✔✔تجمــ؏ لحوامــل التــوأأأم✔✔

[glby7sas]

اي والله امورته الحمدالله عالنعمه ويارب يطلعون توائم وتفرحين فيهم

 

[Hambaa]

قلب حساس انا واحد اكبر من الثاني بيومين. وانا فيني حارج الحين ولوعه وكرهت اكل المستشفى والدياي واللحم والسمج احب اكل اشيا خفيفه الصمون والجبن واي شي حلو بس وذابحتني حساسيه. جسمي. بقع كانها اكزيما. سولي تحاليل انزيمات الكبد زينه مافيها شي بس قالوا حساسيه حمل. عطوني الدهن الابيض مال العقنقز ههههههههه يبرد علي

 

[Hambaa]

وماابي اقولكم عن عوار الظهر. انا من اول ظهري عوار الحين بس اوقف اشوي او اقعد اشوي العظم يصير حار. ويحرقني كاني ماشيه وايد الله يعينا ويخفف عنه ويكتب لنا الاجر ويثبتهم لنا يارب

 

[Hambaa]

قلبي حساس اعرضج كلها نفسي سبحان الله احس اتسولفين عني بكل شي الي صارلج صارلي ربي يتم نعمته عليج ويثبتهم لج ويسهل حملهم وولادتهم

 

[glby7sas]

حبيبتي همبه الله يعينج على حساسيه الحمل صج صعبه بس ترا تخف يمكن عالرابع الخامس جذي صارت حق وحده من اهلنا من قبل واذا طق مطر قعدي تحت المطر خل يحوش جسمج
همبا الحارج مال الحين نعمه بالخامس بتشوفين حريجه بحلجج ان شاءالله ما اييلج اللي يالي يارب

 

[سمو النفس]

الله يهووون عليكم وتولدون بالسلامه



ترا اذا فيه فرق بالبيبيات بالايام عادي لاتحاتووون انا كان واحد اكبر من الثاني بكم يووم

 

[glby7sas]

حبيبتي سموو النفس الله يخليلج اعيالج اشلونج معاهم واشلون التربيه

 

[جوزائيه مغروره]

الله يسهل علينا يارب

 

[Hambaa]

بنات بالنسبه حق عوار الظهر شنو سويتي عشان. يخف اشوي وايد ذبحني عىار ظهري. العظم نفسه يحرقني. والم من اول الظهر لي تحت موقادره انام منه ولا قادره اقعد ولا اصلي انا اليوم طلعت من المستشفى ربي لك الحمد اذا دهنت بزيت زيتون يخف العوار تجاربكم بنات

 

[glby7sas]

همبا عوار الظهر راح يتم معاج بس انتي حاولي تكونين كله منسدحه في طريقه تخفف اشوي بس لازم احد يسويلج ياها سخني زيت زيتون شوي خليه دافي يعني واحد يحطلج ياه بظهرج مع مساج حيل خفيف بس لازم بعدها مايحوشج هوا وله راح يزيد لازم بعدها تدفين عدل وكثري من الاشياء اللي فيها كالسيوم مثل الحليب واللبن اعتقد حليب ولبن فيتال حاطين عليه زياده كالسيوم بس مو حلو حليبهم تسخنينه اما اذا تحبين تصخنين الحليب شربي كي دي دي حلو وخفيف غير جذي ماكو حل بس بيروح ماراح يستمر اللي بيعورج بعدين حوضج الموهم عشان مايرد عوار الظهر حتى بعدين لازم ماتقعدين وايد القعده تعور الظهر خليج كله منسدحه هذا اهو الحل

 

[glby7sas]

جوزائيه بسألج وين قررتي تولدين اي مستشفى ؟! واشقالج الدكتور قيصري وله طبيعي؟!

 

[Hambaa]

جزاج الله خير. قلبي حساس ربي يسهل عليج

 

[glby7sas]

حبيبتي ويسهل عليج يارب وصج نسيت اقولج الحمدالله على سلامتج

 

[Hambaa]

الله يسلمج يالغاليه. والله بكل صلاه ادعي لكم وخصوصا انتي. والله استفدت وايد منج. يعني من بعد ربي انتي اشوي مخليتني اصير ريلاكس لان انا خوافه وسواسيه ومااثق بالدكاتره كلش. صج. لي قالوا اسال مجرب وفعلا. من تجربتج وايد. استفدت وتعلمت. وسبحان الله الي صارلج صارلي ويارب يتمم علي ويرزقني الذريه الصالحه عقب ثمان سنوات وافرح فيهم

 

[glby7sas]

حبيبتي همبا جرحج نفس جرحتي والحمدالله صبرنا سنين صج اني اقل منج بس هالشي تعب نفسي محد يحس فيها غير اللي مجرب ولاتخافين ان شاءالله يارب يتمملنا على خير على فكره ترا دكتوري قالي النفسيه تلعب دور فانتبهي خلي نفسيتج حلوه واستمتعي بهالايام ومن توصلين الخامس صج حارج ولوعه جبد بس من تحسينهم بدو يتحركون تنسين كل شي الحين انا صايره فيني حاله ابي اشوفهم خخخخ والله همبا تذكريني من يكبرون بالثالث وتبدي ملامحهم تبين خلاص يصير تبين كل اسبوع تسوين سونار تولهين عليهم انا الحين خلاص اثبتو طلعو بنوتين .. الحمدالله والدكتور قالي تعاليلي بعد سنه اردلج المجمد بس شكلي بمدد لي سنتين لانه تدرين العمليه يبيلها راحه تامه واليهال بعمر سنه مافيهم راحه لازم تركضين وراهم و تشيلين الله كريم يارب

 

[أمورته]

يارب يتمم عليكم الحمل ويسهل عليكم الولاده همبه وقلب حساس وجوزائيه وكل تجمعنااا يارب

 

[جوزائيه مغروره]

الله يتمم علينا يارب ونشوف عيالنا بصحه وعافيه

قلبي انا قالي طبيعي بس قلتله ابي قيصري جان يعصب هههههه

 

[جوزائيه مغروره]

باذن الله بولد بالمواساه ودكتوري حيان الاحمد

 

[glby7sas]

اميين يارب العالمين يتمم علينا على خير


جوزائيه انا عكسج قلت حق دكتوري انا خايفه ابي قيصري جان يقولي ومنو قالج بولدج طبيعي انا ماابي اجازف فيج انا من الوناسه زين مالميته ههههه

 

[Hambaa]

الله يجزاكم خير بنات ويسهل عليكم ويثبت مافي رحمكم ويفر قلبكم فيهم انا حملت من المجمد.
قلبي حساس دشيت بس بدعيلج واشكرج على زيت زيتون صج *** سخنته الوالده اشوي وحطت على ظهري نمت مبجر توني قعدت. وتبارك الله مافي الم ماقصرتي ربي يسهل ولادتج ويسخرلج الاطبه يارب انا رفيجتي توم اليوم كانت عندي وانصحتني وهذا كلام دكتورها انه قيصريه بدون اي كلام لان ماتدرين واحد يطلع واحد يستعرض. فليش تتعذبين من الجهتين وتبارك الله بطنها لازقه بظهرها لا كرش ولا بطن وبناتها اعمارهم سنه ونص قالت ربطت بطني من عشرين يوم وقيصريه.