هلا وغلا برااااااااعية الطويله احبج في الله وربي شاهد اني اغليج ولج معزه بقلبي المفلطح
موضوعج حلو ومزيون"
بس يعور القلب ويقلب المواجع بس نهايته سعيده بإذن الله
صدماتي بهالدنيا عجيبه غريبه تقدريم تقولين ماكنتوش صدمات
اذا تبين الصدمه بالتفصيل الممل جذى راح اخذ لي منتدي ابروحي اسولف فيه ههههههههههههه وماخلص
انا من صغري وانا قويه الحمدلله مو قويه بعضلاتي لاء
قويه من داخل فيني شي من ربي سبحانه يخليني اقدر اسوي كنترول علي نفسي ومع الوقت عرفت ان هالقوه اللي فيني اهيا الخصن اللي يحميني بعد الله سبحانه من الصدمات
مريت بتجارب وايده وانطعنت وايد وسمعت قيل وقال وسوالف ماتنقال بس كنت علي ثقه بان الله اقوي واملي بربي كبير ماغفلت يوم عن ذكر الله حتي وانا بعز ازماتي كنت ابجي واتأثر واقول بنفس الوقت يااااارب
صدمتي اللي مانساها طول عمري سببها ولدي ومرته الله يغفرلهم ويسامحهم تخيلي قلبج يتقطع علي شوفته وشوفة عياله وادق عليه يقول لي موفاضي امرج
يعورني قلبي لي سولفت عن ولدي مادري ليش يعاملني جذى صابره ومحتسبه الاجر مرده بيرجع اذا الله عطانا عمر
صدمتي الثانيه برفيجتي وكنت اعتبرها اختي ماكان شي يغلا عليها لدرجة ماتتصورونها
اكتشفتها تخوني من وراي اشلوون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كان الشايب يحذرني منها ويقول لي ترا هالبنت ماهي من مستواج تركيها وانا اداحره واقول له الا هالبنت انت تبيني اعيش بسجن ماتبي احد يكلمني من غيرتك الزايده تألف قصص علي رفيجتي
هالكلام من سنييييييييييييييين كنت توني حامل بولدي الثالث
قال لي يامره لي دقت فلانه ابيج ترفعين السماعه الثانيه وتسكتين مايطلع لج حس وسمعي ؤفيجتج شتقول
انا شبييييييت نار من كلامه وفعلاا قلت انطر واشوف اهي متعوده تدق علي كل يوم نسولف يميع الا لي صرت بيت اهلي تنطرني ارجع وعقبها اتدق
دقت واهو رد عليها سألته عني قال لها راحت عند اهلها تامرين علي شي اقوله لها لي ردت؟؟؟؟
قالت قووول لهاااااا اني احبك واموت فيك وانت موحاس فيني وانا ادش بيتكم علشانك ومستعده نتزوج ونسكن بعيد ومرتك ماتدري وكلام والله مااتحملته
طبعا رديت عليها قلت لها انا دخلتج بيتي علشان تصير لج هيبه جدام الناس ويحترمونج شوي بس امثالج موكفو حشيمه وصكيت الخط بويهها
تميت شهرين واكثر وانا اصارع نفسي من داخل حسيت اني مغفله حسيت اني ساذجه حسيت اني اسعد انسانه بالدنيا لان الله عطاني واحد مثل ريلي مايلعب من وراي حسيت بضيقه ووناسه بنفس الوقت وحسمت امري بالقرآن واظبت عليه وتعاهدت قراءته ونسيت الضيقه وربي بدل حالي من كدر لي افراح مالها اول ولا تالي
بغض النظر عن المشاكل اللي صارت لي بحياتي وصدماتي الثانيه بس والله العظيييييييييييييييم تعلمت اني اواجه كل شي بسورة البقره واكمل الختمه
واموري كلها من فضل ربي تنفرج واتبوسم واقوول لومايجبني ربي مابتلاني يااااااااااااارب انت خصيتني بهالابتلاء لانك تحبني وانا احبك واعبدك لا اله غيرك يفرج همي وكربتي واقولها وانا علي يقييييييين تام ان ربي يحبني وسبحان الله تلقين المشكله تروووووووووح وتصير باااااااااااااااااااااح ماكوشي/
