رد : ♥ ░▓██░مليوووون الف طريقه لأزالة شعر الجسم كامل مع الوجه"لاتطوفـــج"░██▓░ ♥
هذا الجهاز الثاني مال الوجه والمناطق الحساسه
وآسفه على شكله من زمان شايلينه وآخر مرة أمي سوت فيه
دمرته
وخلته ينشف والشمع والعصاية فيه فسووووري على هالشكل
مفتشلة منكم بس شسوي وعدتكم أوريكم صورته
**********************************************
والحين بقولكم نصائح مهمة بدونها
الشمع ما راح يجيب معاكم نتايج حلوة
أول شي بالنسبة حق جهاز الجسم وطريقة الاستخدام
1- اخذي حبة اسبرين قبل ما تشيلين الشعر بثلث أو نص ساعه
وهاذي نصيحة عامة قبل كل وسيلة لإزالة الشعر
لأن الأسبرين يخفف من الألم والتهيج اللي يصير وقت الإزالة
2- جهاز الجسم ما يحتاج تضبطين درجة حرارته لأن هو درجة وحده بس
لما تحطينه بالكهربا يشتغل.
3- لازم تختارين نوعية الأوراق اللي راح تستخدمينها لإزالة الشعر
لازم ما تكون خفيفة حيل بحيث تتقطع معاك لا تكون سميكة شوي
بحث تستخدمينها أكثر من مرة
4- لا تختارين الأوراق اللي تكون رول كامل أنا ما عجبتني لما كنت
أستخدم الشمع اخذي اللي يكون مقصص جاهز وسميك مو خفيف حيل
5- عشان تزيلين الشعر عدل أول شي تحطين الشمع مع اتجاه الشعر
بإنك تمشين الجهاز مثلاً على ريولج وعقبها تحطين الورقه فوق
الشعر وتمسحين فوقها بيدك مع اتجاه الشعر لمدة ثلاث ثواني
وعقب تمسكين طرفها وتشيلين بعكس اتجاه الشعر
وبجذي الشعر ينشال ممكن يكون باقي شوي شمع ما انشال
حطي الورقة فوق وشيليه مرة ثانية
وكرري هالعملية بكل مكان وعقب ما تخلصين
لا تلاحظين ممكن شوية شمع يلصقون بريولج بأماكن متفرقة
اخذي زيت جونسون ومسحيه أو أي زيت تستخدمينه لجسمك
لأن الشمع ما يروح الا بالزيت
6- مرري على جسمج ثلجه او رشي شوية ماي ورد
7 - حطي كريم مرطب النوع اللي تفضلينه
ملاحظة: أول مرة تستخدمين فيها الشمع بتستصعبينه
بس بعدها لما تتعودين ولما تحطينه عدل راح يكون سهل وسريع
*****************************
والحين الجهاز مال الويه والمناطق الحساسه واللي منها الإبط
شوفوا انا امي كانت تحطي بالعصاية الخشب نفس اللي بصورة
بس صراحه انا ما حبيته أحسن شي باصبعج لأن التحكم يكون أفضل
1- ضبطي الجهاز على اعلى درجة لين يسيح الشمع وبيكون حار
طبعاً لا تنسين حبة الأسبرين
2- عقب ما يسخن الشمع خليه على الدرجة الوسط ونطري لين يبرد شوي
3- دهني صبعج اللي بتحطين فيه بفازلين عشان لا يلصق الشمع فيه
4- اخذي نتفه من الشمع بصبعج واذا حسيتيها
حارة تفخي فيها شوي ومرريها على الوجه أو المنطقه الحساسه
مع اتجاه الشعر وخلي صبعج على الشمع لين ينشف
او لمدة 5 ثواني تقريباً عقبها شيليه بعكس اتجاه الشعر وبسرعه
وشدي المنطقة شوي بايدج عشان لا تترهل
5- اذا بتشيلين النقط السوده والشعر الصغير اللي يكون فوق الخشم
دهني الشمع على خشمج من جهة اليمين مرة ومن جهة اليسار وبالنص
جنج قاعده تحطين ماسك وخليه شوي لين تحسين خشمج مشدود
وعقبها من تحت لفوق بتشوفين كل الوصخ او الشعر الصغيرون
وحتى شكل مسام خشمج بالشمع اللي شلتيه
6- عقب ما تخلصين مرري ثلجه على ويهج او رشي شووي ما ورد
7- حطي كريم مرطب النوع اللي تفضلينه.
ملاحظة: عشان توصلين لأنسب درجة حرارة تشيلين فيها الشعر
لازم تجربين أول وبروحج راح تعرفين شنو افضل حالة
الشمع ييب فيها نتيجة
لأن اهيا مو باردة ومو حارة تحرق لا درجة الحرارة المناسبة
تكون دافية ومايلة للحرارة شوي ماا ادري شلون اوصفها
المفروض تشوفونها جدامكم
واللي سوت شمع قبل بصالون زين ممكن تلاحظهم وتتعلم أكثر
وبالنسبه لي أفضل شمع سويته بحياتي كان بصالون كلير
كان ويهي ينور عقبها
***********************
جذي اكون خلصت ويا رب اكون أفدتكم
