✔✔تجمــ؏ لحوامــل التــوأأأم✔✔

[سمو النفس]

شيخه البيض من وين طلبتيه وياليت تحطين صورته لاني ماشريت لالحين



حيااه ،، انا يسراحه مراح اسوي استقبال بالمستشفئ ابي السلامه اهم شي وماعندنا احد يسوي بالمستشفئ بس بسوي توزيعات بالبيت ومراح اتكلف

 

[Your Dream]

صباح الخير

حيل احاتي البيبيات وافكر لاردينا بيتنا شبنسوي

ودي نساعد بعض ويكون هالتجمع معانا لين نربيهم

لانه صعب علينا بس اذا فكرنا وحسينا ببعض وتشاركنا الاراء نسهلها بعد الله

شرايكم ؟

 

[خمريه حلوه]

الله يسهل علينا يابناااات قوولووو امييين

 

[سمو النفس]

يور فور ياليت فيه تجمع لتربيه التوام نساعد بعض لان احس صج مسؤليه ومو عارفين شي المشكله بعد النفاس لارحنا لبيتنا ،،





بنات بغيت مهاد معا كبووس ذرب وفنتك وابي كيس بيبي حلووو غير بضاعه بيبي كوكون

 

[Your Dream]

اي والله يا ليت

انا افكر بالسرير وين احطه

ولما يقعدوني عالمميات بالليل شنووووووو بسوي

 

[Your Dream]

سمو النفس بطرش لج عالخاص رساله صوره كيس البيبي

 

[shayto0oNa]

يور دريم واااي الله يعينج انا هذا اللي خايفه منه ان يحتاجون شيشه ومايطلعون منها الا انا اكون خالصه الاربعين وبجر وتونز اهلا اهلا بالعيييد ههههه


استراليا الله يسهل علييييج يارب

 

[Your Dream]

هههههههههههه

يا رب يهون عليكم ويسهل ولادتكم ويريح بالكم ويسعدكم بشوفة البيبي

بنوتات ترئ احنا امهات مميزات ههههههههه

لازم تكون عندنا اراده وقوه علشان نربيهم احسن تربيه هههههه

 

[om la6ofa]

الحمدلله على السلامه و انشاالله يا رب يطلع الولد و تفرحين فيه
يلا استراليا شيدي حيلج و الله يقومج بالسلامه

 

[" ذوق "]

السلام عليكم بنات بسالكم تكفون شنو الوزن الطبيعي للتوم في الشهر السادس
لانهم صغار وماوصلو حتي نص كيلوو وانا بسادس

 

[خمريه حلوه]

هلا والله يور دريم الله يطلعهم لج بسلامه يارب وتفرحين فيهم

حياتي بس بقيت اسألج عن شغله انتي تعتبرين ولاده مبكره صح وين ولدتي مبين من كلامج بالخاص صح يعني عادي استقبلوج لان سمعت اللي تجيهاا ولاده مبكره مايستقبلونهاا الخاص علطول يحولونهاا الحكومي وانا متخوفه حيل وايد افكر بهالموضوع لان انا باخر السابع اللحين ودايم تعبانه وتجيني الالام وخصوصا اني بجر وهذا الحمل من بعد ثمن سنوات انطره وطفل انبوب بعد من جذي وايد احاتي وخايفه تجيني ولاده مبكره وسمعت انه مايستقبل الخاص واما ماواطن الحكومي بعيشت الله
طمنيني ياقلبي وانتي اي مستشفي ومنو دكتورج وكنتي بأي اسبوع ولدتي بالضبط وشنو حسيتي لمن جاج الطلق
سوووووري قرقت واايد
قالتلي الدكتوره اني بالاسبوع ٢٩يعني كم بنات بأي شهر اناا بالضبط

 

[" ذوق "]

بنات شنو اكلات تساعد علي زياده نمو الجنين سمعت ان الروب وثلج يكبر البيبي شرايكم

 

[Your Dream]

هلا والله يور دريم الله يطلعهم لج بسلامه يارب وتفرحين فيهم

حياتي بس بقيت اسألج عن شغله انتي تعتبرين ولاده مبكره صح وين ولدتي مبين من كلامج بالخاص صح يعني عادي استقبلوج لان سمعت اللي تجيهاا ولاده مبكره مايستقبلونهاا الخاص علطول يحولونهاا الحكومي وانا متخوفه حيل وايد افكر بهالموضوع لان انا باخر السابع اللحين ودايم تعبانه وتجيني الالام وخصوصا اني بجر وهذا الحمل من بعد ثمن سنوات انطره وطفل انبوب بعد من جذي وايد احاتي وخايفه تجيني ولاده مبكره وسمعت انه مايستقبل الخاص واما ماواطن الحكومي بعيشت الله
طمنيني ياقلبي وانتي اي مستشفي ومنو دكتورج وكنتي بأي اسبوع ولدتي بالضبط وشنو حسيتي لمن جاج الطلق
سوووووري قرقت واايد
قالتلي الدكتوره اني بالاسبوع 29يعني كم بنات بأي شهر اناا بالضبط

ليش مايولدون ؟

انا ولدت بالامومه عند الدكتور محسن طلبه ( الله يجزاااه خيير والله من قلب ادعيله )

وكنت باول يوم من الاسبوع 31

وانتي بالشهر السابع ودير بالج علئ نفسج

دام تحسين بآلام راجعي دكتورج ، انتي وين تراجعين ؟

 

[Your Dream]

بنات شنو اكلات تساعد علي زياده نمو الجنين سمعت ان الروب وثلج يكبر البيبي شرايكم

وليش بتكبرين البيبيات ؟

انتي حامل بالتوأم والثقل مو زين

وفي حسبه لاحجام التوام بالشهر السادس مو نفس اللي حامل بواحد

بدوره وانسخه هني

واتوقع بالسادس يكون كل واحد 400

 

[Australia girl]

ام لطوفه مشكوره حبيبتي عالدعوه وهانت انشالله باجر موعدي بشوف الافضل وبستخير

خمريه دامج علاج لاتغامرين الصباح وبس والله يتمم لج الحمل على خير وتوصلين للتاسع بصحهوسلامه انتي والبيببات


ذوق الاكل المفيد للبيبي الموز الحليب كامل الدسم بيض مفيوح واللحوم بشكل عام


يور دريم لاتحاتين تربيتهم شوي شوي تتعلمين والله يقدرج يارب وتصيرين احسن ام وكلنا يارب

 

[Australia girl]

توش بشري ولدتي والا بعد انا صامده

 

[خمريه حلوه]

هلا حبيبتي يو دريم انا اراجع بمستشفي رويال حياه عند الدكتوره حفصه بوعركي هي اللي مشرفه ع حالتي من اول حمال لان هي نفسهاا اللي سوتلي عمليه طفل الانبوب وهي معاي خطوه بخطوه

هلا استراليا ياقلبي للحينج صامده يلا سهالات الله يقومج انتي وبيبياتج بسلامه يارب اي
اي انا حملت علاج مع الدكتوره نفسهاا بس الصباح لاعنايه لااهتمام كلشششش والدكاتره مايتحاجون من صجج انا عيل ليش قطيت ٣٠٠٠دينار برويال حياه عشان اسوي العمليه ولا اقدر اروح الصباح واسوي العمليه بلاش بس من صجج يبه من جميع النواحي الحكومي ولاشي وبعدين الخاص شنو بينقص عن الحكومي بشي ماعتقد الفرق اللي بينهم العنايه والاهتمام والخاص صج تكاليف بس اهم شي صحتي وصحه البيبات الله يسهل علينا يارب

 

[Your Dream]

لقيته بالنت والله اعلم

*الوزن بالجرام:
الاسبوع 11 = 7
الاسبوع 12 = 14
الاسبوع 13 = 23
الاسبوع 14 = 40
الاسبوع 15 = 70
الاسبوع 16 = 100
الاسبوع 17 = 140
الاسبوع 18 = 190
الاسبوع 19 = 240
الاسبوع 20 = 300
الاسبوع 21 = 360
الاسبوع 22 = 430
الاسبوع 23 = 501
الاسبوع 24 = 600
الاسبوع 25 = 660
الاسبوع 26 = 760
الاسبوع 27 = 875
الاسبوع 28 = 1005
الاسبوع 29 = 1153
الاسبوع 30 = 1319
الاسبوع 31 = 1502
الاسبوع 32 = 1702
الاسبوع 33 = 1918
الاسبوع 34 = 2146
الاسبوع 35 = 2383
الاسبوع 36 = 2622
الاسبوع 37 = 2859
الاسبوع 38 = 3083
الاسبوع 39 = 3288
الاسبوع 40 = 3462
الاسبوع 41 = 3597

 

["*آآآنؤؤؤقهـ*"]

الله يهون عليكم .. بولاده السهله..


ادعولي بالحمل التام القريب

ادعووووولي ..

 

[خمريه حلوه]

اهلين بنات شلونكم بنات بقيت اسالكم عن الابر الزيتيه
انا اطقها كل اسبوع مره واللحين انا بالاسبوع ٢٩ ويومين وللحين اخذهم وسالتالدكتوره متي اوقفهم قالت لحد الاسبوع ٣٢
بس بقيت اسال منو ماخذتهم هي اسمهاا برومنت ٢٥٠القوه مالتهاا وتنطق بالعضل بالاسبوع مره كرتونتهاا مربعه بيضه عليهاا خط اصفر مايل ع البرتقالي
منو جربتهم وشنو رايكم فيهاا