✔✔تجمــ؏ لحوامــل التــوأأأم✔✔

[دلــــع الكويت]

حياج الله حبيبتي الوش صقر

 

[دلــــع الكويت]

رمش شمر ١٤ / ١٢
دلع الكويت ٢٥ / ١٢
باربي ٢٠ / ١
الوش صقر ١٦ / ١
قلبي حساس ٣٠ / ٥
-----------
الي ولدوا بالسلامه
ملاك ملاكي
احساس السعوديه
حياة ريلي

 

[دلــــع الكويت]

قلبي حساس
يآخذون زياده على التونز

 

[glby7sas]

اممم بصراحه انا مبتشله بسالفه الاستقبال بصراحه انا ماودي اللي بييني حياه الله وامي مو راضيه الا استقبال تقول اول ياهل احس عادي واذا موضروري استقبال وااي حدي متوهقه

 

[الوش صقر]

الله يحييج حبيبتي دلع

بنات عندي بيبي واحد قاعد بالعرض وانا الحين بالسابع كيف اقدر اغير وضعيته

 

[الوش صقر]

الله يحييج حبيبتي دلع

بنات عندي بيبي واحد قاعد بالعرض وانا الحين بالسابع كيف اقدر اغير وضعيته

 

[دلــــع الكويت]

والله ماادري بس الي اسمعه
ان كثرة السجود يغير وضعية الجنين

 

[glby7sas]

انا سمعت انه الدكتور يحاول يفر البيبي
بس هم وايد قالولي التووم ولاده القيصريه لهم افضلمادري ليش

 

[سمو النفس]

قلبي حساس انا دكتورتي ناهده العلي خذت للقيصريه 450 والمستشفئ مااذكر كم بالضبط بس ولادتي كلها تقريبآ 1500 معا حساب الدكتوره انتي تحاسبينهم واهم يعطونها والمستسفئ ياخذ عالتونز 100 تقريبآ بس اسآلي وتآكدي من الاسعار

 

[سمو النفس]

باربي ربي يهوون عليج ولاتخافين شكثر ولدوا بالسابع والحمدالله عيالهم سليمين

 

[glby7sas]

مشكوره سمو النفس انتي باي مستشفى ولدتي

 

[سمو النفس]

ولدت بدار الشفا

 

[glby7sas]

اها عاد وايد بنات انصحوني بدار الشفا يقولون افضل من الهادي

 

[دلــــع الكويت]

كويتيات رد: ^^••^^تجمع حوامل مواليد شهر **نوووفمبـ11ـر2013** ^^••^^

قصتي ان قبل ولادتي بيوم نزلت السداده و نزولها مو مره وحده تمت تنزل علي افرازات ثقيله و كثيفه لونها بني
و بيوم ولادتي كنت قاعده مع امي زايرتني و ناكل بيتزا حوالي الساعه تسع
طق الباب قمت بفتح جان احس نزل علي ماي وانا كنت لابسه كوتكس عشان الافرازات
شكيت قلت يمكن هاللي نزل الافرازات
و انا افتح الباب رد نزل علي مرة ثانيه
يوم رحت الحمام شفت ولا ماي و الكوتكسه ناقعه
طلعت قلت حق امي انبط الماي
امي اخترعت و نقزت مسكينه و قالتلي كملي عشاج قلت لها ابد
دقيت على ريلي كان بالديوانيه و سالته وينك قالي كاني وصلت البيت الحين بصفط جان اقوله يالله انا ولاده هذا من خرعته نزل من السيارة ولا صفطها وخلا فيها المفتاح و تمت شغاله و يركض بالحديقه ينادي السايق عشان يصفطها وانا اضحك عليه و اضحك على امي
المهم كلمت الطبيب حزتها صارت قريب العشر و قالي روحي المستشفى
نزلت خذيت شاور و لبست و انا تحت الماي بدا الطلق
على ما وصلنا المستشفى كان الطلق حامي بس ما رضيت اصعد قبل لا احجز الغرفه اللي ابيها و طولنا بو نص ساعه
صعدنا جناح الولاده و على طول ودوني غرفة الولاده
حطولي التخطيط و لبسوني الروب وانا قامت تحوشني لوعه من العوار
يات الدكتورة المناوبه و فحصتني ولا لي الحين 2 سم
و سالوني شنو تبين كمام ولا ابرة ظهر قلت ولا شي
و تميت اطلق لي 3:45 الفير طلق حامي وما بينهم فجات كلش و دخت صرت جني مخدرة لا صوت ولا شي و امي و زوجي وايد خافوا علي
و رجعت وايد و من الدوخه كنت مو قادرة اسوي شي لا امشي ولا اسوي شي غير ابجي على بنتي و اوصي عليها و ادعي ربي
صارت الساعه خمس كنت خلاص واصله مرحله قمت بس اتاوه بصوت عالي لان الطلقات ما توقف و قلت خلاص ما بقى شي و اولد خل اتحمل
يوم فحصتني ولا توني 3,5 جان استسلم واطلب ابرة الظهر
و قالولي ما راح تولدين قبل الساعه 12 الظهر و قالولي دكتورج بيي الساعه 7 لان دكتوري من برة المستشفى
خذيت الابرة و يوم يه دكتور البنج عباله ماخذه كمام من كثر ما انا دايخه و لساني ثقيل
حطلي الابرة و خدرت وارتحت قالولي نامي بس انا ما قدرت لان لي الحين يعور شويه بس طبعا ولا 10٪ من العوار اللي كنت احس فيه
قالولي فحصج الياي الساعه 5 يوم فحصتني كنت 6 و قالولي دكتورج بييج الساعه 7 طبعا هو مو من نفس المستشفى مثل ما قلت لكم
يوم ياني الدكتور الساعه 7 كنت 8 ونص قالي بنبتدي نسوي بوش الساعه 7:30 ولازم نطلع البيبي الثاني خلال نص ساعه من الاول بالكثير لانها بدت تتعب
الساعه 7:15 فحصني لقاني 10 و بدوا يعقموني و امي و ريلي معاي و الغرفه مترووووسه اوادم و اجهزه
دكتورين اطفال و دكتوري و دكتوره من المستشفى و خمس ممرضات و امي و ريلي
الدكتور علمني شلون اسوي بوش و انا كنت ارفع نفسي جني قاعده عشان ادري ان السدحه ما تساعد ابدا
سويت وايد بوشات خطا و وايد كنت منهكه فما كانوا كافيين بعدين اخر شي ولدت ولدي هارون الساعه 7:38 و وزنه 2،790 بعد ثمان دقايق و انا اسوي بوش
و من كثر ما سويت بوش حسيت بينبط عرج بويهي
و خفت ان ولدي اللي نازل من راسه هالكثر تعبت على ما طلع عيل بنتي اللي مقعديه شلون بطلعها
بعدين حسيت بطلقه و بدون ما اسوي بوش حسيت ان حجيتها بروحها طلعت من جسمي بسرعه مثل الصابونه و بعدين زلق باجي جسمها بدون ولا بوش مني
و يات بنتي يارا الساعه 7:42 و وزنها 2،630
بعدين خيطني الدكتور و الشق اللي مسويلي اياه على الطريقه الامريكيه لي ورا و ما يعور كلش كلش
طبعا ولدت بالسيف خذيت جناح في اي بي كلاس a خدمه ولا اروع عناية ولا اروع

 

[دلــــع الكويت]

هذي قصة حيلة ريلي
الف الحمدلله على سلامتها
الفال لنا بالولاده الطبيعيه

 

[glby7sas]

الله يقومها بالسلامه والفال لنا يارب

بس بسأل وايد اسمع يقولون انزلت السداده شنو اهي السداده واشلون شكلها ؟!

 

[دلــــع الكويت]

افرازات فيها خط ضعيف احمر او وردي
او بني

 

[oum^zozo]

السلام بنات بسآلكم بتييبون خدامه ثانيه؟ و اللي ريلها مو راضي غير خدامه وحده شتسوي؟ الله يعين و يسهل

 

[دلــــع الكويت]

حاولي اقنعيه
التونز مو سهل اذا ماعندج اطفال اول
اتوقع وحده كافي

 

[glby7sas]

شكراا دلع عالتوضيح


ام زوز بصراحه انا اللي مراضيه اييبلي خدامه عشان يطر يجابلني انا وعياله الخدامه مو ملزومه بعيالي اهو الملزوج واهو يسلعدني شوفي الاجانب ماشاءالله انا بصير مثلهم غصبن عليه يساعدني لووول