彡لا جــــذي عاجبـــهم ،، ولا جــــذي عاجبـــهم....بسكم شغل تحطيم معنويات彡

[نهى الأحمد]

رد: 彡لا جــــذي عاجبـــهم ،، ولا جــــذي عاجبـــهم....بسكم شغل تحطيم معنويات彡

اولشي نهى انا اول ماقريت العنوان نقزت

مواضيعج هالفتره احسها حيل تخصني واحس انها حيل تلمس جانب مأثر علي بحياتي هالفتره
احس اني بمرحله ابي ارتب اوراقي وابدي صفحه يديده مع نفسي وبحياتي
عقب ماتبعثرت بعض الاوراق ولازم اعرف شنو الورقه اللي بردها بالكتاب وشنو اللي بشقها واحرقها

اولشي هالفئه من الناس ..
مثل ماقلتي تقتلهم غيره وقبل نقول غيره اختي نهى اعتقد انهم يعانون من خلل نفسي ..
احساس الغيره موجود وطبيعه اتوقع انها موجوده عن اغلب البشر الطبيعين والغير طبيعين
بس لما تكون غيره توصل لدرجه الحقد واشتعال القلب بالكره والبغض اتجاه الطرف الثاني هذا يعتبر مرض

ومن اكبر المؤشرات اللي تدل على مرض هالشخص
ان تلاقينه اهو بالاساس عايش بنعمه ومرتاح ومستانس ومو قاصره شي
بس بالمقابل مايبي غيره يرتاح ولا يستانس ولا يتمناله الخير ولا يحبله اللي يحبه لنفسه مثل ما امرنا رسولنا الاعظم احب لاخيك ماتحبه لنفسك
اهني الخط الفاصل

اعطيج مثال ..
وحده كانت راده من السفر وكانت مستانسه وتسولف عن سفرتها
انصدمت وانقهرت لما درت ان وحده معانا بالدوام بتسافر لنفس الديره
وانقهرت واحسدتها
انزين انتي توج راده ليش الحسد ؟؟

وحده متوظفه بمكان مرموق
وانقهرت لما بنت خالتها اتوظفت بنفس المكان بس بفرع ثاني
قامت تذم بالمكان وتقولها اشتبين فيه ومايصلحلج ومو مريح
وهذيج طاعتها وارفضت الوظيفه
وعقب مارفضتها ردت بنت خالتها تمدح بمكانها وشغلها وانها مرتاحه ومستانسه

اهني بهالحالات ليش يكون في غيره ما ادري ؟
ما تبي احد مثلها ؟
ماتبي للناس الخير ..؟؟
او تبي اللي حولها انزل من مستواها وعيشتها


هاذا مرض مو بس سالفة عاجب ولا مو عاجب ..

قبل جم يوم دقت حماتي وكانت متظايقه وتشتكي ان في ناس مو عاجبهم شغله خاصه فيها
قتلها فلانه ..!!
عيشي حياتج
العمر مره ..!!
الناس بيظلون ينقدون
لو شنو تسوين
ليش التفت للناس ؟
ليش اخلي لكلامهم دور وتاثير بحياتي
ليش اسمحلهم يتكلمون اصلا
ليش اشاركهم خصوصياتي ؟

سافرت مو لازم يعرفون وين رحت
طلعت مو لازم يعرفون وين طلعت
حصلت وظيفه ولا علاوه ولا ترقيه مو لازم انشر الخبر

استانس بصمت او اشارك الناس اللي فعلا ادري انهم يحبوني وقلبهم علي امي ابو خواتي زوجي ادري هالناس بيطيرون من الفرحه
غيرهم ماني مجبوره لا اشاور ولا اعطي خبر ولا اتناقش ..!!
اسوي اللي يعجبني وبس
وخل الناس يتكلمون ويعيبون ويظحكون ويتشمتون او يحقدون اهم شي انا ما اخلي شي بقلبي واعيش مرتاااااااااااااااااااحه
خل الناس يذمون خل يحشون خل ينقدون

في شي اسمه طاف ..!!
عشان اعيش حياتي متهنيه ومرتاحه لازم اتعود اعطي طاف واصك اذوني عن اراء الناس وسلبياتهم ..

هلا وغلا حبيبتي باتشووو


تسلمين على المشاركة الرائعة ياقلبي

دوم تعجبني ارائج وردودج ياقلبي

تكون بصميم الموضوع :rerrerek:


المشكلة ياقلبي انه كلنا نعاني من هذي المواضيع لانها من واقع حياتنا


كل اللي اقدر اقوله

عسى ربي يبعد عنج شر مخلوق
وانتي ماشاءالله عليج سنعة وراعية واجب ياقلبي


وصدقتي

احسن حل لهم

اكبر طاااااااااااف

 

[om MaRyooM]

رد: 彡لا جــــذي عاجبـــهم ،، ولا جــــذي عاجبـــهم....بسكم شغل تحطيم معنويات彡

عدل كلامج
الحرص واجب










ومشكورة عالموضوع

 

[al-musk]

رد: 彡لا جــــذي عاجبـــهم ،، ولا جــــذي عاجبـــهم....بسكم شغل تحطيم معنويات彡

عدل كلامج واحنا لازم نمرن نفسنا وافكارنا ان الناس ماياثرون علينا بطاقتهم السلبية-يعني اطبق هالشي بحياتي وفعلا ما اهتم مواقول مايهمني وادور وراهم شنو يقولون عني وشنو قصدهم

 

[نهى الأحمد]

رد: 彡لا جــــذي عاجبـــهم ،، ولا جــــذي عاجبـــهم....بسكم شغل تحطيم معنويات彡

حياكم الله حبيباتي

 

[ي حليليِ]

رد: 彡لا جــــذي عاجبـــهم ،، ولا جــــذي عاجبـــهم....بسكم شغل تحطيم معنويات彡

نهى حبيت مواضيعج واتشرف بكونج من قائمة صديقاتي
.
.
ب النسبة لموضوعج والله مادري شقول ،

الدنيا تغيرت والناس ما عادت مثل اولها ، المشكلة ان قلبي ابيض وماني مقتنعة بهالشيء ، واللي بقلبي على لساني
ما اهتم ب اللي حولي ، خصوصاً رفيجاتي بالكلية اسولف معاهم ،
والمشكلة دايماً احلم ب ثنتين انهم حاقدات علي !!!!
احسهم حاقدين علي لاني ناجحة بحياتي ،،،
والله ي عالم احاول امسك لساني ما قدررر
ودي اكون كتومة وماقول اي شيء ، بس ماقدر ماقدر .....


الله يعين بس ،

سبحانك اللهم وبحمدك اشهد ان لا اله لا انت استغفرك واتوب اليك ....

 

[ماتغير شي]

رد: 彡لا جــــذي عاجبـــهم ،، ولا جــــذي عاجبـــهم....بسكم شغل تحطيم معنويات彡

شافونا ناجحين في حياتنا مايعجبهم هالشي ولازم يوقفون بطريقنا بأساليبهم السلبية


••••••




اي والله صاجه المشكله من انسان حيييل قريب مني وفعلآ وصل لغايته ​

 

[كويتية بروما]

رد: 彡لا جــــذي عاجبـــهم ،، ولا جــــذي عاجبـــهم....بسكم شغل تحطيم معنويات彡

كلامج كله صح

انزين انا من النوع اللي يعصب ويحتر لدرجه اني ابجي قهر
لما تكون يمعه ومرت اخوي اصغر مني ب 10 سنين مابيني وبينها الا السلام
اتكلم تسوي حركات بويها يعني مو عاجبها او تتمصخر علي
ولا تنظر لي نظرات احتقار ع فكره هالحركات بدون سبب انا مو بالكويت وما اي الكويت الا كل 3 او 4 شهور اجازه مده اسبوعين يعني من تزوجها اخوي التقيت فيها 10 مرات
انزين انا اقدر امسح فيها الارض بس ادري بخسر اخوي عشانه اسكت
شنو الحل مع هالناس اشلون ابرد قلبي و ما احتر
ودي اتعلم التطنيش
احس هالشي ياثر ع نفسيتي وعلاقتي مع زوجي
وقالي ان كانت زواره اهلج اليمعه تتعب نفسيتج بقطعج منها
عاد ردتي للديره قربت ومافي عقبها غربه ابي شي يعلمني طوله البال والتغاضي ادري شطيت عن الموضوع
علموني