انإ بـ إافضفض وإنت يإ شعر ملزوم
تسمع ( حقيقة واقعي ) من خيالي !
عني بـ اسولف لك وعن قلب مهزوم
يعني ابهذي لك / مدامي [ لحالي ]
انا بشر ماني عن الذنب " معصوم "
لكني اعرف من حرامي / حلالي !
مـ اتخيل اني اظلم انسان في يوم
ومـ اتحمل اني اجرح بـ يوم غالي !
اعيش عمري كله ( بـ قلب مظلوم )
ومـ أخون لي صاحب ولو ما وفالي
ومانيب من يعرض مباديه لـ السوم
و مشاعـره ماغيـر هـرجٍ / يقالي !
انا كلامي فعل .. واقـوالي سلـوم !
( الصدق ) نهجي والوفاء راس مالي
لي في حياتي حزن / وآلاام / وهموم
وجواب عيا ( يستسيغه سؤالي ) !
مـ احب اجيب علوم / واودي علوم
[ الصمت ] يبقى خصلةٍ من خصالي
الله خلق فـ الناس معطى ومحروم !
و" حرماني " اعظم درس مما جرالي
رضيت بـ اقداري وماكان مقسوم
وعسى العوض في مقبلات الليالي
ومع كل هذا يا / شعر كل ٍ يلوم !
ولا فيهم اللي قد تركني بـ حالي
ناس ٍ تحاسبني على غفوة النوم !
وناسٍ تراقبني ، وتتبع [ ظلالي ]
زمن غريب مْن الاحاسيس معدوم
حاليه مر ، ومرّه يصير / حالي !
رح قل لهم ياشعر وشهوله اللوم ؟
مادمت آحس بـ راحتي فـ إنعزالي
