♥♥♥صـــــــــــــدمة غيرت مجرى حياتي♥♥♥

[راعية الطويلة]

حبيباتي الغاليات


ما يصير جذي !!!!

ليش تخلوني أشتاق لكم<<:eh_s(14):
؟؟؟؟؟
جد ولهت عليكم...:ggdw:

طبعا أثق فيكم بشكل كبير
عشان جذي
أتمنى تقدرون مجهودي البسيط
و تسعدوني بردودكم المفيدة
و بمروركم العطر
و لكم دعاء طيب
بظهر الغيب

ما في إنسان بالكون
ما مر بصدمة ..
قد تكون صدمة من النفس!!!
قد تكون من قريب..!!
من صديق ..!!!
من حادث أو موقف معين..!!!
من تجربة خااااصة..!!!
فما بالك بالمؤمن ..!!
مبتلى و هذا من علامات محبة الله
الذي يبتلي المؤمن..!!

في نوع من البشر
حكيم
ذهين
كيس و فطن
يعتبر من الصدمة
و تلاقينها تقويه
و تزيده إصرار
و مثابرة
و ممكن جدا جدا <<<لا تستغربين
تزيده سعادة..!!!

أشلون تزيده سعادة!!!:eh_s(10):
لأنها تكشف له المعادن
و تزيده خبرة
و تعطيه ملكه في المواجهة
و الصبر..

خواتي الحبيبات
يا اللي نورتوا موضوعي
أدري كل وحده منكم
الحين الحين
تذكرت صدمتها
و يمكن دمعت..!!!:eh_s(2):
و يمكن ابتسمت..!!:wqedqw:
إذا حبيتي تذكرين صدمتج
و اشلون تغلبتي عليها..
قلوبنا مفتوحة لج
و إذا حبيتي
تذكرين فقط تجربتج
بالتغلب و الإنتصار عليها
أيضا قلوووووووبنا
مفتوحة لج

حطي في اعتبارج
إنه في ميزان حسناتج
لأنج بتفيدين غيرج
بتجاربج
تفضلوا
اسدحوا تجاربكم
خواتي في الله
و أنا جد جد
أحبكم في الله

 

[tmtmt]

شكلي راح اكون اول وحده ...

تجربتي بالحياه صعبه حييييل حيييييييل
ما اقدر اتكلم فيها حاليا نفسيتي ما تسمحلي

من 2005
وشخصيتي تتغير الحمدالله للافضل
وقاعده ازيد قوه وصبر
وعرفت الناس شنو وعرفت الحياة شنو

عرفت معنى الاهل ( الام + الاب _ الاخت + الاخ + الزوج والابناء )
هذا الي اقصده بالاهل فقط لا غير

من 2005
بداية مرض اخوي الله يرحمه

2006 - 2007 - 2008 -2009

يزيد مرضه يوم عن يوم

اخوي الوحيد عضيدي وعزوتي

راح ب 2010

هالسنين كفييييله بتغيير حياتي وشخصيتي

هذا الي اقدر اقوله حاليا ...

 

[نهى الأحمد]

اهنيج يا الغاليه على مواضيعج الرائعه والراقيه مثلج


اكيد كل انسان تعرض لصدمة في حياته


والمفروض يتعلم من كل صدمة حتى يصير اقوى ويواجه الحياة


بحلوها ومررها



راعيه ياقلبي

موضوعج يبيله روقاااان :eh_s(22):


نطري ردي الثاني

:eh_s(7):

 

[tmtmt]

يعطيج العافيه على الموضوع

كنت بقييمج
وين راحت خاصية التقييم !!!

 

[راعية الطويلة]

شكلي راح اكون اول وحده ...

تجربتي بالحياه صعبه حييييل حيييييييل
ما اقدر اتكلم فيها حاليا نفسيتي ما تسمحلي

من 2005
وشخصيتي تتغير الحمدالله للافضل
وقاعده ازيد قوه وصبر
وعرفت الناس شنو وعرفت الحياة شنو



هالسنين كفييييله بتغيير حياتي وشخصيتي

هذا الي اقدر اقوله حاليا ...

انت أول وحده
و الطيب دايم يسبق بالطيب
حبيبتنا
كلنا خواتج و نحبج
و فخورين بشخصيتج
و بتغلبج على صدمتج
و بنكون فخورين أكثر
لما تتبلور شخصيتج
للأحسن
الله يسعدج غاليتنا :eh_s(17):

 

[ضايعة بدنيتي]

رد : ♥♥♥صـــــــــــــدمة غيرت مجرى حياتي♥♥♥

فديت راعية الموضوع .. وفديت الي ردوا قبلي. عسى الله يحفظكم من كل شر ..

تمتم . من اقرى مشاركة لك وانتي تتكلمين عن شعورك في وفاة اخوك الله يرحمه .. ما اقدر امسك دمعتي والله . احس بالحرقة مجرد ما اتخيل شعورك . وكل ما اشوفك ادعي له بقلبي .. وادعي لك ولاهلك بالصبر والعوض الخير ان شاء الله . حاسة فيك يالغالية .

سامحيني حبيبتي راعية طلعت عن الموضوع شوي ... ...


راجعة بإذن الله .

 

[راعية الطويلة]

اهنيج يا الغاليه على مواضيعج الرائعه والراقيه مثلج


موضوعج يبيله روقاااان :eh_s(22):


نطري ردي الثاني

:eh_s(7):

أنا اللي أهني نفسي على مرورج
نهووووووي الغالية
انطرج
لا تاخرين
:eh_s(8):

 

[راعية الطويلة]

يعطيج العافيه على الموضوع

كنت بقييمج
وين راحت خاصية التقييم !!!

توته
مجرد مرورج
قيمني
عسى ربي
يعلي قيمتج عنده
و يعلى رتبتج في جنته
مشكورة ع التقييم اللي وصلني منج
:eh_s(17):

 

[راعية الطويلة]

رد: رد : ♥♥♥صـــــــــــــدمة غيرت مجرى حياتي♥♥♥

فديت راعية الموضوع .. وفديت الي ردوا قبلي. عسى الله يحفظكم من كل شر ..


راجعة بإذن الله .

دنيتي الحلوة اللي ما يضيعها ربي آمين
تأكدي
كلنـــــــــــــــــــــا
ننطرج
:eh_s(17):

 

[الأميرة الحزينة]

يشرفني حبيبتي اشارك بموضوعج :eh_s(17): كلامج يه عاالجرح فعلا الصدمات اللي واجهتها بحياتي الزوجيه زادتني قووة في اشياء واايد خااصه ماقدر اذكرها بعلاقتي بزوجي وحمدلله صبرت لين الله عوضني خيير:eh_s(15): وصبرت على حمولتي واحد واحد والله لو بكتبلج ماتصدقين اللي اقوله وبغض النظر انهم قدروا والا لأ بس حمدلله وفضله علي ريلي شالتي فوق راسه الحين لأنه شافني شلون صبرت عليهم<<ان الله مع الصابرين>> وفعلا صدمتي فيهم زادتني قوة وخبرة بالحياه وكل طراق بتعلومة:eh_s(4): ووين كنت ووين صرت:ggdw: انا بس ودي انصح البنات للي بيتزوجوون قريب او اليدد بالصصصصبر الله سبحانه وتعالى قال<< وبشر الصابرين الذين اذا اصابتهم مصيبة قالو ان لله وانا اليه راجعون>> وفعلا كل شي يبدا صغير ويكبر .. الا المصيبة تبدا كبيرة وتصغر وهذا اختبار من الله وكل شي بأجره .. وقرقت واايد بس اللي بقوله ان اللي يتوكل على الله عمره ما يندم موفقين حبايبي:eh_s(17):

 

[tmtmt]

رد: رد : ♥♥♥صـــــــــــــدمة غيرت مجرى حياتي♥♥♥

فديت راعية الموضوع .. وفديت الي ردوا قبلي. عسى الله يحفظكم من كل شر ..

تمتم . من اقرى مشاركة لك وانتي تتكلمين عن شعورك في وفاة اخوك الله يرحمه .. ما اقدر امسك دمعتي والله . احس بالحرقة مجرد ما اتخيل شعورك . وكل ما اشوفك ادعي له بقلبي .. وادعي لك ولاهلك بالصبر والعوض الخير ان شاء الله . حاسة فيك يالغالية .

سامحيني حبيبتي راعية طلعت عن الموضوع شوي ... ...


راجعة بإذن الله .

فعلا محتاجه لدعوة الغيب
واهلي محتاجينه وامي وابوي بالاخص

الله يتقبل منج وعساج ماتفقدين غالي يارب

يزاج الله خير

 

[ام شووووق]

رد : ♥♥♥صـــــــــــــدمة غيرت مجرى حياتي♥♥♥

اتشرف بالرد عليج

انا انصدمت صدمه

بس بسورة البقرة والاذكار والاستغفار قويييييييييت لدرجه ماتوقعتها

والحمدلله على كل حال

 

[بـــــــــدور]

ااااااااااااااااااااااااااااااااااااااااااااخ وربي اقولها واحس بحرقه بقلبي والله اني لما شفت موضوعج قلت جابوقته وحسيتج تدرين فيني متضايقه ومهمومة وانا هالايام هذي امر بصدمه قويه من اعز الناس ليه ومن دمي ولحمي ومن ناس كنت معاهم اكثر من الاخت وكنت اسعى معاهم للخير وماعمري قصرت معاهم واخرتها جت الطعنه منهم والمصيبه العضمى انه كذب وزور وبهتان بس اللي مريح قلبي ومقوي عزيمتي ان المصيبه اللي امرفيها احسني تقربت لربي اكثر وصرت مداومة على قراءة القران ليل نهار وقيام الليل مستحيل افوته


بنات نصيحه اخت اللي عندها هم وحزن لاتشكي للناس ولاتستعين الا برب العالمين والله بتحسون بالراحه والطمانينه وكثر التفكير مايجيب الا المرض والشيب


فيه كتيب عندي روعه راح اكتبلكم منه بعض الكلمات وربي تريح وتشيل الهم وراح تعرفون ان الله مااشقانا الا ليسعدنا وماابكانا الا ليضحكنا

وعسى ياربي يفارقكم الهم ويبدل حزنكم فرح ياحي ياقيوم

 

[ضايعة بدنيتي]

رد : ♥♥♥صـــــــــــــدمة غيرت مجرى حياتي♥♥♥



عليكم السلام ورحمة الله وبركاته

واحنا مشتاقين لك اكثر حبيبتي راعية وحبك في الله ما يختلف عليه اثنين في المنتدى . .ويا بخت من صادقك ونعم باخوتك سواء في الواقع ولا في المنتدى . الله يحفظك من كل شر ويخليك لنا ذخر يارب .


اما عن الصدمات .... تذكرني بسبب تسجيلي بالمنتدى لاني كنت وقتها محتاجة اتكلم واقول الي عندي لاني كنت مدمرة نفسيا بمعنى الكلمة . ما ودي اعيد الموضوع لانه انتهى بالنسبة لي الحمدلله بس راح اتكلم بشكل عام شلون هالصدمة اثرت علي ..

قبل تقريبا 11 سنة .. لما كان عمري 13 سنة .. .. مريت بتجربة حطمتني بمعنى الكلمة . كنت اعرف شنو يعني خوف .. ولكن بعد هالتجربة اكتشفت معنى جديد للخوف ... لو احاول اوصفه ما راح اقدر لانه فعلا شي غريب ومرعب ما اعرف اوصفه بالكلام . عسى الله لا يوري احد هالاحساس يارب.
الادهى والامر اني كنت بروحي او كنت احس اني بروحي محد معاي محد يدري ولا احد حاس كنت في دنيا ظلمة مافيها الا انا بروحي .. بس الحمدلله ربي كان معاي بكل لحظة بس هالشي وقتها ما كنت حاسة فيه ولا عارفته من هول الصدمة .

مرت سنين .. تخرجت من المدرسة بصعوبة من بعد ما كنت متفوقة . بس الحمدلله على كل حال عمري ما سقطت بمادة بس ما يمنع ان مستواي الدراسي تدهور. بعد ما تخرجت من المدرسة ظليت في البيت رفضت ادخل الجامعة لانها جامعة خلط بنات واولاد وانا مابي اشوف ولا ولد غريب عني لاني صرت اخاف .. كرهت الدراسة وكنت حابسة نفسي بالبيت .. شهور ما اطلع من البيت الا بالغصب وفي الشديد القوي . يمر علي العيد واظل في البيت لا اروح آعيد على الناس والاهل . كنت عايشة وميتة بنفس الوقت .

بعدها بسنيتن قررت اني ادخل الجامعة بعد معاناة مع نفسي واهلي . ولحد الآن ما تخرجت وادرس مع ان الي بعمري واصغر مني تخرجوا من زماااان . بس هالشي ما احاول اخليه يأثر علي بأي شكل من الاشكال والحمدلله حالي احسن من غيري بكثييير.

لحد الآن وصفت لأي درجة كانت نفسيتي دمااااااااااااار مليون بالمية . بس شوي شوي الدنيا قامت تتغير بنظري.

الخطوة الاولى كانت قراري بدخول الجامعة ... والحمدلله مستمرة فيها لحد الآن وان شاء الله هانت ..

الخطوة الثانية .. اني عدت حساباتي كلها من اول وجديد . قربت من ربي كثييييييير ... ولمت نفسي على امور كثيرة .. وقلت لو اني كنت قريبة من ربي من البداية كان ما صار فيني كل هذا . بس كل شي لسبب .. والحمدلله على كل حال .

والخطوة هذي هي الي خلتني احس بهدوء نفسي وطمأنينة .. وحسيت اني املك الدنيا .. بس ما انكر ان مرت علي لحظات كنت انتكس فيها ويضحك علي الشيطان .. ولكن ارجع اقوى مرة ثانية وثالثة وعاشرة .

الخطوة الثالثة ... اني تكلمت بإلي في خاطري وكان مسبب لي ازمة كل ما افكر فيه ... وتكلمت فيه هني في االمنتدى . و في ناس وقفت معاي والله والله والله ما انسى وقفتها ولا انسى كلامها لي وحتى رسايلها محتفظة فيها ... كل فترة وفترة ارجع لها واقراها ..
واعتبر هالشي نعمة من ربي دلني عليها عشان احس ان الدنيا بخير مو سودة مثل ما كنت اشوفها

حياتي حاليا اقدر اقول عنها طبييييعية الحمدلله الحمدلله فرق كبير كبير كبيييييييييييييير عن قبل .

السبب الاول والاخير قربي من رب العالمين . كل ما كنت اقرب اكثر كنت اكتشف اشيا تصدمني اكثر واكثر .

طولت زيادة عن اللزوم ... سامحوني خواتي .. بس فعلا اتمنى ولو بنت وحدة تتخيل الوضع الي كنت فيه والي صرت عليه . وتستفيد ولو بالقليل ...


عسى الله لا يخليني منكم ... واشكر كل بنت وقفت معاي وقفة اخت ودعت لي دعوة بظهر غيب .. وحاولت تساعدني ولو بحرف. عسى الله يجمعني واياكم في جنات الفردوس ... اللهم آمين

 

[صدى القلب]

ااااه الحمدالله على كل حااال


الصدماات اللي واجهتها واااااجد بس الحمدالله كل صدمه اخذ منها شي


تساعدني وتعلمي على الحيااه اكثر من اللي قبلها


والحمدالله قدرت اتجااوز الصدماات بفضل ربي


احس كل صدمه تقوويني اكثر من اللي قبلها واقترب من ربي حيييل الحمدالله

 

[ضايعة بدنيتي]

رد : رد: رد : ♥♥♥صـــــــــــــدمة غيرت مجرى حياتي♥♥♥

فعلا محتاجه لدعوة الغيب
واهلي محتاجينه وامي وابوي بالاخص

الله يتقبل منج وعساج ماتفقدين غالي يارب

يزاج الله خير

وحنا كلناا معاك يالغاالية .. عسى الله يصبر قلبك ويصبر اهلك ويمسح على قلب والدينك ويلهمهم الصبر ويجمعكم معاه في الفردوس الاعلى يارب ...

رب العالمين يحبكم .. لو ما يحبكم ما بتلاكم بهالبلاء العظيم .. وراح يجي اليوم الي بيخف الالم فيه .. وهذي نعمة الله لنا احنا البشر. .. والحمدلله على نعمة الاسلام .. لو ما ايماننا بالله ما كنا تحملنا وصبرنا . الحمدلله

ويجزيك بالمثل يالغالية .. وعساها اخر الاحزان يارب والله يجعل ايامكم كلها فرح وسعادة .

 

[atoootta]

احبكي الله بمثل ما أحببتنا فيه

السلام عليكم


والله شقول لراعية الموضوع رائي فيها مجروح والكلام لايكفي
بس جزاج الله خير على كل كلمه تقولينها
وما تخرج الا من انسانه كريمة معطائة



اما بالنسبه للصدمات
صدماتي بالحياة كثيرة طبعا بمقارنة بمجريات حياتنا اليوميه

كل يوم صدمة شكل ومن كل نوع
ولكن مثل مايقولون .. اللي مايموتك يقويك

واكيد يوم عن يوم تزداد قوتي



ولكن الصدمه الوحيده اللي ماقدرت اتغلب عليها نفس صدمة ومعاناة tmtmt

وهي فقدان اخوي
موته كان صدمه لنا خصوصا انه ماكان يعاني من اي شي ولكن قدر الله وماشاء فعل

مر على وفاته سنتين ولا تمر لحظه ما اذكره فيها ماتدمع عيني غصبن عني واحس بالغصه لأني للحين احس انه ما مات وان مجرد كابوس


بس ما أقول الا اللهم صبر امي وابوي على فراقه .. الضنا غالي





والحمدلله على كل حال

 

[بنوتة كول]

اما انا فما اقدر اقول الا الله يعوضني بالجنة على صبري على اهلي واخواااااااااااااااني الي من لحمي ودمي وغيرهم وغيرهم وغيرهم وغيرهم
والادهى والامر الكلام الفاحش عني بالذات كل هذا والسبب الغيرة والكره والحسد
احس اني انظلمت وما عشت حياتي وطفولتي والله لما اتذكر طفولتي اتذكر قعدتي مع اخواني ,دخول امي للمستشفى , هواش وصراخ
و قليل لما اتذكر اني لعبت وسويت وخربت
كنت انظف وحدة من اخواني واعقلهم واشطرهم
كانوا اخواني يلعبون بالطين عالبحر وانا اطالعهم
كانوا يتسبحون بالبحر وانا استحي
كانوا يلعبون ديرفة وانا ما العب معاهم
وكانوا يشترون العاب وانا ما اشتري والسبب اني مرة يعني كبيرة ولازم اهتم بالبيت واخواني
وانطر امي تطلع من المستشفى الله يشفيها ويخليها لي يا رب
يعني ما عشت طفولتي ابدا

بس الحين صار عمري 17 سنة يعني فاهمة الي يصير حولي
و استغل كل لحظة لصالحي واتمتع فيها عدل واتعلم من اخطائي والبس لبس حالي حال البنات
قبل كنت يا دراعة يا تنورة من الحاله النفسية الزفت
بس الحين تغيييييييييييييييييرت للاحسن ان شاء الله
واخر صدمه في حياتي
دخول امي للمستشفى بعد 8 سنوات من الصحة
حسيت اني تحطمت وخصوصا لما شفت امي انهارت جدامي وجدام اهلي>> حسبي الله ونعم الوكيل على الي كان السبب الله لا يوفقه وين ما راح وحوبتنا ما تتعداه يا رب و غير طعنة اخوي من ابوي بالظهر والخيانة و شوفي شلي صار دارت الدنيا ورجعلنا غصبن عنه
بس الي كان مصبرني في كل هالمصايب سورة البقرة وقيام الليل
والحين الاحوال تحسنت الحمدلله
واقول بعد كل الي صار فيني خيرة
وانا احسن من غيري
الحمدلله على كل شي
مشكورة عالموضوع بصراحة تستاهلين تقيم
بس تقيمي لج راح يكون بالدعاء
الله يوفقج ويرزقج بالرزق الصالح
ويعطيج من خير هالدنيا ويكفيج شرها

 

[ودي الزمن يرجع]

رد : ♥♥♥صـــــــــــــدمة غيرت مجرى حياتي♥♥♥

انا صدمتي والحمدلله على كل حال وفاة اخوي بحادث سياره ماصارله اربع شهور كل يوم دمعتي على خدي ما قدرت انساه وماقدرت امسح رقم جواله الصراحه موضوع اكثر من رائع تكفوون اي تقرا تطلب له الرحمه والمغفره من ربي والله يعطيكي العافيه

 

[G!RLooNa]

لي باك انشالله

<< عندي امتحان باجر ادعولي