رد: 【 حملة عرايس ~> ● 2013 ● <~ تفاؤلو بالخيـر تجدووهـ 】 الجزء ( 3 )
سلام عليكم ورحمه الله وبركاته
صبحكم الله بالخــير والرضا ,,شلونكم صبايا ان شاء الله بخـير
وشبكم كذا وانا داخله متحمسه بشوف شخباركم ,ضيقتوا صدري
فديتك دندووووونه ,لسا مسافره ولارجعتي .؟
هدوء مريوومه جزاكم الله خيررر على مواضيعكم
ايمان ربي يكتبلك الي فيه الخير يارب ولكل الصبايا هنا خاصه وبنات المسلمين عامه
اهلييين قلبي محمد وين الغيبه عسا خيرر حبيبتي
اروى وقلبي محمد ربي يفرج همكم وكل مهمووومه يااارب ,لاتحطون فبالكم ان الكل مستانس وان كل الي يكتبون عن التفائل وحسن الظن ويحمدون الله مستانسين مو شرط يابنات . يمكن بس لو يحكون لك ظروفهم تكون اكبر بكثيررر من الظروف الي تفكرين فيها , بس حسن الظن هم الي يخليهم يتفائلوا ويحسون بسعاده من جواهم ,والله احيان لما اصحى من النوم اقول بنفسي اليوم حلو اليوم بيصير شي حلو وبنهايه اليوم حتى لو ماصار شي افرح الحمد لله لان حسن الظن عباده لله يعني ماخسرتي شي وشي ثاني يابنات ترا هالدنيا زايله مايصير نتعلق باشياء اكثر من اللازم اذا ماصارت نتحطم ,ادري يمكن الحين وحده منكم تقول هذي تتكلم وهي ماتدري عن ظروفنا او تتفلسف او بتقولون احنا مو نطلب اشياء مانبي شي بس نبي نبعد عن الهموم ,تقريبا كلنا بنات بنفس التفكير وفاهمين بعض ,وكلنا تجينا هاللحظات وماننكر بس لازم نحسن تصرفنا معها نقوم نتوضى نذكر الله نقرا قران ,كم لنا ماقرأنا قران ؟ نفكر نحاسب نفسنا ,,نلعب مع طفل صغير مايعرف شي عن الدنيا ,او نجلس مع انسان كبير جدك جدتك انسان عارف الدنيا كلها نسمع سوالفهم ,نتصدق , براسك طبخه تحبينها او من زمان تبين تتعلمينها قومي صلحيها جربي بس مو تحوسون مطبخ اهلكم هههههههه ,عندك دراسه ادرسي لهدف معين انك تجيبين معدل حلو درجه كامله مو دراسه وبس حطي فبالك هدف ..
وقبلللل هذا كله احمدوا الله على العافيه ,طيب انتي تفكرين انا ماخذيت شي من هالدنيا ولا حلم تحقق وكل شي مسدود ويبدا يوسوس لك الشيطان ويحطمك ,,مقابل هذا كله تذكري في ناس بالمستشفيات وانتي سليمه معافاه ماشاء الله ,,فيه ناس كفيفه حلمها دقيقه وحده بس تفتح عيونها وتشوف الي قدامها ,وانتي ماشاء الله رحتي وفكيتي اللاب وجالسه تشوفين ,عندك نت دخلتي شيكتي ماشاء الله فيه ناس ماعندها امكانياتك هذي ..
والله يابنات باكثر من مووقف اشوف ناس من ذوي الاحتياجات الخاصه واكون ساعتها افكر بنفسي وباحلامي ووالله يمرون من قدامي والله يابنات احسها رساله من ربي اني احمده انا بصحتي وبكامل عقلي وفيه غيري يتمنى هالاشياء وانا جالسه اعدد الاشياء الي ناقصتني ,تقريبا موقفين صاروا لي ,,
وهالكلام لكل البنات هون مو لاحد مخصص ,,احمدوا الله على نعمه الموجوده واسالوه ماتمنيتوا من نعم ,واستودعوه احلامكم وامنياتكم ,,وعند الله لاتضيع الأمنيات..
كثرت كلام بس والله من قلبي كتبته ماحبيت اشوف خواتي بهالوضع,والله يفرج همنا وهم كل مهمومه ياااارب وعقبال ماتدخل كل وحده بخبرر حلوووو يااارب ياكريم انك ولي ذلك والقادر عليه...
