شوفي انتي حطيتي موضوع
فتحملي الرد اللي بقوله
وتحملي كل شيء بقوله وسمعيه عدل
اولا اذا بتمين على هالحال ابشرج منتي مطوله على ذمته
وشوفي انا انصحج لاني كنت نفسج
وعلبالي الزوج قطعه اتملكها ولي حق اتصرف فيه كثر ما ابي
بس عقب ماانقرصت وتطلقت وعلمتني الحياة اشياء ألحين قاعده انصحج فيها
واحذرج
غيري اسلوبج هذا ريـال مو وحده من رفيجاتج
وزوجج يحبج دليل يجاريج ويحاول يرضيج
الريـال لي بغا يسوي شي مايرد على اكبر راس
مع هذا حاول يدور رضاج ويروح وانتي راضيه
مارضيتي شيسوي يعني؟يقعد خوش واحد ويسمع كلام مرته؟؟؟
اهو مو مره عشان تحكمينه
قال يبي يروح يروح مايشوف شر
بكل طيب وحب تكسبينه
وحمدي ربج متفهم اوضاع اهلج ويقولج نامي عند اختج
لو واحد غيره جان قعد يعاير فيج
انا فاهمه شنو تبين وفاهمه غيرتج وشوقج
وفاهمه انج تعتبرينه غلطان زليون %
لكن اصحي
الرجل رجل والمره مره
وزوجج عمرج ماراح تخلينه خاتم باصبعج الا بطيبج وهدوئج وعشرتج الحلوه
وغير جذي بيمل ويزهق منج
وشكثر كاتبه رجوله ونخوه ومادري شنو؟؟؟
بشنو مس رجولته ماشوفه سوا شي
الريـال سافر وانتي ناشبه مو راضيه حاول لين قال بس يروح برضاج وهم ناشبه
يهديج يرضيج مااااااااااااكو
شتبينه يسوي؟
رد على اتصالاتج حاول يبرد قلبج مااااااااااكو
شغاله مسجات وشابه عليه؟؟!
زهق
قال اهي معصبه معصبه خلني ارتاح شوي ولمن ارد الكويت يصير خير
يعني لاحق على المشاكل؟؟!
انا اقول وسمعي وفهمي
لاتطلعين السفره من جبده لانها بتطلع من جبدج
وعقلي يامره وكبري مخج
انتي تحبينه واهو يحبج
شحقه هالعداوه
تخيليه اخوج والتمسي له اي عذر
استقبليه بحب
لا وبعد اعتذري عن مسجاتج قولي اغار عليك وخايفه عليك اسمحلي ما اقصد اغثك
لا والله يهدج وجنه العيد والله يرزقه بوحده تقوله هلا ان ياها والله يحفظك ان راح عنها
عقلي
اكرر
استهدي بالله وتعوذي من ابليس يا اشتياق القديمه الياهل
حيل ذكرتيني بنفسي وحرتي وقهري وحبي لتملكه وشلون ابين له حبي بهالعنف
صدقيني ماراح توصل له هالفكره
بالعكس راح يكرهج
الكلام هذا طالع من قلبي
تكفين اصحي على عمرج وتلاحقي موقفج
هذا حبيبج ميخالف مانقص منه ايد ولا ريل كاهو بيردلج ومرده لج
ومو مخليج عن غابة الذئاب مخليج ببيته ويدري ماعليج خوف
الله يهدي سرج يارب وتقتنعين
فديتج وفديت كلامج يااشتياق نصيحة ياصاحبة الموضوع سمعي كلامها تكفين ترا راح تندمين ادا تميتي جذي
ترا انا كنت مثلك واكتشفت بعدين ان زوجي ماراح اكسبه الا اذا عدلت اسلوبي والحين صرنا انا وياه
مثل السمنه على العسل وصار تلقائيا يسوي اللي يرضيني لأني ابتعدت عن أساليب التحكم وفرض نفسي عليه وملاحقتي
الدامة له صرت ثقيلة وصرت ارحب فيه اذا جاء وادعيله اذا راح صار احترامه لي اكثر ومراعاته لي اكثر من قبل
صار يسمع كلامي بدون مايحس
