✔✔تجمــ؏ لحوامــل التــوأأأم✔✔

[~ ورد الجوري ~]

ماشالله .الله يسهل عليكم

كل وحده تذكر حملها توام علاج او طبيعي؟؟ ....لان خاطري توام صبيان مع ان عندي عيال بس خاطري الختام توام

غير الادويه شنو في من اكل او اعشاب​

 

[روزماري]

إيمان و استراليا بسالكم سويتو ربط ؟

سمو سوي تحليل شامل انا الدكتورة طلبت مني تحاليل شامله احسن عشان تطمنين ترى فقر ألدم يسبب الدوخه

 

[غنآآآتي]

الله يسهل علينا يارب

 

[سمو النفس]

روز مااري سويت تحاليل الحمدالله زينه بس الهبووط تعبني شووي



بنات صج التوآم مايتمون التاسع يعني شكثر بنات يولدون بالسابع والثامن بسراحه خايفه ودايم ادعي ربي انه يتمم حملي علئ خير واولدهم بالتاسع ،، الدكتور يقول نادر يتمون التاسع حدي قاعده افكر الله يعين بس

 

[سمو النفس]

والربط ترا مايمنع الولاده المبكره يارب يسهل علينا

 

[Australia girl]

شلونكم بنات شخباركم

عن نبضات القلب تصير وايد وهذا هبوط الله يعينج ويعينا يارب الحل الراحه وقعدي سيده افضل


وعن حملي انا اخذ علاج للحمل بشكل عام المره الاولى يبت بنتي وهالمره يبت توام


وعن الربط انا ماسويت دكتورتي تقول ماتحتاجين اهو يسوونه للي عندها عنق الرحم ضعيف او قصير واللي عندها ممشاكل اجهاض الله يبعد عنا


سمو لاتخرعيني توني داشه الثامن وانشالله ربي يتمم ونكمل للتاسع بصحه وعافيه وكله بامر الله

 

[Australia girl]

ايمان ابرة الرئه اخذتها بالسابع ثنتين بيوم واحد فرق بينهم ١٢ ساعه مثلا ٩ الصبح و٩ الليل مالها اي اعراض ابد

وعن التجهيز انصحكم اللي تاكدت من جنس الجنين تجهز على طوللا صج بتتعبون خطوتين وتدورون كرسي الله يعين انا الحمدالله تقريباخلصت باجي تناتيف وباجي احجز الحلو وموالح واغراض الجمعيه


وهمن ابي اغسل ملابس البيبات واحهز جنطة المستشفى عشان اكون جاهزه لاي ظرف لاسمح الله

 

[rw3t e7sas85]

الله ياجركم وياجرنا ويسهل عليكم الولاده ونولد بصحه
وسلامه

 

[Australia girl]

اللهم امين

 

[بنت دبي 1]

مرحباً كروشات شخباركم مع الثقل انا الحين دخلت 35اسبوع ويوم قريب ادخل التاسع يارب يتمم على خير لأني صرت ما أنام أخاف شو بيستوي لي في الولاده مع انه اللي الله كاتبنه بيصر
صارت لي بعض المشاكل بخصوص الولاده والمستشفى اللي بربي فيه وخصوصا الدكتوره اللي كنت ناويه أولد عندها مب هي اللي بتولدني +المستشفى الخاص اللي أراجع فيه قص علي وما كنت مسويه احتياط وفاتحه ملف في الحكومي وخلوني مب راسيه على بر بس الحمد الله عدلت أموري وكلمت المستشفى الحكومي وقالو بندخلج تربين عندنا بس انا وحظي ويا الدكتوره المناوبه او السسترات في الاخير الله اللي بيسهل مب دكتوره.

 

[بنت دبي 1]

أدعو لي بنات الله يتمم ولادتي على خير وتكون طبيعيه
قبل كانو راسهم اثنينهم تحت بس اخر مره شيكت طلع واحد راسه نازل في الحوض والثاني لاا بس قالو عادي يستوي يقلب في اخر لحظه من الولاده

 

[روزماري]

استراليا

انا الحمدلله عنق الرحم طبيعي و كل شي تمام و دكتورتي قالت ما تحتاجين
بس خوفوني البنات يقولون التوم لازم ربط

انا صج عندي اجهاض بس اجهضت بالاسبوع السادس و كنت وقتها اصلا أتحرك واجد يعني ماله شغل بالربط حتى الدكتوره قالت الربط للي صار معاهم ولاده مبكره يعني اجهضو بالخامس و الرابع بسم الله عليكم

 

[روزماري]

بنت دبي الله يسهل عليج و ان شاء الله يتعدل البيبي الثاني و يصير راسه تحت

 

[سمو النفس]

استرااليا ان شاء الله يارب نتم التاسع علئ خير



بنت دبي ربي يسهل عليج حبيبتي وتولدين بالسلامه




روز ماري عادي مو شرط عشان توم لازم ربط الدكتور يقولي مو كل حوامل التووم نسويلهم ربط كل وحده وحسب حالتها وانا الاسبوع الجاي يحددلي وربي يكتب لنا كل خير يارب

 

[ايمان80]

روز ماري .. الربط يتسوي للي عنق رحمها ضعيفً وانا دكترة قالتلي نفس الكلام ومايكنع طلق او ولادة مبكرة
بس لازم راحة تااااامة

بدخل السابع ان شالله ادعواي بنات ادخل التاسع ولا بهدلة الولادة المبكرة وانشالله سليمين

والله يفرحكم بعيالكم ويقرعينكم فيهم

بنت دبي .. الله يسهل عليج وتبشرينا قريب

بغيت اسأل في ادوية تكبر الياهل خاصه اللي متوقعه ولادة مبكرة؟؟؟؟

 

[بنت دبي 1]

على فكرة مؤ كل حوامل التوام تحتاج ربط ومب كل حوامل التوام تولد ولاده مبكره لا تخافون ان شاء الله تكملون لين التاسع
وايدين ماشاء الله أعرفهم ولدو في الاسبوع 37وبعضهم في 38 وطبيعي ان شاء الله نكون مثلهم

انا سالت دكتورتي بخصوص شي يزيد حجم الجنين قالت ماشي بروحه في الشهور الاخيرة يزيد وادا وصل 2كيلو وشوي يعتبر ممتاز وما يدخل حضانة

 

["*آآآنؤؤؤقهـ*"]

ياحلوات

سامعين عن حبوب

vitexحبوب تساعد في حمل التواائم

 

[روزماري]

انوقه
ماادري والله اول مره اسمع فيها
ادعي بالثلث الاخير من الليل ان الله يرزقج بتوم حتى لو شنو سويتي دام ربي ما كتب لج توم ماراح يكونون توم
عسى الله يرزقج بتوم عن قريب يارب


بنات اللي قربت ولادتهم شلون على مسجات التبشير انج ولدتي
تكتبون رزقت بولدين او بنتين او بنت وولد و لا ماراح تكتبون
التوبيك سهله انا بحط بالتوبيك أني ولدت بالسلامه و بس بس المسج مادري شلون

 

["*آآآنؤؤؤقهـ*"]

روز جزاج الله خير عالدعوه الحلوه

اي والله صاجه ونعم بالله العبد يسعى ويرزقه الله بالمقسوم له


واحد ولا ثنين اهم شي

الله يرزقني بالحمل السلييييييم عاجلا غير اجلا

 

[ايمان80]

بالنسبة اكتب مسج بالتوبك .. طاااف عندي ماله داع كل من هب ودب يعرف خاصة اتعامل مع محلات وناس ماعرفهم

لكن مسج استقبال الولادة غير ..اول شي قلت اكتب انا فلانه ولدت بالسلامه واستقبلكم اليوم الفلاني
بس اتوقع الكل راح يدق او يسأل شنو يابت عشان هديه الولاده.. اللي بتييب او فضول ... عادي��
بعدها حطيت مسج ثاني باسم المواليد دام اخترنا الاسماء و( استودعتهم الله انه يحفظهم من كل شر وعين)

لاني مؤمنه ان الناس اذا بتضرني ماراح تضرني الا بشي الله كتبه علي.. والحمدلله علينا الدعاء
والله الحافظ

بس هم اخاف من الفزة لان محد يدري انهم توأم الا اني وابوي وامه وابوه..وطبعا اختي ومرت اخوي لانهم يساعدوني بتجهيز

الله يسهل علي وعليكم ويقر عينا فيهم يالمين بصحة وعافية وفرحة ويكفينا شر الناس وعينهم واللي مايذكرون ربهم والله يرزق كل محروومه