❀✿ قبل بداية سنـــة 2013،، أبيكم شوي يا خواتي ❀✿

[نهى الأحمد]

السلام عليكم


وصباحكم عسل مثلكم يا خواتي


شخباركم


عساكم بخير


ادري من زمان ما نزلت موضوع وماكتبت شي



الدنيا تلاهي والظروف احيانا تحكمنا


الحمدالله على كل حال


المهم ،،،


الانسان دايما في نهاية كل سنة تمر عليه يتمنى انه السنة اليديده اللي رح يقبل عليها
تكون احسن وافضل وتكون سنة خير عليه وعلى الجميع


السنة اللي تخلص بكل ماصار فيها من أحداث وظروف ومواقف وصدمات المفروض نقول من بعدها


الحمدالله على كل حال وانه احنا بخير وقدرنا نخلص منها على خير


واهم شي انكم تكونو تعلمتو درس من كل سنة طافت


وتبتدون بسنة يديدة

سنة خير ومحبة واخلاص ووفاء


وترا الدنيا ما تخلى من المشاكل والظروف الصعبة


هالشي لابد منه


بس المهم انه الانسان يعرف شلون يتخطاها بقوته وعزيمته وتوكله على الله عز وجل



والحين يا خواتي


قبل بداية السنة اليديدة


كتبوا لنا

شنو تتمنين يتحققلج باذن الله بالسنة اليديدة 2013



وشنو الأشياء اللي ودج تمسحينها من ذاكرتج قبل لا تبتدي السنة اليديدة ؟

عاشوا احلى بنات


عاشوا عضوات كويتيات

:eh_s(9)::eh_s(9)::eh_s(9)::eh_s(9):

بقلمي الخاص

أختكم

نهى الأحمد

 

[M!SS.LOBY]

مشكوووه يا مبدعه
وعسا هالسنه هذى سنة خير علينا وعلى ديرتنا

 

[نهى الأحمد]

مشكوووه يا مبدعه
وعسا هالسنه هذى سنة خير علينا وعلى ديرتنا

العفو حبيبتي

نورتي


اللهم امين

 

[نوف الصقعبي]

آتمنى إن ربي سبحانه يثبتنى على الصلاة وعلى طاعته ويحسن خاتمتي ويبارك بعيالي
ويحسن خاتمتهم وتتغير الكويت للأفضل وتزدهر أحسن من أول
وأن يهدي بعض بنات هالوقت فى طريقة لبسهم المبتذل بالعري وأن يرد كل زوج وزوجه زعلانين مع بعض لبعض
ويبعد عنهم عيال الحرام
وأن يرزق كل محروم ومحرومه من نعمة الإنجاب
بالطفل اللى يسعدهم ويملي عليهم دنيتهم بهجه وسعاده ويبارك لهم فيه
وأن يبطل كل سحر تضررو من وراه إسر وأزواج وأخوان وأهل
ويقلب السحر على الساحر وعلى من لجأ له

آتمنى الكويت تعمر وتصير حلوه

آتمنى ربي يبرد على قلب كل إم وكل أب وكل زوجه وكل إخت وكل أخو
فقد له غالي من هالدنيا
ومات

مادري
وآيد هي الآمنيات
والحمدلله على كل حال



آنسى
.
.
.

ياريت كنت آقدر آنسى
يانهى​

 

[شادن33]

بالنسبه لي كنت اتمنى ازور بيت الله وهذي امنيه كل سنه تقريبا والله رزقني هالزياره وياربي لاتحرمني من زيارته كل سنه

وياربي تكون هالسنه سنه حلوه خير لنهووووي ويعطيج الصحه والعافيه هذا اهم شي

 

[هناء - Hana]

تبين آلصج ؟
سنه 2011 وسنه 2012 آستغفرآلله ي ربي سنه شينه شينه شينه وم حلوه ولآشيء بحيآتي بهآلسنتين شيء آستآنست فيه كله xx آلآ نآدر
عآلعموم شدني آلموضوع وآيد آتمنى آتمنى آتمنى من ربي آنه سنه خير ي رب آحلى سنين عمري وتعوضني بآلي خسرته وطوفته
ي رب سنه خير وحلوه فديتج نهووووووي تشجعين آلوآحد لوووول تسلمين ومآقصصرتي مبدعه

 

[روز بآريس]

سلـآم ي هلأ َ

والله وآآآيددد اششيآآء ابيها تحقق


وآآبــي سسوووؤريــآ تتتحرر
وابي يمووت بششآر ويقطونه من فوووق 190639063 قــدم ويموت وافتكك

مثلأـآ ابيي يكون لي ايبآد >اقول برآآ بسس
لـآ صج ابوي يقول بلاـآك بيري ولا ايبآد وانا مو مقتنعه على شنو بالظبط

وابي الكووؤيت تتطوور وتبني عممآآيير يدد واشكآل واللوآآن

وابي ادرس واييب نسبه حلوه هذي كلمتي من سنيين وللحين حـآلي
واآبي اننسسى كل ششي يخص الآء ويخص ابوـهآ
وأتذككر : ان الدرآآسسهة هي صج مفتآح ودرب الطرييجج ولاني ندمآنه


والي اللقآآء

 

[*مطبخ الذواقة*]

يعطيج العافيه حبيبتي على الطرح اﻷمميز كعادتج ..
بالنسبه لعام 2012...نسال الله أن يغفر لنا خطاءنا وجهلنا واسرافنا في امرنا ...

وعام 2013
أتمنى الأمن والأمان في ديرتي ..وفي كل أراضي المسلمين...

أتمنى ان يرفع الظلم عن كل مظلوم ...
أتمنى ان تغسل القلوب ويزال عنها سواد الحقد والحسد ..
أتمنى ان يرينا الله الحق حقا ويرزقنا اتباعه ويرينا الباطل باطلا ويرزقنا اجتنابه ...

أتمنى لي ولكم ولعموم المسلمين ..الصحة والستر والعافيه ....

وان يبلغنا الله واياكم شر رمضان ويرزقنا واياكم حج بيته الحرام ..



وأتمنى لج التوفيق حبيبتي وأسأل الله ان يرزقج بما يسرج ..عاجلا غير أجل ...

الله أمين..

 

[FaRo0o7a_Q8]

امممممم انهه يسهل لي دربييي و يسهل لي دراستي اميين يارب

 

[رقـة الاحسـآس]

سنه 2011 و سنه 2012
كانو ابد مب حلوين بالنسبه لي
والحمدلله ع كل حال
واتمنى صدق هالسنه اني احس بطعم السعاده و ارد احس بحياه فقلبي

اتمنى انه الله يرزقني الشخص اللي اتمناه < ما مبينا علاقه لا تخافون ههه
واتمنى انه الله يرزق خواتي بالازواج الصالحين اللي يحبونهن و يحترمونهن و يقدرونهن يارب
اتمنى ابدا بدراسه الماجستير
اتمنى احصل وظيفه مناسبه و ارتاح فيها و اطلع من المكان اللي انا فيه حاليا

 

[حديث الروح]

سلمت أناملك الذهبية وأفكارك الجميلة يانهى !!

نسأل الله الستر والعافيه وراحة البال والرزق الحلال ولأهلنا وأحباؤنا بالمثل

ونسأله تعالى على الصعيد القومي والاسلامي لأمتنا الإسلامية العز والنصر والخير

وللمجاهدين في سوريا وفلسطين وفي كل مكان النصر وأن يحل السلام في جسد أمتنا العربية في كل مكان ..

سلمتى بانهى الخير !!

اللهم بارك لمنتدانا وأدم عطاؤه وعمره بالقلوب المحبة !

 

[اميره1980]

سنة 2012 صارلي فيها اشياء زينة و مو زينة
اللي مو زين زوجي توفا و ترملت بعمر صغير و الحمدلله على كل حال و الشي الزين اني رحت للحج و الحمدلله على كل حال و الشي الزين اني ضعفت و نزلت وزني بصحة و عافية و الحمدلله يا رب

اتمنى بالسنة اليديدة ان الله يعوض صبري خير و يمسح على قلبي و ارتاح بحياتي و اتمنى لجميع المحرومات من الذرية ان الله يرزقهم الذرية الصالحة السليمة عاجلا غير اجل يا رب
و اتمنى للامة الاسلامية الخير و البركة و الله يحفظ لنا الكويت و شعبها من كل مكروه
و اتمنى مع السنة اليديدة اني اشوف اللي قتل الدكتور اللبناني معلق من رقبته حسبي الله و نعم الوكيل فيه الله لا يوفقه
و اتمنى من الله سبحانه يشافي جميع مرضانا و مرضى المسلمين يا رب

 

[مهندسه مستقبل]

اللي اتمناه ممممم ان اخذ شهادة الهندسه و اكمل الماستر ان شاء الله ^_^
اللي ودي ينمسح شي مستحيل ينمسح لان لاصق بالذاكره :\

 

[وايليه 1]

الجنه مع كل سنه جديده اول كلمة لازم تنقال بلسان وايليه :

يالله الجنه / وتبارك لنا بعمرنا


ذاكرتي لاتمسح الاشياء بل تظل ترسخ تلك الاشياء بالذاكره ومع كل سنه

انا لا أنسى للأسف




شكراً

 

[Pinky -cat]

اتمني من كل قلبي يعم الامان بالكويت ويتحسن الحال ، ويتعدل الوضع بسوريا وترد نفس قبل

واتمني الله يوفق زوجي ويحل مشاكلة كلها ويرزقني الذرية

 

[Pinky -cat]

مشكورة حبوبة على الموضوع ، وعسا ربي يحقق لكل انسان امنيته وتكون سنة خير على الجميع

 

[معزوفة عشق&]

يااارب اجعلها سنه خير وسعاده وبركه علينا و ع الامه العربيه والاسلاميه اجمعين ياارب
الامنيات كثيرة يالله ان تحققها لنآ

 

[جيرازksa]

اتمنى يعم السلام كل انحاء العالم العربي

اتمنى اتخرج دا الترم على خير ان شاء الله

واتزوج واحمل وبعدين اتوظف

 

[الكيكه دندن]

موضوع حلوه عندي وايد امنيات للسنه اليديده وان شاء الله تتحقق

1-اروح بيت الله
2-وادخل دار تحفيظ القرآن
3-ادخل جامعه قسم تصميم ازياء واخذ دورات بالمكياج
4-اتزوج الزوج الصالح اللي يخاف الله ويصير عندي بيبي حلوو (الذرية الصالحه )
5-يطول شعري
6-اضعف 5كيلو هههه عيزت ونا احاول انزل المشكله احب الاكل الدسم والشوكليت بس ان شاء الله انزلهم
7-يكون كل اللي احبهم بصحه وعافيه
8-تتعدل امور الدول العربيه والمسلمه ويعم الامن والسلام عالكل

آمين

 

[فررصة]

وعليكم السلام ورحمة الله وبركاته
بارك الله فيج نهوووي ماشاءالله عليج دايما سباقة للخير
ومواضيعج راقية
اتمنى من ربي الثبات على الدين الحق
واني اتوفق بدراستي وازور بيت الله عمرة واحج بقدرة ربي
وان الله يحققلي كل شيء جميل يحبه ويرضاه لعباده الصالحين ويجعلني منهم يارب
لاخلا ولاعدم يالغالية ..