✿الباب اللي يجيك منه الريح صكه واستريح،،لكن باب التغافل من أفضل الأبواب✿

[نهى الأحمد]

✿الباب اللي يجيك منه الريح صكه واستريح،،لكن باب التغافل من أفضل الأبواب✿

قال الإمام أحمد بن حنبل:
"تسعة أعشار حسن الخلق في التغافل".​

السلام عليكم ​

صبحكم الله بالخير والنوير يا خواتي العزيزات​

بدايــــة​

احب أشكر الأخت العزيزه الغاليه ​

فوفو22​

لأنها علمتني على فن التغافل وبديت أبحث عنه بشكل مفصل
وقريت عنه الكثير ​

وكان له أثر ايجابي علي ​

يقول المثل الباب اللي يجيك منه الريح صكه واستريح​

باب المشاكل اللي احنا بغنى عنها
باب التفكير بصغار الأمور في حياتنا​

اما باب التغافل رح يدخل الفرحة والراحة النفسية لقلوبكم ​

وقبل لا ادش بالموضوع ​

أقدم لكم تعريف فن التغافل ​

التغــافل؛​

التغافل لغةً :
هو تعمد الغفلة، والمتغافل؛
هو من أرى من نفسه أنه غافلُ و ليس به غفلة؛​

التغافل :
وهو تكلف الغفلة مع العلم والإدراك لما يتغافل عنه؛
تكرماً وترفعاً عن سفاسف الأمور؛​

التغافل يا خواتي العزيزات يعني التغاضي عن بعض الامور اللي تصير في حياتنا
مهما كانت​

شي ما نحبه >>>> نتغافل عنه​

ناس يضايقونا >>> نتغافل عنهم​

تصرف ما اعجبنا >>> نتغافل عنه​

لا تقولون هالأمر صعب
وماقدر
كرامتي ما تسمح اتغاضى عن هالانسان وتصرفاته وافعاله ​

ماكو شي اصعب من الموت لما يجي على غفله ​

واعلم أن من الدهاء كل الدهاء؛
التغافل عن كل ذنب لا تستطاع العقوبة عليه؛
ومن عداوة كل عدو لا تقدر على الانتصار منه؛:rerrerek::rerrerek:​

عليكم بضبط النفس يا خواتي ​

والتجاوز عن بعض الأخطاء من بعض البشر ​

بعداً عن الشر وعوار الراس اللي رج يجينا منه ​

تغافلوا عن الامور اللي ممكن تستفزكم وتسبب الضيق لكم​

عيشوا حياتكم
ولا تشيلون هم أحد
لأنه اغلب البشر اللهم نفسي ​

تخلصوا من اي ضغط عليكم وتغافلوا عنه حتى تعيشون مرتاحين البال ​

سؤالي لكم:​

شنو الأمور اللي مستحيل انكم تتغافلوا او تتغاضوا عنها؟؟​

بقلمي الخاص​

نهى الأحمد​

 

[Kirsten storms]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

مشكورره حبيبتي صج موضوع عجييييييب وعجبني


اللي ماقدر اتغافل عنه الظلم ​

 

[الصواني]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

موضوع روعه يعطيج العافيه

 

[جيكره(و)تتغلى25]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

عجيييييييييييييييييييييييييب الموووووضوووع ان شاءالله اتفرغ حق هالمواضيع يبيله وايد صح نهي؟؟ هههههه



يسلمووو

 

[PuPa^^SWeeT]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

التغافل هو فن


ما يتقنه الكل


التغافل هو انج اتغافليين عن الاخلاق السيئة في الشخص في سبييل اخلاقه الطيبة


يعني مثلا فلانة كلامها جارح ولا ماتعرف اتصف الحجي ولا اتقطها بالويه

انا اتغافل عن اسلوبها المعكر للمزاج في سبييل عدة شغلات خدوومة نصووحة حبيبة قامت فييج شالتج بمرضج الخ

مثلا مثلا وحدة ريلها شوي عصبي بس قلبه طيب و يحبها وقايم بالبيت و قايم بعياله اوكي اتغافل عن حدة انفعلاتهه في سبييل انه بالمجمل زيين


انيي لشخص 80% مزعج

وحدة حنانة اتقط الكلام تجرح ماتهتم باحد ماعندها حس التعامل و اداب الحوار ماعندها رحمة ماعندها طيبة


بس شنو اهيا تنادي الناس ببيتها واذا ماييتي يصير علامة استفهام ليش ما يت ( ممكن اتكون عمتج خالتج ام ريلج بنت خالتج بنت عمج اي صلة قرابة حطييها


انتي ملزوومة اتروحينلها ابببيتها ابمناسباتها بس اتغافلين عن اسلوبها و اتسولفين مع القاعدين تعطينها التقدير و الاحترام بعد مو تلبسينها اببيتها



التغافل يعلمنا شلون نمسك العصا من النص


بحيث ما نضغط على روحنا و لا نطلع غلطانين جدام اللي يسوا واللي ما يسوا

 

[ReeM ^ Style]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

تسلم ايدج نهى
فعلا معاج حق التغافل من افضل حلول خصوصا للاشخاص المستفزين
وافضل طريقه لتجنب التفاعل مع حديثهم اهو التفكير بموضوع ثاني اثناء حديثهم معاك
وبجذي بتصير عندج برود اعصاب وردج راح يكون اكثر حكمة

 

[ام سعود ديكسون]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

شكرا نهي علي الموضوع

أنا جزء من سلوكي أني عارفة و شايفة بس افضل أني اسوي روحي ما ادري

اتبع سياسة ال 3 monkeys
لا آري
لا اسمع
لا أتكلم

و هالشي جنبني وايد مواقف سخيفة اترفع عن الرد عليها او انصدم بكيفية الرد عليها

والاجدر ان لا ننشغل بتوافه الامور فالحياة قصرة

لكن من يظن ان حسن الخلق ضعف
او عدم الرد هو دليل علي عدم المقدرة علي الرد

او من يظن ان سكوتي دافع له للتمادي او الوقاحة او الازدراء

ف ردي يأتي احيانا بالتعامل معهم بذات الأسلوب
لا بالتجاهل
بل
بوضع حد للموضوع

من خلي نفسه سبوس العبت فيه الدياي

عموما الامر متروك للتقدير

لو كان شخص مضطرين للتعامل معاه علي مدي زمني بعيد ممكن ارد او أخذ رد فعل
لو كان شخص تعامله عابر راح اطنش و واذا ما فاد اقص العلاقة أريح لي

 

[^LILY^]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

اتمنى ان اكوون من الي يتغافلووووووون :"(

 

[Ms.Candy]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

الكذب او الخيانة ووايد اشياء تصير لي في الحياة ولما احد يغلط في حقي او يظلمني
لو اجلس من اليوم لبكرة اعدد ما بخلص

 

[louraa]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

موضوع عجيب
انا مرات اتغافل ولازم يصير هالشي عشان نعيش حياتنا ونكملها
طنش تعش
بس مو معناه هالشي اني ما اقدر ارد اصلا عدم الرد و التغافل قوه
طنش تعش
وانا اطبق هالمثل ان سيد قومه المتغابى

 

[دنياغريبه للاسف]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

الـــــــــــرائعه والمبــــــــدعه..
..نهوي..
موضوع في غآآآآآآية الروعــــه كروعتكِ..
دااااااام هذا العطاء ان شاءالله..

 

[حبي بيرين]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

والله نتغافل بس خلق الله المتخلفين منو يعلمهم الادب بصراحة صارت اخذالامور بضحك وتنكيت ع الشخص اللي يقهرني بس اللي مااتغاضى عنه اللي يتبلى علي او يقول كلام انا ماقلته وتشكرات ع الطرح

 

[ترانيم القصيم]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

ليس الغبي بسيّد قومه .. إنّما سيّد قومه المُتغابي

حبايب قلبي فديتكن ,, أبيكن تسمعن آللي أبقوله ,,

أي كلام جارح يآصلك من الناس ,, أي كلمة تصيب قلبك و تُدمي صميمك

حاولي بقدر الإمكان تغضّين الطرف عنها و تتجاهلينها تمامًا و ما تسمحين لها إنها تنسف همّتك و تحبّطك !

ضعي في ذهنك أنّ الناس يُراقبون ظاهرك ,, لكن المولى جلّ في علاهـ مُطّلع على خلدك و يعلم يقينًا ما هي نيّتك

و هذا هو الأهم ,, لا تهمّك نظرة الناس لك ,, المهم وش هي نظرة الله لك !

الخوف كل الخوف إنّك تكونين بعيون الناس فوق قمّة جبل شامخ ,, لكنّك عند الله أحقر من جناح بعوضة !

ما تسوين شي !!

وش تفيدك سمعتك الطيبة عند الناس و أنتِ عند رب العالمين و لا شي ؟

آللي أبي أقوله حبايب قلبي و أخيّاتي .. مهوب معناهـ لمّا تمدحك وحدة يعني معناهـ إنّك زينة عند رب العالمين !

و لاهوب معناهـ إن تذمّك وحدة يعني إنّك شينة عند رب العالمين !

بالنهاية الناس لهم الظاهر ,, و رب العالمين جلّ في علاهـ لا ينظر إلى أشكالنا و ألواننا و عرقيّاتنا بل ينظر إلى ما تكنّه الصدور و ما تحتويــه القلوب ,, !

فلا يهمّك كلام الناس ,, آللي المفروض يهمّك هو نظرة رب العالمين لك ,, أيش هي ؟

فإذا ظفرتِ بمحبّة الله لك ,, خلاااااص هان عليك عظيم البشر ,,

خلاص الناس و لا شي عند محبّة رب العباد ,,

يا الله ,, يا ربــنا ,, يا حيّ يا قيّوم :

ليتك تحلو و الحياة مريرةٌ .. و ليتك ترضى و الأنام غِضاب

و ليت الذي بيني و بينك عامرٌ .. و ما بيني و بين العالمين خرابٌ

إي والله ,,

يعطيتس العافية أخيّتنا نهى الأحمد ,, بارك الله فيك ,,

 

[كويتية و عتيبية]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

رووووعه كلامج والله صج التغااافل شي عجيب

يعطيج العافيه

 

[سلماويه .]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

روووعه الموضوع
مــشكوووره :eh_s(17):

 

[تذكر خافقي رمحك]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

والله انا وحدة وااااااايد اطوف
والناس الي ماوراها الا المغثه اسحب عليها اكبر سيفون
بس من داخلي انقهررر مو من كلامهم لاني مارديت عليهم
وشرشحتهم تششرششح .. بس هذا طبعي شسوي
وانا احسد الي لي انقالت لها كلمة اترد عليهم بعشر

 

[المرتاحة]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

اتغافل في الامور الهامشيه اللي ماراح استفيد من الخوض فيها وما تزيد ولا تنقص مني شي .. او يكون التغافل مع شخصيات معينه...او يكون التغافل في مواقف الضرر منه يكون اكثر من النفع

او يكون التغافل على حسب الموقف


مو في كل شي نتغافل

 

[manoooram]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

شكرا نهي علي الموضوع

أنا جزء من سلوكي أني عارفة و شايفة بس افضل أني اسوي روحي ما ادري

اتبع سياسة ال 3 monkeys
لا آري
لا اسمع
لا أتكلم

و هالشي جنبني وايد مواقف سخيفة اترفع عن الرد عليها او انصدم بكيفية الرد عليها

والاجدر ان لا ننشغل بتوافه الامور فالحياة قصرة

لكن من يظن ان حسن الخلق ضعف
او عدم الرد هو دليل علي عدم المقدرة علي الرد

او من يظن ان سكوتي دافع له للتمادي او الوقاحة او الازدراء

ف ردي يأتي احيانا بالتعامل معهم بذات الأسلوب
لا بالتجاهل
بل
بوضع حد للموضوع

من خلي نفسه سبوس العبت فيه الدياي

عموما الامر متروك للتقدير

لو كان شخص مضطرين للتعامل معاه علي مدي زمني بعيد ممكن ارد او أخذ رد فعل
لو كان شخص تعامله عابر راح اطنش و واذا ما فاد اقص العلاقة أريح لي

أم سعود ديكسون ما شالله على فكرج أهنيج صراحة :ggdw:

نهى حبيبتي عسانا ما ننحرم من مواضيعج القيمه :eh_s(17):
هالمقوله ينفع تطبيقها خصوصا مع الناس اللي ما يكفون الأذى عن الغير وهوايتهم المغثه ..
مو مضطره ان اجابلهم وهاتوا ماعندكم من كلام يسم ليش عاد :eh_s(4): أسحب نفسي وبنفس الوقت ترفعت عن الرد عليهم ومع السلامه :eh_s(8):
والتغافل حلو يا نهى :eh_s(17):
أحب أسوي نفسي ما سمعت وأنا على يقين ان اللي جدامي مايقصد واطلعت الكلمه منه زلت لسان
تكون كلمته من ورا قلبه ومعدنه من داخل نظيف ونقي وان يحبني اهني اتغافل وانا :wqedqw:

 

[SOKAR MALE7♥]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font][font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥

[font=&quot] [/font]

[font=&quot]السلام عليكم ورحمه الله [/font]

[font=&quot]شلونج اختي العزيزة نهى والله احس محد متقن فن التغافل كثر لدرجة الكل علباله اني ضعيفة وخبلة لكن اما مو مال مشاكل وعوار وراس وطوله لسان كلش بالعكس قلبي طيب والله شاهد ، لكن لو احد تمادى شسوي ؟[/font]

[font=&quot]شنو الحل برايج ؟ والمشكلة لو صاروا كلهم عليج ! دورت وحطيت الغلط علي لكن طلعت ماني غلطانه بالعكس سكت عن شي وطوفت اشياء [/font]

[font=&quot]شنو تنصحيني فيه مع اللي يتمادون او مصخوها ويستغلون تغافلي ؟[/font]

[font=&quot] [/font]

[font=&quot]دمتي بود..[/font] ♥[font=&quot][/font]​

 

[سنيوؤره]

رد: ✿الباب اللي يجيك منه الريح صكه واستريح،،لكن باب التغافل من أفضل الأبواب✿

التغافل فن اجتماعي ممتاز بس صعب ويبيله اتقان وحسن اختيار الوقت والاشاص الي يستعمل مععاهم هاذا الفن والا ظنوج غبيه وشخصيتج ضعيفه ..بس فن ممتاز حق الناس الي تفهم ...وحق ناس قربين حيل منج وغاثينج ...