✔✔تجمــ؏ لحوامــل التــوأأأم✔✔

[دلــــع الكويت]

ام نيرمانا مشكوره ماتقصرين

 

[دلــــع الكويت]

حلو كمل جدولنا

ملاك ملاكي ٢٩ / ٩
حياة ريلي ١٣ / ١١
احساس السعوديه ٢١ / ١١
سكره في زمن مر ١١ / ١٢
رمش شمر ١٤ / ١٢
دلع الكويت ٢٥ / ١٢
باربي ٢٠ / ١

 

[دلــــع الكويت]

بنات والله مافيني شده اتحرك
من غرفتي للصاله ومن الصاله لغرفتي
ماادري اهو طبيعي ولا عشان كنت تعبانه

 

[حياة ريلي]

عندنا و عندج خير انا كان عندي فلونزا والحين نزلت بصدري صار عندي التهاب بالقصبه الهوائيه
و عندي الام فظيعه بالحوض شي رهيب

 

[حياة ريلي]

ملاك ملاكي جنه ما بقى شي و تخلصين شهرج ما شا ءالله

 

[سكره في زمن مر]

سلامتكم بنات شدو حيلكم
بالنسبه لي خمول وكسل وكله نايمه الله يعين
ربي يتمم علي وعليكم يارب

 

[دلــــع الكويت]

يلا ياحلوات هانت ماباقي شي
والي يحسون بآلآم وشي اخذي حبوب
سكوبينال واكلي
راح يخف كل الالم بعدالله
بس اذا كان طلق ولاده مايخف

 

[دلــــع الكويت]

ماتشوفين شر حياة ريلي

 

[احساس السعوديه]

ماتشوفون شر دلع وحياة ريلي
الحمدلله هانت الله يسهل يارررب


بنوتات بسألكم وجاوبوني من باب احرك القروب وابي اعرف اجوبتكم
1_ بتأخذين ابرة الظهر ؟؟


2_ قررتي اسماء التؤام ؟


3_قررتي اي مستشفى تولدين ؟؟


4_خلصتي تجهيز النفاس والمولود ؟؟



........وربي يهون عليكم بالسلامه ♥♥

 

[1geneva]

بنات أنا عندي ضعف بالتوبيض وابي ربي يرزقني بحمل بتؤام

من جربت أعشاب كويسه لحمل بالتوأم الله يجزاها خير اللي ترد

 

[دلــــع الكويت]

والله ابي افيدج بس ماعندي معلومه

 

[دلــــع الكويت]

1_ بتأخذين ابرة الظهر ؟؟

اي شكلي بآخذها من كثر ماالبنات يمدحونها
ولاني لو تعسرت ولادتي وسمح الله وولدت قيصري
هم نفس الشي راح يعطوني لانها تخدير موضعي

2_ قررتي اسماء التؤام ؟
اي قررنا الحمدلله وخلصنا بس في اختلاف
على اسم واحد وان شاء الله تنحل

3_قررتي اي مستشفى تولدين ؟؟
مافيها شك بإذن الله مستشفى العرف
د. مدحت


4_خلصتي تجهيز النفاس والمولود ؟؟
النفاس والمولولد الحمدلله من الخامس خلصتهم

 

[دلــــع الكويت]

يلا نبي تفاعل من البنات شدو حيلكم
مشكوره احساس على النشاط

 

[سكره في زمن مر]

1_ بتأخذين ابرة الظهر ؟؟

لو اظمن نفسي اتحمل الالم واصبر والله يكتبها يسيره والله مااخذها وانشاءالله مااحتاجها وانا متفاءله لان امي جابت خواتي التوأم وطبيعي وولاده ميسره بعد الحمدلله ولاابره ظهر ولا عمليه مشاءالله

2_ قررتي اسماء التؤام ؟
اي قررناها وفي احتمال نغيرها

3_قررتي اي مستشفى تولدين ؟؟
اكيد بأذن الله بمستشفى عاليه الدولي عند دكتوره هبه

4_خلصتي تجهيز النفاس والمولود ؟؟

انا خالصه باقي كفر النفاس بس وبناتي ملابس بس يعني يبيلي احوس بالسوق كم يوم




يلا بناااااااااااااااات وينكم تفاعلو

 

[احساس السعوديه]

1_ بتأخذين ابرة الظهر ؟؟
*بأذن الله لا .. بس في ناس يقولون خذيها ..وانا خايفه انه تؤام الله يسهل يارب واولد طبيعي

*2_ قررتي اسم البيبي ؟
للأسف ماقررت**للحين في حيرة شكلهم اسمهم مو جاي الا معهم الله يحفظهم
سويت قرعه وحطيت اسماء ههههه بس مانفع*زوجي عاجبه آلما بس شنو مع آلما*وش رايكم بالاسم ؟؟*

3_قررتي اي مستشفى تولدين ؟؟
للاسف لا*انا ابي الحرس الوطني بس مايقبلون الا اللي يشتغل بالحرس او تأمين*اذا مانفع بروح خاص واتوقع الموسى بأذن الله**

4_خلصتي تجهيز النفاس والمولود ؟؟
لا ماخلصت للحين بس بديت والله ييسر الامور يارب


**........وربي يهون عليكم بالسلامه ♥

 

[احساس السعوديه]

العفو دلع حبيبتي
اي والله نبي نحرك القروب لو عندكم اسئلة حطوا
ونجاوب

 

[حياة ريلي]

ابرة الظهر ان شاء الله ماني ماخذتها ولا كمام لان ما منه فايده
اسامي البيبيات اخترناهم الحمد لله
ناوية اولد بالسيف ان شاء الله اذا دخلت شهري و اذا ما دخلت شهري بروح مستشفى النفط
ما خلصت كلشي بس باقي تناتيف للاستقبالو دراعه او نفنوف الاستقبال

 

[سارونه87]

الله يهون عليكم حبايبي

 

[احساس السعوديه]

امين يارب ..تسلمين سارونه

 

[سكره في زمن مر]

ودي اسمي بناتي بسمه ونسمه مدري عاجبني

شرايكم؟؟؟


احساس آلما ولمى شرايك