(✿◕‿◕) تفسيــــــــــر الاحلام (◕‿◕✿)

[munani]

رد: (✿◕‿◕) تفسيــــــــــر الاحلام (◕‿◕✿)

يعطيج الف عافيه
حبيبتي حلمت ان دشاديش ريلي وغتره موديتهم المصبغه وكلهم كانو بيض يعني الدشاديش والغتر
بس المشكله ان لما يابوهم كانو مكوين بس فيهم كسرات فانا شوي عصبت ودقيت على عامل المصبغه ايي ياخذهم لانه مو كاويهم عدل
فياليت تفسير

متزوجه وعندي بنت
عمري 27

 

[munani]

رد: (✿◕‿◕) تفسيــــــــــر الاحلام (◕‿◕✿)

اليوم 13/1
بعد صلاة الفجر

 

[lovlygirl]

رد: (✿◕‿◕) تفسيــــــــــر الاحلام (◕‿◕✿)

السلام عليكم ورحمة الله وبركاته

حبيبتي اليوم التاريخ 13 يناير
الوقت الفجر حلمت ان ببيتي متروس نمل صغير منتشر بكل مكان

انا حامل بالشهر الرابع

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

دايم اسقط سهوا ...

معناته بتسمعين خبرين فيهم رزق والعلم عند الله
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم
اختي فرفشه جزاج الله خير هذا الحلم لصديقتي


تاريخ الحلم 2012/12/25
بيانات صديقتي
متزوجه ربة بيت مسلمه
عندها اولاد الحمدلله لها ابن متوفي قبل سنه توفى بعمر 17الله يرحمه
ماكانت على رقيه بس كانت تسمع سورة البقره قبل النوم
صحتها جيده وفحوصاتها جيده الحمدلله وتسعى للحمل
ماعندها مشاكل وحالتها مستقره وجيده جدا مع زوجها ومع الاهل
اختي فرفشه راح اكتب الحلم مثل ماوصلني بالمسج


حلمانه اني في مستوصف او مستشفى استنى رقمي للدخول على الطبيب بس مش امسجله اسمي الشخصي امسجله
باسم (ام فلان) وكأنه ابني المتوفي حي وعمره بالاشهر رضيع لما نادت الممرضه (ام فلان) رحت على طول لغرفة الطبيبه
وانا في طريقي لغرفة الطبيبه اقول في سري كيف لو الطبيبه تسالني عن التسجيل باسم ابني وابني ميت
دخلت على الطبيبه وقالتي الواضح من اشعتك انك مصابه بالايدز بس مش متاكدين حوديكي عن الدكتور واهو ايطمنك
اخذتي ورحنا لغرفة الطبيب لما وصلنا عند باب غرفة الطبيب والا الطبيب جاي ورانا ماكان موجود بغرفة التفتت علي الممرضه
وقالت حظك حلو اجا الطبيب بس وصحت من النوم


ملاحظه :انا كاتبه ام فلان يعني ماكتبت اسم ابنها لطلب منها بس اسم ابنها معناه كويس
وصديقتي بترسلك سلامها وتقديرها لك ولشخصك الكريم

والله اعلم ان لها دين لازم توفيه ولكن كلما فكرت بتسديده تطلع معاها امور تاخر بالامر والعلم عند ربي
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

مرحبا اتمنى تفسرين حلمي عندي حلمين وانا متزوجه من 3 سنين وعندي طفل واحد وحامل الححين حلمت يوم الثلاثاء 1 يناير
ان أنا توني عروس وقاعده بغرفه فندق ومعاي خوات زوجي وقاعدين يختارون لي شنو البس قميص وانا احترت واخرشي اخترت قميص ابيض طويل حرير
وقت الحلم بالليل كنت نايمه الساعه وحده
والحلم الثاني
تاريخ 6 يناير
ان أنا. وخدامتي ومعاي بنتي صغيره ماشين بالشارع رايحين بيتنا وكان ليل وظلام وفجأه طلعت اختي الكبيره معانا تمشي وسمعنأ اصوات الا يطلعون كلاب متوحشه تبي تهجم علينا وخفنا و اشرنا حق سياره شرطه جيب وفيها 2 رجال شرطه وطلبنا منهم يوصلونا البيت
وصلونا وكان واحد منهم يحاول يكلمني ويشيل الححجاب مني بس أنا مارضيت وماكنت ابيه يشوف شعري وشكرناه على المساعده ودخلنا بيتنا وللعلم أنا منقبه بس بالحلم كنت ﻻبسه عبايه وحجاب بس
وقت الحلم بالليل بعد
اسفه لو طولت عليك بس اتمنى تفسرينهم لي

والله اعلم في حامل في بنت وعندك ولد والعلم عند ربي
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

مساء الخير فرفشه شو اخبارك

حبيبتي حلمت
حلمت اني جايني واحد وامه يخطبوني وقعدتت مع العريس كثير اعجبني وتفاهمنا مع بعض واتفقنا على الخطبه وصار يجي يقعد معي كثير وارتحتله وصار بينا جماع بس صار الانزال خارجي منه كنت على درايه انه خاطبني بس زي الي لمحة ملامح زوجي بس هو كان عريس وليس زوجي يعني غير زوجي وبيوم اجا عنا وكنا عم بنعمل شوي دجاج (نش) وقام اجا وقعد جنبي وقدمتله سفينه الدجاج لانه يبغاها وكان البيت ملان خواتي وبعض اولادهم وكان صحن الي كنت اكل منه في رز او مقلوبه وفيه دجاج وفي صينيه لحمه يعني ما شفت الشوي
واكلت والعريس اكل طبعا هههههههههه وكان بجنن لدرجة انه مثل الي واضع مكياج من كثر جماله يعني انا بالحلم كنت اطلع فيه واحكي ياه هاد بجنن يعني بالاخر كنت مرتاحه وعاجبني العريس خخخخخخ
متزوجه وحااااامل
تاريخ الحلم 6/1/2013

والعلم عند ربي حمل بولد
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

اب اب

حلمت حلم ثاني ههههه

ان زوجي جايب لي هديه نفس الورد الجوري اصفر وبرتقالي فجاه صار شمعه اللي بقزاز وطلعها حاطها عالطاوله وكألنه بيطلع لي خلام من العلب وقمت من الحلم ماشفت خاتم

والعلم عند ربي تتمنين البنت وحملج بولد او العكس
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

ليش مافسسسرتيه
والبارح رحت لدكتورة عطتني علاج عشان تنظيم الدورة

باذن الله حصول حمل وقريب بالعاجل والعلم عند ربي
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

مرحبا اختي
هذا حلمي ،، وان شاءالله تفسيره خير .

حلمت اني راكبه خيل لونه اسود وكنت فرحانه اني اعرف اركبه
مع انه بالحقيقه ماقد ركبته
وكان يركض فيني بسرعه رايح جاي وفيه زي اماكن يطمرها صح كنت اخاف
اني بطيح بس ماطحت متمسكه فيه وكان فيه واحد من بعيد يراقبني وبالحلم
اقول هذا تركي مع اني ماشفته
وفجأه القى ولد بجنبي تقريبا عمره عشر
سنوات قالي تعرفين تركبين الخيل قلت تبي اركبك معي قال ايه وركبته
وراح يركض بنا الخيل وحنا مبسوطين وعقب مارجعنا قابلنا اخوي بالسياره ويناظر فيني كانه
مستغرب وعقبها صحيت ..

تاريخ الحلم
23 / 2/ 1434هـ
متزوجه ولست حامل وليس لدي اولاد

وجزاك الله خيراً ع ماتقدمينه ..

باذن واحد احد حصول حمل ولكن هذا الحمل يكون من بعد سعي ومصاريف اي والله اعلم انك تتعالجين لحدوث الحمل والعلم عند ربي
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم

شلونج اختي فرفوشه

الله يجعل هالموضوع بموازين اعمالج

حلمي كان امس الفجر

تحلمت اني بشاليه و كان حيل حلو و لما رحت بشوف الشاطئ لقيت قرود صغار قدامي و تراجعت و دخلت الشاليه و لما طلعت ثاني مره شفت القرود قاعدين ياكلون بعض و يقتلون بعض لين ماتوا كلهم و عقبها رحت للشاطئ وتمشيت فيه


انا حامل بالشهر الرابع و هالايام طالعه فيني بكتيريا و قاعده اعالجها ان شاء الله تروح يارب لانها طولت وانا احاتيها

والعلم عند ربي كانت في مشاااكل بمحيط حياتج ولكن ماتخصج وكانت لناس تعرفينهم ولكنها تلاشت وانتي مالك اي دخل فيها ولا تهمك والعلم عند ربي
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

أمي حلمت أنها مسافره مكان بس ما تعرف وين بالضبط كل ما تقطع مسافه يكون المكان أحلا من اللي قبله وصحت من نومها مستأنسة

لو سمحتي تواريخ الاحلام
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

اختي عندي استفسار شنو علاقة الحلم بالتاريخ؟

تفسيري غير عن اللي متعارف عليه ومبني على ايام وليالي احولها بالهجري وافسر عليها علشان جذي اطلب التاريخ لانه يمثل جزء مهم والاهم بشكل اوضح بالتفسير
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم
يعطيكم العاااافيه

انا حامل بالسادس ورأيت كأن اخت زوجي تنظف بيتي وانا ع سريري مسويه نفسي نايمه وكأني اراقبها وانا ع السرير واقول لنفسي ليش تنظف بيتي وتخم الصاله وتخم غرفة عيالي وكنت متعجبه من سنعها ونظافتها وكانت حريصه انها ماتزعجني وانا نايمه

بصراحه استغربت الحلم مع ان العلاقات الحمدلله طيبه

ارجوا التفسير جزاكم الله خير

تاريخ الحلم حبيبتي
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم
الحلم اليوم بتاريخ١٢/١/٢٠١٣
وانا حاليا نفاس وعندي بنت وولد

حلمت اني كاني بشقتي وقاعده اطل من الدريشه والدنيا ليل الساعه تقريبا٣ الفجر ويمرون جدامي سيكل فيه رجال متلثم باسود قمت مسكت فانيله زوجي لان خفت ومره واحد٢ بعد وبعدها البيت الي جدامنا طلعوا منه ولدين اعمارهم واحد عمرهبين(٨-٦-٧)والثاني١٠ او٩ يلعبون كره فقلت لزوجي هذيلا شطلعهم هالحزه شنو وين اهلهم عقب شاتو الكره صوب بيتنا ولا اشوفها تدش شقتي والولد الكبير وراها بياخذها اڼـٱ انصدمت من جراءته فقام زوجي ومسكه وطرده برا الشقه وصكر الباب فقام الولد من ورا الباب بعد ماسمع زف زوجي فقال الفاتحه ودعاء وكلام ديني اڼـٱ وزوجي انبهرنا فيه فطالعني زوجي قالي ندخله قلت اي هذا لسانه حلو وبيعلم عيالنا فدششه زوجي لغرفتنا النوم وقاله عن عيالي وفجاه ولا عمي بزوجي جاي واهو يمشي يعدل شماغه وعقاله ويسال شصار عندنا وبس مع العلم الفريج بالحلم فريج بيت خالي بس الغرفه والشقه شقتي .

عندج دين او صدقه او امر لازم توفينه واعدتي فيه نفسك بامر معين والعلم عند ربي
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

اختي انا حامل بالشهر الثالث

حلمت اني راكبه السياره مع ابوي ومعاي اعيالي ناصر وطيبه واني حامل بالحلم واهوه بالطريج يقول لي انه راح يزوجني من زوجي مره ثانيه وكنت مستغربه واشلون بيزوجني مره ثانيه وانا متزوجه وعندي اثنين وحامل ووصلنا بيت اهل زوجي مو نفس الصج بس بالحلم انه بيت اهله وانزلوا اليهال وقال لي ابوي مايصير تتزوجين جذيه لازم تروحين الصالون وتقصين شعرج وتتكشخين انتي عروس وبعدها وداني بمنطقه كلها فيها صالونات وكلبوهم مسكرين الا صالون واحد بس وكان فاتح بس ليت واحد دخلنا وقلت له اني بقص شعري وبتعدل انا عروس وقال لي احنا بنسكر بس بدام انج عروس بقص شعرج نزلنا السرداب وقاعد يقص شعري اول شي بطريقه غير مرتبه وقام يعدله وفجأه الصالون انترس حريم ويهال وقعدت اقول بنفسي ليش هالناس توه يقول انه بيسكر بعدها رحت ادور على ابوي وماحصلته صعدت للطابق الثاني ومالقيت ابوي وشفت ناس غريبه اغلبهم هنود وبعدها انخشيت بالحمام وبس قعدت من النوم

حلمي الثاني انه زوجي قام يخوني مع خدمي الثنتين جنسيتهم من الفلبين والثنتين احملوا منه كنت هاديه بالحلم وقلت حق اخوي وبعدها قلت حق امي وكنت قاعده مع امي عند غرفتنا القديمه ببيت جدي وتقول امي ماادري اشلون سواها محمد وقاعده اقول لها انه وحده بترد منهم بس ماابي اردها وقلت ماادري اي جنسيه اييب ماادري هندي ماادري اثيوبيه فكانت امي تقول اييبي هنديه حنونه حق اليهال وفجأه انزلوا هالخدم الثنتين من فوق وقاموا يخزونا وبيدهم مقله قاعدين يسوون بيض واترسوا البيض ابهارات

سامحيني على هالحلمين وايد شاغلين بالي ماني قادره اشيلهم من راسي :eh_s(2):

التواريخ حبيبتي ؟؟
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

اختي انا حامل بالشهر الثالث

حلمت اني راكبه السياره مع ابوي ومعاي اعيالي ناصر وطيبه واني حامل بالحلم واهوه بالطريج يقول لي انه راح يزوجني من زوجي مره ثانيه وكنت مستغربه واشلون بيزوجني مره ثانيه وانا متزوجه وعندي اثنين وحامل ووصلنا بيت اهل زوجي مو نفس الصج بس بالحلم انه بيت اهله وانزلوا اليهال وقال لي ابوي مايصير تتزوجين جذيه لازم تروحين الصالون وتقصين شعرج وتتكشخين انتي عروس وبعدها وداني بمنطقه كلها فيها صالونات وكلبوهم مسكرين الا صالون واحد بس وكان فاتح بس ليت واحد دخلنا وقلت له اني بقص شعري وبتعدل انا عروس وقال لي احنا بنسكر بس بدام انج عروس بقص شعرج نزلنا السرداب وقاعد يقص شعري اول شي بطريقه غير مرتبه وقام يعدله وفجأه الصالون انترس حريم ويهال وقعدت اقول بنفسي ليش هالناس توه يقول انه بيسكر بعدها رحت ادور على ابوي وماحصلته صعدت للطابق الثاني ومالقيت ابوي وشفت ناس غريبه اغلبهم هنود وبعدها انخشيت بالحمام وبس قعدت من النوم

حلمي الثاني انه زوجي قام يخوني مع خدمي الثنتين جنسيتهم من الفلبين والثنتين احملوا منه كنت هاديه بالحلم وقلت حق اخوي وبعدها قلت حق امي وكنت قاعده مع امي عند غرفتنا القديمه ببيت جدي وتقول امي ماادري اشلون سواها محمد وقاعده اقول لها انه وحده بترد منهم بس ماابي اردها وقلت ماادري اي جنسيه اييب ماادري هندي ماادري اثيوبيه فكانت امي تقول اييبي هنديه حنونه حق اليهال وفجأه انزلوا هالخدم الثنتين من فوق وقاموا يخزونا وبيدهم مقله قاعدين يسوون بيض واترسوا البيض ابهارات

سامحيني على هالحلمين وايد شاغلين بالي ماني قادره اشيلهم من راسي :eh_s(2):

بنت والعلم عند ربي
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم ورحمة الله وبركاته

حبيبتي اليوم التاريخ 13 يناير
الوقت الفجر حلمت ان ببيتي متروس نمل صغير منتشر بكل مكان

انا حامل بالشهر الرابع

ارقي نفسج وشغلي دايما سوره البقره لانه في نفس وحسد عليج وعلى بيتج والعلم عند ربي
​

 

[شيهانه شماليه]

رد: (✿◕‿◕) تفسيــــــــــر الاحلام (◕‿◕✿)

تاريخ الحلم حبيبتي
​

قبل يومين تاريخ 10 / 12

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

تاريخ الحلم حبيبتي
​

والله اعلم انها بتساعدج بامور ماكنتي تتوقعينها والعلم عند ربي
​