يعطيج العافيه صاحبة الموضوع
دلوعة باباتي..
روعه الموضوع ووايد استفدنا منه وخاصه انه حق الابات التوب..
مس ديور
يعطيج العافيه يااارب ما قصرتي ماشاء الله عليج كفيتي ووفيتي :eh_s(15):
ومشكورين باجي البنات بعد
****
حبيت أضيف برنامج عجيب و وااايد فادني وان شاء الله يفيدكم
- أعطيه 10/10
- نوع جهازي آي فون 3gs الاصدار الاخير 4.2.1
Dropbox
Free من الــ
App store
الشــرح~
طبعا البرنامج نزلته على ايفوني من برنامج الاب ستور اللي بأيفوني..
اهو بالاساس موقع بالنت تحطين فيه صور او فيديو او ملف وشغلات وايد ما جربتها..بس جربت الصور..مثلا اذا ضفتي صوره فيه من ايفونج او من كمبيوترج ينضاف اون لاين على طول..يعني انا ابي صوره بايفوني على لاب توبي احطها بالبرنامج عاد سيده تكون بالبرنامج اللي بكمبيوتري او موقعهم..وطبعا اول ما تسجلين فيه يوصلج على ايميلج اذا تبين تنزلين البرنامج على كمبيوترج..عشان عادي تنزلين فيه بدون لا تدشين الموقع مالهم وتقدرين تسوين كوبي بست حق الشغلات اللي تبينها من كمبيوترج لي البرنامج اللي بكمبيوترج ..حددده روووعه
هذي صورته اول ما تدشين البرنامج من الايفون
myDropbox: الأشياء اللي تحطينها
favorites: مفضلتج فيه
sittings: الاعدادات..فيه ايميلج اللي سجلتي فيه + شكثر غيغا بايت استخدمتي فيه + اذا بتحطين باسوورد له + اصداره + شغلات ثانيه..
help: المساعده
هني الشغلات اللي تقدرين تحطينها بالبرنامج..فيديو + صور + ملفات + صفحات ويب...الخ..مثل مو شايفين بالصوره
للحين ما جربت كلشي فيه..ودي انزل مفضلتي مالت المواقع فيه عشان من وين ما شبكت تطلع مفضلتي بالموقع ماله..
هني مكان المساعده..شلون تشاركين ملفاتج مع الناس اللي مسجله بالبرنامج نفسه وأسئله ثانيه..والبرنامج بسيط وسهل ما يبيله عباله
هني myDropbox فيه بحث بالمربع الابيض اذا كثرت ملفاتج تسوين سيرج..وفوق ع اليمين مسح اللي ما تبينهم.. و تحت ع اليسار الزائد تسوين فيه ملف يديد..واللي بالنص شكل الكاميرا يا تصورين فيديو او صوره ولا تاخذين من البوم صورج صوره او فيديو..
هني داخل الملف اللي انا سويته .. وحاطه فيه صور..اللي تحت نفس اللي قلته مساعه بس اللي زايد .. تحت ع اليمين لما تطقين عليه تطلع كل الصور اللي بالملف مثل الصوره تحتvvv
واذا طقينا على اي صوره نبيها يطلع جذي vvv
اللي تحت من اليسار هذي تشاركين الصوره مع احد..النجمه تضيفينها بالمفضله بالبرنامج..اخر شي السهم هذا تسفين الصوره عندج بالايفون..
ملاحــظــه : أي شي تسوينه من اضافه او حذف او ملف يديد بالبرنامج سواء بالايفون او بالموقع أو بالبرنامج اللي على كمبيوترج راح يتطبق عليهم كلهم.. و بعد لما تدزين دعوه حق احد تعرفينه عشان يسجل بالبرنامج راح يزيدولج السعه اللي تحطين فيها عندهم.
وهذا موقعهم..يصير تسجلون منه او من البرنامج بالايفون
https://www.dropbox.com/register
وأتمنى شرحي واضح.. وأي استفسار أنا حاضره..
ومشكورين ^_^
<<احسها مقهوره ليش اني من لحم ودم وهي من حديد
