2900دينار يطلع لك ربع مليون دينار في اسبوع

[هنوده 66]

بنات في تجاره والله مربحه حيل بس المشكله لازم لها ريال اهو الي يقوم فيها

اي 2900دينار يطلع مربح ربع مليون في اسبوع بس لازم تكون في موسم اعياد او مناسبات او عطل رسميه

المشروع اهو العاب ناريه يجبونها من الصين كنتيرنر بحوالي 10000 دولار واصل للكويت اسعارهم رخيصه هناك

واهني اذا في وحده تلاحظ انها مو متوفره في الكويت وعليها طلب يعني الحبه ام دينار توصل سعرها 25 دينار تقريبا

واعلان في الجرايد الاعلانيه بس مليون محل ومندوب يدق عليك يا علي التصريف وياخذ عمولته او يشيلهم مره وحده واهو

يوزعها بمعرفته للمحلات .

بس لازم ريال يروح للصين ويطلبها من هناك و اهي الدوله الوحيد الي تنتج الاشياء هذي

 

[((الزين))]

والله انا اخوى من زمان يقول لى عن هالفكره بس اللى خلانى اتردد ان الجمارك يصادرون هالسوالف وخفت تضيع فلوسى:eh_s(1):
يعنى يبيلها واسطه بالجمارك تطوفها

 

[ملح بدويه]

الله يوفقكم

 

[مـزيـااان]

بس حراام هذى العاب خطرة

الله بحاسبكم على ضحاياهااا

 

[هنوده 66]

صح انها خطر اختي

بس انها مربحه ورحها سريع

 

[هنوده 66]

والله انا اخوى من زمان يقول لى عن هالفكره بس اللى خلانى اتردد ان الجمارك يصادرون هالسوالف وخفت تضيع فلوسى:eh_s(1):
يعنى يبيلها واسطه بالجمارك تطوفها

الجمارك صح

بس في انواع خطره مثل الصاروخ العود الي ينفجر بالجو ويطلع الوان هذا الممنوع

 

[هنوده 66]

الله يوفقكم

:eh_s(6):

 

[نعم لاسقاط القروووض]

هلا هنوده 66
شوفي حبيبتي ادش معاج ب 500 واشوف حظي يمكن اربح
يعني انا 500 وانتي 500 واخوج الباجي ههههههههههه
وانا حابه اجرب وناطره ردج

 

[((الزين))]

بس حراام هذى العاب خطرة

الله بحاسبكم على ضحاياهااا

ليش بنستورد قنابل الله يهداج
واذا هذا خطره ترى فى وايد ألعاب خطره
البقى خطر وتأجيرحصان والياهل يركب فوقه خطر
الالعاب والنطاطيات خطره يعنى بالعربى اذا بنشوف كل شى خطر
ما راح نخلى شى
واعتقد ان انتى بالكويت وتشوفين بالعيد هالسوالف
اختى انا ما عمرى سمعت ان لها ضحايا الا الحجم الكبير صح انا معاج
وانا لو افكر اشترى وادخل بييب الحجم الصغير اللى من عمر واحنا عيالنا يلعبون فيه
سبحان الله كل محلات الوافدين يبيعونه والام بنفسها تاخذ عيالها وتشترى لهم
بس اذا الكويتى فكر بشى يستفيد منه تطلع العذاريب ويتحول الموضوع الى حلال وحرام:eh_s(1):

 

[هنوده 66]

هلا هنوده 66
شوفي حبيبتي ادش معاج ب 500 واشوف حظي يمكن اربح
يعني انا 500 وانتي 500 واخوج الباجي ههههههههههه
وانا حابه اجرب وناطره ردج

بصراحه الشغله هذي ماتبيلها شريك

 

[هنوده 66]

ليش بنستورد قنابل الله يهداج
واذا هذا خطره ترى فى وايد ألعاب خطره
البقى خطر وتأجيرحصان والياهل يركب فوقه خطر
الالعاب والنطاطيات خطره يعنى بالعربى اذا بنشوف كل شى خطر
ما راح نخلى شى
واعتقد ان انتى بالكويت وتشوفين بالعيد هالسوالف
اختى انا ما عمرى سمعت ان لها ضحايا الا الحجم الكبير صح انا معاج
وانا لو افكر اشترى وادخل بييب الحجم الصغير اللى من عمر واحنا عيالنا يلعبون فيه
سبحان الله كل محلات الوافدين يبيعونه والام بنفسها تاخذ عيالها وتشترى لهم
بس اذا الكويتى فكر بشى يستفيد منه تطلع العذاريب ويتحول الموضوع الى حلال وحرام:eh_s(1):

ام عبدالرحمن كلامك والله عدل بعدل الوافدين يستاهلون بس احنا لا مادري ليش والله الشي الي بيدنا افيد لنا كلنا

يعني دهننا بمكبتنا مثل مايقولون

حرام علينا وحلال علي غيرنا الوافدين اكلونا اكل واردء شي يجيبون لنا وحنا مستانسين فيها بعد

 

[فينيسيا]

الجمارك مانعه دخول الالعاب الناريه
يعني الي بتقط فلوسها را تتصادر البضاعه
هذا غير انها ممنوعه اصلا حت لو عدت من الجمارك
وفي قانون يمنع هالشغلات
فليش الوحده تتاجر ببضاعه ممنوعه

 

[شهد ستايل*]

حرق فلووووووووووووووووووس ..............ابتعدى عنها افضل

شوفى تجاره مفيده واحسن من هذى ..............الله يبارك لج فى فلوسج

 

[nmda]

حبيبتي شوفي أخرتقرير انكتب وانتي لك الحرية بالتجارة في هالالعاب الخطرة

15 اصابة ناتجة عن الالعاب النارية استقبلتها المستشفيات السعودية اول ايام العيد

وكالات - 2009-09-21

تبرز مع كل عيد أنواع جديدة من الألعاب النارية في السوق السعودية، وهي مفرقعات يمكن أن يطلق على بعضها وصف القنابل، مثل "هيروشيما"، التي لا يقلّ صوتها عن ذلك، و"القناص" المسماة نسبة إلى لاعب كرة القدم ياسر القحطاني، أو "عابر القارات"، بينما تقل القدرة التفجيرية في "لميس" و"طاش ما طاش" و"النافورة" مثلاً.

وتتفاوت هذه الصواريخ في إمكاناتها التقنية، فمنها ما هو مزود برأس متفجر، ومنها المزود برأسين ويصل سعر بعضها إلى 400 ريال.



وتشير صحيفة "الحياة"، في تقرير نشرته الاثنين 21-9-2009، إلى أن أكثر من 180 شخصاً، 90% منهم من النساء، يديرون أكبر سوق سوداء لبيع الألعاب النارية في مدينة الرياض. تبدأ هذه الألعاب بالرواج مع بداية رمضان ويزيد الإقبال عليها قبل أيام من العيد.

وعادة ما تحجز الأم وبناتها مكاناً ثابتاً لهن في السوق التي يطلق عليها سوق الحمام (جنوب مدينة الرياض) فيما يراقب الأبناء المكان تحسباً لمرور دوريات الأمن، ويعملون على جذب المتسوقين عبر استعراض قدرات بعض هذه "المتفجرات"، ومعها يصبح المار بالسوق كأنه يدخل ساحة معركة بدلاً من السوق الشعبية.

تركي وهو أحد أشهر البائعين في هذه السوق يعرض عينات من بضاعته أمام المتسوقين، وإذا ما قرر الزبون شراء كميات منها يصطحبه إلى مستودعه الخاص في "شنطة" سيارته القديمة التي ركنها عند الحديقة الخلفية بعيداً عن الأعين.

ويؤكد تركي أن هذه الألعاب متوافرة في السوق، مشيراً إلى أنه يشتري هذه الألعاب من مدينة جدة.

وتتراوح أرباح هؤلاء الباعة بين 1000 و2000 ريال يومياً، وغالبية زبائنها من الأطفال واليافعين. يقول نواف الحازمي الذي كان يتجول في السوق: "أصبحت الألعاب النارية جزءاً لا يتجزأ من العيد، خصوصاً لدى الأطفال الذين يدخلون في منافسات لشراء كميات أكبر وإطلاقها في أول أيام العيد خصوصاً في الاستراحات التي تتجمع فيها العائلات".

ويشير عبدالرحمن الدوسري إلى أنه يحرص هو وأصدقاؤه على شراء الألعاب النارية الكبيرة التي تدخل الفرحة والتسلية عليهم في أيام العيد.

لكن استشاري الأطفال وطب العناية المركزة في مستشفى الملك فهد الدكتور خالد الهواشي يحذر من خطورة عبث الأطفال بمثل هذه الألعاب، التي يمكن أن تتسبب بعواقب وخيمة، أبرزها الحروق وإصابات العين، وأخطرها تكون الماء الأبيض أو انفجار العين ما قد يؤدي في بعض الأحيان إلى فقدان البصر تماماً. كما قد تسبب الإعاقة أو بتر جزء من الطرف المصاب.

وبالفعل، استقبلت المستشفيات والمراكز الصحية في الطائف في أول أيام عيد الفطر، نحو 15 إصابة ناتجة عن الألعاب النارية، إضافة إلى 30 إصابة بسبب الحوادث المرورية.

 

[هنوده 66]

حبيبتي

انا ماقلت الالعاب الي خطره

انا قلت العاب ناريه العاديه صح في منها خطره وممنوعه دش الديره بس في انواع عاديه يلعبون فيها الاطفال وماهي ذيك الخطوره فيها

وقاعدين نشوفها بكره

 

[أم تروفه]

موفقة

 

[هنوده 66]

مشكوره حبيبتي

 

[غربــــة اِحساس]

الجمارك ماتتغشمر بالضبطيات للالعاب النارية

ان صادروها مافي مجال تستردينها منهم

 

[هنوده 66]

طيب منو فيكم تقولي ليش متوفره الالعاب الناريه في الاسواق حاليا وماتنقطع عنا اذا الجمارك ماتغشمر

 

[غربــــة اِحساس]

^^^^

حبوبة يدخلونها تهريب من الدول الي حاولينا

وطبعا يكونون مدعسينها وخاشينها

وحتى اذا فرضنا انه تاجر هربها ودخلها الديرة وبدا يبيعها

اقلها تلفون للجمارك او البلدية ياخذونها منه

شوفيهم صوب المخيمات بالبر يبيعونها وعيونهم تتلاقط من الخوف