♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

​

وين.. ابلقاك ياشهد الحروف...؟؟
......................لين يرضى عليّ عذب اللما
جيت للشعر واتعبي الوقوف...
.....................عند بابه وبي جوع وضما
ماذبح لي مصابيح وطيوف...
.....................ولاسقاني الكواكب في السما
أن سألني حبيبي والكفوف...
.....................تضرب الغيم والأشعار ما
عن قصيدي تذكرت الظروف...
.....................قلت شعري نسيته انما
ليتني قبل اشوفك ماأشوف...
....................وليت قلبي قبل "حبك" عما

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

للحب
ماتخفى القلوب
من الهوى
وتحت القلوب
وأحس في صدري هبوب
لو مر طيف يشبهك
وأصدق الأمل الكذوب
والا أنت
محد يشبهك​

.

يالله يا قلبي تعبنـا ..!!
تعبنـا من الوقوف ...!
مابقى بالليل نجمـه ..ولا طيـوف ..
ذبلت أنوار الشوارع ...وانطفى ضي الحروف ...
يالله ياقلبي سرينا
ضاااااااااقت الدنيا علينا​

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

​

اسهر معير{ ليلة}

إحاول تحس بلوعتي{ليلة}

عد النجوم وش كثرها.. ياللي {بقلبي} كثرها

نام .. القمر فـ {وسادتك} نام

ليتك تغير عادتك

خل القمر ليله.. {يسهر} معي ليله​

الوعد باكر ..

و لو تأخرتي ... لا يجي باكر

ما أبي باكر بدونك

احبسي الفجر فـ عيونك

و إن أشغل طيفي ظنونك

واعديني بعد باكر ...

أنا ظلي تحت شمسك

و لو تغــيـــبي ما هو ظلي ..

و انتي اسمك في حياتي

يهمسه بعضي لكلي ..​

لليل { أحبك } .. مابقى في { السما } نور

والى { ضواني } الليل .. للصبح { أحبك }

واللحظة اللي كلها { صد } و { غرور }

اشوف قبري بين { عينك } و { قلبك }

في صدري اسراجٍ { حزين } و { مكسور } ..

{ رغم المطر والريح } ... شلته افدربك

والله مابه غير { لوعاتي } قصور

وخوفي عليك الله { ربي } و { ربك } ..

إلى متى ببني على { صمتك جسور } ..!​

................. { آآآآآآهـ

من ليل { التجافي } ... ماأطوله

ليلة العاشق { ثوانيها } ليال

من يقول { الشمس } باكر مقبله

كل شمسٍ مالها وجهك { ظلال }

بسألك باللي خذى منك { الوله } ..

وحطه بقلبي .. واعطاكـ {الجمـال} ​

​

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®



























كل ما دعاني الشوق للقلب الأول
.........................القى مكان القلب في الصدر تنهيد

وطيوف ذكرى في الحنايا تجول
........................تجمع صور وأوراق من باقي العيد

مدري سبقني الوقت والا تحول
........................أخلف ربيعي وادهرن المواعيد

أو هو الصبا .. نجمٍ رقى ثم حول
........................غاب وسما وجهي مشيب وتجاعيد

أحبابنا ليت الذي راح طول
........................وليت الذي باقي لما فات تجديد

انتم مثل قلبٍ عرفته امنول
.......................وأصبح مكان القلب في الصدر تنهيد

​

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

إنتظرتك .. عمري كله .. وإنتي حلم

~~~~

إنتظرتك .. عمري كله .. وإنتي حلم
ومرت الأيام والله .. وإنتي حلم..
ليه تأخرتي علي ..
توهي مره وإسالي ..
كوني في غير الزمان .. وإلا في غير المكان
كوني عمري .. عمري كله..
اللي باقي .. واللي كان..


~~~~

إنتظرتك عمري كله .. وإنتي حلم ..
كل نجمه شعشعت والقلب عتمه .. كانت إنتي ..
كل حرفٍ حرك شفاهي بكلمه .. عنك إنتي ..
وكل حبي اللي مضى والحب قسمه .. منك إنتي ..
كانوا الأحباب ظلك .. بعض إحساسك ونورك ..
ما عرفتك يوم كلك .. ياللي في غيابك حضورك ..


~~~~

إنتظرتك عمري كله .. وإنتي حلم ..
هذا إنتي .. قولي والله إنه إنتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ عيوني معنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه تأخرتي علي .. وما طرى لك تسألي ..


~~~~

إنتظرتك عمري كله عمري كله .. وإنتي حلم ​

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®














قصيدة البدر في رثاء والدته الأميرة وضحى الحمود الرشيد - رحمها االله



//




//






طيري عصافير السحر عن هدبها
................................عينٍ تخم النور .. من قلة النور

كود الظلام اللي علق في عصبها
...............................وعروقها تبكيه حسرات وغرور

الله .. مااثقل جفنها وإن جذبها
...............................برقٍ لمحت فـ ضيه اكفان وقبور

على الدروب اللي عشقنا تعبها
...............................لين اقفرت من كل حيٍ ومعمور

كنه يلج بوسط سمعي صخبها
...............................أو هو بكا .. ريحٍ على صدر ديجور

طيري عصافير الهوى اللي شربها
...............................غدير .. واسقاها من أوهامه بحور

يكفي عن أحلام الحياة وطربها
.............................و ساعةٍ ببكي على ساعة قصور

أصيح شمسٍ ما تمن بذهبها
...............................تنثره قلبٍ صادق .. ودافي شعور

والا النهار اللي عيوني حربها
...............................اقبالته لحظه.. وغيباته دهور

أصيح عسبان الحياة ورطبها
...............................أو حبها اللي توَّه اليوم مبذور

والا الضلوع اللي حنيني كتبها
.............................شِعــرٍٍ قراه الصبح غامض ومكسور

اصيح من باصيح واغلى عربها
.............................شدّوا زمان الشوك باعشاب وزهور

يا حيف وضحى نور عيني جنبها
............................وخذت غياب الشمس من مرتع الزور

وخذت وعقرت مهرتي في طلبها
...........................وقفت .. ودمعي في محاجره .. مذعور

ما غير أناظرها ويصغر لهبها
..........................لين إنطفت ناديت يا سعود ماجور

خذها الذي من فيض جوده وهبها
..........................يوم لنا رحمة.. وظل .. وذرى سور

ياعلها عنده بعالي رتبها
.........................عند الذي نزه مقامه عن الجور

وطيري عصافير السحر عن هدبها
........................عينٍ تخم النور .. من قلة النور

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

ما أطولك ليل ...
ليل البعاد .. والإنتظار ..
ما اطولك ليل ...سارق من عيون النهار ...
ناسي زمانك ...
زمانك .. يا شجوني ...
عارف مكانك ..
مكانك.. في عيوني ...
يا ليل .. يا ليل ..يا ليل أنا ربعي هناك ...
وداري ورا الدمعه .. وراك ...
الله على شمس الأصيل ..
من ضيها مثل الذهب ..
الله على سمرا تقول ..
الى متى الفرقا .. تطول ..
في صوتها .. شوق وعتب ..
ما أطولك ليل .. ما اطولك ..
طال .. طال بي وجد ..
قلبي يا هواي ..
يا دفا نجد ..
في عيون الصبايا ..
ليتني نسمه .. على عالي عسير ..
أو على جده .. على الشط الحرير ..
ليتني نفحة أريج .. عطرت ريح الشمال ..
يا ليتني موجة خليج .. ترتمي فوق الرمال ..
ما أطولك ليل ... ما اطولك .. ​

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

نامت عيونك
وصحى الليل مظنونك أغاني

قصّت جناح الثواني غيبتك

وصارت الساعة { أماني

وآآآآهـ .. آآآآهـ
أنا حروفي في غيابك

لا هي حكي ولا هي قصيد

أكتب الظلما وأعيد

وإنت يالفجر البعيد .. نامت عيونك​

مرتني الدنيا .. بتسأل عن خبر ..

مابه جديد ..

عشاق ليلة تفارقوا ..

وصاروا بعيد ..

لا طاحت نجوم السما .. ولا تاه في الظلما قمر ..

لا تاقف الدنيا .. وتسأل عن خبر ..

مابه جديد ..​

سهرنا ... في عتيم الليل ...

حزين الهمس ...

قدرنا ... ننتظر باكر ... شعاع الشمس ...

تعالي ... طالت الغيبه ... وانا مشتاق ...

انا مشتاق ... انا الاشواق ... انا العشاق ...

تعالي من جسور الليل ... تعالي ضي ...

تعالي في هجير العمر .. حنان وفي ..

وربي ... طالت الغيبه​

حبيبتي .. يا حلم ..

ياللي أعرفك اسم ..

وجهٍ تصوره الحروف .. واتخيله ..

نجم ٍ احس انه قريب .. ما اوصله ..

انتي اللي اعرفه .. زين ..

واللي اجهله انتي ..

حبيبتي .. وياليتها ..

اعرفها زين وانا .. لا شفتها ولا جيتها ..​

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

​

في ..غيبتك كل الملا عندي{ اغراب
مـ / احدن ابي/ قربه ولا احدن يبيني /​

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

{ ليه
..

ليه انكسر ,, مثل القزاز

كل مرةٍ أبوح همي وتسمعه

ياصاحبي .. وش حاجتك في غرشةٍ

طاحت شظاياها بيدك

وش حاجتي فما تجمعه

لي صاحبٍ كل مااشتكيت

همي عليه }

دايم يجرح اصبعه

واصاحبي !


{ الشكوى بها ذل

..​

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

​

ماقلت له ... يا حلوتي ماقلت له ...
المشكله ... إني أختلف ...
لا طروا اسمك من الوله ...
وجهك تغيّر ... نظرتي ...
وتضحك في عيني يا عبرتي ...
وبعض الحكي ما اتحمله ...

ما اكذب عليك ... البارحه شافوك ...
رعشة هدب لفته ...
البارحه شافوك ... في النوم الذي عفته ...
وماحد ٍ يقول ... شافك معي مره ...
طيفك متى ... يكفيني من شره ...
باكر إلى مروا علي ربعي بقول :
إن السما ما هي سما ....
واغيّر اوقات الفصول ...
ان صدقوني .. ما دروا إنك هواي ...
وإن عاتبوني ... صارت عيونك سماي ...​

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®





















عيونك لاتوريها .. لغيري لاتوريها ..
عيونك لي .. ولو أقدر ..
عيونك عنك أداريها ..
أنا لو بعت نظراتك.. ابيع العمر واشريها

عيون الليل .. انا بالحيل
أحب أسهر لياليها ..
وأحب أبكي .. وهي تبكي ..
وأفرح للفرح فيها ..

حبيبي لو ضمنت اليوم ..
أعيش الشك في باكر ..
يجي مستقبل الايام ..
يغير في هوى الحاضر ..
يغيرك الزمن بعدي .. تعلم طبعه الغادر ..

أخاف عيون مايدرون ..
وش اللي يجرح الخاطر ..
وعيونك آه .. لو يدرون ..
حياتي فيها للآخر ..
عيونك لاتوريها لغيري ..لاتوريها ..

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

























يا بنت انا للشمس في جلدي حـروق
...............وعلى سموم القيظ تزهـر حياتـي..
أطرد سراب اللال في مرتـع النـوق
...............و من الظما يجرح لسانـي لهاتـي..
عاري جسد والليل هتـان و بـروق
..............دفاي انا والبرد.. سمـل العباتـي..
ان عذربوني بعض خلانـك صـدوق
.............يا بنت ا نا عشق الخلا من صفاتي..
أنا بدوي.. ثوبي على المتن مشقوق
............مثل الجبال السمر صبـري ثباتـي..
ومثل النخيل اخلقت انا هامتي فـوق
.............ماأعتدت انا احني قامتي الا فصلاتي..
والا أفتخـر بفعـال يمنـاه مخلـوق
..............يا بنت ا نا فعلي شهـوده اعداتـي..
الله خلقني وكلمـة ا لحـق بوفـوق
.............وملكت الأرض وراس مالي عصاتـي

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®


















اهداء لـ { سود العيون

لبى الصباح والله

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

​

صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
صحيح ان السحاب انتي ..
واعشاب الربيع انتي ..
وأجمل من على هذا التراب انتي ..
انا جرح .. وحنين وهمس
وقلبٍ ينبض بصدري ..
ولا ادري من حبيبي .. الشمس
ولا ودي بعد ادري ..
يكفيني دفى انسان ..
يشاركني فرح واحزان ..
ونورك فـ السما لو بان .. أشوفه مثل كل الناس
وأحسه .. مثل كل الناس
وصحيح ان السحاب انتي ..
واعشاب الربيع انتي ..
وأجمل من على هذا التراب انتي ..
وفـ عز الليل لو بنتي .. يطير الصبح ..
من كف الربى عصفور ..
ولكن الليالي تدور كفاك .. غرور

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...

حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... ما جت على وقت الوعد ...
إلا ذاك اليوم ...
و عمرها ... ما بكت .. و ما ضحكت ...
ما حكت له .. واسكتت
مثل ذاك اليوم ...
كانت أجمل من خياله ... كانت انضر ...
كانت أكثر ... من أماني عمره الظامي حنين ..
و اختفت ... من كساها الليل باللون الحزين

اختفت في الطريق اللي معه ...
كانت تجيه ...
كيف دربٍ جمعه معها ... خذاه ...
ليتها اختارت سواه ...
تزرع القرقا لياليها ... عليه ...
وحسايف ... حسايف ...

​

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®















{ حبيبي ..

كتبت اسمك على صوتي ..

كتبته في جدار الوقت ..على لون السما الهادي ..

على الوادي..على موتي ..

وميلادي .. حبيبي \ لو أيادي الصمت ..

خذتني .. لو ملتني ليل ..

{ أناعمري ..

انتظاري لك " لاتحرمنى " ... حياتي لك ...

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®














ليلي مثل ليلك او همومنا غير
قلي صباحك مشرقه مع صباحي

إنت السما عندك نجومه نواوير
ومن الفرح عجعج سناها وفاحي

وانا نجومي في الغداري مسامير
على السما دقت بكل النواحي

جاك الظلام وجاك ربع ومسايير
وجاني الظلام وكل ما احب راحي

علمي بنور الشمس وقت المعاذير
قال الوداع وقلت دربك سماحي

كان الالم غيث فدمعي محادير
وكان الندم سيل فخدي بطاحي

تقول خل الهم واكفخ كما الطير
عطني سما ياخوك والوي جناحي

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

من رماد المصابيح .. اللي انطفت في الريح
جيتك أنا وقلبي ..
ومن سهاد المواويل .. وباقي قصيد الليل
جيتك قمر دربي ..
فيني تعب .. لا والله أكثر
حالي صعب .. لا والله أكثر
وكنتي الحبيبة والصديق .. واللي خذتني من الطريق
وسكنتني أهدابها ..
في قلبي شوك .. وفي عيوني شوك
شوفي أصابعك انزفت .. من كثر ما لمست جروحي وجففت .. دمعي الحزين ..
في صوتي ليل .. وفــ صمتي ليل ..
وانتي الليالي اللي حلفت ..
تشعل نجومي بالظلام اللي انطفت .. من هالسنين
فيني تعب .. لا والله أكثر
حالي صعب .. لا والله أكثر
وانتي الحبيبة والصديق .. واللي خذتني من الطريق
وسكنتني أهدابها ..
ياللي أغلى من سنيني ..
ناظريني لين تحسدني العيون ..
وان حكوا حسادي فيني ..
وقالوا انك تعشقيني ..
آه يا محلا السوالف والظنون ..
ليتهم ما يسكتون ..
ولما تسقيني الغرام ..
اسري بالنور والظلام ..
واتركي كل الكلام ..
انتي الحبيبة والصديق ..
واللي خذتني من الطريق ..
وسكنتني أهدابها ..​

 

[بدويه ماتهاب]

رد: ♪●♪ يمكَـ درووبي ♪●♪ ....<< تـفـآآصيـل ® بدويه ماتهاب ®

​

ضمي مَلامح صورته ..
ضميه .. لعله يفيق ..
يَشهق .. أو يَردّ النَّفسْ ..
ضمّيه لعَله حبس ..
صٌوته .. رعشة عرٌوقه ..
وخيم حزين الصمت فُوقه ..
مات .. مات
من قبل ما يكتب له فـ قٌربك حياة ..
من لبسه ثوب البياض ..
من سبل عيٌونه ..
مسح غبرة جبينه ..
وش يفيد ..
اللي زرع نصلٍ حديد ..
في قلبه الطيّب نسى ..
قولي عسى .. ما تلمحي ..
فـ طرف ثُوبك له دما ..
يا خٌوفتي .. اللي سبح في نهرك الجَارف ..
غد اموته ظما ..
ضمّي ملامح صورته ..
ضمّيه لعله يفيق ..
يشهق أو يرد النفس ..
صوته جرس ..
ينحب على بوابة الليل ..
يوقظ خدر جرحك ..
يتل من عينك احبال الدّمع
ضمّيه لعله سمع ..
انك تحبينه ..
ولا ..قلتي تحبيه ..
ولا .. قلتي تحبيه ..​