2000 دينار تودي حق اي دوله لشخصين لمده اسبوع؟؟

[om.3omar]

شراايكم تودي ماليزيا؟؟


ولا دبي ؟؟


طبعا 2000 معه التذاكر والسفر والصرف

وشكرا مقدما

 

[منورة الكويتية]

انا اقول روحي ماليزيا شتبين بدبي نار وشرار
ماليزيا طبيعه صج شوي حر بس حلووة
وارخص من دبي
و2000 تكفي
احنا كفانا اقل من 2000 السنه الي طافت

 

[om.3omar]

الله يبشرج بالخير مشكوره

 

[@ دهن العود @]

انا وزوجى رحنا ماليزيا لمدة 15 يوم 4 جزر وفنادق 5 نجوم ولعبنا لعب ما خلينا بخاطرنا شى وكلفتنا مع التذاكر والسكن 2000 دينار

ورحنا دبى لمدة 5 ايام كلفتنا 800 دينار

بس بصراحه ماليزيا احلى واونس

 

[bambena]

لبنان

مصر

ماليزيا

 

[[Q8TYA]]

روحي تايلند احلى من ماليزيا وسوقها هم احلا
قعدي في بوكت 4 تيام عشان الرحلات والوناسه وبعدين ردي بانكوك حق التسوق قعدي فيها 5 تيام

 

[عيمية^والقلب^كندري]

انا اقول شلج باالدول هذي حر ورطوبة حسب ما اسمع انا افضل الدول الاوروبية روحي النمسا اتينن واسبوع تكفيج 2000 يعني حده حده بس تستانسين وايد

 

[rawona]

حبيبتي انا رحت سنة 2006 شهر 11 (يعني بالهاي سيزن عندهم) حق تايلند قعدت 11 يوم في بوكيت و3 ايام في العاصمة بانكوك وكلفتني السفرة 2000 دينار تذاكر وفنادق ومصرف وتسوق لوول

وللعلم قاعدة بفنادق 5 ستارز

في بوكيت قعدت في Le Meridian Phuket Yacht Club والفندق له برايفت بيتش وقعدت في الديلوكس روم مع البريكفاست


وفي بانكوك قعدت في Sheraton Grand على السوكمت رود شي جذي وكان راقي وحلو ..

بس للعلم انا رايحة نقاهه ماشريت وايد بس استمتعت حيل بهالرحلة وخاصة في بوكيت لاني اموووت على البحر والرحلات البحرية ..


موفقه ​

 

[بنت عبدالغني شربت]

هلا حبوبه انا من رايي تروحين دوله اوربيه اسبوع تكفيج 2000 دينار

التذاكر على الاماراتيه 550 حق الشخصين

والفنادق الليله تقريبا على 50 اخذي فور ستار

والمصرف 1000 كفاااااايه طبعا ماكو سوووووق

 

[رقي]

اتكفي وتزيد
التذكره مع السكن يطلع الشخص اقل من 500

 

[brettey]

روحي ماليزيا روووووووووووعه

 

[أم حمني المزيون]

2000تكفيج وزبادة حق ماليزيا....
ولا تفكرين بدبي وايد غالية وماكو مجال للمقارنة بينها وبين ماليزيا ..

 

[kandora]

ريلي يقووووولج روحي تايلند وخمي الدنيا اهناااااااااااااااااك واستانسسي

 

[بطه فيها نطه]

ماليزيا + تايلند بــ 2000 دك

اخذيها على طيران الامارات ترانزيت دبي .... اسبوعين

واذا تبين اي شيء بخصوص فنادق بانكوك او كولالمبور انا حاضره

 

[om.3omar]

مشكورين بنات ماتقصرون والله انكم اكثر من خوات


بس انا ماودي اوربا لان عاارفه سوقه اوربا مااقدر استغني عنها يعني مابي احس الفلوس فيها قااصر

عشان جذي بخاطري ماليزيا لانها رخيصه

وتايلند حلوه بس مادري ليش احسها وصخه من ناحيه شوارعها وجذي

 

[om.3omar]

بنات كل وحده تقولي الي راحت ماليزيا جم يوم قعدت ؟؟وشكثر كلفتها ؟؟

 

[@ دهن العود @]

انا قعدت 15 يوم وكلفتنى 2000 دينار مع التذاكر على الاماراتيه والسكن

 

[om.3omar]

هلا حبوبه انا من رايي تروحين دوله اوربيه اسبوع تكفيج 2000 دينار

التذاكر على الاماراتيه 550 حق الشخصين

والفنادق الليله تقريبا على 50 اخذي فور ستار

والمصرف 1000 كفاااااايه طبعا ماكو سوووووق

عشان جذي مابي اوربا لان ادري مااقدر مااروح السوق على الاقل يبيلي صوايغ لانها اول مره معه ريلي

:dddds:

 

[galaxy]

تايلند
احسن لج
وارخص
2000 تكفيج مع السوق

 

[مريومه20]

هلا انا عن تجربه رحت ماليزيا شهر 2 وقعدنا 20 يوم مع طيران داخلي وماخليت شي ماخذيته ولا مكان مارحناله وكلفنا اقل من2000 ورحت الامارات شهر 8 3 ايام كلفنا 700 وماشريت شي بعد ولا حدايق ولا شي بس سكن واكل وسياره وووووو غااااااااااااااااااااااااااااالي نصيحه روحي ماليزيا وانتي مغمضه