✔✔تجمــ؏ لحوامــل التــوأأأم✔✔

[glby7sas]

ان شاءالله تدرين شي كئيب صارلي الحين بالضبط ثمان شهور محكوره بالبيت يعني لما اولد اكمل تسع شهور بالبيت وبعدها اربعين يوم يعني صج شي كئيب

 

[جوزائيه مغروره]

واااي لو منج اول ما اولد اركض بالشارع

انا الدكتور يقولي خففي حركه وانا مخففه بس الاسبوع اللي طاف كنت اراكض حق ملجه اختي ويوم السبت بيوم الملجه مسكني عوار طلق من الصبح

ما قلت حق احد وطول الوقت بالصالون والعوار ذابحني حتى اختي اخترعت قلتلها لا تقولين حق العروس وسكتي والحمدالله لي العصر راح

كان اييني خمس دقايق ويروح نص ساعه

الحين ماعندي حوسه الا حق تجهيزي علشان اسكر الجناط

 

[glby7sas]

ويي حبيبتي ترا مو زين عوار الطلق عالاقل بلغي دكتورج باللي صارلج يسرعلج بأبره الرئه انا طلع سبب الطلق الالتهاب اللي ماكنت ادري عن هوا داره لانه لاريحه ولا حكه ولا شي واليهال كملوها كانو اذنينهم ريولهم الاربعا تحت ويطقون حيل جنهم يبون يبطلون الربط فكان يعور معنه طلوق خفيفه بس الدكتور سرعلي بأبره الرئه والله الحافظ اهم شي الحين خلج ريلاكس كله منسدحه بعد شتسوين

 

[جوزائيه مغروره]

انا موعدي الاثنين الياي انشالله علشان جذي ماسكه نفسي وانشالله ماكو الا كل خير

 

[glby7sas]

انا سكرتيرت الدكتور تلعب عليي حضرتها بطت جبدي كل يوم اتأجل موعدي والحين اجباري تقولي باجر تعالي لانه الدكتور بيسافر بالله شسوي فيها هذي عبالها ماعندنا شغل غيرها استغفر الله

 

[جوزائيه مغروره]

عند منو تراجعين

دكتور حيان مواعيده مضبوطه

 

[glby7sas]

عند عمرو مدني مادري اشفيه الحين دقيت عليها قالتلي لانه بيسافر قتلها حلاص لاتلعبين فيني بالمواعيد حطيلي موعد اول مايرد

وانا اكمل عند هند الحمدان قالت اوكي

انا اراجع عند اثنين بس اثنينهم يعرفون بعض ويتعاونون مع بعض اوراقي وتحاليلي اتصير عند الاثنين فعادي اذا واحد فيهم سافر اروح للثاني

 

[جوزائيه مغروره]

اول مره اسمع فيهم

بس دام في بديل حلوو جذي

 

[glby7sas]

اييي انا خلاص اعلنت اني ثقلت امس مو قادره انام اخرتها استسلمت قلت بنات وانا قاعده ماابالغ انقطع النفس عندي جان الف يمين حسيت شي قاعد يضغط على راسي لفيت يسار حسيت بضغط صوب قلبي يتلي البجره بنات وقعدت افتر لي خمس الفير غصب نمت لا شعوريا من التعب جان اقعد الساعه ١١ امبي هم جذي من الضغط احس شي قامت على قلبي قعدت من النوم ييالله نوصل لي التاسع ماني عارفه اشلون بيكون الوضع

 

[جوزائيه مغروره]

اي حتى انا ما اقدر انام او انسدح على ظهري ومرات احس جنه شي ضاغط على قلبي

الله يعينا انشالله

هانت كلها شهر ونص ونولد

 

[glby7sas]

اميين بس متى ايي احس الاشهر بطيئه حييل وسهر ٣ وايد متمقط

 

[جوزائيه مغروره]

لاني ما اداوم فمطنشه التواريخ ما اتابعها علشان لا امل

قعدت اكتب اللسته حق جنطه اليهال

شنو ناويه تاخذين معاج وجم يوم بتقعدين بالمستشفى

 

[glby7sas]

انا قيصري ثلاث ايام ان شاءالله
خذيت ثمان بدل لهم كاملين دسرس وكبوس ومهاد وفنيله والبدله وصدريه بس وغلفتهم وحطيتهم بجناطهم

بالنسبه لي فوطه ودراعتين وعبايه وملفع وستيانات وصراويل بو لبسه وحده وشامبو و جهاز شفط الحليب وكمبل المستشفى حطيته عند امي اهي تييبلي ياه


وحق بيت امي حطيت كل اهدومهم خخخخ لي ٠-٣ وطبعا مع المميات وشغلهم كامل هذي جنطه حق بيت امي حطيت معاها اغراضي بعد البجايم والستاين وجذي كل شي يعني بوديه بيت امي

 

[جوزائيه مغروره]

يعني مثلي بس انتي ٨ وانا ٦

حق نفسي بجهز عالمعاشات وعلى طول احطهم بالجنطه

 

["*آآآنؤؤؤقهـ*"]

ياااارب ياااااااارب ترزقكم الولااااده السسهله

وتقر اعيوووووونكم باعيااااالكم

 

[glby7sas]

جوزائيه صج نصيحه زهبي بسرعه انا زدت اثنين احتياط مادري ليش لوول

يابعد عمري يا انوووقه حبيبتي امييين مشكووره على هالدعوه الحلوه

 

[جوزائيه مغروره]

انووقه حياتي تسلمين عالدعوه الحلوه وعسى ربي يرزقج بالتوام يارب

قلبي انا سكرت جنطتهم اليوم وخلصت واكتشفت انه يبيلي جم تبان زياده وكبابيس بس مو وايد

يعني ٣ تبانات حق كل واحد و٤ كبابيس

الحين باجي حق نفسي

 

[glby7sas]

اي عادي انا كل يوم اتذكر شي بس الاهم انج سكرتي الجنطه والبلجي يصير خير لوول
انا مانب عارفه جم بجامه اخذلي احس اربع مايكفي اربعين يوم

 

[جوزائيه مغروره]

٤ حق النفاس كله طبعا ما يكفي

انا باخذ كله قطن واللي يكونون شوي مبطلين صوب الصدر تقريبا باخذ ١٠ ويمكن اكثر وطبعا غير الملابس الداخليه واللقنزات القطن والدلاغاات

 

[glby7sas]

اي انا شكلي جذي بزيد البجايم مو مقتنعه ب٤ بس