✔✔تجمــ؏ لحوامــل التــوأأأم✔✔

[حلاتو]

الله يسلمكم الفال لكم يارب ... بالنسبه الاسئله اي اخذت ابرة الرئه قبل اولد باسبوع
وكان فيه فرق عن السونار زايد ٣٠٠ غرام لكل واحد ، والحمد الله الرئه زينه بس تعب الصغير
لان الماي قليل قالولي والمشيمه متكلسه وتابعوني كل يوم تخطيط لما شافو تعب البيبي ولدوني علي طول
والحضانه يوميتها ٧٠ طلع علي الولاده مع الحضانه ١٥٠٠ بمستشفي هادي وبما اني تعبانه اخذت غرفه عاديه
وماسويت استقبال بالمستشفي بسوي بالبيت لما ارتاح من الولاده ويروح عوار القيصريه وولدت عند الدكتوره انيتا
تهبل شويه عليها اطمن الوحده وخياطها رووعه وشااطره
وبنت دبي انصحك بالقيصريه ولا تغامرين بالطبيعي والقيصريه اامن شي للتوام فلا تغامرين
وعسي الله يهون عليكم ياارب

 

[سمو النفس]

الحمدالله علئ سلامتج حلاتوووو ًومبروك ماجبتي ربي يحفظهم ويبارك فيهم

 

[Australia girl]

الحمدالله على سلامتج حلاتو وسلامتهم والله يقومج بالسلامه ويروع عوار القيصريه انشالله والله يعينج على تربية التوام والله يصلحهم لح امين

 

[Australia girl]

حلاتو اخذتي بنج موضعي والا كامل وشنو تنصحين



بنفسجيه الله يرزقج بالتوام المتعافى يارب انتي وكل البنات اللي يبون الحمل امين

 

[سمو النفس]

بنفسجيه ربي يرزقج ياررب ياكريم

 

[بنت دبي 1]

حلاتو الف مبروووك عليج وحمد الله على سلامتج وخلاص انا متوكله على باجر ان شاء الله عمليتي ومرتاحه ومقتنعه انه عندي في القيصريه الخير لأني صليت استخاره والله ما كاتب طبيعي
وعوار العمليه نستحمله اهم شي سلامة البيبات
وشكرا لكل دعو لي

 

[Australia girl]

بنت طبي الله يهونها عليج يارب وانشالله العمليه تكون سهله وماتحسين فيها والله يقومج بالسلامه انتي والبيبات يارب

 

[سمو النفس]

بنت دبي ربي يقومج بالسلامه حبيبتي وتولدين بسحه وسلامه لج ولهم يارب









اخباركم بناااات ،؟؟

 

[Australia girl]

هلا سمو انا بخير الحمدالله بس مضايقني الالتهاب وعالعلاج وانشالله اطيب

البيبات صارت روسهم تحت الحمدالله اليوم سويت سونار اوزانهم ٢٠٠٠-٢١٠٠"
وخلصت تجهيزي باجي تناتيف واشطب انشالله


والدكتوره قال اخذ ابرة رئه مره ثانيه والله يسهل ويعدي هالايام على خير يارب


بنت دبي ربي يسهل عليج

 

[ايمان80]

الله يهون عليكم

صاحبة الموضوع كلش مالها حس وينها

 

[سمو النفس]

استراليا ربي يسهل عليج ،،، الله يعينج ع الالتهابات انا ذبحتني الافرازات بس سويت مسحه وقالتلي سليمه

انا بديت تجهيز البيبيات لان باقي كم يوم وادخل الخامس وحاسه بثقل وتعب ولالحين النساة ماراحت ولالحين الترجيع معاي بس خف شويه




وبفتح ملف عند ناهده العلي شرايج فيها ،؟؟ سمعتي عنها

 

[روزماري]

شخباركم بنات


حلاتو الحمدلله على السلامه يتربون بعزج

بنت دبي
الله يسهل عليج و تولدين بصحه و عافيه انتي و البيبيات

استراليا
الله يعينج على الالتهابات انا شاكه معاي التهاب و مسويه تحاليل و ناطره النتيجة

سمو
ناهده اسمع فيها يمدحونها
و انا للحين ما بديت تجهيز بس دامج حاسه بثقل ابدي من الحين و خلصي مبجر

 

[سمو النفس]

روووز ماري شلوونج حبيبتي ،، شلون الحمل وياج

 

[روزماري]

بخير يا قلبي الحمدلله
الحمال تمام بس متعبني شوي بديت أتأقلم صار عادي الوضع عندي لووووول

 

[سمو النفس]

روز بسآلج ،،

انا لمن احس بحركه البيبي تجيني رفسه فجآه لدرجه انه يبين علي مختررعه كانه كهربا انتي كذا يعني شي عادي الحركه اللي احسها تجيني فجآه وانقز من مكاني لاشعوريآ فهمتي علي ههههه

 

[روزماري]

اي انا بعد بس موحركه مادري جنها نغزه و ساعات يشد معاي مكان معين يصير جنه صخره على قولتج انقز من مكاني

 

[خمريه حلوه]

هلا بنات شلونكم شخباركم الله يسهل عليكم كلكم وعالبركه اللي يابووو بسلامه وان شاء الله الفال لنا يارب بنات باقي لي كم اسبوعين وادش السابع وحدي تعبانه ثقل والتنفس عندي لكم عليه بس الحمدالله قاعده اتاقلم مع هالوضع بنات من ناحيه التجهيز ماجهزت ولاشي ولا ناويه اجهز لحد مادش الولاده وامي تيبلي اي شي حق يوم الولاده لاني صراحه اخاف من التجهيز وثاني شي انا اول مااخذ يومين من التاسع علطول بروح اولد بعمليه لاني مستحيل اولد طبيعي اعرف نفسي كافي اني توم وبچر وطفل انبوب بس بنات وين اروح ماعرف اي مستشفي او اي دكتور انتو شرايكم تكفوون انصحوني تري ماعرف وهاذي لي اول حمل من عقب ٨سنوات

 

[ثلج]

السلام عليكم

خواتي انا الحين بنص الثامن والدكتوره
قالت لي اخذ ابرة الرئة
وسؤالي هل اخذها بالشهر الثامن فيه ضرر
علا الجنين وشكرا

 

[Australia girl]

قوه بنات شلونكم

ثلج انا بعد بنص الثامن وباجر باخذ ابرتي الثانيه للرئه واكيد مفيده للطفل


سمو ناهد سمعت عنها واعتقد زينه


خمريه الله يثبت حملج يارب وتفرحين فيهم وعن التجهيز انتي كتبي لستة الاشياء اللي تبينها من الحين لج وللبيبات عشان ماينقصج شي وقت النفاس ووكلي امرج لله


روز ماري وسمو جهزا من الحين ترا انا وضعي حاليا بدون مبالغه امشي عشر دقايق وريلي تنتفخ وماكو نفس اتعب واخرتها اشتري اي شي عشان اخلص فا. دام الثقل ااثجي مابدا معاكم جهزوا

 

[حنوشتي]

السلام عليكم بنااااااااااااااااااات ربي يثبت حملكم وتولدون بالسلامة يارب
انااا حامل في الاسبوع السادس والدكتورة قالت لي في كيسين حمل احتمال كبير انه توأم لكن كل مااعمل سونار تقول لي الطفل بادي يكبر بس ماقالت لي توأم ربي يثبت حملي والحمدلله على نعمة الله