✔✔تجمــ؏ لحوامــل التــوأأأم✔✔

[ايمان80]

بنات سوري عالبدليات
مادري شلون تطلع����

 

[بنت دبي 1]

بالنسبة لي يوم أولد بالسلامه ما راح اكتب للكل الناس أني يبت توام يكفي اقول ولدت بالسلامه اليوم الفلاني الساعة كدا بس صح الله الحافظ بس بعد العين حق ودووم لازم نرقي عيالنا وانفسنا من الناس اللي ما تسمي الله وما تقول ماشاء الله

 

[Australia girl]

قوه بنات شلونكم انشالله بخير الله يسهل علي وعليكم يارب ويرزق اللي يبي الحمل يارب

اليوم رحت مراجعتي الحمدالله تطمن عالبيبات انا ٣٢ اسبوع اول الثامن وزنهم ١٧٠٠-١٨٠٠ قالت الدكتوره ممتاز وانشالله يزيدون بصحه وعافيه بس صاق خلقي لان سويت تحليل بول عزكم الله وطلع عندي صديد طبعا اعراضه كانت بول مركز مع ريحه قويه بس عطوني مضاد حيوي وحبوب كران بيري وقالت اكثر سوائل وانشالله بعد اسبوعين اعيد التحليل ويطلع افضل


بالنسبه لوضعيات البيبات اثنينهم معترضين مانزلو للحين انشالله المراحعه اللي وراها يكونون نزلو بهالفتره بحاول اخلص كل شغلي عشان ارتاح

 

[بنت دبي 1]

استراليا عشان الصديد كثري ماي وايد لين 2ليتر في اليوم وبيروح

انا اليوم دخلت التاسع 35اسبوع و4ايام ومااعرف كم اوزانهم للحين كم وصلت بس اخر مرة كانو 2كيلو

 

[سمو النفس]

استراليا ربي يسهل علييج وتولدين بالسلامه كثري سوائل مااي وعصاير وبإذن الله يروح وان شاء الله تولدينهم طبيعي

بنت دبي تولدين بالسلامه ياااررررب

 

[*امووونه*]

الله يسهل عليكم يارب
والله يرزقني بتوامين السالمين المعافين يارب يارب يارب

 

[سمو النفس]

امووونه ربي يرزقج ان شاء الله

 

[MeMeالحلوة]

السلام عليكم بنات حبيت اشارك معاكم في هذا التجمع
انا الحمدالله حامل بفضل من الله ثم العلاج ثم الدكتور
انا حملت بتلقيح الصناعي وطلع الحمل بتوائم الحمدالله ودكتوري مصطفي تومسو طبعا العلاج كان ابر
وانا الحين بنص السادس الحمدالله على كل حال

ربي يتمم على كل الحوامل و يرزق كل محرومه ان شالله​

 

[Australia girl]

ميمي الحلوه الف مبروك وعسى ربي يثبته ويسهل عليج يارب

شلونكم بنات شخباركم

 

[Australia girl]

امونه الله يرزقج ويرزق كل البنات بالحمل

منو دشت التاسع ها بشرونا مافي ولادات نبي تشجيع

 

[سمو النفس]

ميمي الحلوووه الف مبروووك

 

[سمو النفس]

استراليا اذا جهزتي للبيبيات اكتبيلنا اللسته ولاعليج امر عشان اذا جهزنا نعرف يعني لكل وحده كم تبانه وكم بجايم

 

[Australia girl]

سمو ماسويت شي محدد بس خذيت لكل وحده ١٠ فارول نيو بورن و١٠ تبان نيو بورن

من ٠-٣ شهور همن لكل وحده ١٠ افارول و١٠ تبانات


زائد لكل وحده ٥ اطقم كامله من سنترًبوينت مهاد تبان كبوس دسوس دلاغ افارول وصيدريه
حصتلهم بالسيل على ٤ دنانير حلوين واسعارهم حلوه


وخذيت همن الافارول اللي ايي ٣ مع يعض اثنين لكل وحده


وكبابيس ودسوس ودلاغات يمكن ٥ لكل وحده


المهاد خذيتهم من سوق شعبي على دينار ونص قطن ٥ لكل واحده


والكفر لهم ثقيل قطن للطلعات من سنتر بوينت ٣ لكل وحده


وطبعا الفوط وصيديريه اللي ايون مع بعض يمكن ١٢ حبه لكل وحطده

 

[Australia girl]

طبعا الاجهزه معقم المميات جهاز شفط للحليب مدفي الحليب ومدفي الوايبز سنتر بوينت

حوض سباحه واسفنجه لهم احطها عليهم وفوط ٢ لكل وحده كبار


ادوات نظافه مقراض ومال حراره وشفط خشم سنتربوينت ايي على شكل جنطة صغيره


مميات ٣ لكل وحده انا ناويه انشالله ارضع طبيعي وانشالله ماحتاجهم ماركة بروان


و٢ صغار لكل وحده للماي والاعشاب


اغراض جمعيه حجم كبير من شامبو وشور جل وبودره ومال حفاظ كريم وعود اذاني وبيبي اويل ومشط صغير وقطن قطع

 

[Australia girl]

واذا تذكرت شي اكتبلج انشالله

 

[سمو النفس]

استراليا يعطيج اااالف عافيه يارب ،، ربي يسهل علينا ونولدهم بالسلامه يارب ويرزقنا اطفال سليمين معافين ومن الذريه الصالحه يارب

 

[بنت دبي 1]

انا دشيت التاسع 36اسبوع واليديد احس بضغط اسفل البطن وخصوصا بالليل مع الم ويارب يتمم على خير
مااعرف كيف وضع البيبيات بشوف فهازياره قريب ويارب يكون راسهم تحت
بالنسبة لأغراض المستشفى مخلصه من زمان باقي بس شغلات السويتات والحلويات مال التقديم
أدعو لي حبايبي

 

[Australia girl]

الله يسهل عليج يارب وتولدين بالسلامه وتبشرينا بولادتج

 

[سمو النفس]

بنت دبي

ربي يسهل ولادتج يارب ويرزقج اطفالج سليمين معافين يارب

 

[خمريه حلوه]

الله يسهل عليكم يابنات ويغر عيونكم بشوفت عيالكم سليمين معافين قولو امين يلااا نبي بعد نسمع سوالف عن اللي وصلت التاسع او ولدت عيالهاا بخير عشان يصير عندنا حماس وتشجيع
الله يسهل عليناا يارب����