2000 دينار تودي حق اي دوله لشخصين لمده اسبوع؟؟

[MyLittleBerry]

تايلاند كلفتني انا وعيالي الاثنين الصغار 2000 دينار وطبعا مع ريلي قعدنا اسبوعين


ماليزيا بعد


وتركيا حجزت انا وريلي على طيران الجزيره لمدة اسبوع التذاكر 180 دينار

الاقامه تقريبا 300 دينار

 

[om.3omar]

مشكورين حبايبي


شكلي بعتمد خلاص ماليزيا


انزين شلونها بالشتى شهر 1 او 2 ؟؟

 

[حاااايره]

بنات من صجكم والا تبالغون

انا رحت بالصيف اسبوعين فينا زلامسي ميونخ عالقطريه تذاكرنا ب 300 وسكنا بفنادق هلتون فينا وهوليدي ان ميونخ نيو بوست زلمسي مع رحلات وتأجير سيارع مده اسبوع ----> اخذناها من زلمسي ومطاعم عربيه لا ماكدونالدز ولا شي كلفنا 2100 دك وشريت ب 400 دك مشتريات وصوغات خفيفه يعني السفره كلهاااااااااااااااااا ب 2500 لا وبالصيف وانتو تقولون 2000 ما تكفي اسبوع ؟؟؟؟؟؟؟؟

 

[حاااايره]

نصيحه ماليزيا مو ذاك الزود تايلند احلاااااااااااااااا


والله يونسكم بالعافيه

 

[om.3omar]

اوربا صج يبيلها ميزانيه


انزين ليش تايلند احلى


تهقين حق شهر عسل احلى

؟؟

 

[بطه فيها نطه]

روحي الثنتين ماليزيا وتايلند .... انا بكل سفره اروح فيها ماليزيا اروح تايلند نفس الدرب

والتكلفه وحده اقسمها بينهم .... ماليزيا فيها مولات كبيره ومنتجعات واماكن سياحية

اكثر من تايلند ... وتايلند حق التشري ... موشرط تروحين جزر .. تكفي بانكوك

ارخصلك من ناحية الاسوقه ....

 

[om.3omar]

شكرا بنات

 

[أم حسون]

انا وريلي رحنا ماليزيا حق 10 ايام طبعا رحنا 3 مناطق ومع التذاكر الداخليه وتذاكرنا وتسوقنا وصوايغنا والتكاسي وغير التلفونات وغير الرحلات يعني السفره كلها 1600 بس صج صج وناسه اذا تبين نصيحتي روحيلها

 

[om.3omar]

مشكوره ام حسون؟؟

 

[أم صالح]

انا رايحه ماليزيا وتايلند ماليزيا نظيفه ماتشوفين وصخ بالشارع ولاريحه ولامناظر نفس تايلند ومولاتها حلوه وفيها رحلات وايدوجزر تونس بس انا احب اللويه عشان جذي اعجبتني تايلند اكثر لويه وناسه بالليل الاسواق شغاله والناس رايحه راده ودار مادار الفنادق محلات وبسطات من الفجر لي اخر الليل ورخيصه والشعب فقير بس يبون احد يشتري ويكاسرون ويفاصلون بالسعر وبعد ماليزيا موغاليه بس هاديه
وعلى فكره الفين توديج الديرتين وتزيد انا كل مره احجز كويت بانكوك كويت ومن هناك ناخذ ماليزيا ونرجع نتسوق في بانكوك

 

[om.3omar]

مشكورين زين فيه شي رخيص للحين

 

[بعثرة محبره]

يوووه من اليوم اكتب ردي واخر شي انمسح ..

بأختصار . روحي لماليزيا ,,

هناك فيه مرشد سياحي لبناني تعرفنا عليه وعلى اهله حيييل معاملتهم حوه وراقيه ..
احنا تكلفنا بسفرتنا بسبب الفنادق الغاليه على قل سنع ..

قالنا هو اذا جيتوا مره ثانيه علموني قبل بوقت اضبط لكم حجوزات بارخص سعر واضبط جدولكم ..
حيل ارتحنا معه ويكفي انه يتكلم عربي ..
المشكله مضيعين رقمه وهذا انا قاعده ادور عليه بالمنتديات واحوس وماني لاقيته
نبيه ودنا نروح

 

[om.3omar]

مشكوره حبيتي

 

[وردة-الكويت]

البنات كفو ووفو

وسفره موفقه

 

[dnyay_mll]

ماليزيا
تكفيـج 2000 وهذا كله مع التسوق

 

[NICE BABY]

رووووووووووووووووحى ماليزيا اكيد انا قطيت بدبى 3 ايام واربع ليالي و

1850 دينار والمفاجئة لما رديت الكويت وفتحت الجنطة ولا انا مو شارية ولا شي علية القيمة ابد كلة خرابيط وكلها موجودة بالكويت

 

[برنسيسة زمااني]

ماليزيا يمدحونها حيل

 

[84 Miss Chocolate]

والله روحي اوربا عندج روما اتينن بالشتا و 2000 اتكفيج انشاءالله قولي اسبوع ل 10 اياام

 

[dan]

انشالله تكفيج و روحي ماليزا وايد راح تستانسين

 

[malekatsabaa]

لا تفكرين بدبي لو عندج 10000 دينار..
مادري على شنو هالغلا..اوروبا صارت ارخص !

ماليزيا وبس
ولا تحاتين المصرف ولا تسالين فلوسج تكفيج اسبوعين مع المشتريات !!وانا لو منج امر تايلند بعد جم يوم !!
وتروحين وتردين بالسلامه