بسموو آنا بعاشر كنت بماريا القبطية
بس نقلوني اجباري فاطمة الصرعاوي !
:
بنااات ترى 11 علمي - برايي - لذييييذة
والكورس الثاني اسهل من الأول
الفيزيا الكورس الأول مو تعجيزي بس صعب شوية ويبيله دراااسة وأبلة تفهّم !
الرياضيات .. مادري ليش وايد بنات يحاتون الرياضيات
مع انه من حطوا النظام الموحد وامتحانات الرياضيات أحلى شي
عمرهم ما طلعوا عن الكتاب
لدرجة انه ساعات بالظظبط نفس امثلة الكتاب بنفس الأرقام ونفس الصيغة اييبونهم << المقالي + الموضوعي
نصيييحة اللي ما تبطل كتاب الرياضيات لازم تبطله الامتحان كله من الكتاب
الكييييمييااااااا
مو خايس ومو وايد صعب بس اووووف الأبلة شنو كانت كريهة
بيوم من الأيام خذينا 3 حصص كيميا باليوووم
حلو ولذييذ وامتحانات الكيميا اسهل من الفيزيا
بس مشكلته انه الكورس الثاني الكمية وايد والوقت ما يكفي فـ كان ضغط مو طبيعي بالكيميا
العربي اينن ما راح تشوفون عربي نفس عربي 11
النحو والبلاغة واااايد اخف من عاشر
الأحياء
مو بس حفظ .. في فصل البنات الضوئي والتنفس كله معادلات يبيله فهم عشان تعرفين تحلين
صعوبته نص ونص بس الكورس الأول مليق عن النباتات ومادري شنو
الجيلوجيا
بعطلة نص السنة كنت وايد اتحلم بالجيلوجيا وكانت كوابيس
للأمانة دراسته مليقة بس عقب ما تخلصين وتحفظين تحسين انه يوووننننس
الغالبية تقول انه الكورس الثاني اسهل بس مادري انا حبيت الأول اكثر :*
الاحصاء محد تحجى عنه
الأدبي يشوفونه صعب مادري ليش بس احنا العلمي الاحصاء حاله حال الحاسوب واسهل بعد
احبها هالمادة خفييييفة وحلوة وأبلتنا كانت احلى واحلى
بعد شبقى ؟
جان تبوني اسمّع لكم المناهج ؟!
ما عندي مانع خخخ
على انه 11 علمي دسمة بس لا تذبحون روحكم وايد بالدراسة جذي بسرعة تملون
أهم شي تنتبهون بالحصة !!
والله ما سهل علي الدراسة الا اني انتبه بالحصة فـ لما ادرس احس انه تقريباً كل شي سهل !
:
وه جني قرقت وايد
بالتوفيييق لي ولكم وللجمييييييع
