(( 11 علمي )) اهئئئ :(

[لووووديا]

صجججججججججججججججججج

منو قالج ؟؟؟؟؟؟؟؟

صج مو صج ماادري والله بس هاذا الي سمعته وانشالله موو صج:eh_s(6):

 

[BuNNy]

هآآآآآآي
شلوونكم ؟؟
انا توني مخلصه من عاشر والحمد الله ناجحه
وسجلت علمي
وان شاء الله السنه اليايه تكون سهله


بصراحه سجلت علمي
وليومكم هذا وخواتي وامي يحاوولون يغيرون راايي
بس مو اشكرا يقوولونها
بس يحسسوني اني غيييير عنهم لانهم كلهم ادبي
ويحاوولون يحسسوني اني بموت بالعلمي وماراح اطلع (( الله لا يقووله ))
يعني حيييل مكبرين السالفه مادري ليش
انا مو هذا سؤالي ولا ابي اتكلم فيه وايد
انا خلاص سجلت علمي
والي دخلوو مو احسن مني
لوووووول
المهم يابنات العلمي انا ناديتكم ابي ادردش معاكم شووي
لان مثل ماقلتلكم ان ماعندي احد بعلمي ؟؟
انا عقدتي مادة العربي
ووووووووويع اكرها والله مادري شلون نجحت بعاشر منها
وحبيت اسألكم الكل يقوول اخذي مدرسين بالكوورس
؟؟؟؟؟؟؟
شنو اخذ اي ماده تستاهل متابعه بالكوورس
واذا عندكم ارقام مدرسين بالكورس حق 11 علمي
ياريت ماتقصرون معاي وتعطووني
بس يكوونون ثقه ومجربين
:eh_s(6):
يلا بنات العلمي دخلوو وكتبو الي بخاطركم
اي شيئ قوولو ؟؟
ناطرتكم فديييتكم

انا توني متخرجه من الثنوي وعلمي ونسبتي 89.8 وانقبلت بالهندسه لاااتخافين ترى والله العلمي واااايد اسهل من

الادبي واكبر دليل شوفي النسب بالجريده هالسنه ... نسبة المتفوقين بالعلمي اكثر من الادبي والاول على الكويت بالعلمي

نسبته 99.5 والاولى بالادبي نسبتها 96 شفتي الفرق ؟؟!!! والله العلمي اسهل بس والله قهر انا شاطره وامتياز

بس مهمله يعني كنت ادرس امتحان الفيزيا الفاينل قبل يوم من الامتحان يعني والله لو كنت مهتمه جان نسبتي

فوق 95 بس المهم الحمدلله اني دشيت الكليه اللي انا ابيها وما عليه يمكن تلاقينها شوي صعبه بس 12 اسهل

لاتخافين وترى فيزيا 11 صعب بس مال 12 اسهل وانتي شدي حيلج وراح ادزلج ارقام مدرسين والرياضيات كل يوم سبت

قعدي راجعي كل اللي خذيتوه طول ايام الاسبوع لانه دسم بس مو صعب وحلووو يعني يونس وانتي تدرسينه

اما الكيميا يهببببببببببببل ولا تخاااافين ترى 11 مو سهله بس مو حييييييل صعبه يعني يبيلها شدة حيل وترى 12

اسهل بوااااااااااااااااااااااااااااااااااااااايد من 11 وانتي شدي حيلج ولاتخافين ابلات العلمي اهون من الادبي

ويحسون فيج ويراعووون البنات ولا تخافين اي شي تبينه سأليني اوكي حبوبه

درسيله اول بأول

 

[ملاك الكويت ..]

بوني حبيبتي والله ما قصرتي

> بانتظارارقام المدرسين :eh_s(6):

بس لو ماعليج امرعندي سؤالل؟؟

معقوله انتو بنات العلمي

كل المواد تاخذون لهم مدرسين

يعني فيزياء و كيمياء و عربي و رياضيات >>كلهم تاخذونهم بالاسبوع مدرسين خصوصيين حصتين بالاسبوع

جذي بنموت

:0bee2e8d89:

انتي شنو كنتي تسووين؟؟ شلون تقسمين الحصص للمدرسين بالاسبوع ؟؟

> بانتظار ردج

:ggdw:

 

[كويتاويهـ23]

حبيبتي بوني مشكووووره وااااايد على هالنصايح الحلوة ...
واللهـ يوفقنا إن شاء اللهـ ويوفقج ياقلبي...

 

[قنوعه..]

تسلميين حياتي بوني ع الكلام
لأن والله شجعني واايد
وياريت نعطينا ارقام المدرسين

 

[كل الريم]

مشكورة على النصايح الروعة

 

[NuNu4]

ثااانكس حيااتي عالنصااايح والله وااايد ريحتيني وعندي سؤال انتو شلوون كنتي اتنظمين وقتج مع الدراااسه والمدرسين !!!

 

[طبيبه كويتيه]

انا الحمد الله دايما متفوقه وكان حلمي بعاشر اوصل ل 98 او وصلت . .

والحين حلمي ب 11 اوصل 99 توقعون اقدر . .؟؟

والله صج وددددددددي ايب 99 باخطري حيل بس اخاف 11 صعبه

 

[~همس الورد~]

Fooshi :: مشكوورة حيااتي على الرد ||

BuNNy :: والله وايد شجعتينا مشكوووووورة ||

طبيبة كويتية ليش لا أنا مثلج ابي اييب هالنسبة ان شاء الله نقدر بس أهم شي الدرااااسة أول بأول وأنا كنت اقدر أييب هالنسبة بعاشر بس العربي حييل نزل معدلي يعني لو مو هو جان يبت 98 بس الحمدلله على كل حال ||

 

[~همس الورد~]

http://www.ebnalameed.net/science2.htm

هذا رابط للأحياء والجيولوجيا 10 و 11 و12 ||

 

[BuNNy]

بوني حبيبتي والله ما قصرتي

> بانتظارارقام المدرسين :eh_s(6):

بس لو ماعليج امرعندي سؤالل؟؟

معقوله انتو بنات العلمي

كل المواد تاخذون لهم مدرسين

يعني فيزياء و كيمياء و عربي و رياضيات >>كلهم تاخذونهم بالاسبوع مدرسين خصوصيين حصتين بالاسبوع

جذي بنموت

:0bee2e8d89:

انتي شنو كنتي تسووين؟؟ شلون تقسمين الحصص للمدرسين بالاسبوع ؟؟

> بانتظار ردج

:ggdw:

لاااا شكوووو اصلن ما كنت اييب مدرسين الا بالفاينل لا وساعه وحده بعد بس انا مره وحده يبت موجهه كيميا بالفاينل

والعربي ولا مره يبت لاني بصراحه يبت ولا لأ ودرست ولا لأ ما ينفع درجتي اهيا نفسها ما تتغير اما الرياضيات ماراح اقص

عليج اي كنت اييب بس بإمتحانات الفتره وبس مراجعه يعني مو ادرسني بس اذا في شي مو فاهمته كنت اسألها والفيزيا ولا مره يبت

لان شرح ابلتي كان عجييييييييييييييييييب بس اذا تبين ارقام مدرسين فيزيا اقدر اييبلج من رفيجاتي وترى فيزيا 12 مايبيله استاذ

لانه عادي يعني مو عقد لا بس كل عالم وشنو اخترع وشنو يتفلسف فيه وبس جم قانون احفظيهم وطبقي

اما باجي المواااد عادي نفس الشي واسهل بعد

 

[BuNNy]

احنا اول دفعة موحد وصج انظلمنا يعني كنا مع الخيل يا شقره ما ندري وين الله قاطنا

يعني شنو درجاتنا راحت بس الحمدلله آخر سنه بالفاينل حييييل سهلو الامتحانات وكانت اشكره من الكتاب

يعني غش علني والحمدالله طلعنا اشطر دفعه بالقسمين العلمي والادبي لانه صج انضغطنا ضغط الله لا يوريكم

تخيلو حتى الاختياري كان فيه اختبار فاينل بس الحمدلله تخرجنا ودشينا التخصص اللي نبيه ولا هذي اول سنه

يصير فيها انه عدد طلاب المستجدين بالهندسه 100 وشي وانتي الدفعه اللي ورانا الله رحمكم بس شدوو حيلكم

اوكي وانشالله اشوفكم كلكم بكليتي الهندسه والبترول اوكي يلااا كل وحده توعدني

 

[Dam3t Daloo3a]

[

مشكوورة اختي ملاك على ترحيبج
وفي نفس الوقت احب اقدم شكري للأخت دمعة دلوعة اللي افادتنا في المعلومات الحلوة اللي شجعتنا اكثر


وعاشوا بنات 11 ع :ggdw:​

FONT="Comic Sans MS"][/FONT]

حياتي العفو ولو ما سويت الا الواجب وبنات العلمي يستاهلون من يشجعهم ويعطيهم معلومات تفيدهم اكثر

والله يوفقكم انشالله وتخلصون من 12 واشوفكم خريجات وبعدها الجامعه ياااااااااااااااااارب ....:ggdw::ggdw:

 

[~همس الورد~]

http://www.4shared.com/file/21204327..._________.html


بناآت شوفوا هالرابط حلو عن كتاب مهارات دراسية((للدكتور نجيب الرفاعي)) ملف وورد اسمه الثانوية العامة سهلة وواضحة ||

 

[لووووديا]

http://www.ebnalameed.net/science2.htm

هذا رابط للأحياء والجيولوجيا 10 و 11 و12 ||

حيييل حلو الرابط مشكوره حبيبتي همس الورد وانشالله نستفيد منه:eh_s(6):

 

[~همس الورد~]

الع‘ـــفــوو ||

 

[a7la- jojo]

انا الصراحه بنت علمي ونجحنت والحمدالله بس انصحج اتحولين ادبي لانه بتلوع جبدج من المتحانات الي كل يوم بس اذا كانت عقدتج العربي ترى الادبي والعلمي نفس الشي مايفرقون بينج وبين الادبي بس تتقدرين اتقولين الكورس الاول وايد صعبه بس الثاني وايد سهله بس شدي حيلج من اول السنه

 

[Dream ~]

هـــ،ـــااااي ~


الله يعطيج العافية

و مشكووره ع الموضوع


انزين شنو المواد اللي راح ندرسها ؟؟؟


يعني شنو المواد اللي ما ناخذها ؟؟؟


لاني اللحين متوهقة ! مثلا ً الاجتماعيات مراح ندرسة ؟

و يعني جذي ؟؟؟

 

[ms-makii]

شنو المواد اللي راح ندرسها ؟؟؟
انا الي اعرفه انجليزي
عربي
اسلامية
قران
احصاء
رياضيات
كيمياء
فيزيا
احياء
جيلوجيا
بدنية
حاسوب
دستور
و طبعا مادتين اختيار حر

يعني شنو المواد اللي ما ناخذها ؟؟؟
فرنسي
تاريخ اسلامي
جغرافيا
و علم نفس

 

[أنفاااس ورود]

السلام عليكم
شلونكم حبايب قلبي؟

يسلمو ملوكه ع هالتجمع الحلو والله فدتينا فيه ياقلبي
انا بدش 11ع معاكم والله بالبدايه كنت متوتره بس يوم سمعت كلامكم الحلو ارتحت

واتمنى اني افيدكم واستفيد
لكم ودي​