✔✔تجمــ؏ لحوامــل التــوأأأم✔✔

[Q8_QT]

Mawiya


الحمدالله على سلامتج وان شاءالله تشوفين ولدج بحضنج قريب

HOT^CHOCOLAT

الله يتمم امورج على خير ويثبت اللي في بطنج يا رب

 

[احساس السعوديه]

..... Mawiya
الحمدلله على سلامتك حبيبتي ..ربي يخليه لك يارب ويقر عينك بطلعته من الشيشه
شخبارك انتي الحين
ياعمري الحمدلله اهم شي سلامتكم




هوت شوكلت ... حياتي وش فيها عسى ماشر
ربي يثبت الجنينبن ويتمم لك على خير
طمنونا عنها

 

[طيوبه1122]

بنات محد فيكم لها اتصال بهوت شوكليت ياريت تطمنونا عليها الله يثبت اجنتها يارب

 

[HOT^CHOCOLAT]

الحمدالله طلعت من الملاحضه يومين اصعد وانزل ينزل مني دم وماي راس البيبي نزل تحت بالمهبل وتيني طلوق الحمدللله خف طلق بس تعبانه. ادعولي اكمل لي اخر سادس اليوم نزلت الملاحضه الصبح وطلعت 7 بليل والله يستر اي لحضه اولد على الله الباجي يارب تلطف فيني

 

[نور دنياه]

الله يهون عليكم ان شالله

 

[حياة ريلي]

هوت جوكلت الله يتمم لج لي التاسع يارب
رفيجتي ولدت باول السادس تخيلي وكاهي بنتها ما شاء الله عمرها سنتين الحين

 

[احساس السعوديه]

هوت شوكليت حبيبتي ربي يتكم لك للتاسع يارب
وربي يحفظ البيبيات ويقر عينك بشوفتهم سليمين
وكلي امرك لربك والحمدلله ان شا الله بتلدينهم بصحه وسلامه
يارب تعدين السادس على خير ياكريم

 

[طيوبه1122]

الحمدالله طلعت من الملاحضه يومين اصعد وانزل ينزل مني دم وماي راس البيبي نزل تحت بالمهبل وتيني طلوق الحمدللله خف طلق بس تعبانه. ادعولي اكمل لي اخر سادس اليوم نزلت الملاحضه الصبح وطلعت 7 بليل والله يستر اي لحضه اولد على الله الباجي يارب تلطف فيني

الله يتمم عليج يارب وتوصلين للسابع طمنينا عليج باستمرار تري نحاتيج

 

[دلــــع الكويت]

الله يسهل عليها وايد تعبت

 

[دلــــع الكويت]

انا انقطعت عنكم انشغلت بقروب الوتس مواليد
ديسمبر علشان جذي ماادش وايد
طمنوني عنكم اخباركم

 

["*آآآنؤؤؤقهـ*"]

الله يتمم لكم على خير وتولدون بسلامه

 

["*آآآنؤؤؤقهـ*"]

ادعولي انظم لكم في القريب العاجل

 

[عزاااه]

الله يرزقج انووقه يارب

 

[حياة ريلي]

ان شاء الله الله يرزقج يا ان قه بما تتمنين ان كان به خير لك

 

[مسك أبيض]

ان شاءالله انضم لكم قريب الله يرزقني ويرزق كل اللي تتمنى الحمل ويتمم لكم على خير

 

[حلوة الاخدود]

اليوم كان اليوم 16

والحمدلله في بويضات ولله الحمد ممتازين

وعطتني الدكتوره

ابره تفجيريه
ودفاستون
وبيبي اسبرين
وغسول للمنطقه قبل كل جماع،


والله يرزقنا الحمل عاجلا غير اجلا بالتوائم الصالحه

 

[مرت الغلا]

هوت شوكليت الله يسهل عليج يارب ويحفظج انتي والبيبيات

الله يرزقج يا انوووقه انتي وكل من تبي الضنا يارب

حلوه الاخدود ترا مو شرط من بويضاتج سبحان الله انا
عقب ما ايست اني احمل رحت جيكت عليهم قالتلي حيل صغار تحت ال 9
ماراح يصير حمل نطري الدوره اخذي كلوميد وابر تفجيريه
وكنت ناطره الدوره ونزل علي دم قبل موعدها بيومين واقعد اشرب بدلة
دوا قهوا ومانزل شي من الصبح الا بقعه دقيت ثاني يوم قلتلها قالت عشان بويضاتج صغار
ماراح تنزل دورتج عدل نطري 5 ايام وتعالي ماسويت شي دفيت روحي احتياط وبطلت اكل
سوالف الدوره وعلى خامس يوم سويت تحليل منزلي طلعت حامل ماشاء الله ماتوقعت قمت ارجف وابجي
قلت يمه لو اني مكثره اعشاب وطايح شلون بسامح نفسي الله ستر وبس الحمدلله كاني باخر الخامس
بس سويت ربط احتياط لان قبل كان عندي ولاده مبكره ومات البيبي وقاعد اخذ بيبي اسبرين وابر زيتيه اسبوعيا
وتحاميل سيكلوجيست لان رحمي وايد اييني فيه مغص يهيج الطلق الله يعين ويعدي الفتره اليايه
عالاقل لي الثامن على خير يارب ادعولي بنات

 

[دلــــع الكويت]

حياة ريلي & مرت الغلا & احساس السعوديه & طيبوبه
احنا الي بقينا بالتجمع ولا في

 

[دلــــع الكويت]

كل وحده تكتب موعد ولادتها

 

[طيوبه1122]

بنات ادعو لهوت جوكليت الله يصبرها ويعوضها خير توني قرين انها اجهضت البيبيات انشالله طيور بالجنه ويشفعولها