3أساابيع من غير خدامة...شوفو شصاار فيني ! تجربتي..يمكن تطلعون منها بفايدة

[<<المها>>]

معروف عدم وجود الخدامه تعب جسدي بس رااااااحه نفسيه وحرية شخصية لابعد الحدود

يعطيج العافيه على هالموضوع وتشجيعنا ..

 

[سمو الغلآ]

اي والله اهي راحححه بسس كرااااااااااف..

 

[أحلى همبه كويتية]

الله يعطيك العافية ام مريومة ويخليلج هالبنوتات الحلوين :eh_s(7):
​

وااااااااااااااااااااي لا احد يقولي خدامة
6 ما شفت منهم الا الخسارة والعيارة ​

كل وحدة تبي شي
واللي طقت عيالي والا تقرص وليدي بالحمام حبيبتي كان عمره شهور
واللي عطت بنتي السجينة عشان تطق اخوها وهو يحبي صغير​

واللي باقت بطاقتي وتفتح الدريشة تغازل من ورانا ​

واللي واللي كل وحدة شي ​

الا اخر وحدة كانت شي
اخذتها مرتجع من مكتب والله اني ما سمعت النصيحة
لأنها مو من المكتب
كنت رايحة المكتب اسأل عن خدامة وانا طالعة لاقتني مرأة الله لا يوفقها دنيا واخره
ومعاها سيلانية مسلمة واقعدت تقول حق المكتب اخذوها ما أبيها
بس كانت كفالتها منتهية ​

ولما سألتها اشفيها
قالت والله خدامتي القديمة ردت
حتي السايق مالها لما انزلت من السيارة كان يزف الخدامة
انا ما ربطت الموضوع حزتها ​

انا صدقتها
وياريتني سمعت نصيحة اللي يشتغل بالمكتب
قالي لا تاخذينها ان اطلعت مو زينة شنو اتسوين ؟؟​

فعلا اقعدت عندي شهر ولما اعرفت اني حولت اقامتها استخفت
قامت ما ترضي تطلع معاي اي مكان ​

واقعدت تشتكي حق امي اني انا اخاف منها على ريلي
خوووووووووش تمثيل
عاد الحمد لله ريلي دين ومن البيت للمسجد
يخلي القمر اللي يمه ويطالعك انتي ؟؟!!! ​

انا القمر هههه ​

امبيييييييييييييييييييييييييييه من هاليوم
قامت اتسوي روحها مينونة بس تطالع فوق وتتكلم بروحها وما توقف الا عند باب غرفتي ​

والله 3 ايام رعب انا اخذ اليهال وابوهم بالدار وانصك على روحنا ​

الحين وين اوديها ؟؟؟
ادق على هالمرة ترد على بينتها تقول امي مسافرة
قلت لها قولي حق امك
انا مو مسامحتها بالدنيا والأخرة لأنها قصت علي بهالخدامة اللي ما أدري اشفيها
واقعدت تستعبط علي بنتها
صرخت عليها وسكرته بويها
صج ماكو ضمير ​

حسبي الله عليها عطيتها 240 دينار
على ابو انها مسلمة واتعرف الشغل ​

قعدت افتر فيها بالمكاتب ياخذونها ما ترضي تنزل من السيارة
والله فرع هالمكتب اللي ماخذتها المرة منه
سحبها الريال سحاب من السيارة وقالي انا اتصرف وادق عليكم
وودوها مكتب ثاني عشان يصرفونها ما رضت تروح اي مكان ​

اخر شي دق علينا قال انا سلمتها السفارة السيلانية عقب ما يننته يقول هذه رسمي مينونة وتمثل
لكن بابداع متقن​

قلنا فكة ةةةةةةةةةةةةةةةةةةةةةةةة​

عقب كم يوم دقوا علينا السفارة تعالوا نبي انعرف الخدامة اشفيها
قلت حق ريلي لاااااااااتروح
لأن قبلها بكم صادف بالجريدة خبر ريال رايح يسأل عن خدامته المنحاشة طاقينه اللي بالسفارة ​

خفت عليه بصراحة ​

خلوووووووووووها تنقع عندهم شهر خاااااااااااست
حجزنا لها تذكرة ووديناها لها وانقلعت
الله لا يردها :rgewrg:​

والله العظيم عقب فترة اشوف الأم بالسوق وسوت روحها ما تعرفني لكن ذكرتها
وقلت لها الله لا يسامحك على هالخدامة اللي بليتيني فيها ​

والله طيرااااااااااااااان اطلعت من المحل ما شفت الا اغبرتها :eh_s(14):​

ومن يومها حلفت ما تدخل اي خدامة البيت
من هول اللي شفته منها ​

صارلي الحين يمكن 6 سنوات
والحمد لله ​

صج تعبانة من كل شي
وامشي واصارخ والنفسية صايرة مثل المطبات الهوائية :bbbiu:

بس والله اليهال مرتاحين :yaaaaaarb:
وانا وابوهم ما نخاف ونافكر خاف احد يسويلنا مصيبة :eh_s(15):​

عيالي اكبروا ومو محتاجة احد يدور وراهم
واذا حملت بحط الياهل بحضانة
والله يعين :eh_s(22):
​

والحين قاعدة ادور على نص دوام
لأن صار فيني ديسك وما أقدر على الشغل والشيل والحط ​

الخلاصة عقب ما سردت قصتي حتي الكل يستفيد ​

نظمي وقتك
عودي العيال على الأقل يساعدون بشي خفيف ​

حتي لو ترتيب الكوشيات على الغنفات كافي
ومع الوقت يتعلمون يسوون بروحهم ​

الحمامات كل يوم ​

التنظيف العميق يوم بالأسبوع
والحمد لله على النعمة ​

ويكافيكم شر الخدم :eh_s(7)::eh_s(7): ​

 

[درة أهل الطولات]

انا ماخذه عهد على نفسي ما تدش خدامه بيتي عقب سالفة عايشة الفليكاوي صراحة مالهم أمان وعسانا دايم في غنى عنهم
اذا ربي رزقني انا راح اجابل عيالي

 

[بيت التوت]

قواج الله ياقلبي واحتسبي الاجر

 

[om MaRyooM]

نورتو والله موضوعي

والله يكفينا شرررهم
وعسى الله يرحم عايشة ويصبر قليب امها بعد عمري
قولو آميـــــــــــن

 

[om MaRyooM]

همبة

مشالله عليج مكااافحة صراحة

الله يعطيج ويعطينا الصبر والقووة

وصراحة سالفتج !!!!!!! غريييبة وعجيبه امبي صج يخرعون الخدم !!!!

 

[ايمان80]

انا اللي ودي علي يوم اشووووتها
احس شي قاعد علي قلبي موقادرة اخذ راحتي بسوالف مع ريلي
او اكل او انسدح بالصالة
وبالنسبة للبس من يت وانا مودعته
قطع تطالع من تحت لتحت
حتي مطبخ ماحب ادخله لما تكون قاعدة فيه

بس شسوي شر لابد منه
وانا 6 سنين بدون خدامة
بس بسبب ضرف صحي وعندي بيبي ودوام
يبتها

حتي لما كنت حامل انا قايمة بشغل البيت
وتنظيفي بذمة وضمير وكانت رياضة حقي سهلت علي الولادة

مو المسعدة خدامتي عيزت واقولها ابي اشم ريحة ديتول وكلوركس بلبيت وانتي تنظفين الارضية
بس تبلل الممسحة وتمسح فيها الشقه كلها لوعت جبدي

لدرجة مرة نفضت شقتي كلها معاها ونظفتها عدل وبنص التنظيف قعدت تتشكى من عوار ظهرها
فقلتلها اي هذا من تنظيفج ( الله بالخير) هذا التنظيف اللي ابيه

بس شسوي شر لابد منه
صارلها اسبوع مادة البوز عسا ماتذبحنني بيوم*

 

[! بــدويه وآآيــد !]

،


انا حامل وصراحه شغل البيت الحق عليه الا الاوتي كلش كلش ما الحق عليه
وما افكر اجيب خدامه مع ان عايلتنا واهل زوجي من تدري الوحده انها حامل على طول خدامه ومنصدمين ان انا ماجبت
ومابي اجيب بقعد انا وزوجي على راحتنا
بس بجيب وحده تجي كل صبح وزوجي بالدوام 3 ايام بالاسبوع حق الاوتي بس لان يهد الحيل : (

والله يعطيج خير خدامتج ويكفيج شرها

 

[باقة ورد]

والله بالنسبة لي انا الزم ما علي راحتي و صحتي لاني اذا بقعد انظف الشقة وارتبها واطبخ و اغسل و اشطف المطبخ و الحمامات و اجابل الصغار والحقهم و اكوي ملابس وهذا غير دوام الصبح بالله متى بجابل نفسي ولا ريلي اكيد من تصير الساعة سبع ولا ثمان الا انا منتهية من التعب وبيصير فيني دسك غير الارهاق..حق شنو كل هذا؟؟؟واشلون بنظم وقتي ليش اليوم جم ساعة فيه؟؟؟ نص اليوم بالدوام و الباجي حق الكراف وين وقت الراحة؟ بصراحة الخدامة نعمة علاقل تساعدني و تشيل عني وتفكني من المطبخ وعوار الراس ..هذا راييي

 

[dandooosh]

اي والله راحة نفسية
أنا جربت قبل سنتين قعدت 4 شهور بدون خدامة بس تعبت لان كان رمضان وولدي كان صغير سنتين طلع عيوني من الشطانه :eh_s(4):

 

[جولينار]

والله انهم شر لابد منه



لو نتقسم الشغل انا وزوجي


مافكر اجيبها

 

[منووله مشعل]

يسلمووووو عالموضوع ...

 

[q8i-lady]

انا معاكم انهم بلوه بس شنسوي :eh_s(16):انا قعدت سنه بدون خدامة بس ما قدرت شلحق عليه وللاسف طلبت اثيوبية قبل سالفة عايشة الله يرحمها أول ما يات كانت زينه عقب شهر بدت تعاند وتستهبل يننتني خاصة انا عصبية ولا اتحمل حاولت اعلمها الطباخ مو راضية اتسوي على طريقتي اتسوي على مزاجها حتى الدياي ما تقطعه بالسجين تستخدم ايدها وين عايشين بالغابه قلتلها اكثر من مره ماكو فايده بعدين فكرت قلت الظاهر ما تبي تطبخ فخليتها اتولي انا اطبخ واذا مالي خلق الله يخلي المطاعم والله مادري شسوي الاقيها اكثر الوقت قاعده وتفوكر ماكو شغل اي ما قتلكم انا ساكنه بشقة فاغلب الوقت ماعندها شغل مرات اقول خل اوديها المكتب ومو لازم خدامه اذا حتى الطباخ ما تطبخ ومرات اتذكر وضعي المزري قبل والمواعين اللي تنطرني بالمطبخ واهون شسوي يا بنات شوروني اردها واطلب هندية والا اهون عن الخدم بالمره والا اخليها اااااااااااااااااااااااااه ادري دوختكم كثر ما انا محتاره:yaaaaaarb:​

 

[*kim*]

الخدم شر لابد منه بحكم الدوامات والزيارات

 

[زوجي توأم روحي]

الحمد لله ان ربى وفقنى وافتكيت من الخدم

قطيعة تقطعهم اجرام وقلة أدب وحسد
ويفرضون سيطرتهم على البيت جنه بيتهم

والجذب طبعا حدث ولا حرج
والبوق

وغيره وغيره

وحتى السحر
وبوق الريال من مرته ما قصروا فيه

وع
وع
وع

 

[" ام حمود "]

أم مريوم صح تاخذين راحتج بدون خدامــة بس والله تعب تعب شغل
البيت ماتقدرين تاخذين نفس .
مثلا انا كان ماعندي خدامه وزهقت شهرين وانا ادور خدامة كل مااطلب وحده
اقعد اسبوعين ويتصلون ويقولون الخدامة تعبانه او فيها شيء وماتبي اتيي
واروح مره ثانيه مكتب الخدم وادور والقى وحده واطلبها وبعد اسبوع والله دقوا قالوا ماتقدر اتيي ماادري شنو فيهاا ..
لاتشوفين نفسيتي تعب والله دراسة ويهال مااشاءالله الله يحفظهم عندي 3 واصغرهم عمره 10 اشهر
والحين حامل يمممممممه صج تعب والله سهالات ان شاءالله ..
وطلبت خدامة مره ثالثه اشششششوى ماطولت اسبوعين ونص اعتقد وصصصصلت وكلولولوش ههههههههههههه
بس والله الحمدالله ع هالنطره صج مريحتني واهيه شايله البيت كله وطباخة بعد

 

[اطباق ماي ورد]

الخدامه وما ادراك ما الخدامه

صج شر لابد منه

انا لو على والله ما تدخل بيتى

بس قدرى وشاء الله ان يصير معاى دسك

ما اقدر احوس بالبيت انظف واطبخ ومجابل يهال

وتدريس واللذى منه

وفوق هذا يبيلج وقت لنفسج ماكوووووو

وعوار القلب والوسواس منها ذابحنى

حتى نومتى بالليل مو براحه احاتى عيالى خاف تسويلهم شى

مو من وحده معينه لا كل الخدم الواحد ما قام يثق باحد الصراحه على اللى نسمعه من مشاكل

الله يعينا بس ويحفظ اعيالنا وبيوتنا من شرهم

 

[Pure Beauty]

ياااااا سلام عليج
والله أنا إنسانه مقتنعه بحياتي من دون خدامه وما همني راي الناس
ومعاج بكل كلمه قلتيها مرتاااااااااحه وإذا على الطلعه أطلع الصبح لما يكونون العيال بالمدارس وسبحان الله كل شي فيه بركه أنا ما أقول إني ظد الخدامه بس للي تحتاجهم جد
ومفكره أجيبها إن شاء الله إذا طلع لنا بيت مو قبل أنا وياها مقابلين وجيه بعض بالشقه وشغلي أخلصه بساعتين وإهي قبل تقعد النهار كله تحوس بالبيت


الله يديم علينا هالراحه

 

[هيللو كيتي]

ياااازين الحياة من غير خدم جربت قعدت بدونها شهر بنتي علي عيني ومتاكدة من كل شي ولا احاتي
بس اللي يحديني عليهم اني اداوم وماافدر اترك الدوام ولا لو بكيفي اول شي اقعد بالبيت واجابل بيتي..،