رد: تجمع مواليد مارس 2014 الله يتمم ويسهل يارب

دورت بصيدليات ومستشفيات الخاصه ماكو وحده معاي تقول اختها دورتها تخيلي حصلتها في صيدليه بمنطقه فهد الاحمد انا اول شي بشتريه شفاط

 

[baa6aa]

رد: تجمع مواليد مارس 2014 الله يتمم ويسهل يارب

اسالج اللي اعرفهم ان شاء الله

 

[fofowa_q8]

رد: تجمع مواليد ( إبريل - 2014 ) حياااااكم

بنات امس بالليل بنتي حذفت الايباد على بطني

قاعده احاتي مادري شسوي اروح الطبيب ولا انطر لي موعدي

مايعورني بطني ولا نزل شي تكرمون بس قاعده احاتي

 

[Fyonkita]

رد: تجمع مواليد ( إبريل - 2014 ) حياااااكم

لا حبيبتي الروح تغليك أنا قال لي ولادتي من ٣ إلى ١٥ أبريل ماذا أتوقع كلش مارس
فوفوا حبيبتي لاتراجعين ولاتحاتين نطري للمواد الياي دام مافي الام وما نزل دم سهالات أن شالله

 

[Q8_QT]

رد: تجمع مواليد ( إبريل - 2014 ) حياااااكم

الله يسهل عليكم


انا موعد ولادتي ان شاالله 4/13

بنات متى سمعتو النبض؟

انا رحت بالاسبوع السادس ماسمعته وقاعده احاتي

وناااااسة موعد ولادتج نفس يوم ميلادي آنا من مواليد ابريل وولادتي حسبتها بموقع 9 / 4
وعن النبض ممكن تسمعينه الأسبوع السابع في ناس يتأخر عندهم عادي لا تحاتين ان شاءالله ماكو الا العافية

 

[fofowa_q8]

رد: تجمع مواليد ( إبريل - 2014 ) حياااااكم

لا حبيبتي الروح تغليك أنا قال لي ولادتي من 3 إلى 15 أبريل ماذا أتوقع كلش مارس
فوفوا حبيبتي لاتراجعين ولاتحاتين نطري للمواد الياي دام مافي الام وما نزل دم سهالات أن شالله

اي ماكو الا العافية ان شاالله وموعدي بعد اسبوع ان شاالله اتطمن

 

[fofowa_q8]

رد: تجمع مواليد ( إبريل - 2014 ) حياااااكم

وناااااسة موعد ولادتج نفس يوم ميلادي آنا من مواليد ابريل وولادتي حسبتها بموقع 9 / 4
وعن النبض ممكن تسمعينه الأسبوع السابع في ناس يتأخر عندهم عادي لا تحاتين ان شاءالله ماكو الا العافية

يله تبادلين بالتواريخ

ان شاالله اسمعه بموعدي الياي راح اكون ان شاالله بالاسبوع الثامن

 

[دلوعه غناتي]

رد: تجمع مواليد مارس 2014 الله يتمم ويسهل يارب

السلام عليكم

اشتقت لكم

بنات انا صايره احس ‏​فـ♡ـي كوره ‏​فـ♡ـي بطني احد مثلي

 

[طعم الشهد]

رد: تجمع مواليد مارس 2014 الله يتمم ويسهل يارب

انا احس هم بشي عادي كبر البيبي وانا ليش دشيت الرابع بطني طلعت بعد
امبيه بنات جارتي اخاف من عينها لان كله تسولف بخاطرها ياهل وذابحتني كله تاخذ ولدي عندها مئذيتني بهل شي الحين بطني طلعت وهي الرحيده ماتدري اخاف اقولها تصكني عين ليش ورا بعض

اهي تكسر خاطري طولت شوي الله يرزقها

 

[دلوعه غناتي]

رد: تجمع مواليد مارس 2014 الله يتمم ويسهل يارب

ههههههههههه طعم الشهد حرام تظنين هالظن فيها

وبعدين توكلي على الواحد الأحد ولا تخافين أنا علمت الكل وبطني ما طلعت

حَتْىّ رفيجاتي ٢ منهم ما حملو صار لهم ٥ و٧ سنين وبشرتهم واستانسو

الحمدلله متوكله. على الله

انا الحين باقي لي ٣ أيام وادخل الأسبوع ١٢. تهقون يبين الجنس

 

[طعم الشهد]

رد: تجمع مواليد مارس 2014 الله يتمم ويسهل يارب

لووول انا الساني مفلوت مو بدايت حملي قتلها طرحت لان عبالي صج طرحت لووول بعدين لمن دريت انه عايش ماقتلها
انا بعد الكل يعرف وبشرت معنى في ناس تخشخش
تخيلي حريم حمواني لي الخامس يسكتون لمن بشرتهم يقولون لي ليش تبشرين سكتي احسن قطيعه كرهت عمري لمن بعدين سالتها جم لج ولا تقول سادس وهوي مبشره توها انها حامل وانا قصة حياتي كلها قلتها

 

[دلوعه غناتي]

رد: تجمع مواليد مارس 2014 الله يتمم ويسهل يارب

هههههههههههههههههههه


اي طعم الشهد حَتْىّ مرت أخوي ما تعلم اللا ‏​فـ♡ـي الرابع


قطيعه من هالأشكال يعني الحمل من الله مو سارقته سرقه

 

[طعم الشهد]

رد: تجمع مواليد مارس 2014 الله يتمم ويسهل يارب

زهقت كله اكتب بدليات

 

[..[[خٰجّل الوْردِٰ]]..]

رد: تجمع مواليد ( إبريل - 2014 ) حياااااكم

يابناات انا ذبحني الوحااام تعبت منه

كل ماكليت شي ارجعه لاعت كبدي خلاااص

شسواه تكفوون رحت الطبيب ولاكو فايده اوففففف

 

[حمرة الورد]

رد: تجمع مواليد ( إبريل - 2014 ) حياااااكم

سلام انا دورتي كانت ١٦ يوليو شهر أربعه ولا دتي صح

 

[fofowa_q8]

رد: تجمع مواليد ( إبريل - 2014 ) حياااااكم

الخوبله قولي حق دكتورتج توصف لج حبوب حق الترجيع عندج اوندا زينه

ام نيرمانا حياج ان شاالله ولادتج بشهر ٤

 

[حمرة الورد]

رد: تجمع مواليد ( إبريل - 2014 ) حياااااكم

الله يحييج حبيبتي ادعولي بنات مسويه اكثر من اشعه وحدي احاتي لأني ماكنت ابي الحمال كلش والحمدلله ع النعمه لا اعتراض كل عيالي احمل لما يدخلون الروضه وكنت ابي اخذ راحتي طبعا انا مااحمل الا بعلاج بس ها لحمله سبحان الله وان شاء الله مثل ماربي سهلها يجيب لي البيبي متعافي ويرزقني بالبنت يارب عرفت اني حامل قبل السفره بيوم

 

[خلود ناصر]

رد: تجمع مواليد مارس 2014 الله يتمم ويسهل يارب

شفتو اللي مايعلمون اهم اللي يبون يتشرهون عليكم
هذا اللي باط جبدي انتي ماتعلمين وتشرهين بعد
انا ماعلمت الا اهل بيت ريلي بيت اهلي وحريم اخوااني و رفيجاتي بس ثنتين باجي طاااااف ماني مجبوره ابشر انا موبجر
دوام ماعلمت اللي يبي يسألني بعلمه لانه في بجري حاشني موقف حيييل خفت لانه اللي معاي بداوم شهقت بويهييي حاااااااامل شهق اللي جنها مخترعه اللي بالغرفه الثانيه اسمعوها والله ما ابالغ انا بعد ماعلمتها الا بنص الرابع اهي صارلها ٨سنوات علاج و عمليات الله يرزقها يا رب يفرح قلبها بس شهقتها حيل قويه شربت مايها علي الاساس اني غلطانه خفت علي نفسي لاني حملت من ليله عرسي حتي ماقالت مشاءالله ماذكرت الله عين حق

 

[fofowa_q8]

رد: تجمع مواليد ( إبريل - 2014 ) حياااااكم

لاتحاتين ام نيرمانا وادعي الله يحفظه واللي الله كاتبه بيصير

انا بعد دريت اني حامل بيوم سفرتي وسافرت من امريكا لي الكويت صج

تعبت حيل بس ربج ستر وحفظه الحمدلله

 

[حمرة الورد]

رد: تجمع مواليد ( إبريل - 2014 ) حياااااكم

انا عكسج من الكويت لأمريكا وإذا الله تمم علي بولد بأمريكا مالي خلق ارجع