10 ايـــــــــام ولا ادري عـــــــــنــــــــــة شـــــي؟؟؟!!!!!!!!!!

[تيوليب]

يابنت الحلال هدي اعصااابج دام انتي حلفتيه خلاص لاتحرين عمرج الريال لو بيخربط بيخربط وانتي معااه خلي اسلوبج حلوو معاه .. خليه يرفه عن نفسه ويستانس مع رفيجه وين المشكله ادعييله اني ربي يحفظه ويبعد عنه بنات السوء.... اكسبيييييييييييييه لاتوصلينها للطلاق دام اهلج موناقصين وامج وابوج كبار بالعمر موزين عليهم ... تعوذي من ابلييس اقري كلام ونصييحه اشتياق عسى ربي يحرم وجهها من النار والله العظيم انها فتحت مخي عددددل انا كنت افكر نففس تفكيرج بالضبط لو بيسافر ريلي بس حطيت نفسي مكانه لو انكد عليه بيكرهني ... لاتصيرين نكديه ولا تكبرين الموضوع .. كل الرياييل يسافرووون مع ربعهم .. خليه يشتاقلج ولو يفكر مجرد تفكير لاسمح الله يخربط را يأنبه ضميره صدقيني حببي الريااال فيييييييييج هذي نصييحه امي ..تذكري الريااال لو ناوي يلعب يلعب حتى بالكويت ... اهم شي انج تدعين له ووبس ,,, وعسى ربي يمسح على قلبج ويهديكم لبعض ويسخركم اميييييين انا ادري انج متضاايقه ومحتره عاادي تصير باحسن العوايل .. اهم شي لاتخربين بيتج باييدج .. ترى انتي الخسرانه ....

 

[*g!vnchy]

شوفي انتي حطيتي موضوع
فتحملي الرد اللي بقوله
وتحملي كل شيء بقوله وسمعيه عدل
اولا اذا بتمين على هالحال ابشرج منتي مطوله على ذمته
وشوفي انا انصحج لاني كنت نفسج
وعلبالي الزوج قطعه اتملكها ولي حق اتصرف فيه كثر ما ابي
بس عقب ماانقرصت وتطلقت وعلمتني الحياة اشياء ألحين قاعده انصحج فيها
واحذرج
غيري اسلوبج هذا ريـال مو وحده من رفيجاتج
وزوجج يحبج دليل يجاريج ويحاول يرضيج
الريـال لي بغا يسوي شي مايرد على اكبر راس
مع هذا حاول يدور رضاج ويروح وانتي راضيه
مارضيتي شيسوي يعني؟يقعد خوش واحد ويسمع كلام مرته؟؟؟
اهو مو مره عشان تحكمينه
قال يبي يروح يروح مايشوف شر
بكل طيب وحب تكسبينه
وحمدي ربج متفهم اوضاع اهلج ويقولج نامي عند اختج
لو واحد غيره جان قعد يعاير فيج
انا فاهمه شنو تبين وفاهمه غيرتج وشوقج
وفاهمه انج تعتبرينه غلطان زليون %
لكن اصحي
الرجل رجل والمره مره
وزوجج عمرج ماراح تخلينه خاتم باصبعج الا بطيبج وهدوئج وعشرتج الحلوه
وغير جذي بيمل ويزهق منج
وشكثر كاتبه رجوله ونخوه ومادري شنو؟؟؟
بشنو مس رجولته ماشوفه سوا شي
الريـال سافر وانتي ناشبه مو راضيه حاول لين قال بس يروح برضاج وهم ناشبه
يهديج يرضيج مااااااااااااكو
شتبينه يسوي؟
رد على اتصالاتج حاول يبرد قلبج مااااااااااكو
شغاله مسجات وشابه عليه؟؟!
زهق
قال اهي معصبه معصبه خلني ارتاح شوي ولمن ارد الكويت يصير خير
يعني لاحق على المشاكل؟؟!
انا اقول وسمعي وفهمي
لاتطلعين السفره من جبده لانها بتطلع من جبدج
وعقلي يامره وكبري مخج
انتي تحبينه واهو يحبج
شحقه هالعداوه
تخيليه اخوج والتمسي له اي عذر
استقبليه بحب
لا وبعد اعتذري عن مسجاتج قولي اغار عليك وخايفه عليك اسمحلي ما اقصد اغثك
لا والله يهدج وجنه العيد والله يرزقه بوحده تقوله هلا ان ياها والله يحفظك ان راح عنها
عقلي
اكرر
استهدي بالله وتعوذي من ابليس يا اشتياق القديمه الياهل
حيل ذكرتيني بنفسي وحرتي وقهري وحبي لتملكه وشلون ابين له حبي بهالعنف
صدقيني ماراح توصل له هالفكره
بالعكس راح يكرهج
الكلام هذا طالع من قلبي
تكفين اصحي على عمرج وتلاحقي موقفج
هذا حبيبج ميخالف مانقص منه ايد ولا ريل كاهو بيردلج ومرده لج
ومو مخليج عن غابة الذئاب مخليج ببيته ويدري ماعليج خوف
الله يهدي سرج يارب وتقتنعين

مع اشتياق 100%ي اشتري راحتك مايسوى اللي تسوينه بنفسك

 

[ذكريات]

رد : 10 ايـــــــــام ولا ادري عـــــــــنــــــــــة شـــــي؟؟؟!!!!!!!!!!

انا اشوف ان انتي الغلطانه !!!

 

[كنوشة 2009]

اشتياق ما شاء الله عليها كفت ووفت
ديري بالك على ريلج ولا تكرهينه فيج اكثر

 

[نـوارة]

والله حزنت على زوجك ناشبتله نشبة مو طبيعية الله يعينه >>سوري ع الصراحة
بس انتي الله يهديك ترسليله رسايل دعاوي عليه وكل شوي داقة عليه اكيد بيطفش
استني الين مايرجع واعتذري عن كل اللي سويتيه لان مارد عليك الا اكيد وهو زعلان واذا عن انك خايفة انه يسوي السوالف اللي مو زينة فهو قادر يسويها وهو عندك مايحتاج يسافر والله يهديك ويهديه ويسخركم لبعض ان شاء الله ,,,,

 

[أم شلاش]

رد : 10 ايـــــــــام ولا ادري عـــــــــنــــــــــة شـــــي؟؟؟!!!!!!!!!!

الله يعين زوجج بصراحه

وانا مع كلام اشتياق الله يجزاها خير ماقصرت
اقري ردها كذا مره بالصفحه الاولى

الله يهديج بس

والله مفروض تحمدين ربج وتشكرينه انه مبين يحبج ويحترمج وشاري خاطريج
والدليل حلف وقالج وحتى يبي يسلم عليج ويراضيج وسادتها عليه من كل صوب

وانتي شابه عليه

وبعدين نصيحه لوجه الله
حسني علاقتج معاه ومع اخوانج بعد وكل اهلج

اللهم استر علي فوق الله وتحت الارض ويوم العرض

 

[عادت ذكرياتي]

حبوبة هدي .... وذكري ربج وتفاهمي معاه لمن يرجع من السفر ...
الله يهدي سركم

 

[بيتي بوب بس كويتيه]

حبيبتي الغلط منج انتي
هذا ريال وزوجج ما يصير تتعاملين معاه بعناد الله يهداج
اخذيه بالهداوه
وكل الي صار منج انتي حديتيه يسكر جهازه علشان يرتاح
ويا قلبي لو الريال بسوي شي يسوي أهني بالديره تراهم متروسين
خلي الريال يسافر يستانس عادي سفره الربع حلوه وغير عن سفره الأهل هذي لها جوها
انشالله برد هدي نفسج وكلميه عادي واخذي بخاطره

 

[بنت الثانوية]

انا وياجوييا ريلج,,

والله لو يسوي فيني نفس الحركه بنبط ..

بس ريلج بعد معذور

ترا السفر موكله لازم خرابيط ..

انتي شكلج ما جرتي سافرتي بروحج من دون ريلج<<يعني انا إلي جربت ..

بس والله خالتصير بس خالتصير عزيمه ولا عرس او بتروحين سوق لج خلق كل شوي داقه على ريلج..

حتى لو بدقين بدقين مره باليوم إلي بتكونين مشغوله فيه
بس اذا هو مثلا دقلج ليش بدقين مره ثانيه ؟؟

وانتي شكلج مو مخليتله مجال يدق

اقولج انا حاسه فيج حتى ريلي حتى وهو مسافر ويه عمي اخو ابوي اشك فيه هههههه بس بسلوب حلوو

 

[الدميره ..]

رد : 10 ايـــــــــام ولا ادري عـــــــــنــــــــــة شـــــي؟؟؟!!!!!!!!!!

راجعي نفسك أختي الغلط من أسلووووبك معاه

 

[غير كل الناس]

طفرتيه بكثره التصال والظاهرغير رقمه


يابنت الحلال مرده بيرجع كامل موناقص منه شي وفرصه تشتاقون لبعض

 

[عشقي عيونك ~ }]

رد : 10 ايـــــــــام ولا ادري عـــــــــنــــــــــة شـــــي؟؟؟!!!!!!!!!!

حبيبتي لا تفكرين بالطلاق ولا شي ترا والله الطلاق مو حلوو

عددلي اسلوبج معاه وشوفي شلون راح يصير =)
موفقه

 

[love love]

ادري تغارين وقلبج محترق بس اسلوبج بيتعبج زياده لانه ماراح يمشي مع ريال وان مشى معااه فتررره وبتعدي وخلال هالفتره بتكرهينه بتحسينه بدون شخصيه


واشتثيااق قالت الي عندها كله واحس من قلبها طالع

 

[amooon82]

الله يهديج يااارب

اسلوبج ينحش مايقرب والله

انا مع اشتياق بكل اللي قالته

بعدين مو شرط انه يماشي واحد مو زيين لازم يخربه ويصير مثله

ياما عرفنا بنات يكلمون و و و بس عمرنا ماصرنا نفسهم

كل من عقله براسه يعرف خلاصه

لاتخلين الشيطان يلعب بعقلج وبعدين اذا على سفره وزعله بتتطلقيين باجر شبتسوين بدنيتج على اي شي بتستلسميين

الله يهدي سركم يارب​

 

[احب المنتدى]

رد : رد: 10 ايـــــــــام ولا ادري عـــــــــنــــــــــة شـــــي؟؟؟!!!!!!!!!!

عمره الرجال ماراح يسمع كلامج دام اسلوبج جذي

شابه عليه دعاوي وبلاوي احقريه يركض وراج

شدعوه رجوله وشهامه خليه يسافر يرفه عن نفسه واذا بيخربط بتعرفين بعدين

شنو استفدتي الحين ...

مارد عليج الانه لاعت جبده ..شدعوه عليج كل هذا نكد

انا معاااااااهاااااااااااا

 

[Laidy n3ooma]

رد : 10 ايـــــــــام ولا ادري عـــــــــنــــــــــة شـــــي؟؟؟!!!!!!!!!!

تبييييين الصجججججججججج !!!!!!!!!!!!!!!!!!!!!!!

انتي وااااااايد نكديه !!! واسمحيييييييييلي .. بس انتي تبين الحل وانا اعطيج اياها بويهج ..

منكده على الريال عيشته .. وفوق هذا كله ماشفتي عليييه شي .. واتصالات ومسجاااات والصراحه مب حلوه فحقه تقعدين تتصلين عليه مليون مره ورفيجه معاه .. يعني حتى لو رفيجه شيشه ماينلام لو سمع كلامه ..

انتي ماتاخذين الامور بذكاء وهدوووء .. ماما اللي يبي يخربط بيخربط حتى وانتي بحظنه !!!!! .. واللي يحب لو تحطينه وسط بنات مابيلتفت لهم ..

خلااااااااص حلفتي الريااااال وهو حلف .. اذا سوا عكس هل شي ماظن في حد بيعاقبه اكثر من ربي ..

وهو ماقال لج الا انه يحبج .. ومارد على مكالماتج الا لانه يحبج !!

واذا يبي يسافر قولي له الله يحفظك وتحمل بروووحك ولاتاخر لانك بتوحشني وهالله هالله بصلاتك .. مب تحلف واتصلات ونكد وانت مب ريال وانت وانت وماتحس فيني ونجره ولويييه !!! منوووو الريال هو ولا انتي !!!
لو انا بداله مارد عليج خير شرررر

الحين انتي هدي اعصابج وقومي صلي ركعتين واقري لج قران واستغفري ربج .. واذا ريلج عنده خرابيط محد بيرده الا الاستغفار والدعوات ربج هو اللي قاااااااااادر على كل شي ..

ودزي له مسسج استسمحي منه وقولي له انا اغار عليييك ومب قصدي شي .. ولين رجع تفاهمي وياه بالهدوووء .. والله مايسوى عليه الريال وانتي ماشفتي شي منه ولا شفتيه يخونج ..

احسني الظن .. ترا ان بعض الظن اثم ..

اخذي الامور ببساطه لاتعقدين المواضيع .. وخلي تفكيرج ايجاااابي قولي هو ماقالي انه بيسافر الا لانه يحبني .. هو مارد على مكالمتي يوم اقوله رد علي الا لانه يحبني ومايبي يزعلني .. فكري بالاشياء الزينه لاتفكرين انه طالع المكان الفلاني ولا العلاني .. خلااص ساااافر الله يحفظه ... روحي حق اختج ولا رفيجتج .. ومو لازم حد معاج بالبيت يسليج .. قعدي بروحج جوفي التلفزيون بغرفتج روحي تغدي برع .. اطلعي .. نامي باي بيت ترتاحين فيه .. وفجي عن الريال شوووي .. هو لين جافج مو لازقه فيه جذي بتحسينه شوي شوي رد لج .. وقلت لج استغفري ربببببببج واااااااااايد ويوميا وصلي على النبي 100 مره فاليوم .. واذا ماتغيرت حياتج تعالي سبيني !!!

الله يهديكم

 

[مناير ...!]

رد : 10 ايـــــــــام ولا ادري عـــــــــنــــــــــة شـــــي؟؟؟!!!!!!!!!!

الله يهديج
انتي غلطانه من راسج ليرولج
خلف لج على القران وبكل شي
شنو مستمره تشكين وتغثينه
لاتزعلين مني حبوبه لكن اكلمج بعقل
الثقه زينه الريال مشى معاج بلي تبين حلف وحلف لج رد ورد عليج
تحرقينه مكالمات ومسجات ليه؟
المفروض خليتيه يتنفس حسستيه ان اهو قد الثقه

ردي ارسلي مسج تعتذرين منه على الي سويتيه
مع انه مالج عذر بس قولي ماكنت اقصد

ونصيحه اخيره مهما كانت علاقتج سيئه مع اهلج
ريلج لايدري يااختي هذول اهلج سندج
لاتحسسين الريال مهما كانت المحبه ان اهو اقرب لج منهم

شنو مااحب اروح بيت اهلي
ليه وين كنتي عايشه قبل تاخذينه

الله يهديج ويخفف من عصبيتج وعساه يقدر يسامحج

 

[دلعووووه]

بصراحه اشتياق كفت ووفت بكل كلمه قالتها

 

[trakmia]

آنا مع الاخت اشتياق كبري عقلج لا يسير شي موزين والله يهديج ويهديلج ريلج حبوبه
وان شاء الله تبشرينه بعد مايرجع

 

[مندوبة ام بندر]

الله يعينج