14 اغسطس رحلتي لباريس

[الوسام]

السلام عليكم ورحمة الله وبركاته

كيف الحال حبايبي ان شاء الله بخييييير

في التاريخ اعلاه سيكون يوم رحلتي لباريس

حبيت بس اعرف اذا ممكن من منكم توها راده من باريس

ومن ناويه تروح بنفس التاريخ

وحبيت اعرف بعد عن الجو هناك في شهر ثمانيه

ساعدوني تكفون

 

[جورية الكوت]

:klhfl:وعليكم السلام ورحمة الله وبركاته​

تروحين وتردين بالسلامه يالغاليه​

درجة الحراره حاليا في باريس 24 °C, العظمى. 14 °C, الصغرى​

وراح ترتفع نسبيا في الايام القادمه ان شاءالله يعني جوهم ربيعي بين غائم ومشمس​

انا اهلي هناك حاليا بس انا ان شاءالله التقي فيهم في جنيف ( لأني أحب البراد ) _03BA:​

واذا كنتي تحبين التحف الفرنسيه و قراش العطور اللي اشكالها حلوه وأسعارها معقوله روحي شارع rue de rivoli مقابل متحف اللوفر​

و في عطور في سيفورا اللي في شارع الشانزليزيه موموجوده الا عندهم و حلوه وايد​

إذا تبين تشترين خط مسبق الدفع (سوا الفرنسيين) مثل ايزي واكسبرس سعر الشريحه حوالي 30 يورو .. ويطلبون منج جواز السفر عشان يعطونج شريحه!! وراح تلاقينه بمحل يم سيفورا اسمه فناك FNAC مشهور بالادوات الالكترونيه من كمبيوترات وجوالات وافلام فيديو ووايد شغلات بعد​

بالسلامه:tek:​

 

[الوسام]

فديت عمرك ماقصرتي يابعدي

 

[مـزيـااان]

تروحون وتجون بالسلامة

 

[الوسام]

تسلمين ياعمري انتي

 

[84 Miss Chocolate]

انا حبيبتي توني راده من باريس من 5 شهور تقريبا آمـــــــــــــري

 

[التوت البري]

هلا و الله فيج حبيبتي إذا تامرين على شي أنا موجودة حاليا في باريس
الجو عندنا يهبل الظهر يصير شوية دفا بس الصبح و بالليل براد تقريبا درجة الحرارة 15

 

[الوسام]

والله حبايبي

قمر اليرموك ماقصرتي

بس حبيت اعرف وش سويتي بالضبط بصراحه انا خايفه من السفره والبلد

 

[الوسام]

عمري والله انتي ياتوت بري

جزاك الله الف خير

حبيت اعرف كل شي بالتفصيل عن هذي الدوله اول مره وخايفه مره

خاصه من المترو

متى تردون ان شاء الله

الحق عليكم هناك ولا

 

[@Miss Dio@]

هلا وسام ان شاء الله يكتب لي واكون ويااج وين حجزتي اي فندق؟
وبنات الحي الاتيني شنو فيه بالضبط يسوى الروحه والا لأ؟

 

[الوسام]

هلا عمري miss dio انا رحلتي 14 اغسطس على طيران الخليج

وحجزت في الكونكورد لافاييت

وانتي وين حجزتي يالله نبي نشوف بعض هناك ماوصيك علي تراي ما ادل هناك

ههههههههههههه

 

[@Miss Dio@]

انا بطلع لها من جنيف بس ونفس فندقج بس مكتب السفريات لعب باعصابي للحين مو مضبط حجزي بجم حصلتي التذكره والفندق الليله بجم خل اشوف ان قص علي بروح ازنطه اللي بالمكتب باجر؟

 

[الوسام]

والله الرحله لمدة 11 يوم

كلفتنا 16000 ريال يعني 1500 دينار تقريبا

السكن بـ 150 دينار الليلة والتذاكر تقريبا 270 دينار

بس زوجي راح حجز من السعوديه

لان اهله هناك ساكنين

طيب كيف بعرفك هناك

عندي سؤال ممكن؟\

اقدر اودي معي اللابتوب حقي ولا فيه تفتيش وسالفه

 

[الوسام]

نسيت اقول لك ان عيال خوالي من قطر

ودايم يروحون يحجزون من السعوديه ارخص لهم

من مكتب سفريات اسمه ميعاد للسفر والسياحه

 

[@Miss Dio@]

والله يا اختي ما ادري انتي من الكويت والا سعوديه اذا كويتيه ماعندج سالفه بهالحركه اصلا في منتدى العرب المسافرون كل السعوديين يقولون السعر بالكويت ارخص
على العموم المهم حصلتي حجز وريحتي بالج انا للحين مو مأكده حجزي ومو محصله رجعه يوم 17 فاحتمال ارجع يوم 19 وانا ما راح آحذ عيالي ووايد احاتي
شوفي ما كو الا نتواعد كل وحده تلبس لون معين ههههههههههه
ونخلي رياييلنا بالفندق ونروحي الجاليري لافييت تحتنا مالهم حجه كلش ماراح نركب تاكسي ولا اند جراوند اشرايج؟؟؟
عاد اتصدقين ناويه اشتري من هناك حق العيد بس حسافه روجتنا نا واياج على الكولكشن الشتوي يا خسااااااااااااره

وبعدين باقلبي الاب توب عادي بس انا لما اسافر ما آخذ لا لاب توب ولا موببايل الواحد لازم يرتاح هالجم يوم من صجج سوي ريلاكس يا حبي


يالله بنات منو راح يكون معانا بهالفتره بالكونكورد لافييت نقعد باللوبي ونسوي ديوانيه بليل ههههههههه

 

[الوسام]

فديت عمرك انا

يابعدي انتي

انا زوجي سعودي

وعندي الجنسيتين

انا سعوديه من اصل كويتي

وصدقيني بالسعوديه ارخص

عموما اتشرف بشوفتك

وانا متأكده اننا بنعرف بعض بسرررعه

بس انت اسألي عني وبتحصليني

ونروح نتسوق للعيدبس انا عمياء ما ادل بباريس ولاشي

عاد لاتخلين اختك ياعمري

 

[&أمواج&]

انا توني رادة امس من باريس جوها مطر وبراد مو طبيعي
الجو منعش في الصبح دفا بس بالليل جاكيت خفيف
بس ومناسة حلوة

 

[*+$كويتية$+*]

حبيبتي حبيت اساعدج وانا رحت حق فرنسا صيف 2006 وصيف 2007

واحتمال هالسنة اروح بس هذا الموضوع راح يفيدج

http://q8yat.net/showthread.php?p=4497083#post4497083