3أساابيع من غير خدامة...شوفو شصاار فيني ! تجربتي..يمكن تطلعون منها بفايدة

[om MaRyooM]

السلاااااام






طبعا سالفتي سالفة
تنازلت عن خدامتي الاولية عساس وصلت الجديدة
ولما رحت طلع تشااابه اسماء خخخخخخخخخ





المهم
نطرت 3اسابيع

وقعدت من غير خدامة
:eh_s(11):
:eh_s(11):

وخصوصا ان عندي رضيعة .. وبنت اكبر منها الله يحفظهم:yaaaaaarb: وطباخ وتنظيف و..و...اللي ماتخلص
تحبطت طبعا
وبجيت
وسويت هولليــله :rgewrg: هههه


ومشو هالـ 3اسابيع على ماوصلت الحلوة اللي طلبتها


وخل اقوووولكم تجربتي ولأول مررررة اقعد هالمدة مع عيالي من غير خدامة






* طبعا البيت شغله وايد مايخلص
تنظيف
اوتي
تصفيط
طباخ
غسيل
تنشيف
تسبيح اليهال
كل شي كل شي على رااسج

ماكو طلعة ماكو عمات عييييين

مافي وقت لنفسج

والاعصاب .... عليها الســـلام :rerrerek:



بس شنو الايجابيات ؟؟؟؟؟؟؟؟؟؟
:bbbiu:
انا اقولكم



* ماكو عواااار راس :yaaaaaarb: .... وبالتالي ماله داعي البانادول
لأن حشاكم غباء الخدم يجيب الجلطة:eh_s(7):



* البيت أنظف من لما تنظفه الخدامة
ليش
لأني انظفه بظميييير
كل الزوايا وكل شي بظمير
فتحسين البيت يلق :rerrerek:





* ماله داعي اصير المحقق كونان/// لأنج خايفة من الشغالة

انبش واراقب وادور واحلل واكتشف !!
اف صج تعب :eh_s(16):



* اهممممم نقطة
تاخذين رااااااااااااحتج باللبس :bbbiu:
مافي احد يخوووزز فيج
كل الخدم اللي مرو علي كانو يخزوني بشكل فظيع
لدرجة شكيت فيهم شذووذ

اتمشى في بيتي وانا واااثقة من نفسي

مو جني بايقة بوقة !!! :eh_s(10): واخاف احد يطالعني !






* راااحة نفسية ياجماعة
والله البيت عم فيه الهدوء والسلام سبحان الله:eh_s(9):
لأن مافي دخيل عليج
فحسينا انا وزوجي براحه نفسية

حتى اهوا خذا راحته بالقومة بالقعدة باللبس






* خذيت راحتي في ارجاء المنزل
يعني نسهر انا وزوجي مع بعض بالصالة من غير لانحاتي الخدامة ونظرااتها
باختصااار حسيت (البيت بيتي) هههههه







وبالنهااااية

وصلت المحرووووسة وردينا نفس قبل نحاتي ونترقب ونراااقب




نصيحـــة///

بنات اللي مو بحااجة للخدامة لا تجيب (لأني الاحظ في حريم عندهم خدم بس منظر..مال امها داعي) !!

شغل البيت والله مقدور عليه (بتنظيم الوقت) .. خصووووصا اللي ماعندها يهال

انا بصراحة ماجبت الا لما ولدت باول بيبي:bbbiu:

تقدرون تقزرون نفسكم بوحدة تشتغل بالساعات !

واللي عيالها كباار وقد نفسهم .. شماله الخدامة تحط عينها
وجودها ماله داعي في بعض البيوت


بس بالنسبة للبعض (مثل حاااالتي ) لازم وجود الشغالة
لأن انا عندي يهاال صغار لازم اجابلهم فماقدر على شغل البيت
ودوامي مافي اجازات .. حتى الويكند اداوم .. نظام خفارات

يعني وجودها في حياتي (شــر .. لابد منه) :eh_s(16):


وبـــسسسسسس هذا اللي بقيت اقوله
يعني كل وحدة ترااجع نفسها وتشوف هل وجود الخدامة لهالدرجة ظرووووري
وكل وحدة وظروووفها طبعا


انا وحدة لو دوامي مثل الاوادم .. وعيالي الله يخليهم كبار .. كلش مافكر اييب:rgewrg:

بس شنسوي !!!!

الله كريم

وسلامتكمممممممم

 

[Om_Ksha]

هههههه يحليلج خوش موضوع وخوش خلاصه ،، انا نفسج بناتي صغار واحتاجهم

 

[om MaRyooM]

ام كشة

هلا بالغااالية
نورتي حبيبتي

 

[انثى الكويت]

اي جان زين اخلي الخدامه
بس شر لا بد منه وانا موظفه

عالعموم انا ادلع خدامتي مو زياده عاللزوم عشان ما ينعطون ويه

واذا عاللبس البس الي ابيه جنه ماكو خدامه ومعطتها طاااااااااف

وفي امها خير توخزز انا شقتي غرفه الخدامه جدام المطبخ يعني ما تفتر لي بالبيت واذا شفتها بالصاله ولا داشه غرفتيشعندج شحقه


بس والله انا قلت اذا يبت اعيال وكبرو دشو المدرسه او الروضه مابي خدم

احاول انظم وقتي مع ريلي بعد لازم يساعدون لووووووول

وبعدين اكون مرتاحه انوم اليهال من السبع واجي الوقت لي اطلع اروح ارد

 

[om MaRyooM]

انثي

عدل كلامج
وزين تسوين لاتاخذ راحتها وايد

وحرصي باللبس
يما عينهم حارة هذوول


نووورتي ياصديييقتي الصدووق

 

[أم ملاس]

مثل ماقلتي وازيد والله العظيم قطيت فوق ٨كيلو وانا اللي ماخليت رجيم ولاعياده ولا رياضه ماجربتها وكان نزولي بطيئ وكله اصاب باحباط ولما راحت خلال شهر فقدتهم مع انه نفس الاكل ماتغير بس من كثر موو حارقه اعصابي والشغل مايخلص

الظاهر اذا نويت اقط. جم كيلوو بحطها عند امي ...ههههههه

 

[ذات الهمة العالية]

اللهم بارك جزاك الله خير
واحنا ناسين ان فاطمة بنت النبى صلى الله عليه وسلم ما كان عندها خادمة
ولما طلبت من الرسول صللى الله عليه وسلم امرها ان تسبح وتكبر وتهلل قبل النوم 33 مرة
خير لها من خادم


بس من يلتزم بأذكار النوم ؟

 

[ام كوثر2007]

قرة عينج ام مريوم بوصوول المسعده ههههههه


وعسااج تشوفين خيرها ويكفيج شرها حبيبتي

 

[sondos]

السنه اللي فاتت قعدت 6 شهور بدون خدامه وكنت حامل

صج البيت نظييييف وبيرفكت من غير عوار قلب

بس صج مشكلتنا بالزوارات والمواجيب والعزايم ......لا اقدر اخلي العيال بروحهم ولا اقدر اخذهم معاى كل مكان .....يعني لازم نسوي شفتات انا والابو
ولا اقدر ادش بيدي طبق .....لازم اشتري

 

[ليمون ونعناع]

ام مريوم
والله عبالي بس انا اليي ودي بالفكه منهم
ابي بيتي حقي
وصاجه البيبي وشغل البيت يقص الظهر قص
شوفي انا ساكنه عند حمولتي
عشان ارتااح من العيون المبققه ومااصير محقق كونان و مااضطر اجابل الغباء المتعمد قمت انزلها تحت مااخليها عندي واذا رحت الدوام تصعد تنظف وتغسل بس داري و مكرمه حمامي خط احمر مالها شغل فيهم
حتى نةم تنام تحت مع خدامه خالتي
وانا اخذ راحتي جنه ماعندي خادمه
وحاطه جرس اذا ابيها ضروري تساعدني وظهري يعورني اطق لها جرس واتييني
بس لان انا عندي مشكله بالظهر وبيبي بالاشهر والا انا متعوده ببيت اهلي بدون خدامه احنا نتعاون ولا انييب جاسوسه ومحطمه للبيت وعندها طموح وحقد وتهجم البيت

 

[Melazlaza]

ام مريوم بكون صريحة معاج دشيت موضوعج عقب تردد قلت اكيييييبيد كاتبة ان الحياة بدون خدم دمار
لوووول تعقدت من هالمواضيع

بس عقب ماقريت كلامج والله تسلم اناملج
كل كلامج عدل وانا كا تخليت عنهم والحمدلله ظرفي مساعدني مع ان عندي بيبي وحامل بس منظمة وقتي

يمكن وايد يضايقهم رايي بالخدم لان ماجربوا الراحة النفسية بدون خدامة
بس الحمدلله ام مريوم جربتي وعرفتي شنو طعم السعادة بدونهم شعور صعب ينوصف بس الي يجربه يتمنى يعيشه طول العمر

 

[<<لمار>>]

صدقتي وجودهم هم وغثا علي القلب انطر بس ولدي يكبرواستغني عنهم اللي يعافي هالاجهزه كل شي تسوي

 

[ام الحوراء زينب]

ام مريوم ان شاءالله الله يحفظلج بناتج ويكبرون وتفتكين من هالهم
الحمدلله ماعندي خدامه ولا احبهم كلشششششششش ولا مفكره اييب لو امووووت
الله يعطيج العافيه

 

[سوسو حبيبتى]

احب مواضيعك

بحسك بتتكلمي من القلب ..وعلى طبيعيتك

ربنا يسخر لك الخادمه الجديدة ويكفيكي شرها ..وتقدري تستغني عنهاعاجل غير اجل

 

[قرنفله 99]

أنا جربت اقعد بدون خدامة شهر ونص صراحه راحة نفسية عيالي صاروا هادين قبل ولدي مداحر اهو والخدامه البيت هدوء ونظييييف وماخذه راحتي البس علي كيفي بس المشكله ماقدر اطلع كلش أنحرمت من الطلعه مااطلع كلش يعني الخادمة شر لا بد منة

 

[ديانا سبنسر]

صح كلامج بس شر لابد منه

 

[PuPa^^SWeeT]

ام مريووومة صااجة



فعلا الحياة من غير خدم راحة نفسية



انا نفسج يبت الخدامة لما بوولد

و يت قبل شهر من ولادتي


و خليتها عند امي



وفعلا تاخذين راحتج باللبس و السهر و الحياة



الله يعيينا علييهم



تدريين لو احنا نفس الاجانب


نظامنا بالساعات

وايد افضل

اوكي اهيا اتييج ساعة محددة اتنظف و اتسوي و اترووح بعدها بخمس ساعات


و لو عندنا نظام nanny on call



,اايد بعد حلوو


ههههههههههههه



مثل الاجانب ينادون ناس يديرون بالهم عاليهال


ينومونهم قبل الطلعة بس عالاقل في احد بالبيت

 

[om MaRyooM]

تسلمون حبايبي كلكم

نووووووووورتو

 

[أشبـاهـ المطـر]

سـافرت خدامتي بالصيف
شهـرين وصادف رمضان
واحنا عوايدنا كل وحده من حريم
اهل زوجي تسوي الفطور من الى
ودوري كان ايني بعد 3 ايام ..

مابي اشرح معاناتي احتسب الاجر
كان بيوم دوري تيني خدامه امي بعد
عمرري هي وتقعد اجابل بنتي كان عمرها
5 شهور مع اختها الكبيره وتنظف شقتي ..

بالايام العاديه كنت منظمه شغلي
زوجي صرررفت ملابسه للمصبغه
وملابس بناتي كنت اغسلهم واسبعهم
بالغساله مره وحده .. بس الي كان شوي
رافع ضغطي الزباله كرمكم الله مرات خدامة
خالتي تحط روحها غبيه ولا تشيلها ...


بس يوووم يت جنه العيد عندي
طبعاً قبل لا تيي يبت وحده موقته
وسويت جررد وتنظيف عميق
عشان لايت تشووف شغل معزبتها
الشقرديه <<< طـلل ​

 

[أحزان الشروق]

سبحان الله نفس الإيجابيات اللي حسيتي فيها أنا حسيت فيها وبعد ماطفشت منها تنازلت عنها لناس ثانيين وخلاص بلاهم الخدم