|[♥ مشكلة اذا تولد مشاعر الغيرة بين الخوات♥]|

[chanel N22]

صاجه انا لاحظت الشي هذا بخوات امي اللي اهم خالاتي لاحول ولاقوه الا بالله شي يضيق الخلق

 

[نهى الأحمد]

امممممممممم ..

الغيره تتولد من الحقد أتوقع ... الله يكفينا شرها .. وعموما ماتحس بالغيره الا اللي عندها نقص وضعف في الشخصيه ..

يسلمو نهى ..

الله يسلمج حبيبتي

أسعدني ردج

:eh_s(21):

 

[نهى الأحمد]

رد: رد : |[♥ مشكلة اذا تولد مشاعر الغيرة بين الخوات♥]|

اصعب شي ممكن يصير بين الخوات


لان بيسب حسد وحقد

وهو اساس المشاااااكل


يعطيج العافية نهوووي

الله يعافيج ياقلبي انتي

اي والله اصعب شي الغيره لي صارت بين الخوات

 

[نهى الأحمد]

كلامج صحيح بأن الاهل لهم دور في وجود الغيره بين الخوات

الله يخليلي خواتي احبهم

عسى ربي يخليلج خواتج وتدوم المحبة بينكم

 

[ليلو جبريت]

رد : |[♥ مشكلة اذا تولد مشاعر الغيرة بين الخوات♥]|

اب اب اب اب

 

[نهى الأحمد]

عسآآ مانوصل لمرحله نفسي تغآآر من نفسي

والله الخوات قلوبهم على بعض والاخت تحب الخير لاختهآآ مهمآآ كان

والي يمدح خواتي كانه يمدحني والي يضآآيقني يضآآيقهــم ومرآآت يفضلوني على نفسهم

اما الغيــرة اذا كانت بين الخوات وان صآآرت اكيد من تربية الاهل وزرع هالشغلآآآآت بينهم


والله يخليلي خوآآتي ولا يحرمني منهم..

هلا حبيبتي حيووت

عسى ربي يخليلج خواتج ويبعد عنكم كل مكروه

وصاجه ياقلبي بكل كلمة قلتيها

 

[نهى الأحمد]

فعلا الاسباب اللي طرحتيها واقعيه 80 %
مميزة الطرح دووم نهاوي :*

تسلمين يا الغاليه

نورتي الموضوع

 

[Stylista_Q8]

رد : |[♥ مشكلة اذا تولد مشاعر الغيرة بين الخوات♥]|

للآمانه في بيتنآ كلنآ نغآر من الجعده لوووول

بس نحبه :$

ليش اصغرنآ .. بس ننقهرررر لنه ماشالله كل شيي يبيه مجآاااب وهالشي غلط غلط غلط !

والحين امي وابوي متحسفين لنهم دلعوه لووول لو مدلعيني احسن

وجد غيرة الخوآت مرض !

استغفرالله .. الله يهدي اختي ان شالله وتفكنآ منهآاا لنه لوووووعة جبد والله لآ يبيلكم ان شالله :/

 

[ZajiL]

أأأأأأأأخ يبتيها على الجرح مباشره :eh_s(2):
موضوع رائع ولو شنو ودي افضفض فيه حق احد محد راح يفهمني او يستوعب الا اذا كان مختص بهالامور وشايف وطلع :denya:
الي بقوله باختصار الي ايده بالماي مو مثل الي ايده بالنار
التفرقه يانهى بين الاخوان والخوات اصعب شي بالحياه :eh_s(2):

خصوصا اذا كنتي تحبين اخوانج وخواتج :eh_s(4):
وطبعا التفرقه ماتكون للجميع لا لواحد اوثنين من العيال على حساب الباجي

انا عشتها بكل تفاصيلها سواء يوم كنت صغيره او الحين يوم ام عيالي وعيالي طولي :tomato2:

السبب الاول والاخير الاهل بختصار مايدرون بهالتصرفات تولد الضغينه والكره بين الاخوان

وبدال لا نجمعهم ونبدي نفرقهم وبدال لا الصغير يحترم الكبير يصير مافي الصغير يطاول على الكبير
ويصير مافي اصول ولا اساس وتضيع كل مبادئ التربيه الي ممكن تطبق على ناس وناس

المشكله ليه امتدت للاحفاد وصاروا يحسون بالفروقات والي بين اهلهم

وتبدين دشين بدائرة شمعنه فلان وشمعنه فلنتان وطبعا العيال الامدللين يكونون هم عيالهم
مدللين وهم تفرقه عن الباجي وهلمه جره

بس المصيبه انه الاهل مايدرون انه في حساب وفي وقفه بين ايد ربنه وهم مسائلين عن هالتفرقه

وعن الي سووه من تفكك في مشاعر عيالهم
قتلج دستي على الجرح حدي دوخت راسج بس صج موضوعج شيق
خليتيني افضفض شوي عن الي بخاطري

 

[نهى الأحمد]

الله يحفظ خواتي حبيباتي ويوفقهم يارب مشكوره نهووي

العفو حبيبتي

نورتيني

والله يخليلج خواتج

 

[نهى الأحمد]

رد: رد : |[♥ مشكلة اذا تولد مشاعر الغيرة بين الخوات♥]|

تسلمين نهى ع الموضوع الحلو

و لي إضافة

يبقى الأم و الأب بشر

لهم إيجابيات حلوة و بعض السلبيات و التقصير

واجب الأبناء يتفادون الثغرات هذي

و ما يخلونها عائق و جدار بينهم

و يتحججون كل اشوي

الله يسامح الوالدين فرقوا بيننا

و كلنا كمسلمين نعتبر بقصة نبي الله

يعقوب عليه السلام

و مشكورة يا نونو

مواضيعج الحلوة :eh_s(17):

يا هلا وغلا حبيبتي

العفو ياقلبي نورتي الموضوع

اكيد الام والاب بشر

ومسؤولياتهم كثيرة


والله يكون بالعون

والدور يجي على عيالهم

شلون يتصرفون مع بعض ويحترمون بعض

 

[نهى الأحمد]

استغرب فعلا من هالموضوع الحمدالله مامر هالشي عندنا

بس اسمع سوالف استغرب !!

اخت تغار من اختهااا ليش المفرووض اتحبين لها الخير وتستانسين عليها موتغارين

والغيره مرض اعوذو بالله

يا هلا وغلا منوووله حبيبتي

اي والله صدقتي يا قلبي


وعسى ربي يوفق الجميع

 

[عرش الأنوثه]

اهوا شي طبيعي لكن
اكو غيره تأذي
واكو غيره ما تأذي
وانا الحمدلله مافيني غيره من خواااتي
اتمنالهم الزين ونفس ما اتمنا حق نفسي واكثر

 

[ليلو جبريت]

رد : |[♥ مشكلة اذا تولد مشاعر الغيرة بين الخوات♥]|

اب اب اب

 

[ضايعة بدنيتي]

صدقتي والله معاك حق بكل كلمة ..

طيب بعترف بشغلة

ايام المراهقة المجيده ههههه كنت اغييييييييير من اختي الكبيره . والسبب ابوي ربي يحفظه . هي بعد اول العنقود على قولتهم والدلع كله لها وانا ماعطيني بو لباس هههههههه . وبما اني مريت بمصايب قبل حتى مرحلة المراهقة .. فكنت محتاجة اهتمام عالاقل ولو بسيط بس الي كنت القاه التفرقة بس واثقة ان من غير قصد وخاصة الحين لان فرق السما والارض

الحين الحمدلله كبرنا وعقلنا وانا واختي واحد مايفرقنا شي بإذن الله واموت عليها والله لا يحرمني منها ولا يحرم اي مسلم من غالي يارب.

في النهاية . اشوف ان كانت غيرة عادية وطبيعية وخاصة الي تصير في الطفولة والمراهقة ف ما منها خوف بإذن الله بس الوالدين هم السبب الاول لوجود الغيرة بين الاخوان والخوات . بس مردنا نكبر ونعرف الدنيا عدل

مشكورة حبيبتي على هالمواضيع الراقية بارك الله فيك

 

[نهى الأحمد]

المشكله يا حبيتي نهى مثل ما قلتي التربية

ان الآباء من غير قصد او بقصد يفرقون بين عيالهم وفي حالات كثير بالمجتمع وقد تصل انه حتى الأب او الأم تورث فقط واحد من أبنائها
أكثر شي طبعا الغيره تتولد بين الأخ والأخت لأنه للأسف تفضيل الولد على البنت او تفضيل البنت على الولد يصير في كثير من البيوت

صحيح انه في أشياء خاصة لكل منهم بس لازم ماهضم حق واحد فيهم او امسح دور واحد فيهم على حساب الثاني مثلا أمسح دور الأخو نهائي ولا اخليله كلمه كلش على أخته ولا أخليه قاعد عليها حارس خانقها ومسلطته عليها


الشيئ لاثاني وسبب لغيره

وانا فعلا استغرب من البنات الي يقولون غريب تصير بين الأخوان لأن الأسباب مذكوره في القرآن

الأول في قصة سيدنا يوسف عليه السلام مع أخوانه

كان السبب ليس تفرقه الأب الذي هو سيدنا يعقوب عليه اللسلام حشاه نبي كريم ما يعدل بين ابنائه ولكن بسبب انه اخوان سيدنا يوسف عليه السلام كانو حادسين لنعمة الله فضلها لسدنا يوسف عليه السلام من بدهم

وأيضا سبب آخر في القرآن من قصة سيدنا آدم عليه السلام

حيث قتل قابيل سيدنا هابيل فقط لأنه الله تقبل قربانه وهذا أيضا نتيجة شعور الحسد الذي انقلب الى حقد

فلذلك ضروري جدا انه ما نطالع نعم الي بيد غيرنا ونحمد الله على الي عطانا اياه

وترى ايييه في اخوان يغارون من بعض وأرجو اني فدتكم

تسلم يمناج ياقلبي على الاضافة الرائعه منج


جزاك الله خير

 

[حسآويه]

رد : |[♥ مشكلة اذا تولد مشاعر الغيرة بين الخوات♥]|

اخواني مني و فيني شلون اغااااار منهم اهم رووحي ... احد يحسد روحه !
ولله انهم اشطر مني في الدراسه لووووول و اقول ياليت مثلهم بس ماعمري حسدتهم
الحمد لله بيتنا مو متعود عالحسد الكل يتمنى الخير للثاني و كلنا نكمل بعضنا

 

[انات قلب]

رد : |[♥ مشكلة اذا تولد مشاعر الغيرة بين الخوات♥]|

اي والله مشكله الغيره بين الخوات انا انصدم حييييييل اذا خوات يغارون من بعض ليش عاااااد ما ادري مرات يكونون الوالدين اهما السبب مايعدلون بين الخوات او يفضلون هاذي على هاذي والله مشكله
حتى اتصدقون مايشكرون بعض ولا يعاونون بعض طبعا الاغلبيه لانه وااااااايد تصييييير مواقف بالمدرسه مثلا يشوفون اختي شارت لي اكل واشكرها ليمن تعطيني ينصدموون شلون اشكرها واشلون اهيا تشتري لي
ومشكوره ياقلبي ع موضوعج اكثرر من روووووووووووعه

 

[نهى الأحمد]

صاجه انا لاحظت الشي هذا بخوات امي اللي اهم خالاتي لاحول ولاقوه الا بالله شي يضيق الخلق

عسى ربي يهدي الجميع ياقلبي

منوره الموضوع

 

[نهى الأحمد]

رد: رد : |[♥ مشكلة اذا تولد مشاعر الغيرة بين الخوات♥]|

للآمانه في بيتنآ كلنآ نغآر من الجعده لوووول

بس نحبه :$

ليش اصغرنآ .. بس ننقهرررر لنه ماشالله كل شيي يبيه مجآاااب وهالشي غلط غلط غلط !

والحين امي وابوي متحسفين لنهم دلعوه لووول لو مدلعيني احسن

وجد غيرة الخوآت مرض !

استغفرالله .. الله يهدي اختي ان شالله وتفكنآ منهآاا لنه لوووووعة جبد والله لآ يبيلكم ان شالله :/

هلا ياقلبي

منوره الموضوع بمشاركتج العطره

اكيد الدلع الزايد عن حده يجيب عوار الراس للأهل