✔✔تجمــ؏ لحوامــل التــوأأأم✔✔

[احساس السعوديه]

6 بجامات
2 طقم كامل
5 متصل
2شراب مذر كير 3 شهور
2 قبعات
لبس استقبال واحد
10 مهادات يا الله يكفون سنتر بوينت
بطانيه سنتر بوينت
حوض سباحه _اسغنج لتثبيت الطفل _فوطه قسام طبقات الحليب _دلة الماي
سرير السله
رضاعه وحده صغيره للماي والاعشاب 60 مل
2 كبار 120 مل بايجون قزاز الحلمه سمول
فرشاة تنظيف الرضاعه كبيرة وصغيره


(حفاظات بامبرز ..قطن لتتظيف مكان الحفاظ ..مناديل مبللة ..شامبو ..بودرة .. صابون جسم .. لوشن .. مقص اظافر ..فرشاة شعر ناعمه .. كريم التهاب الخفاظ ..اسفنجة تحميم مذركير ..صابون لغسيل الملابس الوزير )

شنطة خروج





مسجله هالاشياء بس مو عارفه احس ناقص شي انا اخذتها من النت وسجلت
ومو عارف كم القطع اخذ

 

[دلــــع الكويت]

هلا بنات شخباركم
يلا هانت
انا دشيت اسبوع ٢٥ الله يتمم علينا ونوصل التاسع

 

[دلــــع الكويت]

وين ناويين تولدون

 

[دلــــع الكويت]

الحين معانا
حياة ريلي
واحساس السعوديه
منو في غيركم

 

[حياة ريلي]

احساس السعوديه انا شريت سريرين عاديين ملوت البيبي اللي يكفي لي ثلاث سنوات
بس احس اعداد الملابس اللي حاطتهم قليله كلش حق بيبيين
اذا واحد اوكي لان البيبي يرجع وايد و يبيله تبديل وايد
نسيتي الصدريات
و الرضاعات انصحج تزيدين بعد وحده صغيرة للماي و وحده كبيره للحليب لكل بيبي
دلع الكويت اذا دخلت التاسع بولد بالسيف باذن الله اذا ما دخلته بروح الكي او سي بالاحمدي ما اروح الصباح قطيعه مالت عليهم وعلى اهمالهم
دكتوري حيان الاحمد
وانتي ?

 

[حياة ريلي]

امس بمراجعتي الدكتور يقول حق زوجي مرتك قويه حوامل التوام ايوني يدشون المستشفى من الخامس ما تقدر تتنفس من الثقل وعليا كسروا خاطري
انا ليش طويله فالحمد لله الثقل متوزع اللي يشوفني ما يدري ان توام
يقول وحده حامل بثلاثه بالشهر الثالث من قوة الترجيع نايمه بالمستشفى
الف الحمد لله والشكر لله
والله يا بنات احنا بنعمه ترا غيرنا ما يقدر يرفع راسه من الثقل والمرض و اللوعه

 

[روزماري]

شخباركم بنات

شيطونه الحمدلله على سلامه البيبيات


طبعا أنا لي والده تقريبا شهرين و عيالي الحمدلله زينين أول أيام النفاس كانت متعبه ما أنام كللش و أحس نفسي مو قادره عليهم بس مع الأيام سهالات قسمت وقتي و تأقلمت على الوضع الحمدلله
بالنسبه للتجهيز أنا كانو يقولون لي أني مكثره ملابس و أغراض بس عقب الولاده بصراحه أحس ما كثرت و رحت شريت جم قطعه بعد لأن البيبي باليوم احتمال تبدلينه أكثر من مرتين و قبل النوم أبدله مادري أنا اقولكم أحسبو حساب هالشغله
و الأسره جتني هديه سريرين صغيرين ملوت مواليد استخدمتهم و حيييل حبيتهم لأني إذا بنام أقربهم عندي حيل و ما يحتاج أقوم أطل عليهم و أنا بسريري أتوقع موجودين بسنتر بوينت

و بعد شنو !
اي سؤال أنا موجوده > يعني خبررره و بفيدكم ههههههههه

 

[روزماري]

حياه ريلي
ما شاء الله ربي يتمم عليج
آنتي نفسي أنا كان حملي خفيف الحمدلله
و حتى شكلي ما كان مبين أني حامل
أول مادريت أني حامل بتوام كنت خايفه لأني سمعت أن تعب دبل و مادري شنو
بس بفضل من ربي كان سهالات
أنا أقول جسم عن جسم يفرق مو سالفه توم و لا واحد

 

[حياة ريلي]

والله روزماري انا مقارنة فبنتي التعب اكثر من دبل صراحه بس انا احافظ لا يزيد وزني كلش عشان لا اتعب وايد من الثقل ولا يخترب جسمي
نساتي ما كانت جايده بس اصعب من بجري و البطن وايد اكبر من بجري بس وايد اهون من غيري

 

[حياة ريلي]

يظل التوام غير

 

[ملاك ملاكي]

سلام عليكم حبيباتي انا بالتجمع من زمان بس اتابع من خلف الكواليس انا الحين بنص الثامن واليوم كان موعدي عطتني موعد عملية يوم ٩/٢٩ لان راس البيبيات اثنينهم فوق بس مادري اذا اوزانهم زينة ولا لا لان واحد فيهم ١.٨٠٠ والثاني ١٧٥٠ والله كريم ادعولي

 

[دلــــع الكويت]

هلا بنات انا اراجع عند الدكتور مدحت
بمستشفى العرف وقالي انه يستقبلني
لو اولد بالسابع
الحمدلله

 

[دلــــع الكويت]

روزماري هلا والله فيج
شنو ولدتي طبيعي ولا قيصري
ياليت تفيدينا بقصة ولادتج
واي شهر ولدتي واي مستشفى

 

[دلــــع الكويت]

هلا ملاك ملاكي ربي يسهل عليج
يعني بيولدونج ببداية التاسع

 

[دلــــع الكويت]

حياة ريلي بسم الله عليج ربي يحفظج
انا حيل تعب وثقل وللحين ترجيع
ويطلع دم من قوة الترجيع تنجرح بلاعيمي
وكل مااروح للمستشفى يبون ينوموني وانا ارفض
والحمدلله انا الحين بنهاية السادس
ان شاء الله ربي يتمم علينا للتاسع
لاني صج تعبت مااقدر اجلس احط بين رجولي مخده

 

[دلــــع الكويت]

بسألكم متى ابر الرئه خذيتوها

 

[دلــــع الكويت]

الحين منو معانا بالتجمع الاغلب ولدوا
الي اعرفه
ملاك ملاكي
احساس السعوديه
حياة ريلي
باربي
رمش شمر
يلا يابنات قولوا بعد منو في

 

[سكره في زمن مر]

انا معكم اليوم دشيت السابع ربي يتمم علي وعليكم يارب بس دخولي قليل مع اني اتابعكم

 

[دلــــع الكويت]

حياج الله سكره
ملاك ملاكي
احساس السعوديه
حياة ريلي
باربي
رمش شمر
سكره في زمن مر
في احد

 

[حياة ريلي]

حبيبتي ابرة الرئه انا اخذتها اول يوم بالسابع يمكن يصير قبل ما ادري
ملاك ملاكي اعتقد وزنهم زين بس انصحج شربي بروتين يزيد وزن البيبيات
ذاك الاسبوع راجعت ولا البنت زايده 200 جم و الولد 90 جم بس باسبوعين ضاق خلقي و قلت للدكتور شسوي قالي عادي ماكو شي تقدرين تسوينه
طيعا ما عجبني الرد قمت سويت سيرج بالانجليزي لان كلام ربعنا نصه خرطي ههههههه
ولقيت انهم يشربون بروتين
المهم قمت اشرب باليوم دولكتين بروتين مع عصير اناناس .. و باخر مراجعه ما شاء الله الدكتور تفاجا ان البنت زادت نص كيلو و الولد 600 جم
البروتين شريته من جي ان سي بطعم البينا كولادا السكوب الواحد فيه 25 جم بروتين وانا اشرب 6 باليووووم