360 يصرخ يااهل الكويت وين التوعيه حراااااااااااام

[قطوه ورديه]

حبيبتي شفتي اليهال اللي كله مقطوطين مع خدمهم
وتبين توعيه بعد شي غريب بصراحه !!!

 

[خــجــولــه]

صح حرااااااام شنو هذا مجمع ماصارله سنه !!

كلها جم شهر وجذي !!

التوعيه مطلوبه

 

[Forever & Ever]

لاحول ولاقوة الا بالله

اللي سوى هالشي اهله ماعرفو يربونه

تسلمين حبوبه على الصور اللي تعور القلب

 

[om MaRyooM]

اي والله وين التوعية


بصراحة بصراحة العرب مو كفو حظارة !!!

 

[miss_math]

عندج حس وطني ما شاء الله علييج

وزين تسوين انج تبهتي على هالشغلة

 

[Desert-Girl]

حرام والله

 

[<< أزيان >>]

حياكم الله بنات

وايدكم

فعلا

التربيه اهي الاساس

 

[<<لمار>>]

والله كلامج عين العقل لازم نوعى عيالنا ونفهمهم ان الديرة هذى خيرها عليهم ومومقصرة معاهم بولاشى غيرنا يتمنى ربع الذى احنا نحصلة ومايصير نكافئها جذى

 

[ألماس وردي]

مشكورة حبيبتي على الرسالة وان شاء الله توصل لأهلنا والمقيمين على أرضنا

 

[<< أزيان >>]

مشكورين

بنات

على الردود الحلوه اللي تبرد القلب

 

[زيـטּ عَبْس]

شي يحر الصراحه

يعل ايدهم القص كل من يسوي هالفعايل

 

[أوركيد]

والله وين ما نروح قاعدين نشوف اشكال ربي يعلم فيها ..
ومصيبه عليهم مو حارمين نفسهم بس اللي يعور القلب صج اللي قاعدين يسونه ..

وياكثر السعودين عندنا ..

تدرين انج خربتي الموضوع بردج!!!!!

 

[sweet-kamelia]

امبي والله قهرر

 

[almazyona]

حسبي الله و نعم الوكيل

اي والله حرااااااااااام شنو هذا





بس يا بنات يالي قلتوا انه مو عيال ديرتكم؟؟؟؟؟؟؟؟؟؟؟؟





انا اشوف العكس الاجانب دايما مع امهاتهم ومايتمشون بروحهم


ولاتظلمون الكل لأن عيال ديرتنا فيهم الصالح والطالح

كلامج صح 100% و الوافدين مو عن شي بس ماا يتجرؤوون و يخافوون،، بس البلا من عيالنا! مو الكل بس فئة معينة الله يهديهم

 

[دانة-الكويت]

حلوة غيرتج على ديرتج


مشكوووووووووووره


وانشاللله يحسون الاهالي بهالشي

 

[أم الجوري]

انا رحت له مره وحده وضااااااااااااااااااااق خلقي
لو مو حاطين جيان فيه ابرك
ما بقى هندي ولا مصري ولا بنغالى بالكويت مو فيه
وكل واحد فيه جايب العايله كلهاااااااااااااااااااااا

جان خلوا جيان برا
او يسكرون هالدرج المتحرك اللى بين جيان والمول
حرام خربوا المول بدون ما يحسون

 

[Programmer.Girl]

واااي صج شي يحر

 

[شيهانه]

والله وين ما نروح قاعدين نشوف اشكال ربي يعلم فيها ..
ومصيبه عليهم مو حارمين نفسهم بس اللي يعور القلب صج اللي قاعدين يسونه ..

وياكثر السعودين عندنا ..

السعودين اهلنا وتشيلهم اعيونا وقلوبنا قبل ديرتنا .. ما عمرنا شفنا منهم شي كله عوائل يايين زيارات وتسوق ؟؟؟

عيااالنا هيلق ومتفرعنين و الهنووود والباكستانين ملائكه

عندكم سوق شرق من متى فاااتح ...؟؟؟

ومااافي حراااس أمن مثل الأفينيوووز وفيه سينما ومطااعم... ليش ما كسروووه وشققوا الغنفااات ...؟؟؟

لأن مااافي سوبر ماااركت راااعيه هندي مثل جيااان ولولو هايبر وسيتي سنتر ......

عمركم شفتوا هندي قاااعد يشتري من مركز سلطااان ......؟؟؟ لأ تدرون ليش لأن راعيه كويتي(عندهم ولاء مو طبيعي حق بعض مو احنا)

مو هذا مو ضووعنا ...

انا برد على الإخت اللي تسأل بالخط العريض الأحمر وبكل ثقه ليش شايفتهم بعينج برد عليها واقولها ايه بس مو تشقق الكراسي ...

حبيبتي شفتهم تعدووون أحواااض الزرع ويخربووونهم عشااان يصووورووون ... مت قهر

وانا الحين بسئلج نفس السؤااال انتي شفتي عيااالنا ... وهم يشققون الغنفااات ...؟؟؟ لا تقووولين لي المدارس والمحولات والمستوصفااات ... كل دول العالم بدون استثاااء المراهقين يكتبووون على الطوووف على فكره هالظاااهره وااايد خفت ... موضوووعنا عن مجمع 360 والمنظر اللي بالصوووور

مشكووورة على دفاعكعهن عيال ديرتك

ها ؟ ها ؟ ما سمعت ؟؟

حبيبتي قولي وتكلمي وحطي مواضيع من اليوم لي باجر لي عقب باجر لي يوم القيامه

اذا السنع ما يا من الحكومة واهيه الراس العود والمجلس .. إنسي

عيل اليوم ادق على البلديه ابي ابلغ عن واحد موصخ الشارع .. بلديه حولي .. الخط مقطوع ؟؟
شلون خط تلفون جهة حكومية رسمية وضرورية ومهمة مثل البلديه مقطووع ؟
ليش مافي خط ساخن مثل 777 حق هالأمور ؟
جان والله ديرتنا تلق لق مو كل واحد خاصة الوافدين الله يا وصاختهم يتفل ومادري شيقط بالشارع واذا قعدو بمكان على البحر ولا بحديقه ياكل حب ويحذف قشور على الثيل

شهالديره اللي اتييب المرض قطيعه تاخذ هالمسؤولين مايحللون معاشهم مصيبه تاخذ أرواحهم

وانتي تقولين قنفه مشقوقه ؟؟ يبا الشق عوووووووووود عووووووووووووووووود

واذا كان رب البيت للدف ضاربا فشيمه أهل البيت الرقص

إي أنا اسلوبي هجومي بس مو ضد كاتبه الموضوع لأ .. من القهر والواهي اللي صار فيني اليوم من هالديره اللي ودي احط المسؤولين فيها بمشخال واشخلهم عدل اهم وحاشيتهم واييب جدر عملااااق فيه زيت مغلي واحذفهم واحد ورا الثاني
الله ياخذهم => السيئين منهم

مشكوورة على حرصك وغيرتك على ديرتك اختي وصح واااايد ناس ما يهمهم ايحللون معاشاتهم ..

بنت بابا جابر

كلامج عالعين والراس بس هم هالهنود والوافدين فيهم الزين والشين

وهم ماننسى افضالهم والله لوموموجودين جان ديرتنا خاست ولا تبين عيالنا يشتغلون حشاكم زبالين

ولا حماليين يعني ميخالف طولي بالج ياعمري ووسعي صدرج

والاختلاف بالرأي لايفسد للود قضيه

شي طبيعي الناس تختلف بالراي حتى الاهل بينهم وبين بعض ساعات تصير صيحه ونجره بسبة اختلاف الراي

ويرجعون حبايب واخوان ولاجن شي صار

فديتج والله وعيانا مامثلهم ماشاء الله مايحتاج نتكلم عنهم افعالهم وانجازاتهم اهي اللي تتكلم

ومافي شعب بأكمله صالح بكل العالم واحنا موملائكه ومحد معصوم عن الخطأ سواء كويتي او وافد واللي علينا مجرد التذكير



ام خالد

طولي بالج حبيبة قلبي خابره قلبج كبير وروحج مرحه مع ان كلامج قوي بس هم عسل

ماعلي حبيبتي هذي ديرتنا واحنا لازم نتحملها بخيرها وشرها بزينها وشينها اقصد الناس اللي فيها

ولا الكويت حبيبتي كل شي فيها زين واحنا بخير ونعمه ولله الحمد شوفي الدول الثانيه شلون محسرين بشعبهم

ومافي لاديمقراطيه ولا شي لكن احنا والحمدلله اي شخص يقدر يوصل صوته للحكومه عن طريق الاعلام

وعن طريق اعضاء مجلس الامه الله يحفظ ديرتنا ويحميها من كل شر يارب

قولوا امين





كل البنات اللي شاركوا بالموضوع

واللي حتى طلوا

حياكم الله حبايبي ونور الموضوع بطلتكم الحلوه

والله انا اشكرك على حرصك ونقلك لصورة جدا سيئة .. بس انا اخالفك تماما بهل النقطه ماااااااااااالهم اي فضل على الكويتين الي يتفضل على احد اهو الي يسوي شي بدون مقابل اهما ما يخموون ابلاش اهم لهم معاشات ولو احنا دوله فقيره ما شفتي واحد منهم عندنا صح ولا لأ ؟؟

وبناااات نصيحة كل مواااطن خفير .. وخل نقتدي باختنا الي كتبت الموضوع ونحاول نغير كل سلوك سيئ يمر جدامنا ما لازم نسكت ونصير سلبيين لي متى ما نرد الجميل حق ديرتنا الي مو مقصرة معانا ولازم نعين ونعاون حكومتنا ونفسنا وبعض علشااان نصير احسن واحسن

 

[<< أزيان >>]

حياكم الله بنات

من اول الموضوع

وانا اقول

الرجاء عدم التجريح

الرجاء عدم التجريح

الرجاء عدم التجريح

ولالالالالالالالالالاحياة لمن تنادي

ياريت ياحبايبي تراجعون كل كلمه تكتبونها قبل ماتضغطون اضف الرد السريع

الناس اللي سبت واللي عيبت واللي تطاولت على بعض الدول

واهم اهلنا وناسنا ونتشرف بزيارتهم

والله يحيي كل وافد يدخل الكويت

وكل زاير ومقيم

ترا الدنيا دواره وموحلوه انا نتمنن على الوافدين بالاجر اللي ياخذونه مقابل شغلهم وتعبهم وشقاهم

الله مقسم الارزاق كتب عليهم انهم يشتغلون عندنا

تخيلوا لو الله لايقوله احنا مكانهم والناس اللي نشتغل بديرتهم كل ساع ذالينا

ويطالعونا بنظره دونيه ليش عاد والله انا مااشوف انهم اقل منا بشي اذا الواحد يشتغل شغله شريفه ويكسب من وراها اجر

احطه على راسي واقدر مجهوده وله فضل علي لأن لو اهو ماانوجد محد راح يتنازل انه يشتغل مكانه

وانا تأكدلي هالشي من خلال ردودكم ليش انتي قوليلي البنغالي شينقصه عن الكويتي

ايد ولا ريل ماتنقصه الا الماده الفلوس وبس لو الله رازقهم جان تلقين كل من يتقرب لهم ويتمنى رضاهم

ياريت نبطل نشوف الناس بدونيه

والكلام اللي مانحب نسمعه مانسمعه لغيرنا

وهالمنتدى اسمه كويتيات

لكن في خوات لنا من كل الجناسي

احتراما لهم وحرصا على التقيد بدينا الاسلامي واللي وصى عليه الرسول صلى الله عليه وسلم

لافرق بين عربي او اعجمي الا بالتقوى

 

[NoNoFeTa]

هذا مافتح كله بعد توووووه