20 سنه عانس؟؟؟؟؟؟؟؟؟؟؟؟

[قمر 777]

قوه بنات



برايكم متى اتصير البنت عانس بالكويت طبعا؟

لان انصدمت من وحده من جماعتنا تقول ويييي ابي اخطب لولدي جان تقولها بنتها خطبي فلانه جان اتقول وي وي وي افلانه عانس عمرها 22:eh_s(11): ابي بنت صغيره 18 19

انا انصدمت يابنات قلت معقوله العنوسه تبدأ بال22 !!!!!!!!
شرايكم بنات

< عمري 22 ههههههههههه بس السالفه مو عني ترا ههههههههههههههههههههههه :eh_s(7):

 

[معشوقتهـ]

الحمدلله والشكر شكووووووو 22 عنست انا اعرف العنوسه من35 وفوق بالنسبه لي عمرج قمه الشباب والحيويه مالج شغل انتي الحلا كله لا يأثر فيج هالحجي

 

[أبلة كويتية]

ويه عيل آنا عااااانس من سنة يدي

آنا عمري 29 يعني إذا العنوسة من ال 20 يعني 29 شيخوخة خخخخخخ هههههههااااي

مالج شغل منها توج بعز شبابج لا عانس ولا شي

موفقة يالغالية والله يرزقح بولد الحلال إللي يستاهلج

 

[Miss.6Mo7]

شكو يبآ ؟؟

الكبر شين .. وإضربت فيوزآت الحجيه لوول .. مآعلييج من كلآم النآس

 

[موت وميلاد]

الصراحه موبس هالمره جذي تفكيرها

وااااااااااااااااااااااااايد ناس صار جذي تفكيرهم الحمدلله والشكر

انا عمري 22 سنه ومحسسيني اني عانس

بس الحمدلله الحين احاول ماسمعلهم والله يرزقني ان شاءالله ويرزق كل بنات المسلمين

 

[دااانوه]

الحمدلله خرفت وقعدت هالحرمه مسكيييينه

شدعوه 22 عانس !!

اجل فوق الــ 35 وش تسميهمـ ؟

بس اعتقد ان ولدها صغير يعني ماتعدى 23 عشان كذا تبي وحده بالـ 18 او 19

ماعليك منها حبيبتي

 

[قمر 777]

بعد عمري نورتوو الصفحه وعطرتوها

والله انصدمت من كلامها بققت عيوني عليها هههههههه
وحده ثانيه تقول اللي كبرج عندا 4 يهال! بسم الله الرحمن الرحيم هههههههههههههههه

 

[اموله111]

لاحبيبتي العنوسه في نظري تبدا من30
الله يرزقك يارب

 

[انا احلى]

لا شكوو
العنوسه من 30 وفوووووووووووووق

 

[الغدق]

امممممممممم
لووووووووووووووول
يعني انا على وشك العنوسة أنا 21
شكله ولدها صغير
بس انا احس ان العنوسة من 25 وفوق
لأن بهالعمر اتكون البنيه ملخصه
دراسة وتوها متوظفه صارلها
3أو 4سنين
لأن حلات البينه ماتزوج إلا لما تخرج من الجامعة
أو اتكو على وشك تخرج
بس شكو 22عاانس وبعدين مو عالعمر أنا احس عالشكل
اشكثر بنات اعمارهم 26 تعطينهم 18 او17
وبعدين إذا الله رزقج بواحد كبرج أو اكبر منج بجم سنة
ماتحسين انج عانس

 

[قمر 777]

رفع

 

[tolay]

لاعاد شدعوووووووه 22 !!!

بس في قبيله معينه عندهم بناتهم يتزوجون مبجر وعندهم اللي عمرها 22 23 ماتزوجت او ملجت غريبه !!

بس احس بزمنا العانس تبدي من 28 وصاعد .... مع اني ماحب هالكلمه ( العانس )

 

[الشامخهـ]

الحمدلله والشكر 22 عانس .. أمانه شلون يفكروون هالعالم

 

[alb7ranya17]

ههههههههههههههه اشوه اني تزوجت بال21 سنه ههه ولا جان انا عانس الحين اي عادي اخوي حطب وحده عمرها 17 سنه يقول ال20عانس وكبيره ومالها خلق روحها

 

[الحــــياة]

بنات ما تلاحظون المنتدى كثرت مواضيعه عن(العانس)
العانس يبدى من عمرها من كذا ال كذا والرد الثاني لا فوق العمر كذا ما يبونها يبون اصغر ووووووو
راعو مشاعر غيركم واعرفووووووووو ان النصيب والرزق بيد الله مو بيد الناس الي تفتي من كيفها يمكن في ناس واجد مضايقه من هالشغلات واما تقراها بالنتدى تضايق زياده؟؟؟
هذا ردي وتقبلووو مروري

 

[Marka Store]

نفس ماقالوا البنات من 35 وفوق

 

[يا حظ عينك]

وي وي وي وي وي وي
عيل 25 خلااااااص راحت علي
لالالا هذي ماعندهاا سالفه
وتييب الاحبااااااااط

 

[نـ(المطيري)ـازكـ]

مشكلة الحين ع بالهم اللي عمرها بال 20 عانس

انا سمعت ان 30 سنة هذا عز الشباب فما بالج بالـ 20 ..!!

حرام عليهم ..

 

[el3aNoOoNa]

لاااااااا يبى اي شيء
انا بصراحه عندي العنوسه من 32 وفوووووق بس طول ماهي بالعشرينات في اهي شبااااااااب

 

[al7b '7ald]

لول شكو
أنا بنسبه لي ماكو شي أسمه عنوسه
كل عمر له شيه وفي ناس تزوج بعمر كبير مثل ٤٠ و-٥٠
بنت خالة أمي توها متزوجه بالخمسين
شخباري عنوسه