15 سنة في القفص الذهبي و ما فوق ... تعالي شاركينا

[برنسيسة الشمال]

عقب التفاعل رجع الموضوع ورا

 

[بـــــــــدور]

رفع رفع

 

[NaYoob]

اب لعيونكم ^^

 

[شوتايم]

حرام عليكم ردودكم تحطم

 

[أم الفارسة]

يا ام خالد لو قاصدة نفيد الصغار , اقول اهم شي في الزواج الصبر سواء على الزوج او الحمولة او الاقاويل لأن على ما يغير طبع شين اوتوضحين معلومة اصلا من حقج تطلع روحج فبعد 20 سنة صار زوجي يغض النظر عن وايد امور بس للاسف انة ما صرت اتحمل كل شى صار عكس بس خطوه حلوه انه تغير وانه قاعدة ارجع نفسي مثل اول حتى عيالي يساعدوني كانه فهمني وتحسف على العصبية القديمة اصلا حتى لما يدكرونة اهله وربعه يقول معقوله انه كنت بها لصو ره ، والحين يقول لي روحي تعالي مو كل شي تستادنين كانه معطيني الضوء الأخضر

 

[خبيرة اعشاب]

غراس يا حياتي ايوة هذا الي نبيه :eh_s(10)::eh_s(10):

انا بعد عكسج تماما

بحكم اني متزوجة احم احم عن حب

فكانت اول 3 او 4 سنوات زواج نفس الحلم

بعدين كان في مشاكل بسيطة و على قولتهم تغيرت الاولويات

بس مو معناه ان ما نفهم بعض او ما نحب بعض

بس المسالة بكل بساطة ان كل واحد ماله خلق الثاني

و هذا الي حابة اناقشه ... هل بعد 15 سنة زواج لج خلق اتجابلين الرجال و اتشوفين متطلباته ؟؟

 

[خبيرة اعشاب]

اكيد ام الفارسة كل انسان و له هفوات

انا شخصيا لما اتذكر بعض الامور الي كنت اسويها قبل

اقول بيني و بين نفسي افااا شلون كان متحملني ؟؟

و هم بعد اذكره ببعض الامور الي كان طايح لي فيها يقول لا خلاص تغيرنا ..

بس هم بعد الرجال اذا تغير للاحسن مو زين اتنج اذكرينه انه كان عصبي او كان

يهاوش على شغلة معينة .. احتمال بوطبيع يرد على طبعه

 

[Om_Ksha]

اب


اب


مووضووع مفيد .. ويريت لو تقولون شلون تتخططون الملل رغم السنين !!

 

[سوزي الشرقية]

موضوع حليوة عجبني وبقوة بس اني ماصار لي 15سنة 11شؤال بكمل سنتين من زواجي على خير بس ماحس بتغيرررر ووواجد هواني صرت اتحمل شوي طبخ وغيره وتنظيف وكذا لاني بعدني ماحملت ولاجربت مسؤولية طفل وكيف اتغير على ابوالشباب ومايصير عندي وقت اله وكذا؟؟فهمتو عليي...

 

[أحبك أمي]

صباح الخير
موضوع رائع
ونقاش هادف
ومنكم نستفيد
الي الامام دوما يأم خالد

 

[ريماا]

عمرري مافكرت بعد15سنه شنو بيكوون الوضع :bbbiu:
بس ردووودكم خوووفتني يعنى للى بيمل ممكن يمل من اول سنه هذا طبع الانسان ملوول من الروتين ومع اى تغيير بسيط يستعيد نشااطة وخصوصا اذا هالشي ملزووم منة مثل الحياه الزوجية وعيال وتربيه موو بكيفة او بالصح موسهله عليه بعد15سنة يترك كل شى ورا ضهرة:080402ask_prv:
للى يحكم هالشي من نظرى امووور كثيرة
اولها الزووووجه اهى صايرة بالحياااة الزوجيه الفرد الوحيد للى لازم يكوون بيرفكت بكل شي
تربيه وزوج
يعنى احنا اهنى بنتكلم عن الزوج العاادى عصبى هادى مرات مقصر ومرات مومقصر مانتكلم عن المزواجى او للى موحااب مراتة بس عايش للعيال او للى عندة مشاكل نفسيه انا اتكلم عن العاادى
هذا ليش يتغير بعد ال15سنة:eh_s(1):
ارد واقول بنظري انة اغلب الاسباب تكووون من الزوجه لانها كل ماتكبر كل ماتتغير وتهمل اموور هذا سبب فهو شى طبيعى بيوم من الاياام بيقول بينا وبين نفسه تغيرت او اكبرت او شفيها امتنت او او هذى نقطة بغض النظر انة اهو تغير اهو مايشوف عمرة
ثاانى شى مع العمر الرجل يتعب يبي يرتاااح من التربيه والهم وغيرة اذا مالقي شريكه حيااتة مستعدة انة تطلعة وتخلقله جوو الحب للي اشتاقلة وافقدة رااح يطري فى باااله يجدد حيااته ولو اهي بدت تغير اهو ماراح يشوف هالتغير لانة خطوة كاااشفهاا :rerrerek:
مثلا لو انتى شفتى وحدة كششششخه وبعدها شفتيا لابسة شى عاادى بتقولين لااا هذى معرووفه كشخة اكيد هذى المووضه والعكس صحيح لووحدة هيلقيه وتعدلت بتقولين وييع توها تسنعت نست عمرها
هذاا للى بوصلة من اول يوم زوااج لى ماله نهااايه عيشي فيلم مكسيكى او تركى كثر مايشوفج تحبينا بحدود ولج كيانج وحبووبه وذكيه ومعيشته قصة حب ماراح يمل :eh_s(7):
خلييج فريش دايما وناايس انا احس انة فعلا الزوج يحب الزوجه من اطباعها فى اطباع بالناس تخليج ماتملين منهم لوتقعدين ساعات ماتحسين بالوقت يعنى ممكن تمر سنين يحس لى الحين ماشبع منج ولاينتبه للتغيرات العمريه خصوصا اذا انتى مسيطرة عالوضع ومهتمة بالشكل الخااارجي :ggdw: لله يتمم على كل متزوجه سعادتهاا:eh_s(7): ونسيت شغلة مهمة بعد الرجال على ماتعودينا يعنى مسؤلياتة لاتقومين فيهاا كلللش
واذا بعد كل هذاا وتغير:rgewrg: للى مايعدج ربح لاتعدينا خسارة

 

[كااامل الزين]

الحمد الله 17 سنة تزوجنا زواج تقليدي خبط لزق حتي ما شافني عمري 19 وعمرة 28 اول سنة صراع الجبابرة وثنينتنا روس ونطحنا بعض لين قلنا بس مشكلتة يقارني بفلانة وفلنتانة وانا ماا احب المقارنات ومالي شغل باحد وقائمة الممنوعات الطويلة العريضة بس والله بالحب والمسايسة وانا طبعي هادي واخد الواحد علا قد عقلة عرفت مفتاحة بالطيب اكسر عينة ما ادري احس المرة بالزواج تظل هي الطرف الاعقل والاحكم وهي اللي بايدها تمشي المركب او توقفة ولازم تضحي وتتغا فل وتصييير غبية مرات وتعطي الرجال جوة ولا ما تعيش

 

[هيبة ملك]

صراحة موضوع حلو ومفيد فيه تجارب وخبرات راح تفيدنا

الله يتمم عليكم والعمر كله مع بعض

 

[حظ من عنده انا]

الموووضووع روووعه


الله يجعلنا قرة اعين لازواجنا

ويجعل ازواجنا وذريتنا قرة اعين

امين

 

[خبيرة اعشاب]

سؤال يطرح نفسه :

بعض الردود كانت محبطة و تحتوي على قدر كبير من الالم ، فهل المراة التي تعيش حياة زوجية غير مرضية .. تستطيع التخلص منها بعد مرور ١٠ او ١٥ سنة على الزواج الغير المتكافئ ؟
هل تستطيع البدء من جديد ؟
هل تستطيع التخلي عن الواقع الذي اصبح عادة يومية ،،،
و لماذا الصبر على واقع تتجرعينه مرغمة ،،،

هل بعد ١٠ او ١٥ سنة تطمحين لتغيير طبع الزوج بقدرة قادر ،،، صدقوني ما فشلتي في تحقيقه اول ٥ سنوات من الحياة الزوجية من العسير جدا تحقيقه بعد ذلك

 

[zarax]

انا الله يسلمكم طقيت ال25 هالعيد لالالالا تقولو عجوز الحمدلله حنا عيلتنا ما يبان علينا الكبر لما احد يشوفني مع بناتي والله يحسبوني اختهم وما شاء الله زوجت وحدة احيانا احس ابوهم يغار لما اروح مناسبة وارد يقول هاه قالو عنك صغيرة وانا محافظة عل جسمي انا وبنتي الكبيرة نلبس من بعض وهذا مهم انك ما تتركي وزنك يزيد وتبلشي اصغر عيالي 14 احس اني صغيرة ليه لاني فرفوشة واحب الضحك والحركات وعجزت اكون مثل اللي بسني عشان كذا لما تصير مشاكل بينا يقول متى تكبرين ويعاملني اني ما زلت اتعلم يمكن لو شايفني رابطة شعري ولابسة جلابية مثل الحريم الكبار يغير معاملته ان وبناتي نستخدم الاكسسوارت مع بعض والمكياجات والماسكات سوا وكنا صديقات وغير كذا بيتي مرتب وشاطرة بالطبخ والخياطة وما اجلس اضيع وقتي لازم اشوف شي يشغلني ما احب ان يكون زوجي محور اهتمامي فيه اهلي وجاراتي زيارة اسبوعية ما اطلع الا معه ويكون مبسوط ما الح عليه ولا ازعجه وين ما يروح له عمله بعد التقاعد ويومين بالاسبوع يطلع سهرة عادية ويرد عشان كذا بس يرجع يقول كل اللي عنده ونروح سفرات وما يقصر الوحدة تخلي حياتها متوازنة والاهم ما تقولي كبرنا خلاص عيب ما اسوي كذا هذي لا تقوليها عنده دايم اقول لما يسالني بعد هذي السنين ايش رايك ما زهقتي اقول وانا صادقة ما مليت من الزواج والمسؤوليات لاني طموحة فيه شي باقي انتظره وش هو ما ادري ما خليت الزواج اخر محطة وانا طول عمري اشوف ان الزوجة ما تخلي زوجها حتى وقت الولادة انا 5 ولادات ما طلعت من بيتي يمكن يحتاج كلمة لمسة يكوني موجودة لان اللي اشوف هالبنات اليومين ذي تطق اربعين واكثر وترجع تقول غيرت وقصيت ولا اهتم اكيد بعيد عن العين بعيد عن القلب وفي الاخير اقول خليكي متجددة باستمرار مبتسمة وقنوعة وواثقة من نفسك اهم شي واذا ماعجبه شي تغيرين بس حتى ترضيه لا اهم شي قناعتك انت واصارك وثباتك على رايك اذا صح ودمتم بود واذا تذكرت شي ارحع اقول واذكروا الله.

 

[om al ghaleen]

خوش موضوع متابعته .. انا تقريبا لي 13 سنه ماشالله
وماادري مااحس شي تغير احس لي الحين كأنه 3 او اربع سنوات
قبل كنت عصبيه الحين اهدى
اهو هادي الحين عصبي


قبل ياكل وايد الحين يفكر بصحته
انا قبل كله عصله الحين تربربت ومستانس

قبل يطلع ويسهر وايد
الحين خفت سهراته وصار يتعب من الشغل
انا قبل كله في البيت والحين العكس احب اطلع
مع خواتي ورفيجاتي


قبل ينام نومه آهل الكهف
الحين نومته بس 3 او 4 ساعات
والعكس آنا صرت انام وايد :dوقبل ساعتين تكفيني


قبل خجوووووول بشكل مو طبيعي
الحين لا اليراعه كله فيه ههههههه




ووايد اشياء صارت بس مااحسها غيرت
من روتين حياتنا هذا احنا والله لايغير علينا
ادعوا انه مايتغير عي :yaaaaaarb:

 

[صادقة بكلمتي]

انا دشيت لقاااااااااافه ابي بس اتمنالكم الحياه السعيدة ويسخر ريايلكم لكم على كل خير واللي تعاني بعد يسخره لها ولعياله واللي يوفقنا بعد اللي ما وصلنا للسنين مثلكم ونعيش بخير وسعادة والله يطول باعمارنا اجمعيييييييييييييييين ولا يفجعنا بغالينا اللهم امين تقبلوووووووووووووووووووووووا مروووووووووووووووووووووووري

 

[متوترة]

وه ياحياتي عسى الله يهنيكم ويسعدكم طول العمر


كل ماضاقت فيكم صلاه الليل مفعولها عجيب
لاتغير زوجج عليج لاضاقت بج الدنيا
لاحسيت انج لحالج بالدنيا ولاحد يمج
لو سمح الله وطلع من عيالج منهو عاق

لادكاتره ولاافكار جديده تاخذينها من غيرج تفيدج

مالكم الا الدعاء صلاه الليل ..... وتدعين الله بكل الي تبين
وعسى الله يحقق لكم مرادكم يارب

 

[عاشقة الاسلام]

الله يوفقكم جميعن انشاءالله