شلونكم حبيباتي
ان شاءالله تمام
( دريمي غيرل )
حبيبتي انتي ليش مكبرة المشكله جذي ! يعني قصدج عشان هو شيعي و انتي سنية ؟
انزين وين المشكله ؟؟
كلنا مسلمين و مافي فرق بين سني و شيعي
و على فكرة فيه فئة بسيطه من الشيعه فاهمين الدين غلط و هم في فئة بسيطه من السنة فاهمين الدين غلط
و انتي تقولين ان اللي ودج ترتبطين فيه اخلاقه عاليه و محترم خلاص شنو المشكله ؟؟
انا شيعيه و كل عماتي شيعه و متزوجات كلهم من رياييل مذهبهم سني
و اختي متزوجه ريال مذهبة سني
حبيبتي اذا كنتوا انتوا الاثنين متفاهمين صدقيني مافي اي مشكله
كلنا مسلمين الحمدلله و عقيدتنا وحده و ربنا واحد و رسولنا واحد
بس الاختلاف في المذهب و كل واحد يعتمد على طريقة فهمه للمذهب نفسه
بس في النهاية كلللللنا مسلمين الحمدلله
حبيبتي لا توقفين نصيبج عشان شي يمكن انتي مو فاهمته عدل او ماخذه فكرة غلط عنه
و عموما حبيبتي شوفي المناسب و سويه و ربي يوفقج ان شاءالله يا قلبي للي فيه الخير يارب
