[11] •●كرسي الاعتراف مع العضوه المميزه ●• ~

[G!RLooNa]

رد : رد: [11] •●كرسي الاعتراف مع العضوه المميزه ●• ~

اهلييين قيرلونا نورتي

اسالتي
شنو مشروبك المفضل وفاكهتك المحببه خخخخخخ
اذا انتي من بتوع الخلطات وهيك شنو احسن خلطه استخدمتيها لوجهك ؟
وشو كريم ايدك الي ماتستغنين عنه ؟؟

اممم مشروبي المفضل موكا فرابتشينو

الفاكهه احب فراوله و مانجو و العصير كيوي افوكادو موز

والخلطات امبيه شكثر ادور خلطات و اسجلها عندي بس ما اسوي كله مالي خلق :/ حق ويهي استخدم الغسول الجاهز

الكريمات وايد ماحب اتم على نوع واحد كل ما خلص اخذ نوع يديد احب اجرب

 

[G!RLooNa]

رد : [11] •●كرسي الاعتراف مع العضوه المميزه ●• ~

منوره يآلغلآ ..
آستلمي الاسئله ..
عمرج/ وضعج الاجتمآعي / شالي يشد بالقسم هذآ / آكثر عضوه ترتآحين لهآ ؟!

وموفقه ..!


:friends:

تسلمين

عمري 21 سنه و شهر الا 3 ايام

عزابيه

ووو مادري بس من سجلت وايد ادش القسم واكثر بنات المنتدى اللي اعرفهم من هالقسم و احب اتابع اخبارهم

العضوه اللي ارتاحلها .. والله وايد بنات احبهم وارتاحلهم .. tmtmt ,, بتبووتا ,, احساس السعوديه ,, و hello-kitty ردودها تبرد جبدي

 

[G!RLooNa]

رد : رد: [11] •●كرسي الاعتراف مع العضوه المميزه ●• ~

تتآمرون علي ها :s141:
كنت بوقف اساله بس الحين لا

عندج اي فون عدل ؟
شنو الستيتوس الي كاتبته بالواتس اب ؟

:dddds:

خل اشوف شكاتبه

.

.

.

.

jabbar 7ubbek o lakennek 3lay '3aly :$

 

[G!RLooNa]

رد : [11] •●كرسي الاعتراف مع العضوه المميزه ●• ~

الله ثوفوووووا منو نورنا جيرلوووونا اللذيييييذة

انتي صج عسولة وحبوبة وماشالله عليج فاهمة وعقلج كبير وتفكرين بمنطقية الله يوفقج وعسى ربي يرزقج بزوج طيب حنون يستاهلج يارب

سؤالي

1 منو العضوات اللي تحبين مواضيعهم

2 شرايج بالزوجة اللي تتنازل حق زوجها عن كل حقوقها وكل هذا عشان لا تتطلق

3 نصيحتج حق البنوتات العزابيات اللي ودهم يتزوجون

4 تؤمنين بالحب قبل الزواج

5 اذا الله كتب وتزوجتي جم بيبي ودج تيبين؟

ههه مشكوره اثتحي :$

حبيبتي احرجتيني والله مشكوره عالدعوه الحلوه :eh_s(22):

1) اممممم احب مواضيع اشتياق والعوبه و ماني من الناس

2) صراحه انا اشوف الوحده ما تتنازل عن كرامتها و حقوقها عشان ريال .. تطوف له شغلات اوكي بس توصل اني اتنازل عن كل شي عشان ماصير مطلقه لا والله و الحمدالله اهلي مو معقدين و عندهم المطلقه عار و مثل ما ربوني صغيره مو عيزانين عني وانا كبيره (اسم الله علي طبعا ) بس في بنات تحدهم الظروف يعني اهلهم ما يبونهم يردون مطلقات بس هم اشوف ان المفروض ما تتنازل عن كل شي بس عشان ما تصير مطلقه

3) و نصيحتي حق البنات ركدوا خخخ والله صج مادري ليش مستموتين عالزواج عمرها 18-19-20 تقول ما نخطبت بعنس و لا مليت ابي اتزوج :bbbiu: استانسوا عيشوا حياتكم و لاحقين عالزواج

4) امممم قبل ما كنت اؤمن بس الحين قمت اشوف وايد قصص حب و تزوجوا و مرتاحين بحياتهم تغيرت نظرتي حق زواج الحب

5) ودي اييب 2-3 و اذا يا الرابع يكون غلطه مطبعيه

 

[Creamy Girl]

Hiiiiiii
Love u
تذكريني فيني ايام الجامعه الله يوفقج وتتخرجين وبعدين تروجي نصيييييحه
انا تخرجت وعلي طول كملت ماستر وتزوجت بس صعبه اثنينهم
واااي اول مره احس أني كبرت:lololoe:

موقفه وبشبك من اللاب توب وبشوف اذا اكو شي ماسألوچ اسئلج

سؤال محرج عالطاير جم معدلج:s141: ياللي قاعده تدزين مسجات*

 

[جـــواهر]

رد : [11] •●كرسي الاعتراف مع العضوه المميزه ●• ~

مساكم الله بالخير


مساكم مطر وخير نورتو الموضوع :hjy5jewf:

 

[احساس السعوديه]

رد : [11] •●كرسي الاعتراف مع العضوه المميزه ●• ~

مساك سعادة وهنا وقلة عنا
منور بوجودك ووجود جيرلونا :wqedqw:

 

[~LiBrA~]

رد : [11] •●كرسي الاعتراف مع العضوه المميزه ●• ~

اهلين وسهلين بأحلا قيرلونا

اتينن هالبنيه وصج المحبه من الله

ماشالله البنات ماقصرو بالاسئله

اذا يه سؤال علبالي راح اتليقف_03BA:

والحسن بظل متابعه:ggdw:

 

[جـــواهر]

رد : [11] •●كرسي الاعتراف مع العضوه المميزه ●• ~

:n2006107:

 

[G!RLooNa]

رد : [11] •●كرسي الاعتراف مع العضوه المميزه ●• ~

مشكووره ليبرا و احساس السعوديه :$

 

[G!RLooNa]

رد : [11] •●كرسي الاعتراف مع العضوه المميزه ●• ~

Creamy girl

خل اشبك من اللابتوب و انا اللي بسألج :dddds:

 

[@الليدي لين@]

رد : [11] •●كرسي الاعتراف مع العضوه المميزه ●• ~

لووول ما عندي اسئله فبالي بس الللللا بسال


شنو السياره اللي ودج تشترينها لما تتوظفين :lololoe: ؟؟


شلون علاقتج بامج .. يما انج انتي البجر ,, انتي وايد ويا امج وتعتبرينها صديقتج اتسولفين لها عن كل شي اللي له داعي واللي ماله داعي لوووووول ترى انا جذي حتى سوالف الجامعه كله اقولها حق امي



بما انج صيدلانيه المستقبل ان شاء الله :yaaaaaarb: .. تفضلين يكون ريلج طبيب او وظيفه تخص المستشفيات :080402ask_prv:


اممم شنو اكثر امنيه ودج اتصيرلج :wqedqw:



لوووول علي اسئله موو صج ​

 

[G!RLooNa]

رد : رد: [11] •●كرسي الاعتراف مع العضوه المميزه ●• ~

Hiiiiiii
Love u
تذكريني فيني ايام الجامعه الله يوفقج وتتخرجين وبعدين تروجي نصيييييحه
انا تخرجت وعلي طول كملت ماستر وتزوجت بس صعبه اثنينهم
واااي اول مره احس أني كبرت:lololoe:

موقفه وبشبك من اللاب توب وبشوف اذا اكو شي ماسألوچ اسئلج

سؤال محرج عالطاير جم معدلج:s141: ياللي قاعده تدزين مسجات*

hi 2

انتي خريجه صيدله؟؟

وين جامعه الكويت؟؟

شلون الشغل مرتاحه

انا مو مصبرني على ظيم الكليه الا الشغل مريح و راتب حلو

و تقولين ماستر انا خل اتخرج بس ومابي لا ماستر ولا بطيخ لوووول

المعدل الله يسلمج اول سنه كان 3

سنه ثانيه صار2.95

سنه 3 كرهت الكليه باللي فيها و بس قلت بحول صج صج كارهه الكليه بمعنى الكلمه حتى دراسه ما ادرس بس امي وابوي ما خلوني احول وادري لو قلت بوقف قيدي ماراح يرضون لان بتروح علي سنه لانه الماده تنزل مره وحده بالسنه وماكو صيفي فقمت سقطت روحي ب 3 مواد و صار وقف قيد اجباري نياهاهاها

و معدل طاح لما 1. شي نسيت جم بالضبط :fun:

بس توا هالكورس لما عدت ال3 مواد اللي سقطت روحي فيهم و نجحت رد ارتفع لما 2.5 :ch12:

 

[G!RLooNa]

رد : [11] •●كرسي الاعتراف مع العضوه المميزه ●• ~

لووول ما عندي اسئله فبالي بس الللللا بسال


شنو السياره اللي ودج تشترينها لما تتوظفين :lololoe: ؟؟


شلون علاقتج بامج .. يما انج انتي البجر ,, انتي وايد ويا امج وتعتبرينها صديقتج اتسولفين لها عن كل شي اللي له داعي واللي ماله داعي لوووووول ترى انا جذي حتى سوالف الجامعه كله اقولها حق امي



بما انج صيدلانيه المستقبل ان شاء الله :yaaaaaarb: .. تفضلين يكون ريلج طبيب او وظيفه تخص المستشفيات :080402ask_prv:


اممم شنو اكثر امنيه ودج اتصيرلج :wqedqw:



لوووول علي اسئله موو صج ​

اممممم مادري مو مقرره بس ودي جيب بما ان سيارتي الحين عاديه

انفتني ولا لكزس ولا مرسيدس

او بورش ال4 بيبان شحلاتها تشلع القلب :fun: بس ماتوقع باخذها عن قريب لول

علاقتي بامي زينه بس ما اقولها عن كل شي انا ما اتكلم وايد اصلا ابط جبدها خخخ تقولي انتي ما تتكلمين كتومه وايد :s141:

و لا عادي ما يهمني اني اتزوج واحد يشتغل بالمجال الطبي مو فارقه وياي

و اكثر امنيه ابيها الحين اني اتخرج وافتك من كليه الهم والغم :flower:

 

[@الليدي لين@]

رد : [11] •●كرسي الاعتراف مع العضوه المميزه ●• ~

اممممم مادري مو مقرره بس ودي جيب بما ان سيارتي الحين عاديه

انفتني ولا لكزس ولا مرسيدس

او بورش ال4 بيبان شحلاتها تشلع القلب :fun: بس ماتوقع باخذها عن قريب لول

علاقتي بامي زينه بس ما اقولها عن كل شي انا ما اتكلم وايد اصلا ابط جبدها خخخ تقولي انتي ما تتكلمين كتومه وايد :s141:

و لا عادي ما يهمني اني اتزوج واحد يشتغل بالمجال الطبي مو فارقه وياي

و اكثر امنيه ابيها الحين اني اتخرج وافتك من كليه الهم والغم :flower:

الله يسهل عليييج وتتخرجين من هالكليه ,, انا كليتي ادبيه وسهله ومالي خلق :s :flower:

 

[G!RLooNa]

رد : [11] •●كرسي الاعتراف مع العضوه المميزه ●• ~

اهئ اهئ بس لا تذكريني دوامي هالأحد استغفر الله

 

[احساس السعوديه]

رد : [11] •●كرسي الاعتراف مع العضوه المميزه ●• ~

الله يعينك ويعينا ويوفقك ويوفقنا

بزيد بالاسئلة متى مازهقتي قولي خلاص
لو بتروحين رحله مع 3 عضوات منو تختارين ؟
كم نسبتك بالثانوية العامة ؟
هل تحبين كرة القدم وشنو ناديك المفضل ؟:q8:
برنامجك اليومي من أول ماتقعدين إلى وقت نومك؟
شنو المواقع اللي تحبين تدخلينها في النت ؟
قرار اتخذتيه وندمتي عليه ؟
لو صرتي مششرفه اي قسم تختارين ؟
ادري كل وحده تحب وطنها وماترضى بغيره :q8: شي كيد
بس لوماكنتي كويتية اي دولة تتمنين تكونين منها من دول الخليج فقط وبكل صراحه ؟
لو زوجك منعك من منتدى كويتيات تتركينه ؟:bbbiu:
اذا جاك زوج عصبي في وقت عصبيته تتوقعين شلون بتتصرفين بتسكتين ولا بتردين ؟
شرايك بالزوج المتحكم بزوجته ؟
شرايك بالرجل اللي يخلي المرأة هي اللي تصرف ؟

بس :lololoe:

 

[G!RLooNa]

رد : [11] •●كرسي الاعتراف مع العضوه المميزه ●• ~

الله يعينك ويعينا ويوفقك ويوفقنا

بزيد بالاسئلة متى مازهقتي قولي خلاص
لو بتروحين رحله مع 3 عضوات منو تختارين ؟
كم نسبتك بالثانوية العامة ؟
هل تحبين كرة القدم وشنو ناديك المفضل ؟:q8:
برنامجك اليومي من أول ماتقعدين إلى وقت نومك؟
شنو المواقع اللي تحبين تدخلينها في النت ؟
قرار اتخذتيه وندمتي عليه ؟
لو صرتي مششرفه اي قسم تختارين ؟
ادري كل وحده تحب وطنها وماترضى بغيره :q8: شي كيد
بس لوماكنتي كويتية اي دولة تتمنين تكونين منها من دول الخليج فقط وبكل صراحه ؟
لو زوجك منعك من منتدى كويتيات تتركينه ؟:bbbiu:
اذا جاك زوج عصبي في وقت عصبيته تتوقعين شلون بتتصرفين بتسكتين ولا بتردين ؟
شرايك بالزوج المتحكم بزوجته ؟
شرايك بالرجل اللي يخلي المرأة هي اللي تصرف ؟

بس :lololoe:

لا حياتي ما ازهق منج :fun:


لو بتروحين رحله مع 3 عضوات منو تختارين ؟

امممم العضوات اختارج انتي و العوبه و Bishoo (بطلع وياها باجر ) و hello-kitty و tmtmt و اشتياق و بتبووتا

<< كيفي بختار اكثر من 3 ___

كم نسبتك بالثانوية العامة ؟

نسبتي

اولا انا كنت مقررات مو عامه

و نسبتي بكل الكورسات كانت 4 نقاط بس باخر سنه ابله الاختياري المصريه الحقيره نزلت معدلي و تخرجت 3.99

<< لي الحين حاقده عليها
___

هل تحبين كرة القدم وشنو ناديك المفضل

كره القدم يعني مو ذاك الزود بس اذا لعب المنتخب ولا القادسيه ممكن اندمج

يعني انا قدساويه :ggdw:

___

برنامجك اليومي من أول ماتقعدين إلى وقت نومك؟

ما عندي برنامج انا

ابطل عيني اجيك عالموبايل منو داق منو داز مسج شنو واصلني بالوتس اب ولازم ابطل كويتيات اخذلي نظره خاطفه و عقب اقوم اغسل و اصلي و اغير ملابسي و بعدين عالمزاج يا اتغدا ولا لأ و اذا في طلعه اقوم البس و لي رديت البيت لازم اقعد بداري ساعه ساعتين (غالبا) عقب انزل تحت اشوف سي اس اي نيويورك و بعدين شر النفوس و بعدين زهره و ازواجها الخمسه و بعدين ارد اشوف سي اس اي ميامي :dddds:

بعدين اكلم بيشو بالوتس اب لما الساعه 6 ولا 7 الصبح :dddds:

هذا جدولي الحالي oster_av1:

___

شنو المواقع اللي تحبين تدخلينها في النت ؟

بالنت اللي ادشه كل يوم كويتيات والفيس بووك
___

قرار اتخذتيه وندمتي عليه ؟

والله ساعات اتحسف اني دشيت مركز العلوم الطبيه و تخصصت صيدله لانه الدراسه تلوع الجبد و تييب اليهد لكن اقول انشالله لي تخرجت اغير رايي واقول اشوا اني دشيت هالتخصص :flower:

___


لو صرتي مششرفه اي قسم تختارين

قسم الزوجيه او المناقشات الجاده والمشاكل الاجتماعيه
___

ادري كل وحده تحب وطنها وماترضى بغيره :q8: شي كيد
بس لوماكنتي كويتية اي دولة تتمنين تكونين منها من دول الخليج فقط وبكل صراحه

همممم اذا مو الكويت

ابي

ابي

اممممممم

بقول الامارات

___

لو زوجك منعك من منتدى كويتيات تتركينه

امممممممممممم مودري احاول اقنعه ان المنتدى نسائي و حلو و محترم و مافيه شي و انشالله ما يمنعني

___

اذا جاك زوج عصبي في وقت عصبيته تتوقعين شلون بتتصرفين بتسكتين ولا بتردين

عاد انا عصبيه بس وقت اللي يعصب احاول امسك اعصابي عشان ما تصير مجزره و تكبر السالفه :eh_s(13):

___

شرايك بالزوج المتحكم بزوجته ؟

حلو الريال يغار على مرته ويخاف عليها و يدري وين تروح وين تيي بس عاد مو تحكم كامل بكل شي يتحكم بعد المره تبي مجال تتنفس شوي :flower:

__

شرايك بالرجل اللي يخلي المرأة هي اللي تصرف

باختصار مو ريال !!

 

[احساس السعوديه]

رد : [11] •●كرسي الاعتراف مع العضوه المميزه ●• ~

يسلمو قلبي عالاجوبة ماقصرتي بس مو سائلة
اعطي مجال لغيري
البنات مختفيين مدري وينهم

 

[ماني من الناس]

هاي جيرلونا

ازيك كويسه
اقوى شي بشخصيتج انج تحبي الشرمب والنودلز مثلي :wqedqw: حدهم شي لووووول بحاول اني ما افكر فيهم عشان ماجوع


سؤالي الوجيه لو تحبي تكون عيونج بالطبيعه غير عن اللون الاسود شنو تختاري لون عيونج يكون ,,,,,,

واي لون فستان تحبي تحسيه قريب لج ؟؟؟؟